Ես եմ ֆինանսավորում. Սերժ Սարգսյանի օգնականը՝ մոր ռեստորան, գործարան կառուցելու մասին

Սերժ Սարգսյանի օգնական Ավետիս Բերբերյանը Կոտայքի մարզի Արզնի համայնքում գարեջրի գործարան եւ ռեստորան է կառուցում: Գործարանի եւ ռեստորանի կառուցման պատվիրատուն, «Հետք»-ի փոխանցմամբ, «Բիթեր Ռիվեր» ՍՊԸ-ն է, իսկ  իրավաբանական անձանց պետական ռեգիստրի տվյալների համաձայն, նշյալ ՍՊԸ-ի բաժնետերերից մեկը Եղիսաբեթ Շմավոնյանն է՝ Ավետիս Բերբերյանի մայրը: Տիկին Եղիսաբեթը թոշակառու է, 68 տարեկան:

«Հայկական ժամանակ»-ը նախագահի օգնական Ավետիս Բերբերյանից հետաքրքրվեց, թե ի՞նչ միջոցների հաշիվն է նրա մայրը նման ներդրումներ կատարում, արդյո՞ք հնարավոր է պետական համակարգում աշխատելով խոշոր դրամական միջոցներ կուտակել:

«Ֆինանսական միջոցներ կուտակել եմ մինչեւ պետական կառավարման համակարգում պաշտոն ստանձնելը, որոնք արտացոլված են իմ հայտարարագրերում՝ 2011 թվականից սկսած: Ընտանիքիս անդամներից կնոջս, որդուս եւ մասնավորապես՝ մորս կողմից կատարվող ներդրումների համար ֆինանսավորման աղբյուր են հանդիսանում բացառապես իմ կողմից տրված նվիրատվությունները եւ ներգրավված վարկային միջոցները, որոնք նույնպես կարտացոլվեն 2017 թվականի հայտարարագրերում»,- «ՀԺ»-ի գրավոր հարմանն ի պատասխան նշել է Բերբերյանը:

Բերբերյանը Սերժ Սարգսյանի օգնականն է 2011 թվականից, մինչ այդ ղեկավարել է իր սեփական «Կայմ» հեռուստաընկերությունը: Այն, որ Բերբերյանն ասում է, թե միլիարդները կուտակել է մինչեւ Բաղրամյան 26 տեղափոխվելը կատարած աշխատանքի հաշվին, հավանաբար նկատի ունի հ/ը-ի բիզնեսի ղեկավարումը:

Ավետիս Բերբերյանի ունեցվածքի մասին տեղեկություններ նախորդ՝ 2017 թվականի մասին առայժմ չկան բարձրաստիճան անձանց էթիկայի հանձնաժողովի պաշտոնական կայքում: Սակայն 2016-ին ներկայացված հայտարարագրից տեղեկանում ենք, որ Բերբերյանն ունի 20 մլն դրամ արժողությամբ TOYOTA FJ-CRUISER 4.0 մակնիշի մարդատար ավտոմեքենա: Այս ժամանակահատվածում նա իր հաշվին ունեցել է 110 հազար ԱՄՆ դոլար, իսկ եկամուտը կազմել է 80 մլն դրամ: Այն գոյացել է աշխատավարձից, վարձակալության դիմաց ստացած վճարներից:

Այս ժամանակահատվածում Բերբերյանի թոշակառու մայրը 50 մլն դրամ նվիրատվություն է ստացել: Բերբերյանի՝ «ՀԺ»-ին ուղարկված գրավոր պատասխանից ստացվում է, որ այս գումարը մոր՝ Եղիսաբեթ Շմավոնյանի հաշվին փոխանցել է հենց ինքը՝ Ավետիս Բերբերյանը:

Նյութը տպագրվել է «Հայկական ժամանակ» օրաթերթի հունվարի 25-ի համարում:

Տպել
10727 դիտում

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր

Հրդեհ Խաշթառակ գյուղում. այրվել է մոտ 5000 քմ բուսածածկույթ

Իրանում ՀՀ դեսպանատունը ժամանակավորապես դադարեցնում է հյուպատոսական բաժնի աշխատանքը

Հայաստանի եւ Արցախի ՄԻՊ-երն այցելել են Արցախի Ռազմական ոստիկանություն, ՔԿՀ եւ զինհոսպիտալ

Արմեն Սարգսյանը շնորհավորական ուղերձ է հղել Ճապոնիայի կայսր Նարուհիթոյին

Ստեփանծմինդա-Լարս ավտոճանապարհը փակ է բեռնատարաների համար, 656 բեռնատար կա կուտակված

Որեւէ ուժ Հայաստանում բռնապետություն հաստատելու ռեսուրս չունի

Կեղծ ահազանգ. «Զվարթնոց» օդանավակայանում պայթուցիկ սարք չի հայտնաբերվել

ԱԳ նախարարությունը ՀՀ քաղաքացիներին հորդորում է զերծ մնալ Իրան այցելելուց

8 բալանոց երկրաշարժ՝ Իրանում. ցնցումները զգացվել են Հայաստանի տարածքում

Հակոբ Արշակյանը Աբու Դաբիում ներկայացրել է տարածաշրջանային տեխնոլոգիական կենտրոն դառնալու Հայաստանի նպատակը

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան