Վերնիսաժի սպանության գործով խաղալիք զենք է անցնում, որը որոնել ու չեն գտել

2017 թվականի սեպտեմբերի 14-ին Երեւանի կենտրոնում՝ Թուֆենկյան հյուրանոցի մոտ հնչած կրակոցների գործով մեղադրյալ 60-ամյա Ռաֆիկ Խաչատրյանը լրացուցիչ հարցաքննվել է: Նախաքննական մարմնի կողմից նրա կալանքը եւս երկու ամսով երկարաձգելու միջնորդություն է ներկայացվել դատարան:

Տեղեկությունը մեր զրույցում հաստատեց նրա պաշտպան Մարինե Ֆարմանյանը: Միջնորդությունը դատարանը կքննի մոտ օրերս: 60-ամյա Ռաֆիկ Խաչատրյանի կալանքը երկարաձգվում է արդեն երկրորդ անգամ:

Այդ օրը՝ Թուֆենկյան հյուրանոցի մոտ հնչած կրակոցներից հրազենային վիրավորում էր ստացել քրեական հեղինակություն ալավերդցի Վահագն Աբգարյանը, իսկ նրա ընկերը՝ 43-ամյա Գարիկ Մոսինյանը սպանվել էր: Ըստ պաշտոնական տեղեկատվության՝ սպանությունը ծրագրված է եղել նախապես. ըստ այդմ՝ գործով որպես մեղադրյալ են ներգրավվել Ալավերդու բնակիչներ Ալբերտ Բլբուլյանը, Արմեն Կարադավիդովը եւ Երեւանի բնակիչ Ռաֆիկ Խաչատրյանը: Նրանց նկատմամբ հայտարարվել է հետախուզում: Ռաֆիկ Խաչատրյանը հայտնաբերվել էր սեպտեմբերի 22-ին՝ Կոտայքի մարզում, իսկ մյուս երկուսը՝ 2017 թ. հոկտեմբերի 29-ին հայտնաբերվել են Վրաստանում: Նրանց դեռ Հայաստան չեն տեղափոխել:

 - Տիկին Ֆարմանյան, ի՞նչ փուլում է գործով նախաքննությունը, ավարտի մասին տեղեկություններ կա՞ն:

- Ավարտի վերաբերյալ դեռ որեւէ տեղեկատվություն չունեմ:

- Այս ընթացքում ձեր պաշտպանյալի մասնակցությամբ ի՞նչ քննչական գործողություններ են արվել:

- Հարցաքննություններ են եղել, վերջերս մեկ լրացուցիչ հարցաքննություն է եղել:

- Լրացուցիչ հարցաքննության ժամանակ Ռաֆիկ Խաչատրյանը նոր հանգամանքներ հայտնե՞լ է:

- Ես իր դիրքորոշումը սպառիչ հայտնել եմ այն ժամանակ, երբ իրեն ոչ գեղեցիկ ձեւով՝ սեւ գլխաշորով, թեւերը ոլորելով բերման էին ենթարկել: Նա նշում է, որ դեպքին մասնակցություն չունի, անձնական կապեր կամ անձնական վրեժ այդ անձանց (տուժողների,-հեղ.) հանդեպ չունի:

- Իսկ իր մասնակցությամբ առերես հարցաքննություն եղե՞լ է, մասնավորապես՝ տուժող Վահագն Աբգարյանի հետ:

- Ոչ, չի եղել:

- Տիկին Ֆարմանյան, ամիսներ առաջ բարձրաձայնել էիք ձեր պաշտպանյալի առողջական խնդիրների մասին, լուծում ստացա՞ն այդ խնդիրները:

- Առողջական խնդիրների մասով, լեղապարկի եւ լյարդի հետ կապված խնդիրներ ուներ, գլխացավեր: Բազմիցս քրեակատարողական հիմնարկին դիմել եմ հետազոտության ենթարկելու համար, սակայն տեւական ժամանակ բժշկական հետազոտությունների չէր ենթարկվում: Մի կերպ հասանք նրան, որ նրան հետազոտեցին, հիմա բուժումներ են նշանակել, տեսնենք ինչ արդյունք կտա:

- Իսկ ի՞նչ եք կարծում, եթե հետախուզվողներին տեղափոխեն Հայաստան, նույն վարույթում կքննե՞ն, թե ձեր պաշտպանյալի մասով գործից մաս կանջատեն:

- Դեռ մաս չի առանձնացված, բայց կարծում եմ զուտ տեխնիկական տեսանկյունից, որ մարդուն անորոշ ժամկետով անազատության մեջ չպահեն, ողջամիտ կլինի, որ իմ պաշտպանյալի մասով մաս առանձնացվի: Եթե նրանց մոտ ամիսներին չտեղափոխեն Հայաստան, ապա նախաքննության մարմինն էլ կարծում եմ կգնա այդ քայլին:

- Ավելի վաղ մեր զրույցում նշել էիք, որ ձեր պաշտպանյալի մոտ զենք եղել է, բայց ոչ իրական: Ըստ ձեր պաշտպանյալի ցուցմունքի՝ դեպքից հետո նա այն նետել է Հրազդանի կիրճը: Հայտնաբերվե՞ց այդ ոչ իրական զենքը:

- Նա մասնակցել է քննչական փորձարարության ու տեղը նշել, թե որտեղ է այն նետել, բայց զառիվայր տեղ էր, ժայռոտ, հետեւաբար հնարավոր չէր այդ պայմաններում ինչ-որ բան գտնել, չնայած նախաքննական մարմինը փորձարարության ընթացքում որոնողական միջոցառումներ ձեռնարկեց, սակայն զենքը չհայտնաբերվեց:

- Ասացիք, ոչ իրական, այսինքն՝ ձեր պաշտպանյալը դեպքի օրը իջե՞լ է մեքենայից եւ խաղալիք զենքո՞վ է եղել:

- Այո, դա իր դիրքորոշումն է, ինքն այդպես է ցուցմունք տալիս:

Ռաֆիկ Խաչատրյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 6-րդ և 7-րդ կետով՝ (մի խումբ անձանց կամ կազմակերպված խմբի կողմից շատերի կյանքի համար վտանգավոր եղանակով սպանություն), ՀՀ ՔՕ 34-104-րդ հոդվածի 2-րդ մասի 1-ին կետով (երկու կամ ավելի անձանց սպանության փորձ) մասով, ինչպես նաև ՀՀ ՔՕ 235 հոդվածի 1-ին մասի հատկանիշներով (ապօրինի կերպով զենք կրելը, փոխադրելը, կամ պահելը): Սույն քրեական գործի շրջանակներում հարցաքննվել է նաեւ քրեական հեղինակություն Ալավերդցի Վահագնը:

Տպել
3487 դիտում

Երևանում հրազենային վնասվածքով 27-ամյա երիտասարդ է հոսպիտալացվել

Գևորգ Ղազարյանը մկանային վնասվածք է ստացել․ ՀՖՖ

Վայբերով վիրուս է տարածվում, ջնջեք. Սամվել Մարտիրոսյանը զգուշացնում է

Սյունիքի Նոր Առաջաձորից Դավիթ-Բեկ տանող ջրատարն ադրբեջանցիները չեն քանդում. մարզպետարան

Վարդենյաց լեռնանցքը դժվարանցանելի է կցորդիչով տրանսպորտային միջոցների համար

Սյունիքի մարզում ադրբեջանախոս անձանց նկարահանումը կատարվել է մեկ ամիս առաջ. ԱԱԾ-ն պարզաբանում է ադրբեջանական տեսանյութը

Հայ-ադրբեջանական սահմանի տավուշյան հատվածում սահմանների որոշման ոչ մի գործընթաց չկա. մարզպետարան

Արարատի մարզում դպրոցներից մեկի զինղեկը մեկ այլ դպրոցի աշակերտուհու է վրաերթի ենթարկել

Ձյուն է տեղում Կոտայքի, Լոռու, Արագածոտնի մարզերում

Հանցագործ, կեղծ և անբարոյական մարդիկ նորից շահարկում են մեր սահմանների անվտանգությունը. մարզպետը՝ տարածվող լուրերի մասին

Ռուս խաղաղապահների և ադրբեջանցիների կողմից Տավուշի գյուղերում չափագրումներ անելու մասին տեղեկությունները մտացածին են. ՊՆ

Անցած տարի սուբվենցիոն ծրագրերով մոտ 150 կմ ներհամայնքային ճանապարհ է ասֆալտապատվել (տեսանյութ)

Ադրբեջանը և Թուրքիան պիտի պատասխանատվության ենթարկվեն․ Բադասյանը Ճապոնիայում ներկայացրել է ռազմական հանցագործությունները

Արմեն Սարգսյանը հանդիպել է Վահրամ Բաղդասարյանի հետ

«Հայ բարերարների ճեմուղի» հուշահամալիրից առևանգվել են բոլոր հուշարձանների մետաղյա պատկերները (լուսանկարներ)

Ստեփանծմինդա-Լարս ավտոճանապարհը բաց է, բայց ռուսական կողմում դեռ 520 բեռնատար կա կուտակված

Առողջապահության նախարարի գլխավորած պատվիրակությունն այցելել է Կապանի և Գորիսի բժշկական կենտրոններ

ՀՀ տարածքում վաղը սպասվում են ձյան առատ տեղումներ, բուք, ցածր տեսանելություն, հաջորդող օրերին՝ մերկասառույց

«Բումերանգի օրենքն» արդարացում չէ. Թաթոյանը դատապարտում է պատգամավորների տների մոտ դագաղներ ու ծաղկեպսակներ դնելը

ՀՀ տարածքում ավտոճանապարհները հիմանկանում բաց են. ձյուն է տեղում Կոտայքի ու Արագածոտնի մարզերում

Սյունիքի բնակիչների իրավունքների երաշխավորման համար ճանապարհներին և գյուղերի մոտ ադրբեջանական դրոշներ չպետք է լինեն. ՄԻՊ

ԱՀ նախագահը հանդիպել է Կաչաղակաբերդ բարձրանալու համար Արցախ մեկնած երիտասարդների խմբին

«Ադրբեջան» գրությամբ վարորդական իրավունքը սխալմունքի արդյունք է եղել. խնդիրն արդեն լուծված է (լուսանկար)

Փրկարարները տարբեր մարզերում ձյան մեջ արգելափակված 9-ը մեքենա են դուրս բերել

ՌԴ-ում դեպի Վրաստան տոմսի պահանջարկն աճել է 37 անգամ

1 օրում կատարված 3361 թեստավորումից հաստատվել է կորոնավիրուսի 422 նոր դեպք. գրանցվել է 2 մահ

Հրդեհ Բերքանուշ գյուղում. այրվել է վագոն-տնակն ու ներսում կուտակված վառելափայտը

Մայրաքաղաքում և մարզերում էլեկտրաէներգիայի պլանային անջատումներ են լինելու

Վթար Հալաբյան փողոցում. կա 2 զոհ

«Կենացդ խմեմ». Իվետա Մուկուչյանը ներկայացրել է նոր տեսահոլովակ (տեսանյութ)

Գեղարքունիքում անցկացվել է պատանիների շախմատի 2021 թվականի մարզային առաջնությունը

Էջմիածնում հայտնաբերվել է հետախուզման մեջ գտնվող 25-ամյա տղամարդ

Մալաթիա-Սեբաստիա վարչական շրջանում ավտոմեքենա է այրվել

Խստիվ արգելվում է ծառայողական ավտոմեքենաներն աշխատանքային ժամերից դուրս կամ ոչ աշխատանքային օրերին վարելը. ԱՀ դատախազ

«Լոռին ժամանակների հանդիպման վայր». վերաբացվել է Լոռի-Փամբակի երկրագիտական թանգարանը

Ֆիզուլիի և Ջեբրայիլի շրջաններում այսօր իրականացված որոնողական աշխատանքների ընթացքում ևս 2 աճյուն է հայտնաբերվել

ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահ­մա­նային իրավիճակը

Անցած մեկ օրում Հայաստանում արձանագրվել է ճանապարհատրանսպորտային 9 պատահար

Սկսվել է Գյումրի-Երևան ճանապարհի Լանջիկի հատվածի փոսալցումը. այն դարձվում է բավարար երթևեկելի

Օրական 2-ից 4 տոննա կաթ հետ է վերադարձվում ցածր որակի պատճառով, նոր ներդրումներ կաթի վերամշակման ոլորտում