Ականատես ենք լինում կարծիքների, թե պիտի ինքնիշխանությունը զիջենք՝ որևէ երկրի կազմ մտնելով. Սամսոնյանը՝ ԱՆ նախագծի մասին

ՀՀ արդարադատության նախարարությունը հանրային քննարկման է ներկայացրել ՀՀ քրեական օրենսգրքում լրացումներ կատարելու մասին օրենքի նախագիծ, որի ընդունման պարագայում քրեորեն պատժելի արարքներ են համարվելու ինքնիշխանությունից հրաժարվելուն՝ բռնություն գործադրելու կամ բռնություն գործադրելու սպառնալիքի միջոցով հօգուտ այլ պետության կամ միջազգային կամ վերպետական հանրային կազմակերպության Հայաստանի Հանրապետության ինքնիշխանությունը լրիվ կամ մասնակի սահմանափակելուն ուղղված գործողություններ կատարելը, ինչպես նաև ինքնիշխանությունից հրաժարվելուն ուղղված հրապարակային կոչերը: 

«Հայկական ժամանակ» նախագծի վերաբերյալ զրուցել է «Լուսավոր Հայաստան» կուսակցության անդամ Անի Սամսոնյանի հետ:

- Տիկին Սամսոնյան, ինչպե՞ս եք գնահատում սույն նախագիծը:

- Կարծում եմ՝ այս նախագիծը կարող է ամբողջացնել պետության և սահմանադրական կարգի դեմ ուղղված հանցագործությունների ցանկը, որոնց համար նախատեսվում է քրեական պատասխանատվություն։ 2021 թվականին ընդունված նոր Քրեական օրենսգրքով պատիժ էր նախատեսվում միայն իշխանությունը յուրացնելու և զավթելու, սահմանադրական կարգը բռնի տապալելու, պետական դավաճանության և տարածքային ամբողջականությունը խախտող գործողություններ կատարելու համար։ Կարծում եմ՝ բացթողում է եղել այս առումով, որը փորձ է արվում լրացնել հիմա։ Հայաստանի ինքնիշխանությունը սահմանադրական կարգի կարևորագույն և անփոփոխելի հիմունք է, հետևաբար դրան ուղղված գործողությունները միանշանակ կարող են որակվել որպես պետությունը, դրա անվտանգությունը, հասարակական և քաղաքական կայուն կարգը խարխլող արարքներ, որոնց համար պետք է պատիժ սահմանել։ Բացի դա, պետության ինքնիշխանության նկատմամբ ոտնձգությունները պաշտպանվում են միջազգային իրավունքով։

Կարևոր է, որ ոչ միայն ինքնիշխանության դեմ գործողությունների համար է պատիժ սահմանվում, այլ նաև հրապարակային կոչերի, որովհետև հենց պրոպագանդան կարող է հանգեցնել այնպիսի գործողությունների, որոնք այս նախագծով կամրագրվեն որպես հանցավոր գործողություններ։

- Մի մասը խոսում է նախագծի դրական կողմերի մասին, մյուս մասը կարծում է, որ միտված է խոսքի ազատության սահմանափակմանը, համամի՞տ եք այս տեսակետի հետ, բացասական ազդակներ տեսնո՞ւմ եք նախագծում:

- Խոսքի ազատությունն ատելության խոսքից, վիրավորանքից և հայհոյանքից չտարբերող հանրության դեպքում նորմալ է, որ այսպիսի կարգավորման նպատակում կարող են տեսնել խոսքի ազատության սահմանափակման միտումներ։ Եթե այդ տեսանկյունից ենք նայում, ապա սահմանադրական կարգի տապալումը, իշխանություն զավթելու կոչերը կամ տարածքային ամբողջականության դեմ ուղղված կոչերը ևս պետք է հանել Քրեական օրենսգրքից։ Բայց սա խոսքի ազատությունը սահմանափակելու դեպք չէ, կարծում եմ։ Խոսքի ազատությունը բացարձակ չէ, և այն կարող է սահմանափակվել պետական անվտանգության, հանցագործությունների կանխման կամ բացահայտման, հասարակական կարգի, առողջության և բարոյականության, մարդու հիմնական իրավունքների և ազատությունների պաշտպանության նպատակով:

- Ձեր կարծիքով՝ ինչո՞ւ է հենց հիմա առաջացել նման նախագիծ ներկայացնելու գաղափարը: Արդյոք տեսնո՞ւմ եք ՀՀ ինքնիշխանությունից հրաժարվելու ռիսկեր:

- 2020 թվականի պատերազմից հետո Հայաստանը կանգնել է արտաքին և ներքին անվտանգային մարտահրավերների առջև, որոնք երկրի ներսում ստեղծել են ազգային ինքնության և պետական ինքնիշխանության լուրջ ճգնաժամ։ Բնականաբար, այս իրավիճակում Հայաստանի նկատմամբ ռազմական և քաղաքական հարձակումները նպատակ ունեն խարխլելու ոչ միայն մեր երկրի տարածքային ամբողջականությունը, այլև հասարակական և քաղաքական կայունությունը, և սրանով ձեռնոց են նետում հենց Հայաստանի ինքնիշխանությանը։

Ես չեմ բացառում, որ այս ընթացքում կարող են լինել կամ կան քաղաքական ուժեր, խմբեր, անհատներ, որոնք, օգտվելով ստեղծված ծանր իրավիճակից՝ տարբեր դրդապատճառներով և ուղղորդվածությամբ, սկսեն աշխատել Հայաստանի ինքնիշխանության դեմ՝ այն ոչնչացնելու, վարկաբեկելու կամ տապալելու համար։ Ի վերջո, այս տարիների ընթացքում և նաև պատերազմից հետո մենք ականատես ենք եղել որպես կարծիք հրամցվող վերլուծությունների, որ Հայաստանը, օրինակ, պետք է կամ կարող է իր ինքնիշխանությունը զիջել՝ որևէ երկրի կազմի մեջ մտնելով, կամ զիջել ինքնիշխանության մի մասը՝ տուրք տալով ինչ-որ ճնշումների։ Լինում են նաև ծայրահեղ մտքեր, որ Հայաստանը ինքնիշխան չէ և արդեն զիջել է այն։

- Ըստ Ձեզ՝ ինչո՞ւ են հնչում նման կոչեր Հայաստանում հենց այս ժամանակահատվածում և մասնավորապես՝ ո՞ր ուժերի դեպքում:

- Արդեն նշեցի, որ, այո, հանդիպել եմ, բայց ձեռնպահ կմնամ հրապարակային հնչեցնել այդ անունները, որովհետև միգուցե դիտավորություն չկա։ Միայն կարող եմ նշել, որ, ցավոք սրտի, այսօր Հայաստանում ավելի շատ խոսում են այլ երկրների շահերի դիտակետից, քան Հայաստանի Հանրապետության շահերի։ Հայկական շահի պաշտպանությունը սեղմվել է փոքրաթիվ ադեկվատ մարդկանց շրջանակում, որոնց ձայնն էլ ոչ միշտ լսելի է։ Փոխարենն այս կամ այն երկրի լոբբիստ և պրոպագանդիստ աշխատող շատ քաղաքական և հանրային գործիչներ կաթիլ-կաթիլ աշխատում են հանրության վրա ու մոլորեցնում։ Մեկը հարցնի՝ դուք Հայաստանի համա՞ր եք աշխատում, թե՞ ում։ Եթե այդ մարդկանց կողմից իսկապես կա դիտավորություն երկրի դեմ, ապա նրանց պետք է չեզոքացնի արդարադատությունը՝ արդար, օբյեկտիվ, հրապարակային և թափանցիկ կերպով։

Տպել
2050 դիտում

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել