90-ականներին կար մեծ սպասում. դեկտեմբերին ամանորյա ինչ ներկայացումներ կլինեն Երևանի թատրոններում

Չնայած աշնանային մեղմ ու արևոտ եղանակային պայմաններին՝ մեկ օրից ձմեռն է, իսկ մեկ ամսից՝ Ամանոր: Տոներին ընդառաջ քաղաքը լուսավորվում և ձևավորվում է ամենագեղեցիկ լույսերով ու փայլերով:

Տոնական եռուզեռն ու առևտուրը, իհարկե, կարևոր են, սակայն պակաս կարևոր չեն մշակութային ամենատարբեր միջոցառումները:

Թե՛ մեծերին և թե՛ փոքրերին տոնական հրաշքին ու հեքիաթներին կմոտեցնեն բազմաժանր ու բազմաբովանդակ թատերական ներկայացումները, ինչի պակաս այդ օրերին չի լինում, քանի որ հատկապես տոներին ընդառաջ թատրոնները հանդես են գալիս պրեմիերաներով, մեծահասակների ու փոքրիկների համար նախատեսված ամանորյա ներկայացումներով:

«Հայկական ժամանակ»-ը պարզել է, թե ի՞նչ ամանորյա ներկայացումներ ու պրեմիերաներ են սպասվում մայրաքաղաքի մի քանի թատրոններում:

Գաբրիել Սունդուկյանի անվան ազգային ակադեմիական թատրոնում դեկտեմբերի 24-ին կկայանա «Մոխրոտը» ներկայացման պրեմիերան, որը կմատուցվի ամանորյա շնչով:

Թատրոնի հանրային կապերի և մարքեթինգի բաժնի վարիչ Մանե Մկրտչյանի խոսքով՝ հասարակության մի հատված այդ օրերին պարտադիր նախընտրում է այցելել մշակութային տարբեր օջախներ և հատկապես թատրոններ: «Ես 90-ականների սերունդ եմ, հիշում եմ՝ այն ժամանակ էլ կար ամանորյա տոնական ներկայացումներին սպասելու մեծ խանդավառություն: Հատկապես այդ օրերին բարձր գեղարվեստական ճաշակ ունեցող ներկայացումները երեխաների համար խիստ անհրաժեշտ են»,- կարծում է Մանեն:

Արդեն մի քանի տարի է, ինչ ԿԳՄՍ նախարարության ենթակայությամբ գործող  թատերահամերգային հաստատությունները և թանգարանները գործում են նաև տոնական օրերին: Սա տոները նշելու և առատ տոնական սեղաններից կտրվելու այլընտրանքային հնարավորություն է, նշում է Մանեն ու հավելում, որ անգամ հունվարի 1-ին են ներկայացում ունեցել, և հանդիսատեսի պակաս չի զգացվել:

«Այս տարի կունենաք «Մոխրոտը» ներկայացումը, որը փոքրերի համար է, սակայն կհետաքրքրի նաև նրանց ծնողներին: Փորձում ենք զարգացնել մեկ այլ մշակույթ՝ ընտանեկան ժամանցի տարբերակ, որն ընդունված է հատկապես Արևմուտքում: Այս դեպքում առաջարկում ենք ներկայացում, որը և՛ իր մոտեցմամբ, և՛ գեղարվեստական լուծումներով ու շքեղությամբ կհրապուրի նաև մեծահասակներին»,- շեշտում է Մանե Մկրտչյանը:

Վերջինս նաև տեղեկացնում է, որ Գաբրիել Սունդուկյանի անվան ազգային ակադեմիական թատրոնի խաղացանկը հագեցած է, և որ տարվա ընթացքում ունեցել են մի քանի պրեմիերաներ: «Այս պահին թատրոնն ունի մի շարք նոր մոտեցումներ, գաղափարներ, որոնց մի մասն արդեն կյանքի է կոչվել, մյուս մասն էլ այդ ճանապարհին է: Ունենք հարուստ ու հագեցած խաղացանկ և առաջարկներ տարբեր տարիքային խմբերի, տարբեր նախասիրություններ ու գեղարվեստական մոտեցումներ ունեցող հանդիսատեսի համար»,- նշում է թատրոնի մամուլի խոսնակը:

Իսկ ահա Սոս Սարգսյանի անվան Համազգային թատրոնում այս տարի ամանորյա պրեմիերաներ չեն սպասվում, կլինեն միայն խաղացանկային ներկայացումներ: Այս մասին մեզ հետ զրույցում տեղեկացնում է թատրոնի փոխտնօրեն, հանրային կապերի պատասխանատու Վիկտորիա Բագոյանը:

«Դեկտեմբերի 30-ին կունենանք «... Եվ նորից գարուն» ներկայացումը, որը մեր խաղացանկային ներկայացումներից է: Հունվար ամսվա խաղացանկ դեռևս չունենք ու դեռ հստակ չէ՝ այդ օրերին կունենա՞նք ներկայացումներ, թե՞ ոչ, քանի որ դա կախված է կինոյի և թատրոնի ինստիտուտից և դահլիճը տրամադրելուց»,- նշում է Բեգոյանը և հավելում, որ հունվարի 1-ին և 2-ին հավանաբար ներկայացում չեն ունենա՝ հաշվի առնելով անցյալ տարիների փորձը. «Անցյալ տարի՝ հունվարի 2-ին, գրեթե հանդիսատես չունեինք: Ամսի 3-ին համեմատաբար ավելի մեծ քանակով հանդիսատես ունեցանք: Պատկերը տարեցտարի դրականորեն փոխվում է: Այդուհանդերձ, կարծում եմ՝ այդ օրերին ներկայացումներ չենք ունենա»:

Միանգամից երկու պրեմիերա է սպասվում Թումանյանի անվան տիկնիկային թատրոնում: Ներկայացումներ կլինեն և՛ մեծ դահլիճում, և՛ փոքր: Մեծ դահլիճում կներկայացվեն «Սանտայի հյուրերը», իսկ փոքրում՝ «Ամանորի հրաշքը» ներկայացումները: Ամանորյա ներկայացումները սկսվելու են դեկտեմբերի 17-ից և շարունակվելու մինչև հունվարի 10-ը: Խաղացանկում օրական 5-6 ներկայացում է լինելու:

Թատրոնի գեղարվեստական ղեկավար Ռուբեն Բաբայանի կարծիքով՝ ամանորյա տոները կրճատելու Կառավարության որոշումը նպաստեց, որ այդ տոներն անցկացնենք ավելի քաղաքակիրթ ձևով, այլ ոչ թե «սովածի» հոգեբանությամբ. «Ամանորի հիմնական խնդիրն ու նպատակը, ինչպես նաև երջանկությունը կուշտ ուտելու մեջ չէ: Մարդիկ միշտ տոներին որոշակի սպասելիքներով ու հրաշքի սպասումով են լցվում»:

Բաբայանի խոսքով՝ կարևոր չէ՝ ներկայացումը մանկակա՞ն է, թե՞ ոչ, եթե այն հետաքրքիր չեղավ մեծահասակի համար, հաջորդ անգամ նա երեխային էլ չի բերելու: «Շատ կարևոր է, որ ներկայացումից հետո ծնողները երեխաների հետ քննարկեն և կիսվեն իրենց տպավորություններով: Մեր մանկական ներկայացումների հանդիսատեսի գրեթե 40 տոկոսը մեծահասակներ են, և իրենք էլ են հաճախ մոտենում ներկայացումից հետո ու շնորհակալություն հայտնում: Ի վերջո, յուրաքանչյուր մարդ երեխա է, մենք պարզապես իրեն կրկին այդ վիճակում զգալու հնարավորություն ենք տալիս»,- նշում է Բաբայանը:

Իսկ թե ինչո՞ւ այցելել հենց տիկնիկային թատրոն, հարցին Բաբայանը պատասխանում է. «Որովհետև այն ի սկզբանե թատերական է ու պայմանական: Այն պահանջում է երևակայության լարում, իսկ երևակայելը մեր կյանքի ամենակարևոր հատկանիշն է, քանի որ կյանքում յուրաքանչյուր հաջողություն ու ձեռքբերում տրվում է մարդկային վառ ու անծայրածիր երևակայության արդյունքում»:

Հերմինե Կարապետյան

Տպել
592 դիտում

Իրանը դեմ չէ հայ–ադրբեջանական սահմանին ԵՄ դիտորդների կամ ֆրանսիացի ժանդարմների տեղակայմանը. դեսպան

Ադրբեջանի ռազմաքաղաքական ղեկավարությունը վտանգում է տարածաշրջանի անվտանգությանն ուղղված մեր ջանքերը. Ալեն Սիմոնյան

Դիարբեքիրի փլատակներից մահացած են հայտնաբերվել հայազգի երգչուհի Զիլան Տիգրիսն ու նրա ամուսինը

Ռազմավարական հարաբերությունները քաբաբ ուտելը, խնջույքների մասնակցելը չէ. Վաղարշակ Հակոբյանը՝ ՀՅԴ-ականներին

Ինչ պետք է ներկայացվի, հստակեցված է. Բադասյանը՝ քաղաքացիների ունեցվածքի հայտարարագրման համակարգի աշխատանքների մասին

Երևանի պոլիկլինիկաներում նախատեսվում է փոխել աշխատաժամանակը, ներդնել բուժաշխատողների վարձատրության բոնուսային համակարգ

Մեր խնդիրն այն չէ, որ կոռուպցիան ծավալվի, մենք էլ վազենք, բռնենք, մեր խնդիրն այն է, որ կանխարգելենք դա. Նիկոլ Փաշինյան

2022 թ․ նոյեմբերի 1-ից ընտանեկան և սոցիալական նպաստի իրավունքը կորցրած 3000 ընտանիք սոցիալական աջակցություն կստանա

Հնարավոր է՝ մինչև գալիք զորակոչ կանանց զինծառայության անցնելու հնարավորությունը հասանելի լինի. վարչապետ

Ի դեպ, ո՞ւր է Վազգեն Մանուկյանը, առիթ լինի, ասեք, տեսնենք, թե ո՞ւր է մեր երկրի հնարովի ղեկավարը. Ալեն Սիմոնյանը՝ ՀՅԴ-ին

ԵԽ նախագահը Ադրբեջանի խորհրդարանին հորդորել է զերծ մնալ եվրապատգամավորների հասցեին անհիմն մեղադրանքներից

Ինչ անենք՝ Ստամբուլը արյան ծով սարքելու մասի՞ն երգենք, հարձակվենք 90 միլիոնանոց Թուրքիայի վրա՞. Սիմոնյանը՝ ընդդիմությանը

Հարկերը չվճարելու, պակաս վճարելու համար չեն գրանցել վարձու աշխատողներին, ցածր են հայտարարագրել գրանցվածների աշխատավարձը

Գործող հովհարային անջատման ժամանակացույցում փոփոխություններ են մտցվել․ «Արցախէներգո»

Ադրբեջանական չակերտավոր բնապահպանական ակցիան Արցախում հանգեցրել է իրական բնապահպանական խնդիրների. ՀՀ վարչապետ

Արմեն Չարչյանը զրկվեց պատգամավորական անձեռնմխելիությունից․ ներկայացվեցին քվեարկության արդյունքները

ՀՀ տարածքում կան փակ և դժվարանցանելի ավտոճանապարհներ

Լույս է տեսել հայոց լեզվի «Կռունկ Հայաստանի» դասագիրքը

Արցախում մեկնարկել է տնտեսավարողներին միանվագ դրամաշնորհի տրամադրման դիմումների ընդունումը․ ովքեր կարող են դիմել

Վերացվել է Գյումրիում կասեցված հացի արտադրամասի գործունեությունը

Արցախում դժվարանցանելի է Բերդաձորի ենթաշրջանի Լիսագորի հատվածը․ սպասվում է ջերմաստիճանի նվազում

Նովոսիբիրսկում շենքերից մեկի պայթյունի հետևանքով կան զոհեր ու վիրավորներ․ տվյալները ճշտվում են

Ամբողջությամբ դադարեցվել են Երևանի «Վաղարշ և Որդիներ կոնցեռն» ընկերության աշխատանքները․ ՔՏՀԱ տեսչական մարմին

Արգելափակումից 147 ավտոմեքենա է դուրս բերվել, օգնություն է ցուցաբերվել 279 քաղաքացու

Թուրքիայում երկրաշարժի զոհերի թիվը գերազանցել է 12 հազարը

Հրդեհ է բռնկվել Մարալիկի բամբակի պահեստում

Ստեփանծմինդա-Լարս ավտոճանապարհը փակ է

Մինչև 6 ժամ լույս չի լինի Երևանի որոշ հասցեներում և 7 մարզի տարբեր համայնքներում

ՀՀ տարածքում կան փակ և դժվարանցանելի ավտոճանապարհներ․ Սարավան-«Զանգեր» հատվածում ձյուն է

Կունենանք մեր մեծերին հարիր շատ հետաքրքիր հոբելյանական ծրագրեր․ Արայիկ Հարությունյան

Երևանի քաղաքապետ Հրաչյա Սարգսյանը փորձարկել է մետրոպոլիտենում տեղադրված առաջին օդափոխության սարքը (լուսանկարներ)

«Դաշնակի լոգիկա», կամ՝ ցավակցական ուղերձներ՝ հատուկ նախկին դաշնակցական Աղվան Վարդանյանի համար

Սիրիա է ուղարկվել 30 տոննա օգնություն՝ սնունդ, դեղորայք, բժշկական սարքավորումներ (լուսանկարներ)

Կարևոր է հալեպահայ համայնքի բոլոր կառույցների համատեղ աշխատանքը․ Սիրիայում ՀՀ դեսպանն այցելել է Բերիո Հայոց թեմ

Հայ 4 վազորդ Բելգրադում կմասնակցի միջազգային մրցաշարի

Արցախի արտգործնախարար Սերգեյ Ղազարյանը ցավակցական նամակ է ուղարկել Հայաստանում Սիրիայի դեսպանին

«Միայն քաղաքական ապուշը կարող է բացասական ընկալել». քաղաքագետը՝ Թուրքիա և Սիրիա մարդասիրական օգնություն ուղարկելու մասին

Նախկինում կառուցված շենք-շինությունների սեյսմիկ հզորությունը և հետագա ուսումնասիրությունները չեն համընկնում․ Սանոսյան

Ստեփանակերտ-Գորիս ճանապարհով անխոչընդոտ շարժը վերսկսելու վերաբերյալ բանակցությունները շարունակվում են․ ՌԴ ՊՆ

Տիգրանաշենի ոլորանները դժվարանցանելի են, Գորիսի տարածաշրջանում խիտ մառախուղ է