Երևան
17 °C
searchclose
today
menuclose
Երևան
17 °C
Արդեն մի քանի օր է՝ համացանցում օգտատերերը զայրացած գրառումներ են կատարում՝ կոչ անելով բոյկոտել և չօգտվել Գյումրու ֆայտոններից մեկից: Նրանք մեղադրանքներ են հնչեցնում նաև՝ ուղղված մարզային ու տեղական իշխանություններին:
Բանն այն է, որ Գյումրիում օրեր առաջ «Կանանց իրավունքների տուն» ՀԿ-ի հյուրերն ականատես են եղել տեսարանի, որտեղ արնահոսող վերքով ու ոտքերի վրա դժվարությամբ կանգնող սպիտակ ձին ենթարկվում է շահագործման, այլ կերպ ասած՝ վերջինիս ամրացված է սպիտակ ֆայտոն, որի տերը դրա միջոցով գումար է աշխատում՝ մարդկանց պտտելով քաղաքով:
Լուսանկարը՝ համացանցից
Ձիու ոտքի մեծ վերքը խմբից առաջինը նկատել է ՀԿ հիմնադիր Կարինե Դավթյանը։ Նա մոտեցել է ֆայտոնչուն, տեղեկացրել, որ կենդանին արնահոսող վերք ունի։
«Երբ մոտեցա ու ասացի՝ տեսե՞լ եք, որ մեծ վերք կա կենդանու վրա, այդ տղան սկսեց վիճել ու ասաց՝ սա դեռ անցել է, ինչ է որ։ Այսինքն՝ սրանից ավելի վատ վիճակ էլ է եղել։ Ասում է՝ սա վերք չէ։ Իսկ կենդանին ոտքի վրա հազիվ էր կանգնում։ Ու էդ պահին մեծ թվով դպրոցականների նստեցրին ֆայտոնը։ Հերիք չէ՝ իրենք էին նախատեսված թվից շատ, էդ ֆայտոնն էլ ծանր ու ձին բաց վերքով։ Անմարդկային, սարսափելի տեսարան էր»,- «Հայկական ժամանակ»-ի հետ զրույցում պատմում է Կարինեն։
Իսկ թե ինչպե՞ս է ձիուն այդ վերքը պատճառվել, ու որքա՞ն ժամանակ է կենդանին նման ձևով շահագործվում, հնարավոր չի եղել պարզել։ Կարինեի խոսքով՝ ՀՀ տարբեր մարզերից ժամանած հյուրերը շատ ծանր ապրումներ են ունեցել ու վատ մտքերով հեռացել Գյումրուց։
«Էդ տղան, որ տոնը էլ ավելի բարձրացրեց, ես ասացի, որ այլ կերպ կլուծեմ խնդիրը։ Ու գրեցի իմ ֆեյսբուքյան էջում»,- ասում է Կարինեն։
Լուսանկարը՝ համացանցից
Գրառումը չի վրիպել Շիրակի մարզպետ Նազելի Բաղդասարյանի ուշադրությունից։ Թեպետ խնդիրն իր լիազորությունների շրջանակում չէ, բայց որպես քաղաքացի արագ զբաղվել է հարցով:
Նախ, անասնաբույժի հետ է խոսել, այնուհետև՝ Շիրակի մարզի ոստիկանապետի։
«Այդ բաց վերքերի տեսարանը որևէ մեկին անտարբեր թողնել չէր կարող։ Անասնաբույժների հետ խոսել ենք, ասել են՝ հնարավոր է արագ հարցը լուծել։ Զրուցել եմ նաև ՇՄ ոստիկանապետի հետ, և պարոն Ղազարյանը տեղեկացրել է, որ դեռ նախօրեից արդեն հանձնարարական է եղել: Կումայրու բաժինը զբաղվելու է այս խնդրով, որովհետև ՀՀ ՔՕ 258 հոդվածի 2-րդ մասի հատկանիշներով առերևույթ հանցակազմ պարունակող խնդիր է սա։
Այսինքն՝ կենդանիների նկատմամբ դաժան վերաբերմունքի դրսևորում։ Չեմ բացառում, որ քաղաքացին տեղյակ չէ սրանից, բայց անտեղյակությունը նրան չի ազատում պատասխանատվությունից: Սա հարցի իրավական ասպեկտն է»,- մեզ հետ զրույցում ասում է մարզպետն ու անձի անմեղության կանխավարկածից ելնելով՝ ոստիկանապետի հետ ունեցած զրույցից այլ մանրամասներ չի հայտնում:
Շիրակի մարզպետը հարցն իր ուշադրության կենտրոնում պահելու խոստումից զատ նաև Գյումրու համայնքապետարանին խորհուրդ է տվել աչալուրջ լինել և նման խնդիրներից խուսափելու համար վերահսկողություն իրականացնել այն մարդկանց նկատմամբ, որոնք զբաղվում են կենդանիների շահագործմամբ։
«Խնդրելու եմ նաև այս առումով, որ քաղաքապետարանը լինի առավել քան ուշադիր, քանի որ այս ամենն իրականացվում է քաղաքապետարանի շրջակա հատվածներում, հիմնականում՝ հրապարակում ու պատմական միջուկի փողոցներում»,- ասում է Նազելի Բաղդասարյանը։
Լուսանկարը՝ համացանցից
«Հայկական ժամանակ»-ի հետ զրույցում ՀՀ ոստիկանության հասարակայնության հետ կապերի և լրատվության վարչության պետի տեղակալ Էդգար Ջանոյանը տեղեկացրեց, որ հրապարակման հիման վրա ոտիկանության Կումայրիի բաժնում կազմված փաստաթղթերը ուղարկվել է նախաքննական մարմին՝ քրեական վարույթ նախաձեռնելու համար։
Վնասվածքով շահագործվող կենդանու խնդրով նաև ԱԺ պատգամավոր, Գյումրու նախկին փոխքաղաքապետ Դավիթ Առուշանյանն է որոշակի քայլեր ձեռնարկել:
Մեզ հետ զրուցում Առուշանյանը նշում է անասնաբույժի տեսակետը՝ վնասվածքի ծագման ու հետագա բուժման հետ կապված։
Ըստ մասնագետի՝ ձիու վրա առկա է շփման հետևանքով առաջացած մեխանիկական վնասվածք, որը հնարավոր է՝ սանձից լինի։ Առուշանյանի խոսքով՝ այս պահին կարևորը կենդանուն բուժելն է, որի ուղղությամբ քայլեր են ձեռնարկում։
Հարցին՝ ինչպե՞ս են Գյումրիում ֆայտոնները շահագործվում և որպես ծառայությունների մատուցում արդյոք ունե՞ն հարկային պարտավորություններ, Դավիթ Առուշանյանը բացասական պատասխան է տալիս։
Դրանք շահագործում են ֆիզիկական անձինք, իսկ նրանց հետ քաղաքապետարանն այդ հարցում անելիք չունի։ Սակայն որ հարցը պետք է կարգավորել, ըստ պատգամավորի, մշտապես պնդել է նաև փոխքաղաքապետ եղած ժամանակ։
«Օրենք հարկ ու տուրքի մասին իրենց համար չկա։ Էլի է ձիերի հարցը բարձրացվել, բայց կեղտոտության հետ կապված։ Ձիերը պարտադիր է, որ լինեն, ու ֆայտոնը մեր քաղաքի համար պարտադիր է, կոլորիտ է, որի համար շատ տուրիստներ հատուկ կհասնեն Գյումրի: Բայց էն, որ պետք է կանոնակարգվի հարցը, միանշանակ է, որովհետև արդեն շատ խնդիրներ են առաջացել։ Պետք է ընդհանուր հասկանալ, թե որտեղ են կանգնելու, մաքրությունն ու խնամքն ինչպես են կազմակերպվելու»,- նկատում է պատգամավորը։
Ըստ Առուշանյանի՝ զբոսաշրջային ծաղկման մեջ գտնվող Գյումրիում շատ հարցեր «փնթի» ձևով են կազմակերպվում՝ սկսած գետնին փռված կտորի վրա հուշանվերների վաճառքից, մինչև կեղտոտ ձիերով ֆայտոն ու աղավաղված պատմական շինությունները։
«Փարիզ էլ Էյֆելյան աշտարակի տակ արաբները ադյալի վրա փոքր էյֆելյան աշտարակներ կծախեն, բայց մենք արաբ չենք ու հնարավորություն ունենք կանոնակարգելու այս ամենը։ Ինչի համար զբոսաշրջիկը գա ու տեսնի, որ հուշանվերը գետնին կծախեն, ձիերը կեղտոտ են, պատմամշակութային շենքերի հերն անիծած է գովազդային վահանակներով։ ԱԺ-ում զբոսաշրջության մասին օրենք ենք քննարկում հիմա, ու լավ կլիներ, որ այսպիսի բաղադրիչներ ունենար օրենքն իր մեջ»,- շեշտում է Առուշանյանը։
Վիրավոր կենդանու տիրոջը՝ Արտուշին, հանդիպել մեզ չհաջողվեց։ Սովորաբար քաղաքի այն հատվածներում, որտեղ լինում էր ֆայտոնը, մեր այցելության ժամանակ չկար։
Նկատենք, որ Գյումրիում նման գործունեություն ծավալող այլ անձ ևս կա։ Վերջինս Սամվելն է, որի ձիերը թեև վերքեր չունեն, սակայն մշտապես վատ հոտ են արձակում, ինչի մասին քաղաքապետարանը նրան բազմիցս զգուշացրել է։ Ձիերը չեն բուրում միայն տոնական միջոցառումների օրերին։
Սամսոն Մատինյան
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
