«Ազատություն» ռադիոկայանի «Ֆեյսբուքյան ասուլիս» հաղորդման շրջանակներում ԱԺ ԵԼՔ խմբակցության ղեկավար, պատգամավոր Նիկոլ Փաշինյանը պատասխանել է օգտատերերի հարցերին: Ստորեւ ներկայացնում ենք պատգամավորին ուղղված հարցերը եւ Փաշինյանի պատասխանները:

Մաքսիմ Ասատրյան, ֆեյսբուքյան օգտատեր. Պարոն Փաշինյան, ո՞րն է անվստահության պատճառը ժողովրդի կողմից, նորից Ձեզ միակ ընդդիմադիր ո՞ւժն եք համարում:

Նիկոլ Փաշինյան, ԱԺ ԵԼՔ խմբակցության ղեկավար, պատգամավոր. Ճիշտն ասած, ես չհասկացա, թե ինչ նկատի ունի՝ ասելով, որ ժողովրդի վստահություն չկա մեր նկատմամբ: ԵԼՔ դաշինքը ժողովրդի ամենավստահելի քաղաքական ուժն է, եթե հարգելի օգտատերը նկատի ունի, որ կան մարդիկ, որ անվստահություն ունեն, դրա պատճառներից մեկը կարող է լինել այն, որ մենք որոշել ենք, որ տրորված ճանապարհով չենք գնալու եւ ՀՀ-ում ընդդիմադիր քաղաքական գործունեություն ծավալելու համար ձեւավորվել են որոշակի կլիշեներ, եւ մենք որոշել ենք չմտնել այդ կլիշեների մեջ: Եթե ուզում եք այդ կլիշեների մասին խոսենք, ապա ընտրություններից հետո շատ է խոսվում, թե մենք ինչո՞ւ Սահմանադրական դատարանում չվիճարկեցինք արդյունքները: Ես ուզում եմ հիշեցնել, որ մենք այլ ճանապարհով ենք գնացել եւ ընտրություններից առաջ ենք վիճարկել, դիմել ենք դատարան՝ ՀՀԿ-ի մասնակցությունը չեղարկելու համար: Մեր խնդիրը չէ, որ դիմենք ինչ-որ մարմնի, մենք ասում էինք՝ սիրելի ժողովուրդ, եթե հիմա գաք եւ հարյուր հազարներով շրջապատեք ԿԸՀ-ի շենքը, ուրեմն իրենք կքննարկեն ՀՀԿ-ին ընտրություններից զրկելու հարցը, եթե չէ, ուրեմն՝ չէ:

Օգտատեր Գեղամ Ադյան. Դուք 120 հազար քվե եք ստացել Ազգային ժողովի ընտրություններում, բայց, ըստ Ձեզ, հարյուր հազարավոր մարդիկ պետք է դուրս գան իշխանափոխության գնալու համար: Չե՞ք կարծում, որ դեմագոգիա է:

Նիկոլ Փաշինյան. Հարգելի պարոն Ադյան, մենք ու՞մ որոշումը պետք է ի կատար ածենք իշխանափոխության գնալու համար: Մարդ կա, ասում է՝ ատոմային ռումբն է որոշում: Այն ժողովուրդը, որ մեզ ընտրել է, ընդհանուրի 8 տոկոսն է, իշխանափոխության որոշում պայմանական կարող է կայացնել 51+1 տոկոսը: Մեկը կարո՞ղ է բացատրել՝ մենք ուզում ենք ժողովրդի իշխանություն հաստատե՞լ, թե՝ Սերժ Սարգսյանի խունտայի իշխանությունը փոխարինենք Նիկոլ Փաշինյանի խունտայի իշխանությամբ: Սա պետք է լավ հասկանանք, ես չեմ ուզում խունտա լինել: Երբ ժողովուրդը կայացնի որոշումը, ցուցադրի այն, ես պատրաստվում եմ այն ի կատար ածել:

Գեղամ Ադյան. Սերժ Սարգսյանը բռնապե՞տ է:

Նիկոլ Փաշինյան. Սերժ Սարգսյանը մի մարդ է, որ իշխանության է եկել 2008 թվականից՝ արյամբ: Դրանից առաջ նա իշխանության է եկել պետական հեղաշրջմամբ՝ 98 թվականին, դրանից հետո 2013 թվականին՝ նախագահական ընտրությունները կեղծելով, դրանից հետո 2017 թվականին՝ ՀՀ քաղաքացիներին համատարած ընտրակաշառք բաժանելով: Սերժ Սարգսյանն իշխանությանը ապօրինի գտնվող մարդ է: Ես իրեն բռնապետ չեմ անվանի, որովհետեւ Սերժ Սարգսյանն այնքան չկա, որ ինձ բռնաճնշումների ենթարկի, եթե նա բռնակալն է, ես էլ բռնակալվա՞ծն եմ: Ես ինձ միշտ լիարժեք եմ զգացել, որպես քաղաքացի, լրագրող, քաղաքական գործիչ, այդ թվում նաեւ՝ բանտում:

Ֆեյսբուքյան օգտատեր. Հայաստանում կա՞ն քաղբանտարկյալներ:

Նիկոլ Փաշինյան. Այո: Անդրիաս Ղուկասյանը, Շանթ Հարությունյանը եւ նրա խումբը քաղբանտարյկալներ են: Ես ինչու՞ հստակ չեմ ասում, որ «Սասնա ծռերը» քաղբանտարկյալներ են: Երկու պատճառ կա: Առաջինը, որ իրենք իրենց անվանել են ռազմագերի եւ զենքի կիրառումը խնդիր չէ, խնդիրն այն է, որ կան զոհված քաղաքացիներ, կան սպանված քաղաքացիներ, եւ այստեղ որոշակի բարդություններ են առաջանում: Ես ասում եմ, որ կան մարդիկ, ովքեր պետք է լինեին բանտում, բայց քաղաքական դրդապատճառներով ազատության մեջ են եւ այս քաղաքական համատեքստում «Սասնա ծռերը» եւս քաղբանտարկյալներ են:

Ֆեյսբուքյան օգտատեր. Եթե վարչապետի թեկնածու առաջադրվեն Կարեն Կարապետյանը եւ Սերժ Սարգսյանը, ԵԼՔ-ը ու՞մ կսատարի:

Նիկոլ Փաշինյան. Ինչու՞ ԵԼՔ-ը պետք է ընտրություն կատարի նրանց միջեւ, այսինքն, Հանրապետականը պետք է մեկ է՝ ընտրվի՞: Ընտրությունների ժամանակ էլ են այդպես անում՝ հանրապետական եւ հանրապետական

Վարդգես Գասպարի. Պարոն Փաշինյան, հունվարի 19-ի երթը ինչո՞վ էր ՀԱԿ-ի տասնյակ երթերից առավել:

Նիկոլ Փաշինյան. ՀԱԿ-ի երթերը չպետք է հակադրել ԵԼՔ-ի երթերին, որովհետեւ այդ տասնյակ երթերից որոշ տասնյակներում ես կազմակերպիչ եմ հանդես եկել: Հետո՝ երթի լավի ու վատի խնդիրը չէ, ես ձեռք եմ բերել փորձ եւ այն կիրառում եմ: Երթի լավ ու վատը ո՞րն է, հարսանիք չէ, որ ասենք՝ մեկի սեղանին սեւ իկրա կար, մյուսին՝ կարմիր:

Գեւորգ Բաբախանյան. Նիկոլ Փաշինյանը Հայաստանի Ժիրինովսկին է:

Նիկոլ Փաշինյան. Ես իմ անուն ազգանունը ունեմ, ՀՀ քաղաքացի եմ, ԱԺ պատգամավոր Նիկոլ Փաշինյանն եմ: Նոր անունների չեմ ձգտում:

Տպել
5489 դիտում

System of a Down-ը նոր երգերի միջոցով մեկ միլիոն դոլար է հավաքել Արցախին աջակցելու համար

Ռուստամ Մուրադովն անձամբ այցելել է Ադրբեջան, հանդիպել հայ ռազմագերիների հետ, մեզ տրամադրել նրանց անունները. ԱՀ նախագահ

Արցախում ստուգվել է խմելու ջրի որակը. հերքվել են բնակչության մտահոգությունները

Հայազգի համաշխարհային աստղերը կոչ են անում գերությունից ազատել հայ ռազմագերիներին. Fox 11 Los Angeles

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ

Ընդդիմությունը վարչապետին հեռանալու համար մինչեւ երեքշաբթի օրը ժամանակ տվեց, այլապես կդիմեն անհնազանդությունների

Հանրահավաքի մասնակիցները երթով շարժվում են դեպի կառավարական ամառանոցներ

Վազգեն Մանուկյանը ներկայացրեց առաջարկվող ժամանակավոր կառավարության առաջնահերթությունները

Արսեն Թորոսյանը հանդիպել է վիրավոր զինծառայողների

Օրենքի խախտմամբ հավաքներ անցկացնելու համար ընդհանուր առմամբ մեղադրվում է 35 անձ

Լևոն Տեր-Պետրոսյանն իր մտահոգությունն է արտահայտել ներքաղաքական թեժացող գործընթացների առնչությամբ

Գագիկ Ծառուկյանն ԱԱԾ-ում է. հրապարակում նրա անունից խոսք կարդաց Իվետա Տոնոյանը

Խնածախ համայնքի տարածքում տեղի կունենա հայտնաբերված զենք-զինամթերքի վնասազերծում

Սյունիքի մարզի քաղաքային համայնքների ղեկավարները պահանջում են Նիկոլ Փաշինյանի հրաժարականը

Նիկոլ Փաշինյանի հրաժարականի պահանջով հանրահավաք Ազատության հրապարակում. մարդկանց խմբեր տանելու ահազանգեր են հնչում

Ստեփանակերտի Վերածննդի հրապարակում կայացել է նոր ռեանոմոբիլների նվիրատվության արարողությունը

Երեւանի Սարալանջի խճուղում բախվել են 4 մեքենաներ. կա զոհ եւ տուժածներ

Ավարտվել են Կապան քաղաքի «Սյունիք» օդանավակայանի վերականգնման աշխատանքները

Վրաերթի ենթարկված 57-ամյա կինը հիվանդանոցում մահացել է

Ապարան եւ Չարենցավան քաղաքներում ձյուն է տեղում, «Չայնիի ոլորաններ»-ում մառախուղ է