Քաղաքը ՔԱՔ է քննարկում, իսկ քաղաքագետը կարծում է՝ սա հումոր է եւ ընդվզում իրականության դեմ

Արդեն մի քանի օր է՝ համացանցում գրեթե բոլոր քննարկումները դերասան Սերգեյ Դանիելյանի «Քաղաքացիական ակտիվ քայլ»-ի (ՔԱՔ) շուրջ են. մի մասը այս թեմայով կատակներ է անում, մյուս մասը՝ քննադատում կատակ անողներին, երրորդները լրիվ լուրջ են ընդունել տեղի ունեցողը եւ որոշել անդամագրվել ՔԱՔ-ին: Կան նաեւ այնպիսիք, որոնց կարծիքով այդպիսի ոչ պարկեշտ անվանումով կուսակցության ստեղծման մասին հայտարարությունը Սերգեյ Դանիելյանի «դիվադադարային» հերթական հումորներից է: Նրանց թվին է պատկանում նաեւ քաղաքագետ Ստյոպա Սաֆարյանը.

- Պարոն Սաֆարյան, մինչ քաղաքական ուժերը լուրջ քննարկումների մեջ են (դաշինքո՞վ մասնակցել ընտրություններին, թե՞ միայնակ, ում առաջարկն ընդունել, ումը՝ մերժել...), դերասան Սերգեյ Դանիելյանն է հայտարարում ընտրապայքարի մեջ մտնելու մասին: Ըստ ձեզ, Դանիելյանն իրո՞ք լուրջ է տրամադրված, թե՞ հումոր է անում:

- Ընդհանրապես, Սերգեյ Դանիելյանը հանրությանը հայտնի է քաղաքական անցուդարձի վերաբերյալ վերին աստիճանի սուր զգացողություններ պարունակող մեկնաբանություններով: Թերեւս նրա «Դիվադադար» շարքը դրա վառ ապացույցն է: Միշտ էլ նա որպես դերասան՝ իր ընտրած ժանրի մեջ հեգնել, ծաղրել եւ քննադատել է մեր քաղաքական կյանքը, եւ ես կարծում եմ, որ այժմ էլ նա նույն բանն է անում: Սերգեյը երբեք չի առանձնացել իր քաղաքական ամբիցիաներով, քաղաքական հավակնություններով, առավելեւս չեմ կարծում, որ եթե ցանկանար քաղաքականություն մտնել՝ դա կաներ նման ձեւով: Կարծում եմ ուղղակի հասարակությանը ցնցող մի մեսիջով է հանդես գալիս, ծաղրում է քաղաքական կյանքը, ծաղրում է ավանդական, հին, նոր քաղաքական ուժերին: Ես կարծում եմ, որ դա ուղղակի դերասանի արձագանքն է իրականությանը:

- Իսկ հումորայի՞ն, թե՞ լուրջ:

- Ես կարծում եմ՝ հումոր է: Ինչ-որ տեղ նույնիսկ կամպանիա է՝ այս քաղաքական կյանքի, դեմագոգիայի, պոպուլիզմի եւ ամեն ինչի դեմ: Կարելի է ասել նաեւ ընդվզում է: Այս ամենին ընթացք տալով էլ ոմանք փորձում են հասկանալ, թե հասարակության մեջ ինչ շերտեր են միանում այդ ընդվզմանը: Բայց դա բողոք է, բողոք քաղաքական իրավիճակի վերաբերյալ:

- Այսինքն՝ չի՞ գրանցվի, չի՞ մասնակցի ընտրապայքարին:

- Միգուցե նաեւ գրանցվի, բայց ես դրա տակ չեմ տեսնում քաղաքական պայքարին մասնակցության ցանկություն: Ավելի շատ տեսնում եմ քաղաքական իրականությանը ձեռնոց նետելու ցանկություն:

- Հաջողվա՞ծ ձեւ է, ըստ ձեզ, հաջողվե՞լ է Դանիելյանի նախաձեռնությունը:

- Եթե նույն սոցիալական ցանցերում տեսնում ես, թե ինչքան սոցիալապես ակտիվ մարդիկ են միանում այդ ընդվզմանը, հասկանում ես, որ այնուամենայնիվ, հասարակության մեջ ավելի մեծ տոկոս է կազմում այն հատվածը, որ իսկապես հոգնել է այս քաղաքականությունից, որ իրականացվում է: Մարդիկ օտարվել են քաղաքական ուժերից, ինչի պատճառով էլ այսպիսի վուլգար միջոցներով բողոքը նաեւ դառնում է իրենցը:

- Նույն համացանցում քննադատություններ են հնչում կուսակցության հետ կապված քննարկումներ ծավալողներին: Նշում են՝ ե՞րբ այսքան իջավ մեր հասարակության մակարդակը: Արդյո՞ք համաձայն եք այս դիտարկման հետ:

- Սերգեյ Դանիելյանը չէ, որ պետք է մեր աչքերը բացեր, որ հասկանայինք՝ հասարակության մակարդակն իջել է: Մենք ավանդաբար չտեսնելու ենք տալիս օտարվածությունը քաղաքական կյանքից, հասարակության նողկանքը անսկզբունքային քաղաքականությունից, էն քաղաքական գործիչներից, որոնք ցանկացած պահի կարող են արդարացնել իրենց ցանկացած որոշումը: Հետեւաբար, երբ որ երկրում քաղաքական կյանքի վերաբերյալ պատկերացումները միջնադարյան վիճակում են, զարմանալի չէ որ, այդ նախաձեռնությունը քննարկող մարդիկ էլ կան կամ քննարկողներին քննադատողներ կան: Սա ցույց է տալիս, թե որքան դատարկ է քաղաքական կյանքը:

- Հասարակության արձագանքն ամեն դեպքում ադեկվա՞տ եք համարում:

- Ես երբեք ադեկվատ չեմ համարի դա: Այնպես չի, որ հիացած եմ, որ էդ ընդվզումը կիսողներ կան, բայց ես հասկանում եմ, թե ինչու կան էդ մարդիկ: Քաղաքական ուժերը տոտալ զրկված են հանրային աջակցությունից: Այս հապավումն, ըստ հասարակության զգալի թվով անդամների՝ նկարագրում է ռեալ քաղաքական կյանքը, երկրի վիճակը, մարդկանց վիճակը, դրանով իսկ կպնում մարդկանց սրտերին: Որովհետեւ այն, ինչ ներկայացվում է՝ քաղաքականություն չէ: Եթե քաղաքականությունը լցրած լիներ այդ դատարկությունը՝ մենք սա կանվանեինք վերին աստիճանի մարգինալ դրսեւորում: Բայց փաստը ցույց է տալիս, որ մարդկանց մեծ մասը, եթե անգամ ակտիվորեն չի մասնակցում այս նախաձեռնությանը, այնուամենայնիվ, կիսում է ստեղծված իրավիճակին հապավման տեսքով տրված գնահատականը:

Տպել
110368 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները