Դասադուլն ինքնին քաղաքական ակցիա է. պատգամավորների կարծիքով՝ երիտասարդներին ուղղորդում են

Արդեն մոտ մեկ շաբաթից ավելի է, ինչ մի խումբ ուսանողներ դասադուլ են անում՝ այդպիսով իրենց բողոքն արտահատելով «Զինվորական ծառայության եւ զինծառայողների կարգավիճակի մասին» օրենքով բուհերից տարկետման վերաբերյալ դրույթների դեմ: Այս ընթացքում ուսանողները, «տարկետում լինելուԱ» կարգախոսով, հասցրեցին հանդիպել վարչապետի, կրթության եւ գիտության ու պաշտպանության նախարարների հետ, պտտվել բուհերով ու դասադուլի կոչ անել, ու իրենց գործողություններով հանրային լայն քննարկում առաջացնել: Այսօր էլ արդեն դիմեցին էլ ավելի ծայրահեղ քայլի՝ հոգի նստեցին հացադուլի:

Ու չնայած դասադուլ շարժում սկսած երիտասարդները քաղաքական հայտարարություններ չեն անում, փորձում են հնարավորինս զերծ մնալ քաղաքական երանգներից, բայց միեւնույն է՝ որոշ շրջանակներում այդպես էլ շարունակում է հարցական մնալ՝ արդյո՞ք նրանց գործողություններն ինքնաբուխ են, թե՞ ուղղորդված են ինչ-որ ուժերի կամ շահերի խմբերի կողմից: Որովհետեւ անկախ նրանից, թե նրանց պահանջը որն է, անկախ նրանից՝ օբյեկտի՞վ են ուսանողներն իրենց պահանաջների հիմնավորումներում, թե՞ սուբյեկտիվ՝ երբ ուսանողների մի մեծ խումբ դասադուլ է անում, դա առնվազն գրավիչ կարող է լինել՝ այդ բողոքի ալիքը քաղաքական նպատակներով ու քաղաքական ենթատեքստով օգտագործելու համար:

ԱԺ «Ծառուկյան» խմբակցության պատգամավոր, ԱԺ Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Վարդան Բոստանջյանն armtimes.com-ի հետ զրույցում  թեեւ նշում է, որ անձամբ ինքը ուղղորդման վերաբերյալ փաստերի չի տիրապետում, բայց նաեւ չի բացառում, որ այս ակցիաները կարող էին նաեւ ուղղորդվել:

ՀՀ ԱԺ փոխնախագահ, ՀՀԿ մամուլի խոսնակ Էդուարդ Շարմազանովն էլ, պատասխանելով armtimes.com-ի հարցին՝ արդյոք ուսանողների բողոքի ակցիայի ու դասադուլների հետեւում քաղաքական ենթատեքստ, ինչ-որ ուժերի կողմից ուղղորդում տեսնո՞ւմ է, նշեց, թե նախ՝ դասադուլն ինքնին արդեն քաղաքական ակցիա է՝ անկախ նրանից՝ կուսակցակա՞ն է, թե՞ ոչ:

«Քաղաքական ու կուսակցական ասվածը տարբեր բաներ են: Ես ասել եմ  ու կրկնեմ՝ չեմ կիսում այն կարծիքը, որն ունեն դասադուլ անող ուսանողները եւ հիմնավորել եմ բազում անգամներ իմ ելույթներում, որովհետեւ ես այս օրենքի պաշտպանն եմ, բայց ես չեմ ժխտում այդ մարդկանց՝ դասուլ անելու իրավունքը: Շատ զարմանալի էր կլիներ,եթե ժխտեի այդ իրավունքը, որովհետեւ ես ժամանակին ե՛ւ դասադուլ եմ արել, ե՛ւ հացադուլ եմ արել՝ օգտվելով իմ իրավունքից: Բայց այն ժամանակ, իմ սուբյեկտիվ կարծիքով, իրավիճակն այլ էր՝ մենք 15 ուսանողով 2 օր շարունակ հացադուլ արեցինք Լեւոն Տեր-Պետրոսյանի նստավայրի դիմաց, եւ այն ժամանակվա իշխանություններից որեւէ մեկը՝ նույնիսկ նախագահի օգնական, նույնիսկ կառավարությունից որեւէ մեկը՝ անգամ վարչապետի օգնական չիջավ, տեսնելու, թե այս ուսանողներն ինչո՞ւ են դասադուլ կամ հացադուլ անում: Այսօր մենք ականատեսն ենք լինում, որ վարչապետը, կրթության եւ գիտության ու պաշտպանության նախարարները հանդիպումներ են ունենում դասադուլ անող ուսանողների հետ, ինչը խոսում է թե՛ մեր քաղաքական կամքի մասին, թե՛  ուսանողական շարժման ու ձեռքբերումների մասին, եւ թե՛ մեր պետության ժողովրդավարացման մասին, ու այս ուղղությամբ այս տարիների ընացքում մենք շատ առաջ ենք գնացել»,- նշեց ԱԺ փոխնախագահը:

Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամ, ԱԺ ՀՀԿ խմբակցության պատգամավոր Կարինե Աճեմյանը դրական է վերաբերվում երեւույթին, որ ուսանողներն ակտիվ են եւ իրենց դիրքորոշումները, հասարակական բուռն իրադարձությունների հետ կապված, հայտնում են:

«Բայց շատ անընդունելի է, երբ վերջին ժամանակ տարածված է նաեւ, որ առանց օրինագիծը կարդալու, առանց խորանալու օրինագծի դրույթների մեջ, սկսում են մեկնաբանություններ, եւ այդ մեկնաբանությունները սկսում են տարածվել, եւ հասարկության մեջ ծնվում են ինչ-որ անհիմն բողոքներ եւ այլն: Ես կարծում եմ, որ ուսանողների հանդիպումը վարչապետի, նախարարների հետ, պետք է որ այդ հարցերի լուծումները տված լիներ: Ես կարծում եմ, որ իրենց  հարցերի պատասխանները տրվեցին, իսկ թե իրենք հետագայում ինչ կանեն, կամ այս դասադուլներն ինչ թեմայով են հրահրվում, ես չեմ կարող ասել»,- շեշտեց Կարինե Աճեմյանը:

Մեր ճշտող հարցին՝ պատգամավորը վստա՞հ է, որ հրահրվում են, Կարինե Աճեմյանը պատասխանեց, որ շատ հնարավոր է՝ հրահրվում են, քանի որ երբ փորձում ես հիմնավորել, ու որեւէ մեկը չի ուզում լսել եւ այլն, դա արդեն ինչ-որ բան հուշում է: Իսկ երբ պատգամավորին հուշեցինք, որ մամուլում տարբեր կարծիքներ, տեղեկություններ հրապարակվեցին, թե ուսանողների այդ բողոքը հրահրելու հարցում այս կամ այն ուժերն են «օգնում»՝ սկսած ընդդիմությունից եւ վերջացրած Բաղրամյան 26-ով, Կարինե Աճեմյանն ասաց՝ «Ինչ վերաբերում է Բաղրամյան 26-ի կողմից հրահրվելուն, ապա համոզված եմ, որ դա այդպես չէ, որովհետեւ պաշտպանության նախարարի դեմ պարզապես չի կարող հրահրվել որեւէ գործողություն Բաղրամյան 26-ին: Բայց մամուլում խոսակցություններ ու նաեւ հրապարակումներ կան, ես էլ մի քանի անգամ կարդացել եմ, որ դա «Ելք»-ի, այսինքն՝ ոչ միայն «Ելք»-ի, այլ ընդհանրապես ընդդիմության կողմից հրահրվող գործողություններ են: Այսինքն կարծում եմ, որ ճշմարտությունը ոչ մեկն է եւ ոչ էլ մյուսը. իրականությունը մեկ այլ տեղ պետք է փնտրել»:

Բոլոր դեպքերում, ուսանողներն ուզեն, թե չուզեն, «քաղաքական մոտիվացիա», շարժառիթներ ունենան, թե ոչ, միեւնույն է՝ բողոքում են մի դրույթի դեմ, որն ընդունվել է քաղաքական որոշման արդյունքում, հետեւաբար դա չէր կարող չդիտարկվել՝ քաղաքական բովանդակությամբ:

Տպել
3887 դիտում

Նիժնի Նովգորոդ-Երևան չվերթը հետաձգվել է

Կանեփի 72 թուփ է հայտնաբերվել. 36-ամյա տղամարդը ձերբակալվել է (տեսանյութ)

Վերահսկողական միջոցառումներ են ձեռնարկվել ռիսկային համարված ամառային ճամբարներում

Ռազմական ոստիկանությունն ամփոփել է 2024 թվականի առաջին կիսամյակի աշխատանքը

Կառավարությունը վճռական է խաղաղության հասնելու իր ջանքերում ինչպես երկրի ներսում, այնպես էլ տարածաշրջանում. Միրզոյան

Վճռաբեկ դատարանի դատավորի թափուր տեղի համար թեկնածուներ են առաջադրվել

Աշխատել «բոլորի համար Եվրոպա» ստեղծելու ուղղությամբ. Ռոբերտա Մեցոլան վերընտրվել է Եվրախորհրդարանի նախագահի պաշտոնում

Ոսկեհասկում հարևանի շունը հարձակվել է բնակիչների վրա. 5 անձ հիվանդանոցում է, 4-ամյա երեխայի վիճակը ծանր է

Երևանում, Արագածոտնի, Վայոց Ձորի մարզերում գազաբենզալցակայանների գործունեություն է դադարեցվել, Տավուշում՝ ապամոնտաժվել

Ակնկալում ենք խորացնել ՀՀ-ԵՄ գործընկերությունը. Ալեն Սիմոնյանը շնորհավորել է Ռոբերտա Մեցոլային

Ընդգծել է Հայաստան-ԱՄՆ երկկողմ հարաբերությունների առաջընթացի կարևորությունը. փոխվարչապետն ընդունել է Ուզրա Զեյային

Ստեփանակերտի նախկին քաղաքապետ Դավիթ Սարգսյանն ազատ է արձակվել

ԱՄՆ կառավարությունն աջակցում է ՀՀ-ում ընթացող հակակոռուպցիոն բարեփոխումներին. Աննա Վարդապետյանն ընդունել է Ուզրա Զեային

«Ռեալ»-ը ցուցադրել է Մբապեի մանկության բացառիկ լուսանկարը Զիդանի հետ (լուսանկար)

«Ռեալ»-ում Մբապեի շնորհանդեսին 80 հազար հանդիսական է եղել․ ինչ համարի մարզաշապիկով կխաղա ֆուտբոլիստն իր երազած ակումբում

Փորձաքննության արդյունքները հայտնի են. ինչ է հայտնաբերվել ընթիքից հետո թունավորված ընտանիքի և մահացած երեխայի սննդում

ԱԽ քարտուղարը կարևորել է ԱՄՆ-ի կողմից Հայաստանի ժողովրդավարական ինստիտուտների զարգացմանն ուղղված աջակցությունը

«Օպել»-ը բախվել է էլեկտրասյանը և գլխիվայր շրջվել. վարորդը տեղում մահացել է

Դոլարը շարունակում է էժանանալ. ինչ փոփոխություններ է արձանագրել տարադրամի շուկան հուլիսի 16-ին

Մհեր Գրիգորյանը արձակուրդ կմեկնի

Ադրբեջանում նոր սկանդա՞լ է հասունանում. ինչ հնչեղ հայտարարություն է արել երկրի բարձրաստիճան պաշտոնյան

Մամիկոն Ասլանյանն ազատ է արձակվել

Երևանի մետրոպոլիտենն ամբողջությամբ կանցնի նոր վճարային համակարգի՝ հրաժարվելով ժետոններից

Ucom-ի ֆիքսված ցանցը հասել է Բյուրեղավան

Երևանի կենտրոնում բացվել է Յունիբանկի «Բայրոն» մասնաճյուղը

ԼՂ-ում բռնի տեղահանման օրերին ՆԳ նախարարի օգնականը յուրացրել է տասնյակ պետական մեքենաներ ու գոլդ համարանիշեր (ցանկ)

Պաշտպանության նախարարը հետևել է սպաների հերթական խմբի ատեստավորման գործընթացին (լուսանկարներ)

Առաջիկա օրերին շրջաններում սպասվում են հորդառատ անձրև, ամպրոպ, քամու ուժգնացում

40 վարպետ Հայաստանից և արտերկրից. արհեստների 2-րդ միջազգային փառատոնը կանցկացվի Դիլիջանում

Նոր ատոմակայանի կառուցման նկատմամբ հետաքրքրություն են ցուցաբերել ԱՄՆ-ը, ՌԴ-ն, Հրվ. Կորեան և Չինաստանը. ՏԿԵ փոխնախարար

Քաղցկեղ և միաժամանակ սրտային պաթոլոգիաներ ունեցող անձինք այսուհետ կբուժվեն Ուռուցքաբանության կենտրոնում (լուսանկարներ)

Նախարարն անակնկալ այց է կատարել ՊՆ լեռնային ուսումնական կենտրոն, զրուցել ժամկետային զինծառայողների հետ (լուսանկարներ)

Առնվազն 17 մարդ զոհվել է Աֆղանստանում ավտոբուսի կիրճն ընկնելու հետևանքով

Միրզոյանը Օմանի նախարարին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Համաշխարհային բանկը հրապարակել է Հայաստանի տնտեսական զարգացման միամսյա ամփոփագիրը

Հայտնի են Հանրային ռադիոյի տնօրենի թեկնածուները

Թրամփը մահափորձից հետո առաջին անգամ հանրության առաջ հայտնվել է վիրակապված ականջով (լուսանկար)

«Հյուսիսային տերևաթափ» անվանումով ահաբեկչական գործողություն նախապատրաստելու դեպքով նախաքննությունն ավարտվել է

Վիկտոր Օրբանը կոչ է արել Շառլ Միշելին վերականգնել դիվանագիտական ​​հարաբերությունները Ռուսաստանի հետ

Հունիսին 87 հարկատուի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը