7 տոկոս դրայվով. Կարեն Կարապետյանի կառավարության մեկ տարվա ցուցանիշները

ՀՀ ազգային վիճակագրական ծառայությունը երեկ ներկայացրել է 2017 թ. սոցիալ-տնտեսական իրավիճակը բնութագրող նախնական ցուցանիշները: Սրանք Կարեն Կարապետյանի վարչապետության մեկ ամբողջական տարվա ցուցանիշներն են:

Թե ինչպիսի ցուցանիշներ է ապահովել Կարեն Կարապետյանի կառավարությունը՝ պարզ երեւում է հետեւյալ գծապատկերներից:

Տնտեսական ակտիվության ցուցանիշ (ՏԱՑ)

Այս ցուցանիշը ՀՀ-ում հաշվարկվում է 2011 թվականից եւ շատ պատկերավոր ասած՝ փոխարինում տնտեսական աճի ցուցանիշին: Սովորաբար այն շատ մոտ է ՀՆԱ աճի ցուցանիշին: Ինչպես երեւում է գծապատկերից, անցած տարվա ՏԱՑ-ը ամենաբարձրն է 2011- ից ի վեր:

Արդյունաբերություն

Արդյունաբերությունը 2017 թվականին աճել է 12.6 տոկոսով: Դրանից բարձր աճ այս ճյուղում եղել է 2011 թվականին` 13.9 տոկոս: Բայց այստեղ մի նրբություն կա: Մեր արդյունաբերության աճի հիմնական «շոգեքարշը» պղնձի հանքաքարն է: Եթե աշխարհում պղինձը թանկանում է, դա ավտոմատ կերպով հանգեցնում է արդյունաբերության ոլորտի աճին: 2017-ին 2016-ի համեմատ պղինձը թանկացել է 30-35 տոկոսով, ինչը, անշուշտ, նպաստել է, որ  ստացվի բարձր ցուցանիշ: Բայց 2011-ին դրան նախորդած տարվա համեմատ պղինձը թանկացել էր 40-45 տոկոսով: Այլ կերպ ասած, եթե հաշվի առնենք այս հանգամանքը, ապա 2017-ի աճը  ավելի «ծանրակշիռ է» թվում: 

Գյուղատնտեսություն

Այս ոլորտում Կարեն Կարապետյանի կառավարության ցույց տված ցուցանիշները շատ վատն են՝ գրանցվել է 3 տոկոսի անկում: Գործող պաշտոնյաները դա բացատրում են վատ եղանակային պայմաններով, իսկ ոչ պաշտոնապես դրան ավելացնում են, թե հիմա վիճակագրական հավելագրումներ էլ չեն արվում, կամ ավելի քիչ են արվում, քան նախկինում: 

Առեւտուր

2017 թվականին առեւտրի ծավալների աճը վերջին տասը տարիների կտրվածքով ռեկորդային է՝ 14 տոկոս: Բայց այս ցուցանիշի մեջ եւս կան նրբություններ: Համադրելով այս ռեկորդային աճը մի քանի այլ ցուցանիշների հետ, կարելի պնդել, որ իրականում այսպիսի ֆիզիկական աճ չի եղել: Ամենայն հավանականությամբ՝ այսպիսի ցուցանիշը ստացվել է մեծածախ եւ մանրածախ առեւտրում ստվերի կրճատման, այսինքն՝ հաշվառման ավելի բարձր մակարդակի շնորհիվ: Դա պարզ է դառնում, երբ հաշվի ենք առնում, որ այս ընթացքում բնակչության իրական եկամուտները շատ չեն աճել, իսկ հարկեր ավելի շատ են հավաքվել, ինչը, իհարկե, դրական երեւույթ է:

Ծառայություններ

Այս ոլորտում եւս գրանցվել է վերջին տասը տարվա ռեկորդը՝ 14.4 տոկոս: Սա նույնպես վատ ցուցանիշ չէ, բայց նույնպես ունի իր նրբությունները: Անցած տարեվերջին պարզվեց, որ ծառայությունների ոլորտում նման փայլուն ցուցանիշը արձանագրվում է կազինոների հաշվին:

Արտահանում

2017 թվականին նախորդ տարվա համեմատ արտահանումը աճել է 25.2 տոկոսով: Սա առաջին հայացքից զիջում է 2010 թվականի 46.6 տոկոսին: Բայց իրականում 2010-ին այսպիսի աստղաբաշխական ցուցանիշ ստացվեց, քանի որ 2009 թվականին արտահանումը նվազել էր մոտ 33 տոկոսով: Պետք է նշել, որ ֆիզիկական ծավալներով 2017-ին ՀՀ-ից արտահանվել է 2.2 միլիարդ դոլարի ապրանք, ինչը ավելի քան 2 անգամ գերազանցում է 2010 թվականի ցուցանիշը: 

Մի խոսքով, զուտ թվաբանական տեսանկյունից, կարելի է արձանագրել, որ Կարեն Կարապետյանի կառավարության «դրայվը» որոշակի արդյունքներ է տվել: Այդ ցուցանիշները «որակական» տեսանկյունից, իհարկե, այնքան էլ ոգեւորիչ չեն: Բայց դա առանձին թեմա է:               

Վերլուծությունը հրապարակվել է «Հայկական ժամանակ» օրաթերթի հունվարի 26-ի համարում:

Տպել
3971 դիտում

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)

Դեկտեմբերի 1-ին բեռնատարների համար կբացվեն հայ-վրացական սահմանի Բագրատաշեն-Սադախլո և Գոգավան-Գուգութի անցակետերը

Նախարարի պաշտոնը ստանձնել եմ բարդագույն իրավիճակում և ժամանակաշրջանում. ԿԳՄՍ նախարարը խորհրդակցություն է անցկացրել

Արա Այվազյանը հեռախոսազրույց է ունեցել Մոլդովայի արտաքին գործերի և եվրոպական ինտեգրման նախարար Աուրելիո Չոկոյի հետ

ԱԱՏՄ-ն Հյուսիսային պողոտայի խանութների պատասխանատուներին հանձնարարել է հրատապ վերացնել առկա կուտակումները

Հայկ Չոբանյանը հերքել է լուրերը, իբր Տավուշի որոշ գյուղեր անցնում են Ադրբեջանին

ՀՀ-ում գտնվող Արցախի քաղաքացիներին աջակցող միջոցներ կտրամադրվեն

Վարդենիս-Սոթք ավտոճանապարհին մեքենաներ են բախվել. կան տուժածներ

Զինվորական դատախազը Տանյա Լոքշինայի հետ քննարկել է գերիների և քաղաքացիական անձանց իրավունքների պաշտպանության խնդիրները

Ժամկետային զինծառայողների ծնողները զինվորների կեցության հետ կապված մտահոգություններ են հայտնել Նիկոլ Փաշինյանին

Հայկական տիրույթում հայտնիների անունից կեղծ գրառումներ են տարածվում. արձագանքել պետք չէ

ԱԱՏՄ-ն մտահոգիչ խախտումներ է արձանագրել Կոտայքի և Գեղարքունիքի մարզերում

Աննա Հակոբյանն այցելել է Հայրենիքի պաշտպանի վերականգնողական կենտրոնում բուժում ստացող տղաներին (լուսանկարներ)