Արմեն Բիլյանին գլխի պարտադիր հետազոտություն է հարկավոր. նա չի դադարեցնում հացադուլը

«Սասնա ծռեր» խմբի անդամ Արմեն Բիլյանն արդեն 7 օր է հացադուլի մեջ է գտնվում: «Նուբարաշեն» ՔԿՀ-ում պահվող Բիլյանի՝ նման ծայրահեղ քայլի դիմելու պատճառն առողջական խնդիրներ են, որոնք պատճաշ ուշադրության չեն արժանանում:

Նրա պաշտպան Արմինե Ֆանյանը, որն ուրբաթ է տեսակցել Բիլյանին, ասաց, որ նա բավականին թույլ է:

- Իմ պաշտպանյալը շատ վճռական է տրամադրված, չի պատրաստվում հացադուլը դադարեցնել այնքան ժամանակ, մինչեւ պատշաճ բժշկական ստուգումներ ու համապատասխան բուժումներ չնշանակվեն: «Դատապարտյալների հիվանդանոց» ՔԿՀ-ից ինչ-որ հանձնաժողով է եկել նրա մոտ, ձեւական երկու հարց են տվել, ոչ մի ախտորոշում, ոչ մի բուժում չեն նշանակել: Այս ընթացքում երկու անգամ ընդամենը ՔԿՀ-ի բժիշկը ճնշումն է ստուգել, այսինքն՝ գործուն որեւէ քայլ չի արվել, ձեւական ընթացակարգային բաներ են արվել:

- Կկոնկրետացնե՞ք իր պահանջը, ինչո՞ւ է դիմել նման ծայրահեղ քայլի:

- Իր պահանջը կոնկրետ վերաբերում է իր առողջական խնդիրների լուծմանը, որպեսզի պատշաճ բժշկական ստուգումներ եւ բուժումներ նշանակվեն՝ անհրաժեշտության դեպքում նույնիսկ քաղաքացիական հիվանդանոցում: Ինքը վաղուց գանգատներ ունի, մենք էլ բազմիցս քրեակատարողական հիմնարկի պետին, Արդարադատության նախարարին տարբեր ժամանակահատվածում դիմումներով խնդրել ենք, որպեսզի ապահովեն բժշկական ստուգումները եւ անհրաժեշտության դեպքում ստացիոնար պայմաններում նրա բուժումը կազմակերպեն, բայց որեւէ էական քայլ չի ձեռնարկվել: Մի բժիշկ ունեն, ամեն ինչի համար, գալիս շրջում է ու որեւէ բան չի կարողանում անել: Ոչ սարքավորումներ ունեն, ոչ մի բան, գոնե նվազագույն շեմն ապահովելու համար: Դեռեւս հինգշաբթի քրեկատաղորական վարչության պետին դիմում եմ հասցեագրել՝ խնդրանքով, որպեսզի իմ պաշտպանյալը տեղափոխվի «Արմավիր» քրեակատարողական հիմնարկ, քանի որ խուցը գերբնակցված է եւ իր առողջության հետ անհամատեղելի պայմաններ են այդ խցում: Այժմ փորձում եմ միջոցներ ձեռնարկել, որպեսզի կարողանանք Բիլյանին տեղափոխել «Արմավիր» ՔԿՀ: Այնտեղ մի փոքր ավելի բարվոք են պայմանները եւ այնտեղ ավելի լավ իրեն կզգա:

- Այսինքն՝ «Նուբարաշեն» ՔԿՀ-ում խցային պայմանները նորմալ չե՞ն:

- Ոչ, ոչ, 7 հոգու համար նախատեսված խցում, 13 հոգի է բնակվում:

- Հիմա հացադո՞ւլն էլ է այդ խցում շարունակում:

- Ոչ, տեղափոխվել է հացադուլավորների համար նախատեսված խուց: Այդ խուցը մեծ է սարսափելի ցուրտ է:

- Այսինքն՝ խուցը չի՞ ջեռուցվում:

- Ընդամենը այդ խցում ջեռուցման երկու խողովակ է, սենյակն էլ շատ մեծ է, ինքն էլ միայնակ է, ասում է, որ շատ-շատ ցուրտ է:

- Տիկին Ֆանյան, առողջական խնդիրները ե՞րբ են նրա մոտ ի հայտ եկել, մինչ ՊՊԾ գնդի գրավո՞ւմը, թե՝ դրանից հետո:

- ՔԿՀ-ում հայտնվելուց հետո նրա մոտ խնդիրներ են առաջացել, որեւէ խնդիր մինչ այդ չի ունեցել:

- Մասնավորապես՝ ի՞նչ խնդիրների մասին է խոսքը:

- Նյարդային համակարգի հետ կապված խնդիրներ ունի, գլխում, բերանի մեջ այրոցներ, նյարդային վիճակ, ուշադրության կենտրոնացման պակաս, բավականին լուրջ սինդրոմներ են, շատ կարեւոր հետազոտություններ են իրեն անհրաժեշտ, այդ թվում՝ նաեւ գլխի: Կոնսուլտացիա են արել, ասել են, որ պարտադիր գլխի հետազոտություն է անհրաժեշտ: Քաղաքացիական հիվանդանոց տեղափոխվելու հետ կապված բազմիցս միջնորդել ենք, առաջին դեպքը չի, որ բժշկական օգնության խնդրանքով դիմում ենք, սակայն ապարդյուն: Հենց այս պատճառով էլ Արմեն Բիլյանը դիմել է նման ծայրահեղ քայլի, այլապես անձն ինչու պիտի միանգամից նման ծայրահեղ քայլի գնար: Այնպիսի տպավորություն է, կարծես, դիտավորյալ բուժօգնություն չեն ցուցաբերում, որովհետեւ նույնիսկ մենք ասել ենք, որ պատրաստ ենք վճարել: Նրա գլխի կատեի (համակարգչային տոմոգրաֆիա) հետազոտության համար դիմել եմ դեռեւս ամիսներ առաջ՝ նշելով, որ մենք պատրաստ ենք վճարել, նույնիսկ այդ պայմաններում չեն ապահովում ընդամենն իր տեղափոխումը, որպեսզի կարողանան հետազոտությունը կազմակերպել:

- Այսինքն՝ դիտավորությո՞ւն եք տեսնում:

- Չեմ կարող ասել, բայց այն, որ հացադուլի սենյակում կյանքի հետ անհամատեղելի պայմաններ են, դրա հետ կապված միանշանակ միտում տեսնում եմ, որպեսզի ցրտի պայմաններում չդիմանա, շուտ հացադուլից դուրս գա: Մտածում եմ, որ դիտավորություն կա: Պատկերացնում եք, մարդու օրգանիզմն այս պահին որքան է հյուծված ու այդ ցուրտ պայմաններում է պահվում:

- Այս օրերին ԱՆ-ից, ՄԻՊ-ից այցելե՞լ են իրեն, փորձե՞լ են հորդրորել դադարեցնել հացադուլը:

- Այս օրերի ընթացքում որեւէ մեկը չի այցելել, բացառությամբ իմ նշած բժշկական հանձնաժողովի: Որեւէ մեկն իրեն չի այցելել, որպեսզի հորդորի դադարեցնել հացադուլը:

ՀՀ ԱՆ ՔԿՎ հանրային կապերի աշխատակից Տիգրան Տոնոյանը մեր զրույցում պնդեց, թե այն խցում որտեղ այժմ պահվում է «Սասնա ծռեր» խմբի անդամ Արմեն Բիլյանը ջեռուցման խնդիր չկա. «Ջեռուցումը նորմալ է»,- հավելեց նա: Ինչ վերաբերում է բժշկական սպասարկումներին, ապա Տոնոյանն ասաց, որ դեկտեմբերի 21-ին ՀՀ ԱՆ քրեակատարողական ծառայության աշխատանքային հանձնաժողովը զննել է Բիլյանին, նրա մոտ առողջական խնդիրներ չեն հայտնաբերվել. «Այնպիսի խնդիրներ չկան, որպեսզի ստացիոնար բուժման անհրաժեշտություն լինի, լրացուցիչ հետազոտության կարիք չի արձանագրվել»,- ասաց Տիգրան Տոնոյանը:

Արմեն Բիլյանը մեղադրվում է ՊՊԾ գնդի ոստիկանության հերթապահ ծառայության հերթապահի օգնական, ավագ ենթասպա Գագիկ Մկրտչյանի սպանության, կազմակերպված խմբի կողմից զենք-զինամթերքի շորթելու, պատանդ վերցնելու, ապօրինի զենք-զինամթերք ձեռք բերելու համար: Առաջադրված մեղադրանքներում նա իրեն մեղավոր չի ճանաչում:

ՀՀ մարդու իրավունքների պաշտպանի աշխատակազմի հանրային կապերի բաժնի պետ Նունե Հովսեփյանն էլ մեր հարցին ի պատասխան ասաց, որ ՄԻՊ աշխատակիցներն ուրբաթ օրը՝ դեկտեմբերի 22-ին այցելել են Արմեն Բիլյանին, նրա հետ առանձնազրույց ունեցել: Այցի արդյունքում պաշտպանի աշխատակազմում սկսվել է քննարկման ընթացակարգ սեփական նախաձեռնությամբ: Հովսեփյանի խոսքով՝ գրություն է հասցեագրվել ՀՀ արդարադատության նախարարություն Արմեն Բիլյանի համար անհրաժեշտ բժշկական հետազոտություն կազմակերպելու համար:

Տպել
4251 դիտում

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա