Սերժ Սարգսյանը մոտ ապագայում ցույց կտա, որ ինքն է «Կառավարության տերը»

ԱԺ պատգամավոր Նիկոլ Փաշինյանը Կառավարության ծրագրին նվիրված իր ելույթը սկսեց «Սաշիկ Սարգսյանի գործակցի» մասին խոսելով.

«Տիկնայք եւ պարոնայք, մի քանի օր առաջ Գեղարքունիքի մարզի Վարդենիս քաղաքում էի, եւ բավականին տխուր, հուսահատ ֆոնի վրա անընդհատ աչքի էին ընկնում երթեւեկող Iveco մակնիշի գերժամանակակից բեռնատարները, որոնք բեռնված էին հանքանյութերով: Ամեն երկրորդ վարդենիսցին ասում էր՝ տեսնում ես, Սաշիկը տանում է ոսկու հանքերը: Սաշիկն, ի դեպ, Սերժ Սարգսյանի եղբայր Ալեքսանդր կամ Սաշիկ Սարգսյանն է»,- մանրամասնեց պատգամավորը եւ շարունակեց.

«Նույնիսկ էական չէ դեյուրե տվյալ անձնավորությունը որեւէ կապ ունի այդ հանքանյութերի արդյունահանման հետ, կարեւորը՝ ընկալումն է: Կառավարության ներկայացուցիչները նույնպես շատ են օգտագործում նեգատիվ ու պոզիտիվ սպասումները: Իսկ ո՞րն է մարդու ընկալումը. հետեւյալն է, որ ՀՀ-ում հարուստ անհատների 98 կամ նույնիսկ 100 տոկոսը կամ եղել է իշխանության մեջ, կամ եղել է իշխանության կողքին, ու այդ բոլոր իշխանությունները եկել են ու ասել, որ մարդը մեզ համար կարեւոր  արժեք է: Բայց փաստը մնում է այն, որ հարստացել են միայն այն մարդիկ, որոնք կա՛մ իշխանության մեջ են, կա՛մ իշխանության կողքին»:

Փաշինյանի համոզմամբ՝ իշխանության մեջ կամ կողքին լինելն ամենակարեւոր նախապայման է հարուստ լինելու, ուստի պատգամավորի համար զարմանալի է, որ ՀՀ-ում ներդրումների մասին բացակայութան մասին խոսելիս չեն խոսում ամենակարեւորի մասին.

«Այս մասին մի քանի անգամ ասել եմ այս ամբիոնից, եթե ուրիշ երկրներում կարեւոր է Նասդաքի գործակիցը, ՀՀ-ում վճռականը Սաշիկի գործակիցն է, ընդ որում, սա ոչ միայն վերաբերում է կոնկրետ անձի, այլ ընդհանուր համակարգին, այն տնտեսական շահերին, որոնք մշտապես ներկայացված են ԱԺ-ում ու իշխանության մեջ»,- ասաց նա:

Պատգամավորը, դիմելով խորհրդարանին հարց հնչեցրեց, թե արդյոք պատրաստվո՞ւմ է Կարեն Կարապետյանի կառավարությունը որեւէ բան անել «Սաշիկի գործակիցը չեզոքացնելու» համար, ինքն էլ պատասխանեց իր հնչեցրած հարցին.

«Իհարկե, ո՛չ, որովհետեւ, երբ նայում ենք այս դահլիճին, ամբողջապես կենտրոնացած են տնտեսական շահեր, խմբակային շահեր, օլիգարխիկ շահեր: Այս դահլիճի մեծամասնությունը վարչապետի գործատուն է եւ նրա գլխավերեւում կանգնած է այդ շահերի գլխավոր արտահայտիչը՝ Սերժ Սարգսյանը: Հետեւաբար, խոսել այս կառավարության տնտեսական կոնտեքստի մասին, անիմաստ է, որովհետեւ տնտեսական հարաբերություններում չի կարող որեւէ բան փոխվել»,- ասաց ընդդիմադիր պատգամավորը՝ հավելելով, որ վերջին  15-16 տարիներին տնտեսական մոդելը չի փոխվել:

Նիկոլ Փաշինյանը մանրամասնեց, թե որն է այդ մոդելը.

«Այ, էն գերագույն արժեք ներկայացող քաղաքացին պետք է գնա խոպան: Եւ, եթե խոպանից 3,5-5 միլիարդ փող կուղարկի Հայաստան՝ իր ընտանիքին, որոնք այդ օլիգարխիայի սպառողներն են, մենք կունենանք երկնիշ տնտեսական աճ: Իսկ եթե չի ուղարկի տարեկան 1-1,5 միլիարդ վարկ կվերցնենք արտաքին պարտքի տեսքով ու տենց 3-4 տոկոս տնտեսական աճ ցույց տալով յոլա կգնանք: Հարց է ծագում՝ բա որ տնտեսական կոնտեքստը չկա, ինչի՞ մասին է խոսքը: Խոսքը շատ պարզ բանի մասին է. ինչի՞ է Սերժ Սարգսյանը Կարեն Կարապետյանին նշանակել վարչապետ, որպեսզի հանրության մեջ պոզիտիվ տրամադրություններ առաջացնի: Հիմա վարչապետը տարբեր բաներ կասի, մինչեւ մարդիկ հասկանան՝ որն է ճիշտ, որը՝ սխալ, որն իրականացավ, որը՝ չիրականացավ: Տեղի կունենան 2017 թվականի խորհրդարանական ընտրությունները, հետեւաբար, Կարեն Կարապետյանի միակ գործառույթը Սերժ Սարգսյանի տեսակետից՝ ապահովելն է այս խորհրդարանական մեծամասնության վերարտադրությունը»:

Փաշինյանի խոսքով՝ ժողովրդի շրջանում մեկ ուրիշ սպասում կա նորանշանակ վարչապետի հետ կապված, որը չգիտի պոզիտիվ անվանի, թե՝ նեգատիվ.

«Որ Կարեն Կարապետյանին Մոսկվայից գործուղել են, որ գա Սերժ Սարգսյանին իշխանությունից հեռացնի: Ընդհանրապես, էս խնդիրը 2017-18 թվականներից առաջ կա: Հիմա Կարեն Կարապետյանի առաջ հարց է՝ ինքը ապահովո՞ւմ է խորհրդարանական մեծամասնության հաղթանակն ընտրություններում, որպեսզի 2017 թվականին իր տեղը զիջի Սերժ Սարգսյանին, թե՞ ինքն այդ ժամանակը պիտի օգտագործի էս մեծամասնության առանցքային դեմքերին՝ օլիգարխիային, իր շուրջը համախմբելու եւ անձամբ իշխանություն ստանձնելու համար: Սա չափազանց նուրբ իրավիճակ է, որ նույնիսկ Հովիկ Աբրահամյանն իր հանրահայտ խորամանկությամբ չկարողացավ կառավարել այս իրավիճակը»,- ասաց նա:

Փաշինյանը խոսքով՝ դեռ պետք է հասկանալ Կառավարության ղեկավարը Կարեն Կարապետյա՞նն է, թե՞ Սերժ Սարգսյանը.

«Երեկ նախագահական նստավայրից տարածված մի հաղորդագրություն ցույց է տալիս, որ Սերժ Սարգսյանն, ըստ ամենայնի, մոտ ապագայում փորձելու է ցույց տալ, որ ինքն է այս կառավարության տերը: Խոսքն այն հաղորդագրության մասին է, որ շուտով նախագահականի լրատվական ծառայությունը կլուսաբանի նաեւ հայաստանյան պաշտոնյաների ընդունելությունները Սերժ Սարգսյանի մոտ՝ Պուտինի ոճով. Սերժ Սարգսյանը կնստի, նախարարներին կկանչի՝ սա՝ սենց, նա՝ նենց»,- ասաց նա:

Պատգամավորը խոսեց նաեւ Կառավարության կազմի մասին՝ համոզմունք հայտնելով, որ ընդգրկված են մարդիկ, որոնց ի սկզբանե հանրությունը չի կարող վերաբերվել մեղավորության կանխավարկածով.

«Բայց պետք է հասկանանք, որ վերջին 15 տարիներին կառավարությունն, ընդհանրապես, դադարել է քաղաքական մարմին լինելուց, վերջին տարիներին կառավարության որեւէ անդամ, որեւէ նախագծի դեմ չի քվեարկել: Ընդհանրապես, կառավարությունում քվեարկության կարգը հանված է, որոշումները կոնվեերով ընդունվում են, ավելին ՝ նախարարների 80 տոկոսը որեւէ լուրջ որոշում կայացնելու լիազորություն չունի, եւ գրեթե ամենօրյա ռեժիմով, այ այնտեղ, քիչ առաջ առաջին շարքում նստած համեստ անձնավորությունը, երկար տարիներ նախարարներին զանգում եւ ասում էր, թե ինքը ոնց պետք է էդ օրը շնչի, ոնց՝ արտաշնչի: Խոսքը Վիգեն Սարգսյանի մասին է, որը նախագահականի աշխատակազմի ղեկավարն էր»,- ասաց նա:

Ելույթի վերջում պատգամավորը շեշտեց՝ հերթական ներիշխանական ինտրիգի է հանրությունն ականատես լինելու այս իրադարձությունների ֆոնին, նաեւ լուր ներկայացրեց.

«Այս Կառավարությունն աննախադեպ է նրանով, որ այստեղ առնվազն գիտությունների 5 դոկտոր կա ընդգրկված, բայց կատարելապես անհասկանալի է պատմափիլիսոփայական գիտությունների դոկտոր-պրոֆեսոր Սուրիկ Խաչատրյանին Սյունիքի մարզպետի պաշտոնից հեռացնելը: Շնորհակալություն ուշադրության համար»,- եզրափակեց նա:

Տպել
4787 դիտում

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով