Որքան սեփականատիրոջ ախորժակը մեծ է, այնքան տունն ավելի թանկ է. ՀՀ անշարժ գույքի շուկայում թռիչքաձև թանկացումներ են

Հայաստանում տեւական ժամանակ է՝ վարձով տրվող բնակարանների գները, այսպես ասած, «սահմաններ չեն ճանաչում»: Մարդիկ պարբերաբար տարբեր հարթակների միջոցով դժգոհություններ են արտահայտում ոլորտի ոչ կանոնակարգված լինելու վերաբերյալ, որի հետեւանքով հաճախ քաղաքացիները հայտնվում են անհարմար իրավիճակներում, սակայն՝ անօգուտ. խնդրին լուծում չի տրվում: Քաղաքացիների դժգոհություններին զուգահեռ՝ դժգոհում են նաեւ գործակալները՝ ասելով, որ այս իրավիճակում իրենք եւս տուժում են, քանի որ գների բարձրացման հետ մեկտեղ բարդանում է վարձակալի հետ համագործակցությունը:

Երեկ հարցին անդրադարձել էր նաեւ ՀՀ էկոնոմիկայի նախարար Վահան Քերոբյանը: Վերջինս նկատել էր, որ Երեւանում տների գներն անցել են Մոսկվայի եւ Պետերբուրգի գներին: «Ընկերս, մի քանի օրով պետք է Հայաստան գա, երեկ ինձ զանգահարեց ու հայտնեց, որ 500 եվրոյից պակաս գիշերավարձով հյուրանոց չի կարողանում գտնել»,- ասել էր նա: Ըստ Քերոբյանի՝ նախկինի նման հարմար գներով այժմ անհնար է բնակարան վարձակալել:

Անդրադառնալով ռազմաքաղաքական իրադարձություններով պայմանավորված՝ դեպի Հայաստան մարդկանց մեծ թվով ներհոսքին՝ նախարարը նշել էր՝ սեպտեմբերի վերջին տասնօրյակում, հատկապես՝ ՌԴ-ից, Հայաստան ժամանողների թիվը կտրուկ մեծացել է, եւ այժմ լուրջ խնդիրներ կան այդ մարդկանց տեղավորելու հետ կապված:

Նրա խոսքով՝ այժմ աշխատանքներ են տարվում, որպեսզի հնարավոր լինի ավելի ցածր վարձավճարներով բնակարաններ կամ գոնե մեկ սենյականոցներ շուկա մտցնել, որպեսզի մարդկանց անօթեւան մնալու հարցը ժամանակավոր լուծվի. «Այդ առումով աշխատանք ենք տանում նաեւ մասնավոր ընկերությունների հետ: Երեւանում տարվա սկզբին մոտ 7000 բնակարան դատարկ էր, այժմ մտել է շուկա, այսինքն՝ այնտեղ բնակվողներ կան: Այստեղ խնդիրն իսկապես մասշտաբային է. մեզ պետք են ոչ թե հազարավոր բնակարաններ, այլ՝ տասնյակ հազարներ, որովհետեւ եկողների հոսքը չի դադարու. մարդիկ գալիս ու գալիս են»:

Գործակալությամբ զբաղվող Մարիա Սարգսյանը, «Հայկական ժամանակ»-ի հետ զրույցում անդրադառնալով հարցին, փաստում է՝ մենք ո՛չ զբոսաշրջային երկիր ենք, ո՛չ հանգստյան հատուկ գոտիներ ունենք, բայց մեզ մոտ բնակարանների գները «Բալի»-ից անցել են:

Ըստ գործակալի՝ պահանջարկ կա, սակայն այն խավը, որը գալիս է Ռուսաստանից, այնքան էլ վճարունակ չէ, որքան պատկերացնում են Հայաստանում: «Իրենց բյուջեն էդքան էլ շատ չէ, սովորական աշխատող մարդիկ են, որոնք գալիս են բնակարան վարձելու»,- ասում է նա:

Մարիա Սարգսյանի խոսքով՝ օրավարձով սենյակներն այսօր Երեւանում սկսվում են 100 ԱՄՆ դոլարից, մինչդեռ նախկինում 20-25 հազար դրամով էլ կարելի էր բարվոք պայմաններով սենյակ ամրագրել: Ամսավճարով էլ առնվազն 250-ից մինչեւ 1 միլիոն դրամի են հասնում բնակարանների գները. «Տեղացիները բախվում են խնդրի. ինձ հարազատ մարդ վարձով է ապրում, տան տերերը վարձը 100 հազար դրամով թանկացրել են, ասել են՝ կա՛մ 150-ի փոխարեն վճարեք 250, կա՛մ ազատեք»:

Նրա համոզմամբ՝ ոչ մի բնակարանատեր չի ուզում առաջին քայլն անել ու իջեցնել վարձավճարը: «Մեզ մոտ հիմնական հարթակը «list.am»-ն է, բնակարանի տերը, մուտք գործելով, տեսնում է այդ խայտառակ գներն ու որոշում՝ ինքն էլ թանկացնի: Մեր գործն էլ է տուժում, զանգում են նոր ամուսնացած զույգեր, լսելով վերջնական գները՝ փաստի առաջ են կանգնում»,- ասում է գործակալը:

Մեկ այլ գործակալի՝ Արսեն Սահակյանի կարծիքով էլ՝ գնային նման քաղաքականություն վարելն արդարացված է: «Նորմալ եմ նայում այդ թանկացումներին, եթե ինչ-որ ապրանքի պահանջարկ մեծանում է, ինքնաբերաբար գինը բարձրանում է: Չնայած հանուն արդարության չեմ կարող չնշել, որ մեզ մոտ կան նաեւ գնին չհամապատասխանող պայմաններով բնակարաններ. դա արդեն տիրոջ ախորժակով է պայմանավորված: Ինչքան սեփականատիրոջ ախորժակը մեծ է, այդքան տունն ավելի թանկ է»,- նկատում է նա:

Գործակալի համոզմամբ՝ մեզ մոտ բնակվարձերի զգալի թանկացումներ են նկատվել հատկապես այս ամռանը, իսկ այսօր այդ գները մի փոքր ավելացել են: Ըստ Արսեն Սահակյանի՝ այսօր Երեւանի ծայրամասում բնակարան վարձակալելու համար առնվազն 150-250 հազար դրամ գումար է անհրաժեշտ, եւ այս դեպքում խոսքը իդեալական պայմանների մասին չէ:

Նկատենք՝ բնակվարձերի զգալի բարձրացման հետեւանքով մեր քաղաքացիներից շատերը բախվում են անտուն մնալու խնդրին: «Հայկական ժամանակ»-ն ավելի վաղ անդրադարձել էր խնդրին: Պարզ էր դարձել, որ բնակարանի տերերը վարձակալներին առանց հստակ հիմնավորման ու պատճառաբանության պարզապես հրահանգում են ազատել բնակարանը։ Իսկ այն անձինք, որոնք համեմատաբար ավելի «բարեհամբույր» են, առաջարկում են կա՛մ կրկնակի վճարել, կա՛մ մի քանի օրվա ընթացքում լքել այն:

ՀՀ էկոնոմիկայի նախարարությունը խնդրի վերաբերյալ բողոքների բարձրաձայնումից հետո որոշել էր հավաքել Հայաստանում բնակարան վարձակալելիս խարդախության զոհ դարձած կամ տուժած անձանց տվյալները, վեր հանել դրանք եւ փոխանցել ՀՀ ոստիկանություն:

Նախարարությունը հանդես էր եկել հայտարարությամբ, ըստ որի՝ մարդիկ, որոնք բնակարան վարձակալելիս խաբեության զոհ են դարձել, կարող են դիմել իրենց: Ընդամենը առաջին 2 օրում ստացել էին շուրջ 10 դիմում: «Հիմնական խնդիրները վերաբերում են բնակարանային վատ պայմաններին, որոնք բացահայտվել են վարձակալությունից օրեր անց։ Արձանագրվել են նաեւ վարձավճարի չարդարացված բարձրացումներ, այլ դեպքեր»,- նշել էին նախարարությունից:

«Հայկական ժամանակ»-ը ՀՀ էկոնոմիկայի նախարարությունից հետաքրքրվեց, թե հայտարարությունը տեղադրելուց հետո մինչեւ այս պահը քանի՞ դիմում-բողոք են ստացել: Մեզ հայտնեցին, որ առայժմ այդ հարթակը չի գործում, ժամանակավորապես դադարեցվել է: Իսկ թե ինչո՞ւ, հայտնի չէ:

Տպել
1606 դիտում

Երևանում 9 ժամով փակ կլինի Մաշտոցի պողոտայի՝ Խորենացի-Լուսավորիչ ամբողջ հատվածի երթևեկությունը

«Զինվորի տուն»-ն այսօրվանից աղոթքի սրահ ունի

Եթե Ադրբեջանն Արցախում գործադրի ռազմական ուժ, կնշանակի՝ ունի համաձայնություն, և հակագործողություններ չեն լինի. քաղաքագետ

Վթարային ջրանջատում Արարատի մարզում․ 8 ժամով ջուր չի լինի Նոր Խարբերդի և Այնթապի որոշ հասցեներում

Աննա Հակոբյանն այցելել է «Ուրարտու» ֆուտբոլային ակումբ (տեսանյութ)

Առանց արտահանման լիցենզիայի և պետական վերահսկողական ակտի ՀՀ-ից 3-րդ երկրներ է արտահանվել շուրջ 28տ կերամիկական թափոն

Ոլորտն իրոք կանոնակարգման կարիք ունի. մարզերում հրավառությունների հաճախականությունը և դրա հետևանքով առաջացող խնդիրները

ՃՈ ուժեղացված ծառայություն մարզերում. հայտնաբերվել է 2724 խախտում

Պարահոկեյի Հայաստանի հավաքականը պատրաստվում է աշխարհի առաջնությանը (տեսանյութ)

Վստահ եմ՝ Փաշինյանի մեղադրանքը ՀԱՊԿ-ին տեղին է, անգամ՝ մեղմ. ՀՀ-ին օգնելը Կրեմլի հերթական մանիպուլյացիան է. Միսկարյան

Երիտասարդը ինքնաշեն գրիչ-ատրճանակով անզգուշաբար կրակել է ոտքին

1 ոսկե և 2 արծաթե մեդալ հրաձգության Լեհաստանի բաց առաջնությունից

ՀԱՊԿ-ին ուժի կիրառման հարցում տարածաշրջան ներքաշելը կարող է լուրջ բախման պատճառ դառնալ. Սեյրան Օհանյան

Դուք Հայաստանում եք մեզ համար շատ դժվար ժամանակաշրջանում․ Արման Եղոյանն ընդունել է հույն պատգամավորներին

Սիգի ձվադրման ժամանակահատվածով պայմանավորված կարգելվի բոլոր տեսակի որսագործիքների և լողամիջոցների մուտքը Սևանա լիճ

Երևանի գերեզմանատները մաքրվում են տասնամյակների շինաղբից․ աղբակույտերի տակ էին մնացել հին գերեզմանատեղերը

Ձերբակալվել են «Հայանտառ» ՊՈԱԿ-ի «Թումանյանի անտառտնտեսություն» մասնաճյուղի տնօրենն ու ևս երկու անձ

Վանաձորում ՀՀ ոստիկանության աշխատակիցների և քաղաքացիների միջև տեղի ունեցած միջադեպի առթիվ նախաձեռնվել են քրվարույթներ

Ադրբեջանի ԶՈՒ-ն խախտել է հրադադարը, կիրառվել է նռնականետ․ ՊԲ-ն ունի 2 վիրավոր

Միջազգային համաժողովի մասնակիցներն այցելել են Հայոց ցեղասպանության հուշահամալիր

ՀՀ գլխավոր դատախազության ավտոմեքենան վթարի է ենթարկվել

Ալիևը հնարավոր էսկալացիայի պատասխանատվությունն այս գլխից վերցնում է իր վրա. Արարատ Միրզոյանի հարցազրույցը «Արմենպրես»-ին

Ադրբեջանը հայկական կողմին է փոխանցել սեպտեմբերյան ագրեսիայի ժամանակ զոհված 13 հայ զինծառայողի մարմին

Դատավոր Դավիթ Բալայանը հրաժարվել է պաշտոնի առաջխաղացումից

Կկայանա զինծառայության զորակոչից տարկետման դիմումների բողոքարկումը․ մասնակցությունը պետք է հաստատել այսօր՝ մինչև 18։00-ն

Մինչև 2028թ․ տիեզերք կարձակվի հայկական ևս 2 արբանյակ․ վարչապետին է ներկայացվել ԲՏԱ նախարարության 2022-ի գործունեությունը

Քննարկվել է ԱՄՆ-ի կողմից ՀՀ-ին շուկայական տնտեսության կարգավիճակ տրամադրելու գործընթաց իրականացնելու հարցը

Հայտնաբերվել է վտանգավոր սննդամթերք

Երևանում կանցկացվի «Ընդդեմ ցեղասպանության հանցագործության» 4-րդ գլոբալ ֆորումը

Խորհրդակցություն ՀՀ պաշտպանության նախարարի գլխավորությամբ. քննարկվել են զինված ուժերում իրականացվող աշխատանքները

Հայաստանը կմասնակցի ՅՈՒՆԵՍԿՕ-ի ոչ նյութական մշակութային ժառանգության պաշտպանության հարցերով միջկառավարական նստաշրջանին

Կրկին փակվելու է Պուշկինի հատման անկյունից մինչև Հանրապետության հրապարակ հատվածի երթևեկությունը

Դիտողությունը ճիշտ էր. Գյումրիում Ամանորի համար տրամադրվելիք գումարը դարձել է 12 մլն 100 հազար դրամ

Հայ-ադրբեջանական սահմանին գրեթե ամեն օր փոխհրաձգություն է, բոլորի նպատակը տարածաշրջանի խաղաղության հասնելն է. Զաս

Նախագահի նստավայրում տեղի է ունեցել Հակակոռուպցիոն դատարանի դատավոր Լիլի Դրմեյանի երդման արարողությունը

Ընդդեմ Թուրքիայի՝ ՄԱԿ-ի գրասենյակի դիմաց քրդական համայնքն այսօր ակցիա է իրականացրել

Պատերազմի ժամանակ հաշմանդամություն ստացած տղաներին նվիրված համերգի ժամանակ ոչ ոք չհիշեց զոհված տղաներին. Աննա Հակոբյան

Շատ մարտահրավերներ մնում են չլուծված. Տոյվո Կլաարն ամփոփել է Բաքվի այցը

Գեղարքունիքի տեղահանված բնակչության մոտ 90 տոկոսը վերադարձել է բնակության վայրեր. մարզպետը՝ ՄԱԿ-ի պատվիրակությանը

Եկամտի ավելացմամբ պայմանավորված՝ քաղաքացին կարող է դուրս մնալ անապահովության համակարգից. պարզաբանում