Ամենքս մեզ հարց տալիս պիտի վստահ լինենք, որ թերանալիս անգամ՝ մեղավորության բաժին չենք ունեցել. Պապիկյանը՝ ՊՆ-ում

Պաշտպանության նախարարությունում կայացած խորհրդակցության ընթացքում ՀՀ պաշտպանության նախարար Սուրեն Պապիկյանը ելույթ է ունեցել՝ անդրադառնալով անցած տարվա ընթացքում կատարված աշխատանքին և այս տարվա անելիքներին:

Ելույթի սկզբում նախարարը ցավակցել է հունվարի 19-ին զորամասի կացարանում բռնկված հրդեհի հետևանքով զոհված 15 զինծառայողների հարազատներին:

«Ես իմ խորին ցավակցությունն եմ ուզում հղել հունվարի 19-ի դեպքերի բերումով զոհված մեր զինծառայողների հարազատներին, զինակից ընկերներին և ասել, որ Հայաստանի զինված ուժերում անտարբերությունը, խնդրիրներին մատերի արանքով նայելը և անկարգապահությունը տեղ ունենալ չեն կարող: Դա  այլևս աններելի է, և յուրաքանչյուրիս անելիքն է հետևություններ անել այս իրադարձություններից, խմբագրել մեր անելիքները և կատարել մեր պարտականությունները», - «Արմենպրես»-ի փոխանցմամբ՝ ասել է Պապիկյանը:

Նա հավելել է, որ հունվարի 28-ը իր համար՝ որպես պաշտպանության նախարար, ոչ միայն բանակի տոնն է, այլ  նախորդ տարի կատարված աշխատանքի, արվածի, չարվածի գնահատականի օրն է:

«Այն մի կարևոր փուլ է, երբ ամենքս մեզ հարց տալիս պիտի վստահ լինենք, որ մեր պարտականություններում թերանալիս անգամ՝ մեղավորության բաժին չենք ունեցել: Բայց փաստ է, որ 2022 թվականը որքան էլ մեր տքնաջան աշխատանքի արդյունքում որոշակի հաջողություններ է արձանագրել, կան բազում թերացումներ: Եվ այդ բազում խնդիրների հետ առերեսվելու, դրանք ի գիտություն ընդունելու և սխալները չկրկնելու պարտավորություն ունենք: Ես վստահ եմ, որ 2022 թվականը բարեփոխումների տարի լինելուց զատ էապես փոխել է մթնոլորտը մեր Զինված ուժերում: Գուցե, դա բավարար չէ, գուցե, տեսանելի չէ, և հանրության պահանջը, ակնկալիքը, գուցե, թվա անիրական կամ մեր ուժերից վեր, բայց մեր պարտավորությունն է այդ ակնկալիքն ամբողջությամբ բավարարել»,- նշել է նախարարը:

Պապիկյանն անդրադարձ է կատարել նաև 2022 թվականի սեպտեմբերյան դեպքերին, որոնց ժամանակ շատ զինծառայողներ և սպաներ աչքի են ընկել սխրանքներով:

«Հայաստանի տարածքային ամբողջականությունը պաշտպանելը յուրաքանչյուրիս պարտքն է՝ ԶՈՒ յուրաքանչյուր սպայի և հայրենիքի յուրաքանչյուր զինվորի: Այո, մենք 2022 թվականի սեպտեմբերին, նաև 2020 թվականի պատերազմից հետո ցույց տվեցինք, որ հայ զինվորը ԶՈՒ-ն կանգնած է մեր սահմանին և ամեն գնով պաշտպանելու է ՀՀ տարածքային ամբողջականությունը: Սա, իհարկե, առաջին քայլն է, առաջին նշույլն է առ այն, որ մեր ողնաշարը շտկման ճանապարհին է: Բայց նաև այն բավարար չէ, և 2023 թվականը ինձ համար՝ որպես պաշտպանության նախարար, ձեր առաջ պարտավորության ստանձնումն է, որ 2023-ը պետք է դառնա սխալների խմբագրման, անհնարինը իրականություն դարձնելով՝ մեր ողնաշարը շտկելու տարի: Այլ ճանապարհ չկա, մենք պետք է պատրաստ լինենք.  յուրաքանչյուրը, ով կրում է ուսադիր, ով չի կրում ուսադիր, բայց յուրաքանչյուր պահի պատրաստ է զորակոչվել մեր շարքերը, պետք է պատրաստ լինի իր կյանքն անմնացորդ նվիրել հանուն հայրենիքի: Բայց, իհարկե, ավելի լավ է 2023-ը նաև դարձնել ոչ միայն դիմադրելու ու դիմակայելու տարի, այլ այն դարձնել մտածելու, խելամիտ ու հնարամիտ լինելու տարի: Մեր տարածքային ամբողջականության պաշտպանության գրավականը պետք է լինի մեր խելամտությունը և, իհարկե, անմնացորդ կամքը»,- ասել է ՀՀ պաշտպանության նախարարը:

Նա նշել է, որ ուզում է ՀՀ ԶՈՒ յուրաքանչյուր սպայի աչքերում տեսնել ավյուն, տեսնել ցանկություն, պայծառ հայացք, որը միտված է մեր երկրի պաշտպանունակությունը օր առաջ ավելի ամուր, ավելի լավը դարձնելուն: «Հայոց բանակի դերը, հայ զինվորի դերն ու կոչումը մեր պետականության հարատևությունն ու ամրությունը պաշտպանելն է: ՀՀ ԶՈՒ-երը մշտապես պետք է լինեն մեր պետականության ապավենը և մեր պետականության հարատևման հիմնական գրավականը»,- ասել է Պապիկյանը:

Նա հավելել է, որ 2022-ին մի շարք բարեփոխումներ են իրականացրել, որոնց տեղայնացումը պետք է տեղի ունենա 2023 թվականին: «Դա կախված է ամենքիս ջանքերից: 2022-ը նաև եղել է հնարավորությունների տարի, 2023-ը իր հերթին լինելու է նպատակ ունեցող, տեսլական ունեցող զինվորականի համար վերելքի ու հնարավորության տարի: Սահմանափակ ու լճացած գործընկերների համար այն պետք է լինի բանակին, ԶՈՒ-ին հաջողություն մաղթելու տարի: Ես ուզում եմ ամեն մեկս մեզ համար հետևություն անենք արածի ու չարածի: 2023 թվականը պետք է մեզ համար դառնա նոր սկզբի տարի, վերընձյուղման տարի և ողնաշարի շտկման տարի: Ես ուզում եմ բոլորիս համար նոր կարգախոս դառնա անխոնջ աշխատանքը, քրտնաջան աշխատանքը և ուզում եմ բոլորիս նպատակը լինի մեկը՝ օր առաջ ավելի ամուր դարձնել ՀՀ սահմանը և տարածքային ամբողջականությունը»,- եզրափակել է նախարարը:

Տպել
747 դիտում

Երևանում իրանական առևտրի տուն է բացվելու․ Հայաստանը մտադիր է նման կենտրոն ունենալ Թեհրանում

Կայացել է սուբվենցիոն հայտերի գնահատման հանձնաժողովի նիստը․ համայնքներից ստացված 49 ծրագիր է քննարկվել

Խուզարկություններ են արվել, ՀՅԴ 10 ղեկավար անդամ է ձերբակալվել․ Սաղաթելյան

Երևան-Քիշնև ինքնաթիռը չնախատեսված վայրէջք է կատարել Բուխարեստում․ ինչ են հայտնել Մոլդովայի իշխանությունները

Երկուսս էլ առանց անուն տալու հասկացանք՝ ով է այն տերտերը, որի առջև դրախտի դարպասները հաստատ փակ են լինելու․ Կոնջորյան

Հայաստանում կիրականացվի 130 մլրդ դրամի ներդրում, կստեղծվի մոտ 1000 աշխատատեղ․ Գևորգ Պապոյանը խոսել է առաջիկա ծրագրերից

Կոմիտասի շենքերից մեկում հրդեհ է բռնկվել, կրակը տեսանելի է մի քանի հարյուր մետրից․ ըստ տանտիրոջ՝ պայթել է գազաբալոնը

5 հա և ավելի մակերեսով գյուղատնտեսական նշանակության հողերի միավորման դեպքում կտրամադրվի պետական աջակցություն

Գյուղի սկզբնամասում դարանակալել, հետո կրակել է․ Ամբերդի բնակչի սպանության կասկածանքով ձերբակալվել է համագյուղացին

Վարչապետը օտարերկրյա պետություններում Սփյուռքի գործերի հանձնակատար է նշանակել

Մեկ ամիս առանձին ժամերի միակողմանի փակ է լինելու Էրեբունու փողոցից Այվազովսկի ճանապարհահատվածը

Հայ-ադրբեջանական սահմանում արտառոց տեղաշարժ կամ միջադեպ չի նկատվել․ ԵՄ դիտորդական առաքելություն

Ոստիկանության բաժանմունքում կանայք հարձակվել են օպերլիազորի վրա, հարվածել, հայհոյել․ մեկի մոտ դանակ է հայտնաբերվել

ՌԴ-ն պատրաստ է «հենց վաղն» էլ նստել բանակցության սեղանի շուրջ․ Պուտինը հայտնել է Ուկրաինայի հետ խաղաղության պայմանները

ԱԳՆ շենքի դիմաց Գալստանյանի ակցիայի ժամանակ խուլիգանության դեպքի վարույթով նախաքննությունը, երեք անձի մասով, ավարտվել է

Գերմանիայում ռեկորդային քանակով՝ 35 տոննա կոկային է առգրավվել․ արժեքը գնահատվում է 30 միլիարդ եվրո

Քարկոփը Մ-6 ավտոճանապարհին միացնող հետիոտնային կամրջի աշխատանքներն ավարտվել են

Ռուսաստանից տուրիստական հոսքը կրճատվել է․ որ երկրներից են ավելի շատ զբոսաշրջիկներ այցելել Հայաստան

Երկրի ապագայի մասին մտածող ղեկավար ունենալու մաղթանք հղողն ինքը պետք է սեփականն ունենա․ ԱԳՆ բողոքի նոտան Բելառուսին

Պետք է հետևենք զարգացած երկրների օրինակներին․ Ավանեսյանն ու տարբեր գերատեսչությունների աշխատակիցներ արյուն են հանձնել

Որոշ գյուղատնտեսական արտադրատեսակների արտահանման նկատմամբ վեցամսյա արգելք է սահմանվել

Նախարարության քրգործերի բովանդակության մեջ խորանալու ժամանակ ու ցանկություն չի եղել, թիմը լավ է աշխատում․ Պապոյան

Բերման են ենթարկվել ՀՅԴ Վայոց ձորի կառույցի ղեկավար մարմնի անդամներ․ Լիլիթ Գալստյան

Հայտնաբերվել է հրազենային վնասվածքով պայմանագրային զինծառայողի դի․ ՊՆ

Կարելի է արձանագրել, որ Հայաստանի Հանրապետության քաղաքացին կայացել է․ Հովիկ Աղազարյան

Օգտատերերը ֆլեշմոբ են սկսել՝ կոչ անելով չօգտվել «Ջիջի» տաքսի ծառայությունից. պատճառը սեփականատիրոջ գրառումն է

Ծնողներից թաքուն վերցրել են հրացանը և պատահաբար կրակել․ երեխաներից մեկը տեղափոխվել է հիվանդանոց

Ֆրենկ Փալոնը ողջունել է ՀՀ-ԱՄՆ ռազմավարական երկխոսության նիստի արդյունքներով ընդունված համատեղ հայտարարությունը

Ucom-ը նոր հետվճարային փաթեթներ է գործարկում

66 մլն դրամ՝ Կիրանցի Սուրբ Երրորդություն եկեղեցու վերականգնման համար․ կբարեկարգվի նաև տարածքը

Գազալցակայանի տարածքում գտնվող արևային էներգիայի արտադրման կայանում հրդեհ է բռնկվել

Գեղամ Մանուկյանը մեքենայի առջևը նստած, առանց ամրակապվելու ուղիղ եթեր է անում (տեսանյութ)

Կտաքանա ևս 2-3 աստիճանով, սպասվում են կարճատև անձրևներ

Շուտափույթ ապաքինում եմ մաղթում Աբրահամ Գասպարյանին և մյուս բոլոր վիրավnրում ստացածներին․ Բաբկեն Թունյան

ՄԱԿ-ի կողմից իրականացվել է Լոռու և Տավուշի մարզում աղետի ազդեցության, վնասի և մարդասիրական կարիքների առաջնային գնահատում

Սահմանադրության փոփոխությունը ՀՀ ներքին գործն է, Ադրբեջանը չի կարող պահանջներ ձևակերպել․ Հովհաննիսյան

Հեղեղումների հետևանքով վնասված երկաթուղու շահագործումը կարող է նախատեսածից շուտ սկսվել

Չե՞ք ուզում ՀԱԵ-ին ասեք՝ կաթողիկոս, դու օրհնել ես Բագրատի ղեկավարած շարժումը, որը հարձակվել է ԱԺ-ի վրա. Հովհաննիսյան

Ինչու էին ձերբակալել «Artur Brothers»-ին. եղբայրներից մեկը հրաժարվել է Արսեն Բաբայանի պաշտպանությունից

2 մլրդ 830 մլն դրամ կհատկացվի 22 կմ միջպետական և տեղական ճանապարհների շինարարության համար