Թավշյա հեղափոխություն. ինչպե՞ս է այն ազդել ՀՀ տնտեսության վրա

Չնայած ՀՀԿ-ի տարբեր հատվածներ, այդ թվում՝ գործադիր իշխանության ներկայացուցիչներ ու դրա փաստացի ղեկավար Կարեն Կարապետյանը հայտարարում էին, թե բողոքի մասսայական ակցիաները բացասական են ազդում տնտեսության վրա, փորձագետները ներկայացնում են տրամագծորեն հակառակ պատկեր:

«Ընկնում է զբոսաշրջությունը, բիզնեսմենների հետաքրքրությունը, մենք առաջին ամսում ունեինք 16-ից ավելի տոկոս աճ, իսկ հիմա անհայտ է»,- ապրիլի 25-ին լրագրողների հետ հանդիպման ժամանակ հայտարարել էր վարչապետի պաշտոնակատար Կարեն Կարապետյանը: Մինչ այդ ՀՀ-ի տնտեսության վրա ներքաղաքական ճգնաժամի բացասական ազդեցության մասին զգուշացրել էին նաեւ ֆինանսների ու տնտեսության զարգացման եւ ներդրումների նախարարությունները:

Փորձագետները, վերլուծելով պաշտոնական տվյալները, վստահ են, որ տնտեսությունում խուճապ չկա, ավելին՝ ձեւավորվում են դրական սպասումներ: Միեւնույն ժամանակ Հայաստանի տուրօպերատորները մտահոգություն են հայտնել, որ ներքաղաքական անկայուն իրավիճակը ստիպել է շատ զբոսաշրջիկների՝ չեղարկել նախապես արված ամրագրումները: 

«Շանթ» հեռուստաընկերությանը տված հարցազրույցում վարչապետ Սերժ Սարգսյանը հայտնել էր, որ վերջին գրեթե բոլոր 10 տարիներն աչքի են ընկել ներքին կամ արտաքին անկայունությամբ և միայն 2017-ն էր, որ բողոքի ցույցեր չկային, իսկ այդ տարի գրանցվեց 7.5 տոկոս տնտեսական աճ։

Նման հայտարարությունները պատճառ դարձան Հայաստանի տնտեսության «ուկրաինականացման» վերաբերյալ վախերի առաջացման համար: «Մայդանի» հաղթանակից հետո անգամ այդ ժամանակվա Օդեսայի նահանգապետ Սահակաշվիլին հայտարարեց, որ Ուկրաինայի տնտեսությանը հարկավոր է 20 տարի՝ մինչհեղափոխական տնտեսական ցուցանիշներին հասնելու համար:

Տնտեսական մեկնաբան Բաբկեն Թունյանը վստահ է, որ բողոքի զանգվածային ցույցները չեն հանգեցրել Հայաստանից կապիտալի արտահոսքի եւ տնտեսությունում խուճապ չկա: Նման եզրահանգում նրան թույլ է տալիս անել հայկական դրամի փոխարժեքի կայունությունը: «Հայաստանից կապիտալի արտահոսք այս օրերին չկա. ի դեպ, կարող եք ծանոթ բանկիրների հետ էլ խոսել: Դրամի փոխարժեքը կայուն է»,- նշեց Թունյանը եւ հավելեց, որ սին են հայկական բիզնես շրջանակներում խուճապի մասին լուրերը:

Հայաստանի ընդդիմության առաջնորդ Նիկոլ Փաշինյանը Սերժ Սարգսյանի հրաժարականի օրը հստակ ուղերձ հղեց «ճամպրուկներ հավաքող» գործարարներին՝ նշելով, որ ՀՀ-ում ատելության մթնոլորտի էջը փակված է եւ վենդետա չի լինելու:

«ՀՀ-ում ատելության մթնոլորտի էջը փակված է: Դիմում եմ բոլոր նրանց, ովքեր մտածում են, թե այս հեղափոխությունը թշնամական է իրենց նկատմամբ: Նրանք, ովքեր ճամպրուկներն են հավաքում կամ մտածում են հավաքելու մասին՝ քաղաքացիներ, գործարարներ, մտածում են, թե սկսվելու է վրեժխնդրություն ու վենդետա և ուզում են կապիտալը հանել ՀՀ-ից, կասեմ հետևյալը. մի արեք այդ բանը, որովհետև վենդետա չի լինելու»,- հայտարարեց Նիկոլ Փաշինյանը:

Բաբկեն Թունյանը վստահ է, որ կայուն վիճակում են նաեւ ՀՀ-ի արտաքին ֆինանսական պարտավորությունները: «Հայկական եվրաբոնդերը չեն արժեզրկվել»,- հայտարարեց նա՝ փաստացի նշելով, որ քաղաքական ռիսկերը չեն ազդել երկրի ֆինանսական համակարգի ու պարտավորությունների վրա։

Այնուհետեւ նա «ապակոդավորեց» մասնագիտական բառապաշարն ու ավելի «մարդկային լեզվով» բացատրեց իրավիճակը: «Հայկական բիզնեսը պանիկայի մեջ չէ։ Փողերն ափալ-թափալ չեն հանում Հայաստանից՝ ցույցերի պատճառով։ Հայաստանում սպասումները դրական են, քաղաքացիները հավատում են վաղվա օրվան, լավատես են։ Հա, ու մեկ էլ Կենտրոնական բանկը նորմալ աշխատում է։ Եվրաբոնդերի կայունությունը նշանակում է, որ Հայաստանի նկատմամբ օտարերկրյա ներդրողների վստահությունը չի նվազել»,- պարզաբանեց նա։

Նույն կարծիքին է տնտեսագետ Մեսրոպ Առաքելյանը: «Կենտրոնական բանկի օրական հաշվետվություններից պարզ երևում է, որ հեղափոխության ամբողջ ընթացքում Հայաստանի ֆինանսական համակարգը գտնվում է կատարյալ կայունության մեջ, ինչպես նախկինում»,- վստահեցեց նա։

Մեր տեղեկություններով՝ կայուն է վիճակը նաեւ առեւտրային բանկերում: Թեպետ ավանդատուները չեն շտապում հանել իրենց փողերը բանկերից, սակայն Կենտրոնական բանկն ապահովության համար բարձրացրել է բաների լիկվիդայնությունը՝ նոր միջոցներ ներարկելով բանկային համակարգ:

Հաշվի առնելով ՀՀ-ում բիզնես-քաղաքականություն «դիֆուզիայի» բարձր աստիճանը՝ այնուամենայնիվ այս ընթացքում կլինեն պաշտոնյա-բիզնեսմեններ, որոնց ընկերությունները խնդիրների կբախվեն: Սա բնական է, քանի որ մինչ այդ, նրանք սերտաճած էին պետության հետ եւ պետական միջոցները ծառայեցնում էին անձնական հարստացման համար:

«Նախկին պաշտոնյաների ֆինանսական վիճակի վատթարացումը որևէ կապ չունի երկրի ֆինանսական համակարգի հետ», - նշեց Բաբկեն Թունյանն ու կրկին վստահեցրեց. «Այնպես որ, խուճապ չկա՝ ինչքան էլ մի քանի սովորաբար զգուշավոր ու լռակյաց գործարարներ էս օրերին բլբուլ կտրած բողոքեն, թե «ցույցերի պատճառով խնդիրներ ունենք»»:

Ընդհակառակը, նա կարծում է, որ ցույցերի պատճառով օրվա հացի խնդիր կարող է ունենալ շարքային արհեստավորը, բայց ինքը չի բողոքում, որովհետև հասկանում է՝ «ավելի լավ է մի քանի օր նեղություն քաշի, բայց իր երեխան նորմալ երկրում մեծանա»։

Ամենակարևորը, ըստ Բաբկեն Թունյանի՝ այն է, որ բիզնեսի, տնտեսության, ներդրողների վրա շատ վատ բացասական ազդեցություն կարող է ունենալ մենակ մի բան՝ ուժի կիրառումը կամ արտակարգ դրության հայտարարումը։ «Մինչ այս պահը ինչ կատարվել է, միանշանակ դրական մեսիջ է դրսի ներդրողներին ու տուրիստներին, որի էֆեկտը կզգացվի հանգուցալուծումից կարճ ժամանակ անց»,- եզրափակեց Թունյանը։

Տպագրվել է «Հայկական ժամանակ» օրաթերթի ապրիլի 27-ի համարում:

Տպել
8333 դիտում

Երևանի մի քանի հասցեում վթարային ջրանջատում է

Նիկոլ Փաշինյանը հետևել է Սպիտակ-Վանաձոր ճանապարհահատվածի հիմնանորոգման աշխատանքներին (տեսանյութ)

Նախկին իշխանության, ընդդիմության, ընդհուպ հոգևոր դասի անդամներ լծված են ժողովրդին մանիպուլացնելու գործին. Հովհաննիսյան

Մի քիչ շոգելու ենք. Սուրենյանը նորություն է հայտնել

Շատ լավ լուր Հայաստանի, Ադրբեջանի և ողջ Հարավային Կովկասի համար. Շվեդիայի ԱԳ նախարարը՝ սահմանազատման մեկնարկի մասին

«Մերսեդես»-ը հայտնվել է Գյումրիի քաղաքապետարանի աստիճաններին. վարորդը պահանջ է ներկայացրել (լուսանկարներ)

Վարչապետը կառավարության աջակցությունն է խոստացել 350 գլուխ խոշոր եղջերավոր անասուն ունեցող ֆերմային (տեսանյութ)

Խոշոր վթար Երևանում. բախումից հետո մեքենաներից մեկը հարվածել է սյանը, 3 մարդ հոսպիտալացվել է (լուսանկարներ)

Սահմանազատման ընթացքում որևէ գյուղ չի զրկվի ճանապարհից. վարչապետը՝ մեկնարկած գործընթացի մասին (տեսանյութ)

Սահմանազատումը եղել է նաև Բրյուսելում քննարկումների առանցքում. Շառլ Միշել

6-7 բալ ուժգնությամբ երկրաշարժ Իրանում. ցնցումները զգացվել են Սյունիքի մարզում

Երևանում տղան կտրել է մոր վիզը և գնացել ու նետվել Կիևյան կամրջից. երկուսն էլ մահացել են

Ադրբեջանն ու Ռուսաստանը համաձայնության չեն եկել, Բաքուն դեմ է գնացել խաղաղապահների ներկայությանը ԼՂ-ում. Հովհաննիսյան

Շառլ Միշելը ողջունել է Ալմա Աթիի հռչակագրի հիմքով սահմանազատման պայմանավորվածությունը

Խախտումների մասին որոշումը էլեկտրոնային ծանուցման եղանակով ստանալու դեպքում տուգանքի գումարը կնվազի 20 տոկոսով

Մերձմոսկովյան Բալաշիխայում ադրբեջանցի գործարար է սպանվել

Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող (տեսանյութ)

Ստեփանավանի թիվ 1 հիմնական դպրոցում վարչապետը ծանոթացել է խնդիրների վերացման աշխատանքներին (տեսանյութ)

Մեքենան դուրս է եկել հանդիպակաց երթևեկելի գոտի, բախվել քարերին, հայտնվել ձորակում. ընտանիքի 3 անդամ հիվանդանոցում է

Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ

Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան

Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը

Վերին Ծաղկավանի անտառում շունը ընկել է մոտ 15 մ խորության ձորը

Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ

Թե երբ կլինի, կոնկրետ ոնց, այս պահին չեմ կարող ասել․ Փաշինյանը՝ ՌԴ նախագահի հետ հանդիպման հավանականության մասին

Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել

Ես ուզում եմ, որ մենք ճիշտ գնահատենք, թե ինչ է տեղի ունեցել․ վարչապետը խոսել է սահմանազատման մասին (տեսանյութ)

ԱՄՆ դեսպանատան հարևանությամբ «BMW» է այրվել

Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)

37-ամյա կինը շենքում գտնվող տղային իր փոխանցելիս ընկել է հորը

Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա

Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ

Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված

Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան

Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան

Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ

Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)

3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)

Տյումենում ջրհեղեղի գոտուց երկու հազարից ավելի մարդ է տարհանվել

Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան