Դեպի նորանոր մեծագործություններ. ՍՄԿԿ համագումարին արժանի ելույթ

ՀՀԿ համագումարում կուսակցության ղեկավար Սերժ Սարգսյանի ելույթի մի զգալի մասը նվիրված էր տնտեսությանը: Նա բազմաթիվ ցուցանիշներ մատնանշեց, եւ ինչպես միշտ է լինում նման դեպքերում, տպավորություն ստեղծվեց, որ խոսքը բոլորովին այլ երկրի մասին է:

Տնտեսական աճ

«2007-2015 թվականներին Հայաստանն ապահովել է 29.3 տոկոս իրական տնտեսական աճ, իսկ Արժույթի միջազգային հիմնադրամի գնահատականներով՝ 32 տոկոս աճ...»,- իր ելույթում հայտարարեց Սերժ Սարգսյանը:

2007 թվականին մեր համախառն ներքին արդյունքը կազմել է մոտ 11 միլիարդ դոլար: 2015 թվականին ավելի քիչ` 10.7 միլիարդ դոլար: 29.3 տոկոս աճելու դեպքում հիմա մեր ՀՆԱ-ն պետք է դարձած լիներ մոտ 14 միլիարդ: Չի դարձել: Իհարկե, տնտեսագետները կարող են հակադարձել, թե ՀՆԱ-ի, կամ որ նույնն է՝ տնտեսական աճի ցուցանիշի հաշվարկը կատարվում է այլ մեթոդաբանությամբ, պետք է հաշվի առնել դեֆլյատորը, գնաճը եւ այլն, եւ այսպես շարունակ: Հենց դա էլ անում է ՀՀ Ազգային վիճակագրական ծառայությունը ու ստանում մոտ 30 տոկոս տնտեսական աճ, որի արդյունքում, սակայն, մեր ՀՆԱ-ն ոնց կար 11 միլիարդ դոլար, այդպես էլ մնում է նույն մակարդակին արդեն 8-9 տարի: Լավ, բա 30 տոկոս աճ ցույց տված երկրում ՀՆԱ-ն դոլարով հաշված էդ ընթացքում գոնե մի քանի տոկոսով աճած չլինի՞: Ինչ վերաբերում է ԱՄՀ-ի ասած 32 տոկոսին, ապա այդ կառույցը չի վարում սեփական վիճակագրությունը եւ օգտվում է միայն ու բացառապես մեր կառույցների ներկայացրած պաշտոնական ցուցանիշներից:

Արտահանում

«Եթե 2006 թվականին Հայաստանի արտահանումը կազմել է 985 միլիոն ԱՄՆ դոլար, ապա 2015 թվականին՝ 1 միլիարդ 485 միլիոն, իսկ այս տարվա 9 ամիսներին՝ 1.3 միլիարդ»,- հայտարարեց Սերժ Սարգսյանը:

Թե ինչու տնտեսական աճի մասին խոսելիս նա մատնանշում էր 2006-2015 թվականները, իսկ այս դեպքում սահուն անցում արեց մինչեւ 2006թ. հասկանալի է` այդ դեպքում աճը ավելի տպավորիչ է ստացվում: Բայց, մեր մեջ ասած՝ տպավորվելու բան այնքան էլ չկա: 2006 թվականին, երբ արտահանման ընդհանուր ծավալը 985 միլիոն դոլար էր, հանքահումքային արտադրանքի արտահանման ծավալը 136 միլիոն դոլար էր, կամ ընդհանուրի 14 տոկոսը: 2015 թվականին 1 միլիարդ 485 միլիոն դոլարի արտահանման մեջ հանքահումքայինի մասնաբաժինը արդեն մոտ 31 տոկոս է: Լա՞վ է սա, թե՞ վատ: Մի ուրիշ տեսանկյունից նայենք: 2006-ի համեմատ մեր արտահանման ընդհանուր ծավալը աճել է 1.5 անգամ, հանքահումքայինի արտահանումը աճել է 3.4 անգամ: Լա՞վ է սա, թե՞ վատ: էլի մի ուրիշ տեսանկյունից նայենք: Եթե 2006 եւ 2015 թվականներին արձանագրված ցուցանիշներից հանենք հանքարդյունաբերությունը, ապա կստացվի, որ 9 տարվա ընթացքում արտահանումն աճել է 175 միլիոն դոլարով, կամ տարեկան մի 20 միլիոն դոլարով, կամ տարին մի 2 տոկոսով: Կարող ենք, իհարկե, այդ առթիվ հրավառություններ անել, բայց հավատացեք, դրա համար ոչ մի հիմք չկա ամենեւին:

Ավանդներ

«Բնակչության եւ տնտեսավարողների ավանդները 2016 թվականի սեպտեմբերի դրությամբ կազմել է 1.6 տրիլիոն դրամ։ Համեմատության համար ասեմ, որ 2006 թվականի դեկտեմբերի դրությամբ այն կազմել է 272 միլիարդ դրամ։ Աճը՝ 5.8 անգամ։ Ընդ որում, միայն բնակչության, այսինքն ֆիզիկական անձանց ավանդները կազմել են շուրջ 1 տրիլիոն դրամ...»- հայտարարեց ՀՀԿ նախագահը:

Այսինքն  ուզում էր ասել, որ մարդիկ էնքան էն հարստացել, որ նրանց ունեցած փողը բանկերում մոտ 6 անգամ աճել է: Ճիշտ է, աճել է: Հիմա այս ցուցանիշին նայենք այլ տեսանկյունից: ՀՀ բնակչության մոտ 10 տոկոսը բավականին հարուստ է, եւ դա արձանագրված է նույն ԱՎԾ-ի տվյալներով: Բնակչության այդ 10 տոկոսը մոտ 3 հարյուր հազար է: Եթե նրանցից յուրաքանչյուրը շատ չէ` մի 3.3 միլիոն դրամ ունենա բանկերում որպես ավանդ, կստացվի հենց 1 տրիլիոն դրամ, որի մասին ասում էր Սերժ Սարգսյանը: Այսինքն ամենահարուստ մարդկանցից յուրաքանչյուրը մի 7 հազար դոլար չունի՞ բանկերում ավանդադրված: Իհարկե ունի: Եթե սա տարածենք բնակչության ամենեւին ոչ աղքատ 20 տոկոսի վրա, թիվը ավելի կփոքրանա: Չէ, ինչ խոսք, այն, որ մարդիկ ավանդները  սկսել են պահել բանկերում դա լավ է` խոսում է օրինակ բանկային համակարգի կայացվածության ու վստահելիության մասին, բայց ոչ երբեք մարդկանց հարստանալու մասին: Ի դեպ, եթե Երեւանի կենտրոնում շրջելիս կարող է թվալ, թե Հայաստանը գերզարգացած երկիր է, որտեղ սրճարաններն ու ռեստորանները լիքն են, թանկ խանութները՝ մարդաշատ, դա հենց այն հարուստ 10 տոկոսի «շնորհիվ է»` 300 հազար մարդ Հայաստանում, մեղմ ասած, աղքատ չէ, ի տարբերություն բնակչության այն 60 տոկոսի, որը նույնիսկ պաշտոնական տվյալներով այնքան էլ լավ չի սնվում:      

Սերժ Սարգսյանի հնչեցրած մյուս ցուցանիշներին դեռ կանդրադառնանք: Բայց իշխող կուսակցության ղեկավարից հանրությունը թերեւս սպասում էր այլ ցուցանիշներ: Օրինակ, այս ընթացքում կոռուպցիայի մակարդակը որքան է նվազել: Որքանով է գործարարների մեջ աճել բիզնես դնելու ցանկությունը եւ այդ ցանկությունը որքանով է իրականացել: Ինչու են չափազանց հաջողակ միայն իշխանության հետ սերտաճած «գործարարները», կամ էլ հենց բարձր պաշտոն զբաղեցնող ու իբր բիզնես չունեցող անձինք: Ինչու է այսպիսի ցնցող ցուցանիշներ ապահովող երկիրը դատարկվում արտագաղթի պատճառով....:

Մի բան անհասկանալի է մնում: Եթե տարիներ առաջ, երբ ինֆորմացիայի տարածման արագությունը շատ ավելի դանդաղ էր, ՍՄԿԿ համագումարների ժամանակ հերթական հնգամյակը փայլուն ցուցանիշներով ամփոփող նմանատիպ ելույթները երեւի ինչ- որ դրական ազդեցություն թողնում էին հասարակության վրա: Իսկ ի՞նչ ազդեցություն են թողնում նման ելույթները հիմա:

Տպել
3408 դիտում

Հայաստանում ադամանդագործության և ոսկերչական ոլորտների զարգացման համար ապետք է միավորվեն պետությունն ու ընկերությոնները

ԱՀ նախագահը ամերիկահայ վնասվածքաբան-օրթոպեդ Վրեժ Մանուկյանին պարգևատրել է Երախտագիտության մեդալով

Արցախում 50 հազար ծառ կտնկվի «1 դոլար = 1 ծառ» բանաձևով

Վարդենյաց լեռնանցքը Գեղարքունիքի մարզի կողմից դժվարանցանելի է, Լարսը փակ է

Ասկերանի շրջանի Նորագյուղ և Հովսեփավան համայնքներում սահմանվել են ելքի և մուտքի մասնակի սահմանափակումներ

Հայաստանում առաջին անգամ կորոնավիրուսի սեքվենավորման փորձ է կատարվել

Մեր գյումրեցի տղան լավ է. պատգամավոր Նազելի Բաղդասարյանը տեսակցել է օրեր առաջ հրազենային վիրավորում ստացած զինծառայողին

23-ամյա հետախուզվողը հայտնաբերվել և բերման է ենթարկվել

10 ոսկե, 5 արծաթե, 2 բրոնզե մեդալ. հայ դպրոցականների՝ միջազգային Ժաուտիկովյան օլիմպիադայի ձեռքբերումները

Սահադաշտում տեղի ունեցած ծեծկռտուքի հետևանքով անչափահաս է տեղափոխվել «Սուրբ Աստվածամայր» ԲԿ. shamshyan.com

Հայրենիքի փրկության շարժմանը մասնակցում էին նաեւ նախկին ու ներկա քաղաքապետեր

Իրանում «Radteb Naghsh-e Jahan» ընկերության տնօրենը հայտարարել է Հայաստանում տնտեսական գործունեություն սկսելու մասին

«Հայ երգը դարերից». նոր նախագիծ Գյումրու ժողովրդական գործիքների պետական նվագախմբից

Հայաստանը պահեք`սահմանը ատամներով բռնած, սահմանին սիրահարված, ու սահմանին միշտ մի կյանք պարտք

Լեռնային Ղարաբախում շուրջ 100 խաղաղապահ պատվաստվել է «Спутник-V» պատվաստանյութով. ՌԴ ՊՆ

Օդի ջերմաստիճանը կնվազի 12-ից 15 աստիճանով

Հայկ Հաջինազարյանը կնշանակվի Սպիտակ տան տարածաշրջանային հաղորդակցության բաժնի ղեկավար. «Արմենպրես»

Լերմոնտովոյին հարակից անտառից ապօրինաբար ծառեր են հատվել

Արծվանիկ գյուղում ավտոմեքենա է այրվել

ՊԵԿ-ում քննարկվել է զարգացման եվ վարչարարության բարելավման ռազմավարական ծրագիրը

Շաբաթ օրը մեզ կընդունեն արդեն վարչապետի ֆորմատով. ավարտվեց ժամկետային զինծառայողների ծնողների հանդիպումը

 «Մեկ օր հրաշքի մեջ». իրականացվել է բարեգործական ծրագիր զինծառայողների և արցախցի փոքրիկների համար

Արագածոտնի, Գեղարքունիքի, Լոռու և Շիրակի մարզերում ձյուն է. ՀՀ-ում կան փակ ավտոճանապարհներ

Ժամանակավոր արգելք է սահմանվել սև և գունավոր մետաղների ջարդոնի, թափոնի արտահանման նկատմամբ. ՊԵԿ

Հայրենիքի փրկության շարժումը Վանաձորում է. Վազգեն Մանուկյանն անդրադարձավ Գյումրիում արված իր «բոմժ» արտահայտությանը

Ժամկետային զինծառայողների ծնողները հանդիպում են վարչապետ Նիկոլ Փաշինյանի հետ

Նախարարությունը հրապարակել է Արցախի շրջանների ներկայացուցիչների հեռախոսահամարները

Ադրբեջանական կողմը 2 զինծառայողի դի է փոխանցել

Գյումրիում առատ ձյուն է տեղում, փողոցների մաքրման համար աշխատում է 20 միավոր տեխնիկա (լուսանկարներ)

Գյումրու Պարոնյան փողոցում մեքենա է այրվել

Արագածի տարածաշրջանում բուք է, տեսանելիությունը՝ 20 մետր

Գոռավանում տուն է հրդեհվել

Հաստատվել է կորոնավիրուսի 263 նոր դեպք, առողջացել է 295, մահացել՝ 13 մարդ

Լարսը փակ է. ռուսական կողմում 340 բեռնատար է կուտակվել

ՀՀ ժամանելիս օդանավակայանում պետք է ներկայացնել ՊՇՌ հետազոտության սերտիֆիկատ. հրաժարվողը կենթարկվի պարտադիր մեկուսացման

Հրդեհ անասնագոմում. անկել են խոշոր եղջերավորներ ու հավեր, այրվել՝ հացատան կահույքն ու անասնակերը

Պայթեցումներ կիրականացվեն Ասկերանում, Խնածախում և Այգեստանում, պայթյունների ձայները կլսվեն նաև Ստեփանակերտում. ԱՀ ԱԻՊԾ

Էջմիածնում բնակարան է հրդեհվել

ՀՀ տարածքում կան փակ և դժվարանցանելի ավտոճանապարհներ. Լարսը փակ է

Դատապարտելի են այսօր Գյումրիում Վազգեն Մանուկյանի կողմից քաղաքացիներին ուղղված վիրավորական ձևակերպումները. ՄԻՊ