2018-ին կանանց 80 %-ը կսիրահարվի՞ Սարգսյանին, ինչպես 2017-ին Կարապետյանին էր սիրահարված

2018 թվականի ՀՀ վարչապետի պաշտոնի շուրջ լարվածությունն ու ինտրիգները հասնում են գագաթնակետին: Սրան զուգահեռ չկա հստակեցում, թե ով է իշխող ՀՀԿ-ի թեկնածուն, սակայն տարբեր ճանապարհներ տանում են Սերժ Սարգսյանի մոտ: Մասնավորապես՝ այն, որ որոշ ՀՀԿ-ականներ հայտարարում էին, թե նա անփոխարինելի է, հիմա էլ պարզվում է` աճում է նաեւ նրա վարկանիշը:

Մի քանի օր առաջ «Գելափ ինթերնեյշնլ» Հայաստանի ներկայացուցչությունը հրապարակել է նոյեմբերի 10-22-ը կատարած ուսումնասիրությունների արդյունքները, որից պարզ է դարձել, որ Սերժ Սարգսյանի աշխատանքը դրական գնահատողները շատ են Կարեն Կարապետյանի աշխատանքը դրական գնահատողներից:

Ըստ կազմակերպության ներկայացուցչի ներկայացրած թվերի՝ հարցվածների 26.7 տոկոսը դրական է գնահատում Սերժ Սարգսյանի աշխատանքը, 26.2 տոկոսը՝ Կարեն Կարապետյանի աշխատանքը:

Կարեն Կարապետյանի անձնական վարկանիշը նախորդ տարվա նոյեմբերի 85.1 տոկոսից գահավիժել է մինչեւ 57.3 տոկոս: Կարեն Կարապետյանի ռեյտինգը վարկանիշային սանդղակում շողշողում էր հատկապես խորհրդարանական ընտրությունների նախաշեմին, երբ ՀՀԿ-ականները հայտարարում էին, թե հայ կանանց 80 տոկոսը սիրահարված է Կարապետյանին:

«Ելք» խմբակցության պատգամավոր Էդմոն Մարուքյանը՝ պատասխանելով «Հայկական Ժամանակ»-ի հարցին՝ իրականությանը կարո՞ղ է համապատասխանել Սերժ Սարգսյանի վարկանիշի բարձրացումը, թե՞ սա քաղաքական մանիպուլյացիա է՝ 2018 թվականի վարչապետի պաշտոնի հետ կապված, ասաց.

«Չեմ կարող ասել, թե դրանք որքանով են օբյեկտիվ, բայց որ խորհրդարանական ընտրություններից առաջ Կարեն Կարապետյանը բարձր ռեյտինգ ուներ, դրա պատճառն այն է, որ դա այդպես պետք է փաթեթավորվեր: Հիմա այդ փաթեթավորումը քանդվել է, եւ այն սպասումները, որ ունեին բիզնեսմենները, տնտեսվարողները, չեն արդարացել: Դրա համար բնական է, որ պետք է ռեյտինգի անկում ունենար: Կարեն Կարապետյանի ֆենոմենը ՀՀԿ-ն օգտագործեց ընտրությունների համար եւ վերջ: Նրա կարիքը հիմա չկա»,- կարծում է Մարուքյանը:

Պատգամավորը համամիտ չէ, որ Սարգսյանի ռեյտինգի բարձրացումը համապատասխանում է իրականությանը: Ավելին, նա նշում է, որ գործող իշխանության վարկանիշը գնալով անկում է ապրում:

ՀՀԿ-ական պատգամավոր Միհրան Հակոբյանը վարչապետի վարկանիշի անկումը սովորական է համարում: Պատգամավորը նշում է, որ դա կապված է քաղաքական գործընթացների հետ:

«Նախընտրական շրջանում մեր ցուցակը գլխավորում էր վարչապետը եւ ուշադրությունը սեւեռված էր նրա վրա: Յուրաքանչյուր կուսակցություն իր քաղաքական մարտավարությունն է մշակում, եւ մարտավարական տեսակետից այդ պահին ուշադրությունը վարչապետի անձի վրա էր: Նախընտրական իրավիճակն այլ բան է, հետընտրական բնականոն իրավիճակն՝ այլ: Կարծում եմ, որ վերջին մեկ տարվա ընթացքում բավականին առիթներ կային, որ նախագահ Սարգսյանի ռեյտինգը բարձրանար, եւ այս թվերը, որ կան, օբյեկտիվ են: Հատկապես, որ փորձագիտական տեսակետից ոչ ոք չի վիճարկում»,- նշում է Միհրան Հակոբյանը:

«Ելք» խմբակցության պատգամավոր Արամ Սարգսյանն էլ թեմայի շուրջ «ՀԺ»-ի հետ զրույցում ընդգծում է, որ երկրում առկա սոցիալական, տնտեսական, քաղաքական ոլորտներում դրական փոփոխություններ չկան, հետեւաբար Սերժ Սարգսյանի վարկանիշի թվերը իրական չեն: Արամ Սարգսյանի խոսքով՝ վերջին մի քանի տարիների Սերժ Սարգսյանի վարած քաղաքականությունն անկանխատեսելի է եղել, ինչն էլ թույլ չի տալիս ենթադրել, թե 2018-ի հետ կապված Սերժ Սարգսյանը ինչ մտադրություններ ունի:

«Վերջին մի քանի տարիներին Սերժ Սարգսյանի գործունեությունը կանխատեսելի չեմ համարել: Ոչ ոք չէր կանխատեսի, որ Սերժ Սարգսյանը Հովիկ Աբրահամյանին կնշանակեր վարչապետ ու կհաներ, կամ Գագիկ Ծառուկյանի մասին նման տեսակետ կհայտներ, կամ Կարեն Կարապետյանին կբերեր վարչապետ, կամ Վիգեն Սարգսյանին կտաներ պաշտպանության նախարարություն: Ես չեմ հիշում, որ սրանցից առաջ որեւէ մեկը կանխատեսել էր նրա քայլերը: Հիմա էլ պարզ չէ, թե նա ինչ է ուզում անել»,- ասում է Արամ Սարգսյանը:

Միաժամանակ Արամ Սարգսյանը նշում է Սերժ Սարգսյանի այն 10 խոստումների մասին, որոնք նա տարբեր տարիներին տվել ու չի կատարել: Արամ Սարգսյանն ասում է, որ լավ կլինի, եթե Սերժ Սարգսյանը չկատարած խոստումները մեկով պակասեցնի, այսինքն՝ կատարի այն խոստումը, թե սահմանադրական բարեփոխումների չի գնացել նախագահ կամ վարչապետ դառնալու համար:

Թե ինչքանով Սերժ Սարգսյանն իր խոսքի տերը կլինի եւ նախագահ կամ վարչապետ չի դառնա՝ այնքան էլ պարզ չէ: Սերժ Սարգսյանն այժմ իր ձեռքում ունի մի խաղաթուղթ, որով ինքն իրեն եւ ուրիշներին համոզում է, թե անփոխարինելի է:

Խոսքն Արցախի հարցի մասին է: Քաղաքական դաշտում քննարկվում է, որ Մինսկի խմբում, երբ Արցախի խնդրով ինչ-որ հարցի մասին անհապաղ որոշում է պետք կայացնել, բանակցող կողմը պետք է, օրինակ, մի քանի րոպեում վճռական պատասխան տա: Այսինքն անհրաժեշտ է իրավիճակին տիրապետող անձ: Այս առումով քիչ հավանական է համարվում, որ Սերժ Սարգսյանը Վիգեն Սարգսյանին վարչապետ կդարձնի, իսկ ինքը կուլիսներից կկառավարի երկիրը: Վիգեն Սարգսյանը, ճիշտ է, տիրապետում է իրավիճակին, բայց քաղաքական դաշտում կա կարծիք, որ նա կարող է միայն պիոներ ճամբարի ղեկավար լինել:

Վերջին օրերին լրատվամիջոցներում թռուցիկ տեղեկություններ հայտնվեցին, որ «Ելք»-ն ու «Ծառուկյան» դաշինքը ներկայանալու են միասնական վարչապետի թեկնածուով, սակայն  «Ծառուկյան» խմբակցության պատգամավոր Իվետա Տոնոյանը հերքեց այդ լուրերը՝ ասելով, որ նման որեւէ քննարկում չի եղել:

«Ծառուկյան» խմբակցության երկու տարբեր ներկայացուցիչներ մեզ հետ մասնավոր զրույցում վստահեցնում էին, որ «Ծառուկյան» խմբակցությունը 2018-ի համար վարչապետի թեկնածու ընդհանրապես չի առաջադրելու: Ավելին՝ ծառուկյանականները խայտառակություն են համարում ՀՀԿ-ի թեկնածուին սատարելը: Այստեղ մտածում են, որ իրենք անելիք չունեն այս հարցում, քանի որ ՀՀԿ-ն մեծամասնություն է, եւ բացի այդ, ունի կոալիցիոն գործընկեր:

Հ.Գ. Այսօր Tert.am-ի հետ զրույցում Ելք խմբակցության պատգամավոր Էդմոն Մարուքյանը չի բացառել, որ 2018-ին Ելք-ը վարչապետի այլընտրանքային թեկնածու կներկայացնի: Հարցին՝ «Հնարավո՞ր է` Ձեր այլընտրանքային թեկնածուն ունենաք, և ո՞վ կլինի», Մարուքյանը պատասխանել է. «Կարծում եմ, երբ առաջադրելու ժամանակը գա, մենք կքննարկենք: Կարծում եմ նաև, որ չի բացառվում, որ մենք այլընտրանքային թեկնածու ունենանք»:

Տպել
5425 դիտում

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան