Նախորդ շաբաթ Հայաստանի Ազգային ժողովն ընտրեց երկրի նախագահ, Բարձրագույն խորհրդի կազմ եւ Սահմանադրական դատարանի անդամ: Վերջին պաշտոնը բաժին հասավ արդեն նախկին պատգամավոր, ԱԺ պետաիրավական հանձնաժողովի նախկին նախագահ Հրայր Թովմասյանին: ՀՀԿ-ականները տեղը տեղին Թովմասյանին ճանապարհեցին խորհրդարանից դեպի Սահմանադրական դատարան: Անգամ ԱԺ ամբիոնից Հրայր Թովմասյանին նվիրված ձոն հնչեց, գործընկերները գովեցին ու առիթը բաց չթողեցին նշել, որ նա լավագույնն է ոլորտում: Ընդդիմադիր ԵԼՔ խմբակցության ղեկավար Նիկոլ Փաշինյանը եւս մասնակցում էր Հրայր Թովմասյանի «մեծարման ցերեկույթին»: Փաշինյանը նշեց, որ Թովմասյանից հետաքրքրվել է, թե նա եղե՞լ է ընդդիմադիր Ժառանգություն կուսակցության հիմնադիր ու վարչության անդամ, բայց ստացել է բացասական պատասխան:

«Հայկական ժամանակ»-ի հարցին ի պատասխան Ժառանգություն կուսակցության կենտրոնական գրասենյակից տեղեկացրին, որ Հրայր Թովմասյանը ոչ միայն եղել է Ժառանգություն ընդդիմադիր կուսակցության անդամ, այլ նաեւ 2005 թվականին կուսակցության երրորդ համագումարի ժամանակ ընտրվել է վարչության անդամ: Գրասենյակից նաեւ տեղեկացրին, որ նա 2005 թվականին դուրս է եկել կուսակցությունից, որովհետեւ իշխանական թեւից առաջարկ է ստացել` ընդգրկվել Սահմանադրական բարեփոխումներ իրականացնող հանձնաժողով:

2007-2012 թվականներին Ժառանգություն կուսակցության անդամ Ստյոպա Սաֆարյանն էլ ՀԺ-ի լրագրողի հետ զրույցում ներկայացրեց մի քանի վարկած, որոնք ակտիվ շրջանառվել են Թովմասյանի՝ Ժառանգությունից դուրս գալուն զուգահեռ եւ համարվել հիմնական պատճառ: Մասնավորապես, Սաֆարյանն ասաց, որ 2003 թվականին տեղի ունեցած նախագահական ընտրություններին Ժառանգություն կուսակցության նախագահ Րաֆֆի Հովհաննիսյանը որոշել է չմասնակցել, որպեսզի Արդարություն դաշինքին չխանգարի, սակայն Թովմասյանը եւ այլ կուսակիցներ դեմ են եղել Հովհաննիսյանի այդ որոշմանը եւ պնդել են, որ մասնակցեն նախագահական ընտրություններին: Ստացվում է, որ Հրայր Թովմասյանը, որն այժմ իշխանության ջրաղացին ջուր է լցնում, նախկինում էլ նույն ակտիվությամբ ցանկացել է պայքարել իշխանության դեմ: Այնուհետ, տեղեկացանք, որ 2005 թվականին, երբ հանրապետությունում Սահմանադրական փոփոխություններ են տեղի ունեցել, Ժառանգությունը ներկայացրել է փոփոխությունների իր տեսլականը, որի մշակման գործում մեծ ներդրում է ունեցել Թովմասյանը: Սաֆարյանի փոխանցմամբ՝ Ժառանգության ներկայացրած դրույթները ինչ-որ չափով ընդունելի են եղել, սակայն չգիտես ինչու, Թովմասյանը միավորվել է իշխանության համար սահմանադրական բարեփոխումներ ներկայացնող Վարդան Պողոսյանի հետ եւ առաջ է տարել ՀՀԿ-ի տարբերակը:

Սա էլ հանդիսացել է պատճառ, որ ներքին խռովություն առաջանա Ժառանգության ղեկավարության եւ Հրայր Թովմասյանի միջեւ: Ժառանգություն կուսակցության նախկին անդամ Ստյոպա Սաֆարյանը նաեւ նշեց, որ Հրայր Թովմասյանը եղել է այն մարդկանց շարքում, որոնք նախաձեռնել են Ժառանգության ստեղծումը:

Հրայր Թովմասյանի ինքնակենսագրականներից, որոնք հասանելի են պետական գերատեսչությունների պաշտոնական կայքերում, խմբագրված են կյանքի ընդդիմադիր տարիները: Նա ՀՀԿ-ին անդամակցել է 2012 թվականից, բայց մինչ այդ Սերժ Սարգսյանի հրամանագրով նշանակվել է ՀՀ արդարադատության նախարար, իսկ այժմ իր ոտքը պնդացրեց նաեւ ՍԴ-ում: Չի բացառվում, որ նա շուտով լինի նաեւ ՍԴ նախագահ:

Ի դեպ, երբ 2013-ին Ժառանգությունը ՍԴ-ում վիճարկում էր ընտրության արդյունքները, Հրայր Թովմասյանը պաշտպանում էր Սերժ Սարգսյանի շահերն ընդդեմ Րաֆֆի Հովհաննիսյանի: Այդ առիթով էլ Թովմասյանը News.am-ին տված հարցազրույցում խոստովանում է՝ մեծ ներդրում ունի Ժառանգություն կուսակցության ծրագրի եւ կանոնադրության ստեղծման հարցում:

Նյութը տպագրվել է «Հայկական ժամանակ» օրաթերթի մարտի 6-ի համարում:

Տպել
39668 դիտում

Տիգրան Ավինյանն ընդունել է ԱՄՆ դեսպանին․ քննարկվել են մի շարք հարցեր

Վարչապետը վերահաստատել է Հայաստանի ակտիվ համագործակցության պատրաստակամությունը՝ ի նպաստ ԵԱՏՄ հետագա զարգացման

Ստեղծվել է 10-15 րոպեում Թբիլիսյան խճուղուց Դավթաշեն կամ Զովունի հասնելու հնարավորություն

Նայելիս տանջվում էինք, ասես՝ մեր գրածն ու նկարածը չլիներ․ Նարինե Դովլաթյանի նոր երգը՝ նվիրված հայ մարտիկներին

Գագիկ Ծառուկյանը վաղը կայանալիք հանրահավաքից առաջ հրավիրվել է ԱԱԾ՝ լրացուցիչ հարցաքննության

Առաջիկա օրերին ՀՀ 3 մարզերում եղանակը ցրտելու է, առանձին վայրերում սպասվում են տեղումներ

Գողթանիկ գյուղում վայրի արջի քոթոթը խճճվել էր ցանցավանդակների մեջ. օգնել են մասնագետները (լուսանկարներ)

Օժանդակություն ստանալու համար արցախցիները պետք է մինչեւ դեկտեմբերի 20-ը էլեկտրոնային դիմում ներկայացնեն

«Հայկական ժամանակը» փնտրում է լրագրողների

Հետպատերազմյան փուլում քաղպաշտպանությունը դրված է որպես առաջնահերթ խնդիր․ ՀՀ ԱԻՆ փոխնախարար

Ֆրանսիայի խորհրդարանի և՛ ստորին, և՛ վերին պալատների միասնական դիրքորոշումը խորհրդանշում է Ֆրանսիայի վճռական բողոքը. ԱԳՆ

Ստեփանակերտում, Ասկերանի տարածքում կկատարվի չպայթած զինատեսակների վնասազերծում

Արագածոտնի, Կոտայքի, Շիրակի մարզերում մառախուղ է, Եղվարդ քաղաքում տեղում է թույլ ձյուն

Պատերազմի ընթացքում առաջնագիծ է մեկնել ՀՀ ԱԻՆ-ի 227 հոգանոց կամավորական խումբ․ Արմեն Փամբուխչյան

Համազասպ Դանիելյանը թվարկեց այն առանցքային փոփոխությունները, որոնք նախատեսվում են «Կուսակցությունների մասին» օրինագծով

Հայաստանում հավատարմագրված դիվանագիտական ներկայացուցչությունների ղեկավարների հետ հանդիպում է տեղի ունեցել ԱԳՆ-ում

Զառիվայրից ընկել է երկաթուղային գծերի վրա

Արայիկ Հարությունյանը հերքում է ԵՊՀ ռեկտորի պաշտոնում իր հնարավոր նշանակման մասին լուրերը

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Ադրբեջանի գործողությունները նոր վտանգներ են ստեղծել. Արա Այվազյանի ելույթը՝ ԵԱՀԿ նախարարական հանդիպմանը