Ավելի հաճախ մեկնեք Շվեյցարիա, գուցե շվեյցարական ժամացույցների դետալներ արտադրենք

Մինչ Դավոսի համաժողովին հասնելը Շվեյցարիա մեկնած ՀՀ վարչապետ Կարեն Կարապետյանը Ցյուրիխում հանդիպել է Շվեյցարիա-Հայաստան առեւտրային պալատի ներկայացուցիչների եւ շվեյցարացի գործարարների հետ:

Հանդիպման ժամանակ վարչապետը հետաքրքիր մի քանի ցուցանիշներ է ներկայացրել: Ըստ վարչապետի՝ Հայաստանի եւ Շվեյցարիայի միջեւ ապրանքաշրջանառությունը 2017 թ. ընթացքում աճել է մոտ 3.5 անգամ: Պաշտոնական տվյալների համաձայն, դա այդպես է: Ընդհանրապես հայ-շվեյցարական տնտեսական հարաբերությունները շատ հետաքրքիր են: Թերեւս, շատերի ուշադրությունից վրիպել է այն փաստը, որ Շվեյցարիան ՀՀ արտահանվող ապրանքների առումով խոշորագույն գործընկերներից է: Ավելի կոնկրետ՝ 3-րդը Ռուսաստանից եւ Բուլղարիայից հետո: Հայաստանից արտահանվող ապրանքների մոտ 12 տոկոսը ուղղվում է Շվեյցարիա: Ավելին: Շվեյցարիան այն հատուկենտ երկրներից է, ուր մենք շատ ավելին ենք արտահանում, քան ներկրում ենք: Անցած տարվա 11 ամիսների տվյալներով մենք Շվեյցարիա ենք արտահանել 237 մլն դոլարի ապրանք, բայց ներկրել ենք այնտեղից միայն 78 մլն-ի ապրանք:

Այլ կերպ ասած, առաջին հայացքից հայ-շվեյցարական տնտեսական հարաբերությունները իդեալական են մեզ համար: Ու այս տեսանկյունից, կրկին առաջին հայացքից, շատ տարօրինակ է փաստը, որ մեր բարձրաստիճան պաշտոնյաները Շվեյցարիա են մեկնում միայն, ասենք, հայ-ադրբեջանական հանդիպումների մասնակցելու համար: Իսկ բուն հայ-շվեյցարական տնտեսական հարաբերությունների շուրջ այցերը, մեղմ ասած, չափազանց հազվադեպ են: ՀՀ վարչապետը վերջին անգամ Շվեյցարիայում էր եղել 2002 թ., երբ այդ պաշտոնում հանգուցյալ Անդրանիկ Մարգարյանն էր: Հայ-շվեյցարական տնտեսական հարաբերությունները արտացոլող պաշտոնական ցուցանիշների ֆոնին սա տարօրինակ է թվում: Եթե մեր երկու տնտեսությունները միմյանց նկատմամբ այսպիսի հետաքրքրություն ունեն, ուրեմն, պատկերավոր ասած, ՀՀ վարչապետը շատ հաճախ պետք է մեկներ Շվեյցարիա: Նույնիսկ կարող ենք մոտավոր հաշվարկել, թե որքան հաճախ: Եթե մեր ապրանքների 24 տոկոսը արտահանվում է ՌԴ, ու ՀՀ վարչապետը պայմանական ասած, տարեկան 10 անգամ գնում է Ռուսաստան, ապա տարեկան առնվազն 5 անգամ էլ պետք է գնա Շվեյցարիա, որովհետեւ այդ երկիր է արտահանվում մեր ապրանքների 12 տոկոսը:

Բայց այս ամենը՝ առաջին հայացքից: Իրականում ցուցանիշները այնքան չեն արտացոլում բուն պատկերը: Ապրանքաշրջանառության 3.5-անգամյա աճը, որի մասին խոսել է Կարեն Կարապետյանը, պայմանավորված է միայն ու բացառապես պղնձի հանքաքարի  եւ ոսկու արտահանմամբ: Եթե այս երկու ապրանքները հանենք հաշվարկներից, ապա Հայաստանից դեպի Շվեյցարիա արտահանումը նախորդ տարվա համեմատ ոչ միայն չի աճել, այլեւ նվազել է: Ու այս տեսանկյունից մեր տնտեսական բլոկի պաշտոնյաների անտարբերությունը Շվեյցարիայի նկատմամբ լրիվ հասկանալի է:

Այդուհանդերձ, երեկ ՀՀ վարչապետ Կարեն կարապետյանը շվեյցարացի գործարարների հետ զուտ տնտեսական խոսակցություն է ունեցել ու առաջարկներ արել:  «Եթե ինձ հարցնեք, թե կոնկրետ որ ոլորտում դուք պետք է ներդրում կատարեք, ապա ես կպատասխանեմ, որ կան մի շարք ոլորտներ. գյուղատնտեսություն եւ գինեգործություն, ՏՏ եւ բարձր տեխնոլոգիաներ, զբոսաշրջություն, դեղագործություն, ենթակառուցվածքներ, էներգետիկա եւ հանքարդյունաբերություն, ոսկերչություն եւ ակնագործություն, ժամագործություն եւ այլն: Այո, Հայաստանը չափերով փոքր է, բայց Հայաստանով անցնող շուկաները շատ ավելի մեծ են: Հայաստանը ԵԱՏՄ անդամ է, որն իրենից ներկայացնում է 180 միլիոնանոց ընդհանուր շուկա եւ տնտեսական միություն»- մասնավորապես ասել է Կարեն Կարապետյանը: Որքանով է սա հետաքրքրում շվեյցարացի գործարարներին՝ դժվար է ասել:

Օրինակ, անցած տարվա առաջին 9 ամիսներին Շվեյցարիայից ՀՀ տնտեսության մեջ ներդրումների ընդհանուր ցուցանիշը բացասական է: Այսինքն, ոչ միայն ներդրումներ չեն եղել, այլեւ նույնիսկ կապիտալ է արտահոսել Շվեյցարիա:

Չնայած սա էլ չի արտացոլում իրական պատկերը: Խնդիրն այն է, որ Շվեյցարիան օֆշորային գոտի է, եւ պաշտոնական ձեւակերպմամբ՝ շվեյցարական ներդրումները իրականում հայկական ծագման փողեր են, որոնք այստեղից անօրինական ճանապարհով գնացել են Շվեյցարիա եւ այնտեղից վերադարձել են որպես օտարերկրյա ներդրումներ եւ ուղղվել են հիմնականում հանքարդյունաբերության մեջ:

Իհարկե այնպես չէ, որ զուտ շվեյցարական եւ պատկերավոր ասած՝ որակյալ ներդրումներ մեր տնտեսության մեջ չեն իրականացվել: Օրինակ Հայաստանում արտադրվում են ժամացույցների կորպուսներ եւ տարբեր դետալներ, որոնք արտահանվում են հենց Շվեյցարիա: Աշխարհահռչակ ու բրենդային շվեյցարական  ժամացույցների մի զգալի մասը պատրաստվում է Հայաստանում արտադրված դետալներից: Այլ կերպ ասած, եթե ցանկություն լինի, մենք կարող ենք նույնիսկ շվեյցարական ժամացույցների դետալներ արտադրել:

Հոդվածը հրապարակվել է «Հայկական ժամանակ»-ի հունվարի 24-ի համարում:

Տպել
4455 դիտում

Սևանի ՃՈ անշարժ պահակակետի հարակից տարածքում հետախուզվող է հայտնաբերվել

Արցախում կորոնավիրուսի 4 նոր դեպք է հաստատվել. ստացիոնար բուժում է ստանում 30 վարակակիր

Սյունիքում երեկվա ակցիայի մասնակից 8 անձ է բերման ենթարկվել. կա ձերբակալված

Խոշոր քարաթափում հայ-իրանական սահմանի Մեղրիի լեռնանցքի հատվածում. ճանապարհահատվածը երկկողմանի փակ է

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ

ԱԻ նախարարի պաշտոնակատար Անդրանիկ Փիլոյանը Մոսկվայում հանդիպել է ՌԴ և Բելառուսի ԱԻ ղեկավարների հետ (տեսանյութ)

Հրդեհներ Երևանում, Արմավիրի և Գեղարքունիքի մարզերում. այրվել են շենք-շինություններ, մեքենաներ

Ռուսաստանի Դաշնությունը 3.2 մլն դոլար կհատկացնի Հայաստանին. Interfax

Սյունիքի և Գեղարքունիքի սահմանային որոշ հատվածներում ստեղծված իրադրությունը դեռևս չի հանգուցալուծվել. ՊՆ

ՀՀ տարածքում ավտոճանապարհներն անցանելի են

Արման Թաթոյանն աշխատակազմի հետ մեկնել է Գեղարքունիքի մարզ. կիրականացվի փաստահավաք աշխատանք

Վերին Շորժայի ուղղությամբ ադրբեջանցիների կողմից հայ զինծառայողներին շրջափակման մեջ վերցնելու լուրերը կեղծ են. infocheck

ԱՄՆ պետքարտուղարության պաշտոնյան մեկնել է Իսրայել, շարունակվող հրթիռակոծությանը զուգահեռ, սահմանին բողոքի ցույցեր էին

ՄԻՊ-ն առաջարկում է առաջ տանել Սյունիքի և Գեղարքունիքի շուրջ անվտանգության գոտի ստեղծելու հայեցակարգը

Ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել. Նիկոլ Փաշինյան

ԱՄՆ պետդեպարտամենտը սադրանք է համարում Հայաստանի սահմանին Ադրբեջանի գործողությունները

Պիկասոյի «Պատուհանի մոտ նստած կինը» կտավը վաճառվել է 103 մլն դոլարով (լուսանկար)

ԱՍՀ նախարարությունում կայացել է միջգերատեսչական հանձնաժողովի նիստ

Արտաքին ագրեսիվ գործողության դեպքում ներքին քաղաքականությունը պետք է մեռնի, առաջարկում եմ ձևավորել կոնսենսուս. Ռուբինյան

Հայ-ադրբեջանական սահմանի իրավիճակի հարցով ՀԱՊԿ-ում առաջիկա օրերին քննարկումներ կլինեն

Ազգային ժողովն Ադրբեջանի գործողությունները դատապարտող հայտարարություն ընդունեց

ԱԻՆ փրկարարները ձեռք են բերել զինվորական հմտություններ. ռազմական համալսարանում նրանց հավաստագրեր են հանձնվել

Քաղաքացիական հասարակության կազմակերպությունների հայտարարությունը Հայաստանի տարածքային ամբողջականության խախտման մասին

Զինծառայողը երեկ ինքնակամ թողել էր զորամասի տարածքը և վերադարձել տուն, հաջորդ օրը ավտոտնակում հայտնաբերել են նրա դին. ՔԿ

Կարեն Գիլոյանը Լոռու մարզպետի ուղեկցությամբ ծանոթանում է մարզական ոլորտի խնդիրներին և զարգացման հնարավորություններին

Փոխանակ թշնամու ուղղությամբ լինեն ձեր կրակոցները,իշխանության ուղղությամբ են կրակոցները լինում. Սիմոնյանը՝ ընդդիմությանը

Ավելի քան վստահ եմ, որ Ամերիաբանկի առաջնային հրապարակային տեղաբաշխումը մեծ հաջողություն կունենա. Սաբինե Գաբեր

Այսօր թուրքը եկել, հասել է Սյունիք, հելել իրար ենք քննադատում. Սասուն Միքայելյան

Մհեր Գրիգորյանը և Քուբադ Թալաբանին քննարկել են տարբեր ոլորտներում փոխգործակցության զարգացման հնարավորությունները

Կախված իրավիճակից հնարավոր է ՀԱՊԿ խորհրդի նիստ կայանա. Արմեն Գրիգորյան

Կան տեղեր, որտեղ ադրբեջանական ԶՈՒ-ն լքել է հայկական տարածքները. Փաշինյանը բացատրեց՝ ինչու երեկ չի դիմել Պուտինին

Բունդեսթագի «Դաշինք 90/Կանաչներ» խմբակցությունը դատապարտել է Հայաստանի սահմանին Ադրբեջանի ապօրինի գործողությունները

Տիկին Զոհրաբյան, Զանգեզուրը իշխանությունները չեն հանձնել, չեն էլ հանձնելու. Անդրանիկ Քոչարյանը՝ Նաիրա Զոհրաբյանին

Նախընտրական քարոզչության հետ ասոցացվող ճանաչված պաստառները ենթակա են վերացման․ ԿԸՀ

Այսօր բանակցություններին միացել է Ռուսաստանի 102-րդ ռազմաբազայի ներկայացուցիչը իրենց աշխատանքային քարտեզներով. Փաշինյան

ՀԱՊԿ խորհրդի գործող նախագահ Էմոմալի Ռահմոնի կողմից արդեն իսկ տրվել են համապատասխան կարգադրություններ

Բուհերի վերաբերյալ Կառավարության նոր որոշումը Մանկավարժական համալսարանի ռեկտորը փիլիսոփայական է համարում

Հայկ Չոբանյանը ընդունել է Իրաքյան Քուրդիստանի փոխվարչապետին

Եթե ռուսները կանգնած չլինեին սահմանին, ինչքա՞ն ադրբեջանցիները կգային առաջ. Արման Աբովյան

Նիկոլ Փաշինյանն Ազգային ժողովում Սյունիքի հարցով արտահերթ ելույթ է ունենում