Ո՞ր կուսակցության հետ է համագործակցելու Վիկտոր Դալլաքյանը

Այսօրվա ներքաղաքական ամենաինտրիգային թեմաներից մեկը, թերեւս, Վիկտոր Դալլաքյանի երկրորդ հայտնությունն է եւ նորից ակտիվ քաղաքականություն վերադառնալու հայտը:

Քաղաքականության մեջ լինելով հին խաղացող՝  նա կարողացավ խորհրդավորություն հաղորդել իր այդ քայլին՝ չմանրամասնելով, թե ի վերջո ինչ է նախաձեռնում՝ կուսակցությո՞ւն է ստեղծում, թե՞ ինչ-որ այլ միավոր: Եվ ինչպես կասեր նրա հին գործընկերներից Ստեփան Դեմիրճյանը, ումով եւ ինչով է նա դա անում: Ի դեպ, Դալլաքյանի նախաձեռնությունների մասին տեղեկացված չեն նաեւ հիմնական ներքաղաքական ուժերը՝ գոնե խորհրդարանական կուսակցությունների ներկայացուցիչները: Եվ այսօր նրա շուրջ շրջանառվող ամեն ինչ ենթադրությունների մակարդակում է: Ինքը՝ Դալլաքյանը, պահելով ինտրիգը, նախորդ ասուլիսի ժամանակ հայտարարեց, որ հաջորդ հանդիպումը կհրավիրի մինչեւ նոյեմբեր՝ այսինքն հաջորդ շաբաթ եւ իր նախաձեռնության մասին է՛լ ավելի կարեւոր տեղեկություններ կհայտնի:

Հետաքրքիր զուգադիպությամբ նոյեմբերին իր՝ քաղաքականություն մտնել-չմտնելու մասին հայտարարություն կանի նաեւ Ռուսաստանի հայերի միության նախագահ Արա Աբրահամյանը: Համենայնդեպս, անցած շաբաթ Երեւանում կազմակերպած ֆորումի ժամանակ լրագրողների հետ զրույցում նա այդպես է հայտարարել: Վերջինս անցած տարի քաղաքականություն մտնելու մի քանի փորձ արեց, ինչը կանխեցին իշխանությունները: Հասկանալի է, որ այդ միտքը նրա գլխից դեռ դուրս չի եկել: Հնարավո՞ր է արդյոք, որ Վ. Դալլաքյանի եւ Ա. Աբրահամյանի միջեւ քաղաքական պայմանավորվածություն կա: Հատկապես որ շրջանառվող տեղեկությունների համաձայն՝ Դալլաքյանի ֆինանսական աջակցությունը Ռուսաստանից է: Դալլաքյանը, շարունակում է խուսափել հարցազրույցներ տալուց եւ երեկ նորից հրաժարվեց պատասխանել մեր հարցերին:

Շրջանառվող տեղեկությունների համաձայն՝ Վ. Դալաքյանի նախաձեռնությանը տոն տվողը պաշտպանության նախկին նախարար Սեյրան Օհանյանն է, հատկապես որ նա էլ իր պաշտոնանկության եւ այլ պատճառներով նեղացած է իշխանություններից: Մինչդեռ հատկապես իշխանական դաշտի ներկայացուցիչները մեզ հետ մասնավոր զրույցներում թերահավատություն են հայտնում, որ Ս. Օհանյանը կարող է միանալ Վ. Դալլաքյանին, թեեւ լսել են, որ նախկին նախարարն արդեն այդ ուղղությամբ հանդիպումներ է անցկացնում տարբեր իշխանական ու ոչ իշխանական գործիչների հետ: Դրանով հանդերձ, իշխող Հանրապետական կուսակցության ներկայացուցիչները չեն կարողանում հասկանալ, թե ինչ ընդհանուր կապ կարող են ունենալ այս երկուսը, թեեւ պաշտպանության նախկին նախարարն էլ համարվում է ՌԴ-ի ազդեցության տակ գտնվող գործիչ: Ավելին՝ նա ռուսական բանակի սպա է եղել:

Ի դեպ, Վ. Դալլաքյանը, խոսելով իր հետագա քայլերի մասին՝ ամենեւին էլ չպնդեց, որ կուսակցություն է ստեղծելու: Տպավորություն ստեղծվեց, անգամ տեղեկություններ կան, որ նա գործող կուսակցություններից մեկին կմիանա: Խոսքը հավանաբար վերաբերում է արտախորհրդարանական մի կուսակցության, բայց թե դա որ կառույցն է, առայժմ մեզ չհաջողվեց պարզել: Ընդամենը կարողացանք իմանալ, որ նա հանդիպել է դեմկուսի նախագահ Արամ Գասպարի Սարգսյանին, որը, հիշեցնենք, սերտ առնչություն ունի Արա Աբրահամյանի հետ: Իսկ Վ. Դալլաքյանն ու Ա. Սարգսյանն ունեն քաղաքական անցյալ դեռեւս «Միասնություն» դաշինքից:

Ա. Սարգսյանը, սակայն, մեզ հետ զրույցում հերքեց, որ հանդիպել է Վ. Դալլաքյանի հետ եւ քննարկել է հետագա համագործակցության վերաբերյալ ինչ-որ հարցեր եւ չբացառեց, որ հետագայում կարող են եւ համագործակցել: Վ. Դալլաքյանի հետ համագործակցության ու այլ հարցերի մասին էլ զրուցեցինք Ա. Սարգսյանի հետ: Ի դեպ, հետաքրքիր զուգադիպությամբ դեմկուսի համագումարն էլ նոյեմբերին է պլանավորված, ծայրահեղ դեպքում՝ դեկտեմբերին:

- Պարոն Սարգսյան, դուք մասնակցելո՞ւ եք 2017թ. խորհրդարանական ընտրություններին:

- Այո, մասնակցելու ենք, բայց այդ հարցի վերաբերյալ վերջնական որոշումը մեր համագումարը կընդունի: Բայց միանշանակ մեր կուսակցության ղեկավար մարմնի տեսակետն այն է, որ պետք է մասնակցենք: Եթե կուսակցությունը ընտրություններին չմասնակցի, էլ ի՞նչ պիտի անի:

- Իսկ ինչպե՞ս եք մասնակցելու ընտրություններին, միայնա՞կ, թե դաշինքով:

- Իհարկե, մենք չենք հրաժարվի դաշինք կազմել մեզ համար ընդունելի քաղաքական ուժերի հետ: Գիտեք, որ «Միասնություն» դաշինքի կազմում ենք եղել: Ավելին, այդ դաշինքը մենք ենք նախաձեռնել: Բայց մենք դեմ ենք եղել գաղափարապես տարբեր ուղղություններ ունեցող կառույցների հետ դաշինք կազմելուն, քանի որ դրանից լավ բան չի ստացվում, բայց կան դեպքեր, երբ ստիպված ենք եղել անել. դա եղել է ե՛ւ 1996թ., ե՛ւ 2003թ.: Իսկ հիմա կգերադասեինք համագործակցել գաղափարապես մեզ համար մոտ կառույցների հետ: Բայց ելնելով այսօրվա իրողություններից, որ ընտրությունները գնալով ավելի թանկ հաճույք են դառնում, պետք է միավորվել, որ կարողանաս դիմակայել նրանց, ովքեր օլիգարխիկ, ժողովրդից գողացած փողեր են օգտագործում, որ դնեն ու ժողովրդին նորից կաշառք տան:

- Իսկ որքա՞ն է հավանական, որ Արա Աբրահամյանն էլ մասնակցություն ունենա այդ ընտրություններին, նա ասել էր, որ նոյեմբերին քաղաքականություն մտնելու մասին հայտարարություն կանի:

- Արա Աբրահամյանն ինքնաբավ անձնավորություն է, եւ հենց ինքն էլ իր քայլերի մասին կտեղեկացնի: Եթե ինքը կորոշի իր մասնակցության ձեւաչափը, այդ դեպքում մենք կքննարկենք: Առավել եւս, երբ գիտեք, որ մենք միասին աշխատում ենք:

- Իսկ ձեր նախկին գործընկեր Վիկտոր Դալլաքյանի հետ չե՞ք հանդիպել եւ համագործակցության հարցեր քննարկել: Միգուցե հենց ձեր կուսակցության հետ նա համագործակցի:

- Ես ընդամենը կարող եմ ասել, որ մենք կարող ենք քննարկել այդ բոլոր հարցերը, դա չի բացառվում: Շատ հնարավոր է, որ մենք քննարկենք, քանի որ մենք միասին քաղաքական ուղի ենք անցել եւ գաղափարապես տարբեր բեւեռներում չենք: Բայց դա դեռ քննարկելիք հարց է, իսկ հիմա այդպիսի խնդիր մեր առջեւ դրված չէ:

- Չե՞ք քննարկել այդ հարցը:

- Դեռ չենք քննարկել:

- Իսկ Ա. Աբրահամյանը կարո՞ղ է Վ. Դալաքյանի նախաձեռնության հետ կապ ունենալ:

- Ես չեմ կարող ասել: Եկեք այդ ենթադրությունները մի կողմ թողնենք: Այնքան քիչ ժամանակ է մնացել այդ բոլոր հարցերի պատասխանները ստանալու համար: Կլինի իրողությունը, կխոսենք:

Տպել
3134 դիտում

Բռնի տեղահանված անձանց համար 2023-ին կազմակերպվել են 35-40 մլրդ դրամ ընդհանուր բյուջեով աջակցության ծրագրեր. Խաչատրյան

Տեղահանված անձանց՝ ՀՀ քաղաքացիություն ընդունելը կարևոր է, դա ամրագրում է կենսականորեն այստեղ ապրելու փաստը. փոխվարչապետ

Պատրաստ ենք աջակցել ԼՂ-ից տեղահանված անձանց բնակարանի ձեռքբերման հարցում. Խաչատրյանը նշեց՝ ինչպես է դա հնարավոր

ՌԴ-ի տեսակետները հնչում են նրա՝ «կոլխոզի նախագահ» Լուկաշենկոյի բերանով, նա տարբեր տեղեր մտնելու սեր ունի. Սուքիասյան

ԼՂ-ից բռնի տեղահանված անձանց աջակցության մի շարք ծրագրեր կշարունակվեն. փոխվարչապետը մանրամասներ հայտնեց

ՀՀ տարածքում կան փակ ավտոճանապարհներ

Իմ այցն Իրաքի Հանրապետություն ևս մեկ պատմական ձեռքբերում է. Վահագն Խաչատուրյան

Ըստ 81-ամյա Բայդենի՝ 77-ամյա Թրամփը «գրեթե նույնքան ծեր է», որքան ինքը

Անչափահաս տղան, չունենալով վարելու իրավունք, «Նիսսան»-ով հարվածել է Արաբկիրի թաղապետարանի, ՔԿ-ի և այլ ավտոմեքենաների

Միրզոյանն ու Թանգը խոսել են մտավոր սեփականության ազգային ուսումնական կենտրոնի ստեղծման ուղղությամբ աշխատանքների մասին

Հրդեհ Զովունիի գազալցակայաններից մեկում

Ադրբեջանը Ստեփանակերտում հեռացրել է Շառլ Ազնավուրի հուշարձանը

ՀՀ-ն առաջարկում է խաղաղության պայմանագրին ընդառաջ ստորագրել չհարձակման և սպառազինության վերահսկման պայմանագիր. Միրզոյան

Յոթ ոստիկան ազատվել է ծառայությունից

Հայ գործընկերներին փոխանցեցի 15 միլիոն եվրոյի ֆինանսավորման համաձայնագիրը. Կիրալի

Ներնետման դեպք «Վանաձոր» քրեակատարողական հիմնարկում

«Գարդման-Շիրվան-Նախիջևան»-ը պատասխանել է Ադրբեջանի նախագահի օգնական Հիքմեթ Հաջիևի հայտարարությանը

Տեխնիկական ապահովվածության ստանդարտները պետք է համապատասխան լինեն, որպեսզի ակտերն էլ անվավեր չճանաչվեն. Մանավազյան

3,5 տարվա ընթացքում ԼՂ ժողովուրդն անցել է սպանությունների, կտտանքների, սովահարության տառապանքներով. Միրզոյանը՝ ՄԱԿ-ում

Բայրամովը մեկնել է Գերմանիա՝ Միրզոյանի հետ հանդիպման

Մենք միշտ միջազգային իրավունքի կողքին ենք, նվիրված՝ յուրաքանչյուր երկրի տարածքային ամբողջականությանը. Միցոտակիս

Եվրամիությունը Հայաստանի ժողովրդավարական բարեփոխումների օրակարգի հիմնական գործընկերներից է. վարչապետ

Կոնստանտինոս Տասուլասը ՀՀ վարչապետին պարգևատրել է Հունաստանի խորհրդարանի Ոսկե մեդալով

Բաքու են ժամանել բարձրաստիճան թուրք զինվորականներ. քննարկվել է հայ-ադրբեջանական սահմանային իրավիճակը

Կարեն Գիլոյանը մարզական կոչումներ է հանձնել մարզաշխարհի մի շարք ներկայացուցիչների

ՀԱՊԿ-ի «Փոխգործակցություն-2024» զորավարժություններին կմասնակցի 5 երկիր. Շոյգու

Թուրքիայում երկրաշարժ է տեղի ունեցել

Հայաստանի դեմ ապատեղեկատվական արշավը շարունակվում է

Զինծառայող Ավագ Զաքարյանի սպանության մեղադրանքով կալանավորվել է նրա համածառայակիցը. մանրամասներ

2023 թվականին վերականգնվել է պետությանը պատճառված մոտ 2,5 մլրդ դրամի վնասը. զինդատախազն ամփոփել է անցած տարին

Սյունիքում ձորն է շրջվել 23 տոննա ավիաբենզինով ցիստեռնը. կա տուժած (լուսանկարներ)

Ինչպես է գործելու արտագնա աշխատանքի մեկնողներին հարկելու մեխանիզմը. Բադասյանը մանրամասնել է

Մհեր Գրիգորյանը ԵՄ պատվիրակությանն է ներկայացրել «Խաղաղության խաչմերուկ» նախագծի հիմնական նպատակներն ու սկզբունքները

Եթե անձը հայրենասիրությունից խոսում է արցունքն աչքերին, բայց չի կատարում իր պարտավորությունները, հայրենասեր չէ. Բադասյան

Հայաստանը 2023-ից գիտակցում և հասկանում է խաղաղության գինը, մենք դեմ ենք ուժի և սպառնալիքի կիրառմանը. Միցոտակիս

Կոնվերս Բանկը մեկնարկել է «Մեդիքալ» ընկերության պարտատոմսերի տեղաբաշխումը

Ժողովրդավարական բարեփոխումները արժեքային հիմք են Հունաստանի և ընդհանրապես ԵՄ-ի հետ հարաբերությունների համար. վարչապետ

Ucom-ի ֆիքսված ինտերնետը մուտք է գործել Աշտարակ

Հայաստանն ու Իրաքը քննարկել են հայ֊իրաքյան միջկառավարական հանձնաժողովի աշխատանքն ակտիվացնելու հարցը

Ցավակցում եմ նրանց, ովքեր 36 տարի առաջ Սումգայիթում կորցրել են հարազատներին․ ՀՀ-ում ԵՄ դեսպան Մարագոս