Դատարանն այսօր որոշեց փաստաբան Գայանե Գալոյանին ազատել կալանքից

Կաշառք ստանալուն օժանդակելու մեջ մեղադրվող փաստաբան Գայանե Գալոյանն այսօր Երեւան քաղաքի ընդհանուր իրավասության դատարանի (Կենտրոնի նստավայր) դատավոր Մեսրոպ Մակյանի որոշմամբ կազատվի կալանքից: Դատարանն այսօր նրա նկատմամբ սահմանեց գրավ՝ 700 հազար դրամի չափով:

Նրա պաշտպան Անժելա Հոբոսյանն այսօր Գայանե Գալոյանին գրավով ազատ արձակելու միջնորդություն էր ներկայացրել: Նա նշել էր, որ իր պաշտպանյալը չի խոչընդոտել գործի քննությանը, բացի դա չի կարող ճնշում գործադրել վկաների նկատմամբ, քանի որ վերջիններս սույն գործով արդեն իսկ հարցաքննվել են: Բացի դա նրա խոսքով՝ Գալոյանը մի շարք խրոնիկ հիվանդություններով է տառապում` արյան բարձր ճնշում, բրոնխիալ ասթմա, տեսողության վատթարացում եւ մի շարք այլ հիվանդություններ։ «բանտային պայմաններում գտնվելու դեպքում իրական վտանգի տակ է դրվում Գայանե Գալոյանի ոչ միայն առողջությունը, այլեւ՝ կայնքը: Հետեւաբար ըստ պաշտպանական կողմի մտահոգության այդ հիվանդությունները անհամտեղելի են պատժի կրման հետ»,- ասաց Անժելա Հոբոսյանը:

Միջնորդության դեմ առարկեց մեղադրող դատախազ Արամ Մնացականյանը՝ գտնելով, որ դեռ առկա են Գայանե Գալոյանին կալանքի տակ պահելու հիքմերը

Դատարանը հեռացավ խորհրդակցական սենյակ եւ մեկ ժամ անց վերադառնալով, որոշեց բավարարել միջնորդությունը եւ գրավի դիմաց ազատ արձակել Գայանե Գալոյանին: Դատավոր Մեսրոպ Մակյանի այս որոշումը դահլիճում ներկա գտնվողներն ընդունեցին ծափահարություններով:

Ըստ մեղադրանքի՝ Քննչական կոմիտեի Էրեբունի եւ Նուբարաշեն վարչական շրջանների քննչական բաժնում քննվող քրեական գործով անցնող որդու օգտին գործողություններ կատարելու համար քաղաքացի Բաբկեն Գասպարյանը քննիչ Միքայել Զադոյանին եւ բաժնի պետի տեղակալ Բունիաթ Եղիազարյանին փաստաբան Գայանե Գալոյանի օժանդակությամբ տվել է առանձնապես խոշոր չափի կաշառք: 

Համաձայն գործի նյութերի՝ Բաբկեն Գասպարյանի որդուն՝ Սոս Գասպարյանին վերագրված 112-րդ հոդվածով նախատեսված արարքը՝ դիտավորությամբ առողջությանը ծանր հարված հասցնելը, պետք է վերաորակվեր Քրեական օրենսգրքի 116-րդ հոդվածի՝ անհրաժեշտ ինքնապաշտպանության հոդվածով: Քաղաքացին քննիչ Միքայել Զադոյանին առաջարկել է 3000 ԱՄՆ դոլար կաշառք, որն ընդունվել է։

Մեղադրանքի համաձայն՝ քննիչը նույն բաժնի պետի տեղակալ Բունիաթ Եղիազարյանի հետ նախնական համաձայնությամբ Բաբկեն Գասպարյանի որդու՝ Սոս Գասպարյանի օգտին իրենց լիազորությունների շրջանակում գործողություններ կատարելու դիմաց փաստաբան Գայանե Գալոյանի օժանդակությամբ եւ միջոցով Բաբկեն Գասպարյանից ստացել են առանձնապես խոշոր չափերով կաշառք:

Փաստաբան Գայանե Գալոյանն ու քննիչ Զադոյանը իրենց առաջադրված մեղադրանքը չեն ընդունում։ Զադոյանը գտնվում է կալանքի տակ:

Տպել
2413 դիտում

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)