Հումորի մեծ զգացում. Նաջարյանը կրկին փոշմանել է

Երեկ տեղի ունեցավ ՀՀ նախագահի աշխատակազմի ղեկավարի տեղակալ, խորհրդարանում նախագահի անձնական ներկայացուցիչ, ՀՀԿ խորհրդի անդամ Վիկտոր Դալլաքյանի մամուլի ասուլիսը:

Դալլաքյանը հայտարարեց, որ հրաժարվում է իր բոլոր պաշտոններից, ՀՀԿ անդամակցությունից եւ պատրաստվում է ակտիվորեն մասնակցել ներքաղաքական կյանքին, մասնավորապես 2017 թվականի խորհրդարանական ընտրություններին: Վիկտոր Դալլաքյանը սուր քննադատական տեքստեր արտասանեց, անձնական զրույցներ բացահայտեց, այդպիսով իրեն հռչակելով Սերժ Սարգսյանի եւ նրա իշխանության ամենակատաղի ընդդիմադիրը` այսօրվանից սկսած մինչեւ 2017 թվականի խորհրդարանական ընտրությունների ավարտը: Մի շարք կարեւոր մանրամասներ Դալլաքյանը թաքցրեց, որպեսզի, ինչպես ինքն ասաց՝ լրագրողների հետաքրքրությունը իր նկատմամբ չմարի: Խոստացավ այս ամսվա ընթացքում կրկին հանդիպել եւ տալ մյուս հարցերի պատասխանները, մասնավորապես, թե ինչ ձեւաչափով է մասնակցելու խորհրդարանական ընտրություններին, որտեղից է ֆինանսավորվելու կուսակցությունը, որը պատրաստվում է բացել, ովքեր են լինելու կազմում, ինչ է այն կոչվելու եւ այլն:

Այն մասին, որ Դալլաքյանը պատրաստվում է կուսակցություն հիմնել, «ՀԺ»-ն գրել է դեռեւս սեպտեմբերի սկզբին: Գրեթե միեւնույն ժամանակ էլեկտրոնային ԶԼՄ-ներում հրապարակում հայտնվեց, որ պաշտպանության նախարարի պաշտոնակատար Սեյրան Օհանյանը չի վերանշանակվելու իր պաշտոնում եւ գլխավորելու է Դալլաքյանի կուսակցությունը: Նշվում էր, որ կուսակցությունը կոչվելու է «Շրջադարձ»: Երեկ Դալլաքյանը հայտարարեց, որ այն «Շրջադարձ» չի կոչվելու, բայց չասաց նաեւ, թե ինչ անուն է ունենալու, սա էլ թողնելով հաջորդ հանդիպմանը:

Սեյրան Օհանյանի անդամակցության հարցը շրջանցեց, հայտարարելով, որ քանի դեռ Օհանյանն իր ծրագրերի մասին հրապարակային հայտարարություն չի արել, ինքը ձեռնպահ կմնա գնահատականներից: Սակայն չմոռացավ հայտարարել, որ ցանկացած կուսակցության համար պատվաբեր կլիներ, որպեսզի Օհանյանի նման ռազմական պետական գործիչը անդամակցեր իրենց կուսակցությանը: Տարիներ առաջ, երբ Դալլաքյանին հարցրել էին` ճի՞շտ է արդյոք, որ ինքն է գրել ԲՀԿ ծրագիրը, նա կրկին խուսափել էր պատասխանից, բայց ասել էր, որ նման ծրագիրը պատիվ կբերեր յուրաքանչյուրին: Երեկ, 10 տարի անց, խոստովանեց, որ ԲՀԿ ծրագիրն ինքն էր գրել:

Վերադարձի ասուլիսում Դալլաքյանը փորձեց պատասխանել իր կյանքի եւ գործունեության հետ կապված բոլոր հնարավոր վերապահումներին: Նա նախահարձակ եղավ եւ հայտարարեց, որ համագործակցել է ՀՀ բոլոր երեք նախագահների հետ: «Սիրում եմ երկիրս, դրա համար էլ համագործակցել եմ երեք նախագահների հետ»,- ասաց: Այնուհետեւ պատմեց Սերժ Սարգսյանի հետ համագործակցությունից մի շարք ներքին դրվագներ.

«2012 հունվարին Սերժ Սարգսյանն ինձ հրավիրել է նախագահական նստավայր ու խնդրել, որպեսզի շարունակեմ համագործակցությունն իր հետ: Մենք երկար քննարկել ենք այդ խնդիրը, ներկայացրել եմ պատկերացումներս երկրի ապագայի վերաբերյալ: Նա ընդունել է մոտեցումներս, եւ ես անդամակցել եմ ՀՀԿ-ին: Սակայն 2012 թվականի մայիսի 6-ի խորհրդարանական ընտրությունների ժամանակ իմ դեմ օգտագործել է լուսավոր հանցագործին (ԼՀ նախագահ Էդմոն Մարուքյանի ընտրությունը թիվ 30 ընտրատարածքում.-խմբ.) ....Ընտրություններից երկու օր հետո Սերժ Սարգսյանն ինձ հրավիրել է Ստեփանակերտ: Մենք հանդիպել ենք 2012 թվականի մայիսի ութին: Ներկա են եղել Ամենայն հայոց կաթողիկոսը, Բակո Սահակյանը, Սերժ Սարգսյանը եւ ես: Սերժ Սարգսյանը ասաց՝ թույլ տվեք մենք առանձին խոսելու բան ունենք միասին: Ինձ հարց տվեց՝ ինչո՞ւ այդպես ստացվեց, նկատի ուներ Վանաձորի ընտրությունը: Ես ասացի, որ այդպես ստացվելու հետ կապված եկել եմ պատասխանը ձեզնից ստանամ, որովհետեւ չորս անգամ անընդմեջ ընտրվել եմ պատգամավոր, որին դեմ են եղել առաջին եւ երրորդ նախագահները: Ես Սարգսյանին հարցրել եմ, դուք հրապարակայնորեն իբր ինձ պաշտպանել եք, բայց արդյունքում ես չեմ ընտրվել»,- ասաց Դալլաքյանը, որը մինչեւ այսօր էլ թերեւս չի ստացել հարցի պատասխանը, թե ինչու է այդպես ստացվել:

Դալլաքյանը չգիտի նաեւ, թե ինչպես ստացվեց, որ մեծ ակնկալիքներով եւ պլաններով ստանձնելով խորհրդարանում նախագահի ներկայացուցչի պաշտոնը, հայտնվեց լիակատար մեկուսացման մեջ, չմասնակցեց որեւէ քաղաքական պրոցեսի, օրենսդրական գործունեության հնարավորությունից զրկվեց եւ, ինչպես երեկ խոստովանեց, չորս տարվա ընթացքում Սերժ Սարգսյանի երեսը մեկ անգամ նույնիսկ չտեսավ:

Հնարավոր է, որ հիմա էլ Դալլաքյանը մինչեւ վերջ լավ չի պատկերացնում, թե այդ ինչպես ստացվեց, որ ինքը երկրորդ անգամ ՀՀԿ-ից դուրս եկավ (փաստորեն նա ՀՀԿ անդամ է եղել նաեւ 1998-2003 թթ. ) եւ 2017 թվականի ընտրություններից առաջ կատարեց ճիշտ այնպիսի քայլ, ինչպիսին 2008 թվականի ընտրություններից առաջ արել էր Արթուր Բաղդասարյանը: Հայկական ֆեյսբուքը երեկ շտապեց արձանագրել, որ նույնիսկ ձեռագիրն ու ոճն էր նույնը:

«Այսօրվա իմ ելույթից հետո, եթե ինձ ու ընտանիքիս անդամներին բան պատահի, պատասխանատվությունը Սերժ Սարգսյանի վրա է, նաեւ դիմում եմ ՀՀ-ում հավատարմագրված դեսպաններին, որպեսզի ուշադրություն դարձնեն իմ հայտարարություններին»,- երեկ հայտարարեց Վիկտոր Դալլաքյանը:

«Երեկ ուշ երեկոյան իմ եւ իմ անձի հասցեին հնչեցրել են սպանության սպառնալիք: Դա խաղ ու պար չէ. եթե ինձ հետ կպատահի որեւիցե մի բան, դրա անմիջական պատասխանատուն այսօրվա գործող իշխանություններն են: Սա հայտարարում եմ ամենայն պատասխանատվությամբ»,- 2008 թվականին ընդդիմադիր դառնալուց հետո հայտարարել էր Արթուր Բաղդասարյանը:

Դալլաքյանին այս մասին երեկ հարց ուղղվեց, որին նա այսպես պատասխանեց. «Պետք է հումորի մեծ զգացում ունենալ ինձ այլ գործչի հետ համեմատելու համար»: Հիշատակմանը, որ ինքը համարվում է Բաղրամյան 26-ից ուղարկված անձ, որի առաքելությունը ընդդիմադիր դաշտում որոշակի հատված զբաղեցնելն է, Դալլաքյանը նույն ոճով պատասխանեց. «Իմ այսօրվա ելույթից հետո նման գնահատականները ես համարելու եմ հումորի մեծ զգացողության հետեւանք»:

Անկեղծ ասած, փորձում ենք հիշել, թե իր ելույթի այդ որ հատվածները չպետք է թույլ տան նման գնահատականներ տալ, բայց առանձնապես տպավորիչ պահեր չենք հիշում: Թերեւս միայն այն, որ Դալլաքյանը վերահաստատեց իր հայտնի ելույթը Սերժ Սարգսյանի՝ կազինոներ հաճախելու եւ ժողովրդի թոշակի հաշվին 50 հազար կոն դնելու մասին: Սա, սակայն, ժամանակին չխոչընդոտեց Դալլաքյան-Սարգսյան համագործակցությանը, Դալլաքյանին ու նրա ընտանիքի անդամներին էլ ոչինչ չպատահեց: Երեկվա երկրորդ «սուր», իսկ իրականում բոլորովին անշառ հայտարարությունն այն էր, որ Սարգսյանը Էդմոն Մարուքյանի քաղաքական պապան է, եւ նրան 2012-ին օրենքներ խախտելով դարձրել է պատգամավոր:

Տպել
3178 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին