«Եկել է հազարապատիկ ավելի լրջանալու պահը». Ոոբերտ Քոչարյան՝ Հայաստանի առողջությանը սպառնացող «ուռուցքը»

Արցախը եւ Հայաստանը ժամանակին ղեկավարած անձանց եւ կաթողիկոսի մասնակցությամբ առաջին հավաքը, որի ժամանակ, ինչպես նշվել է համապատասխան հաղորդագրության մեջ, քննարկվել են «Հայաստանում ստեղծված իրավիճակը», դատելով այդ հավաքի մասնակից երկու սուբյեկտների հայտարարություններից եւ դրանց ուղղված արձագանքներից՝ այս հանդիպումը հավակնում է դառնալ վերջինը, թեեւ կողմերը պայմանավորվել են շարունակել դրանք՝ «բաց են թողել դուռը»։ 

Ինչո՞ւ վերջինը, քանի որ համախմբում՝ կոնսոլիդացիա, չի կարող լինել այնպիսի քաղաքական դերակատարների միջեւ, որոնք տրամագծորեն տարբեր շահեր են սպասարկում եւ ստեղծված իրավիճակի ելքի մասին հակոտնյա պատկերացումներ ունեն։

Նախօրեին Հ1-ի եթերում վեհարանում կայացած «խորհրդավոր ընթրիքի» մասնակիցներից մեկը՝ ՀՀ առաջին նախագահ Լեւոն Տեր-Պետրոսյանը, հայտարարեց, որ հավաքի ժամանակ օրախնդիր է համարել համազգային համախմբումը, նույն միտքը կրկնեց նաեւ հաղորդման ժամանակ՝ արձանագրելով՝ «եկել է հազարապատիկ ավելի լրջանալու պահը»։ Նրա կոչ-ուղերձի հետ հնարավոր չէ չհամաձայնել, քանի որ հանրային համերաշխությունն ու համախմբումն այսօր կենսական անհրաժեշտություն են, բայց այդ ուղերձի հասցեատերերը առաջին հերթին համազգային համախմբմանը սպառնացող երկու սուբյեկտներն են՝ ի դեմս Սերժ Սարգսյանի եւ Ռոբերտ Քոչարյանի, որոնք (նորություն ասած չենք լինի) 2018-ից հետո համախմբվել են մեկ օրակարգի շուրջ՝ օր առաջ հեռացնել ՀՀ լեգիտիմ իշխանությանն ու հասնել ռեւանշի։

Նրանք այդ օրակարգն էին սպասարկում աշխարհին պատերազմ հայտարարած համավարակի օրերին, Հայաստանի դեմ սանձազերծված 44-օրյա պատերազմի ընթացքում, պատերազմից հետո՝ «Հայրենիքի փրկության շարժման» օրերին, այդ օրակարգը փորձում էին կապիտալիզացնել 2021թ․ արտահերթ ընտրությունների միջոցով, ընտրություններից հետո՝ ստանձնելով ԱԺ-ի մանդատները․․․ այսինքն՝ արտաքին ագրեսիայի եւ դրա վերսկսման մշտական վտանգի պայմաններում՝ այն լիցքավորելով ներքին, ներհասարակական ագրեսիայով եւ իշխանության դեմ ուղղորդելով։

Այդ օրակարգը նրանց համար առաջնային է անգամ այսօր՝ ՀՀ-ի շուրջ ստեղծված  պայթյունավտանգ այս իրավիճակում։ Հարց է ծագում՝ քաղաքական եւ որ ոչ պակաս կարեւոր է՝ տառապանքի հարուստ փորձով առաջին նախագահը երբ իշխանության շուրջ համախմբման օրակարգով հանդիպում էր իր երբեմնի անհաջող կադրերի՝ Քոչարյանի ու Սարգսյանի հետ, չգիտե՞ր նրանց քաղաքական նպատակների ու հեռահար պլանների մասին։ Հազիվ թե։

Հայաստանյան քաղաքական անցքերի մասին անգամ մակերեսային պատկերացում ունեցող ցանկացած անձ գիտի, թե ինչ հնարավոր ելք կամ վախճան է սպասվում բոլոր այն օրակարգերին, որոնք չեն սպասարկում նախկին իշխանության ռեւանշի շահերը։ 

Մեր խոսքերի իսկությունն ապացուցեց հենց ինքը Ռոբերտ Քոչարյանն այսօր տեղի ունեցած մամուլի ասուլիսում արտաբերած իր «ներածական» խոսքում։ Հայերենի իր իմացությանը համահունչ՝ մի գլուխ գործածելով կոնսոլիդացիա տերմինը՝ Քոչարյանը հստակ, առանց սեթեւեթանքի հասկացնել տվեց, որ Տեր-Պետրոսյանի առաջարկած եւ իր պատկերացրած կոնսոլիդացիաները տարբեր բաներ են: Տեր-Պետրոսյանի առաջարկած կոնսոլիդացիան ՀՀ-ի կապիտուլյացիայի շուրջ է եւ այդ կապիտուլյացիան «երաշխավորող» գործող իշխանության, իսկ իր պատկերացրած կոնսոլիդացիան կարող է լինել միմիայն մեկ օրակարգի՝ իշխանության հեռացման շուրջ։

«Խնդիրն ախտորոշելու համար պետք է սկզբից ախտորոշես այդ խնդրի պրոբլեմը (Քոչարյանը հավանաբար տեղյակ չէ, որ «խնդիր» եւ «պրոբլեմ» բառերը նույն իմաստն են արտահայտում, խնդիրն ինքնին խնդիր է, խնդիրն իր հերթին խնդիր ունենալ չի կարող) եւ չեզոքացնես այդ պրոբլեմը։ Մեզ ասում են՝ միավորվենք պրոբլեմի շուրջ։ Մեր նպատակն ի՞նչն է՝ փրկել Հայաստա՞նը, թե՞ փրկել Հայաստանի պրոբլեմը։ Սա է, ըստ էության, այս առաջարկներից մնացած սերուցքը»,- հայտարարել է Քոչարյանն ու նշել, թե բժշկության մեջ էլ է այդպես՝ կա ուռուցք, ուրեմն այն պետք է հեռացնել. «Եթե մենք ուզում ենք հանրային կոնսոլիդացիա, պետք է այդ կոնսոլիդացիան ունենալ բարձր, դժվար հասանելի, ժողովրդից կամք պահանջող նպատակների համար։ Հենց այդ կոնտեքստում իշխանափոխությունն իմպերատիվ պահանջ է։ Սա այն հարցն է, որ կարող է քննարկվելիք թեմա լինել քաղաքական դաշտում։ Մի բան ակնհայտ է՝ մենք չենք կարող բուժվել այն միջավայրում, որը մեզ հիվանդացրել է, այդ միջավայրը մենք պետք է փոխենք»։

Ինչ է ստացվում․ Քոչարյանը Հայաստանի պրոբլեմն է համարում ոչ թե արտաքին սպառնալիքներն ու մարտահրավերները, այլ Հայաստանի լեգիտիմ իշխանությանը։ Հավանաբար այն պատճառով, որ ընդհուպ գենետիկ մակարդակում տանել չի կարողանում օրինական, արդար, անխարդախ, անարյուն ճանապարհով իշխանության եկածներին, քանի որ ինքն ու «լեգիտիմություն» հասկացությունն օրգանապես անհամատեղելի են, եւ այդպիսինն են եղել իր կառավարման ողջ ընթացքում։

Եվ հենց այդտեղ էլ եկել են եւ շարունակում են գալ Հայաստանի նախկին եւ ներկա բոլոր պրոբլեմները՝ դիվանագիտականից մինչեւ տնտեսական, քաղաքականից մինչեւ անվտանգային։ Այդ պրոբլեմների գլխավոր (բայց ոչ միակ) ճարտարապետն այժմ թեեւ չունի իշխանություն եւ նախագահի կարգավիճակ, սակայն հանգամանքների բերումով ձեռք է բերել մեկ այլ՝ ուռուցքի կարգավիճակ՝ պրոբլեմներ ստեղծելով Հայաստանի «կյանքի եւ առողջության» համար։

Հայաստանում, անխոս, օրակարգային է հանրային կոնսոլիդացիան, որն առաջին հերթին ուղղված պետք է լինի հենց իրեն՝ կոնսոլիդացիային սպառնացող մանր ու մեծ ուռուցքները չեզոքացնելու դեմ։ Եկել է հազարապատիկ ավելի լրջանալու պահը։

Հեղինե Մանուկյան

Տպել
5012 դիտում

Վարչապետ Փաշինյանն ընդունել է Պետքարտուղարի տեղակալ Ուզրա Զեյային

Այսօր պատգամավոր Մարիամ Պողոսյանի հարսանիքն է. ներկա են եղել նաև վարչապետն ու նրա տիկինը (տեսանյութ)

20-ամյա հղի կնոջ կրծքագեղձերը անբնական մեծացել են, հեռացվել է 20 կգ ուռուցք. բացառիկ վիրահատություն (լուսանկարներ)

Գրետա Վարդանյան. ով է Փարիզ 2024-ի պարալիմպիկ խաղերի ուղեգիր նվաճած առաջին հայ պարածանրորդը

Վրաստանի վարչապետը երկրի անդամակցությունը ՆԱՏՕ-ին իրատեսական է համարում

Բախվել են ավտոմեքենան ու մոպեդը. վերջինը կողաշրջվել է, օտարերկրացի մոպեդադավարը տեղափոխվել է հիվանդանոց

ՀՀ ԱԳՆ-ն Չեռնոգորիայի Պետականության օրվա առթիվ շնորհավորական ուղերձ է հղել

28-ամյա քաղաքացու ինքնասպանության փորձը կանխվել է

ԱՄՆ ՄԶԳ Եվրոպայի և Եվրասիայի բյուրոյի ղեկավարին է ներկայացվել կոռուպցիայի կանխարգելման թվային օրակարգը

Նիգերիայում դպրոց է փլուզվել. փլատակների տակ է մնացել 154 աշակերտ, կան զոհեր

Ինչ է կատարվել հայ-իրանական սահմանային անցակետում. ՆԳՆ-ն մեկնաբանել է Իրանի քաղաքացուն ծեծի ենթարկելու լուրերը

Ժաննա Անդրեասյանն Արարատում հետևել է դպրոցների շինաշխատանքներին. արձանագրված խնդիրների առնչությամբ հանձնարարական է եղել

Հայաստան-Չեռնոգորիա հարաբերությունները զարգացման և խորացման մեծ ներուժ ունեն. նախագահը ուղերձ է հղել Յակով Միլատովիչին

Սեփական տան ննջասենյակում տղամարդու դի է հայտնաբերվել, կողքին՝ որսորդական հրացան

Հայտնաբերվել են Մոսկվայի մարզում կործանված «Սուպերջեթ 100» ինքնաթիռի անձնակազմի մարմինները

Մեկնարկում են Տավուշի և Լոռու մարզերում ջրհեղեղից տուժածների աջակցության ծրագրերը. ովքեր և ինչպիսի փոխհատուցում կստանան

Իրանը կողմ է ուժեղ տարածաշրջանի ստեղծմանը, ողջունում է լարվածությունը նվազեցնելու անկեղծ ջանքերը. Մասուդ Փեզեշկիան

Առանց երկար, արհեստական եղունգների և ոչ միայն. ինչպես պետք է ներկայանա պացիենտի հետ անմիջական շփում ունեցող բուժաշխատողը

Առաջիկայում մեկնարկելու են Հայաստան-Չինաստան ուղիղ թռիչքներ. վարչապետը հրաժեշտի հանդիպում է ունեցել դեսպան Ֆան Յոնի հետ

Պարեկները ոչ տեսանելի վայրում հայտնաբերել են դանակահարված, անօգնական ու արնաքամ լինող երիտասարդի

Հուսով ենք, որ մոտ ապագայում Ադրբեջանի և Հայաստանի միջև կայուն խաղաղություն ձեռք կբերվի. Էրդողան

Օդի ջերմաստիճանը կնվազի 2-4 աստիճանով. կարճատև անձրև և ամպրոպ կլինի

ՀՀ-ում ԱՄՆ դեսպանն ու Սյունիքի մարզային գրադարանի տնօրենը փոխըմբռնման հուշագիր են ստորագրել

Գիշերը հրդեհ է բռնկվել Պուշկինի փողոցում գտնվող De angelo սրճարանի բացօթյա հատվածում (տեսանյութ)

19 հողամասի ապօրինի օտարում, 6 մլրդ 200 մլն-ի վնաս, փողերի լվացում. ՊՆ նախկին պաշտոնյայի մասով նախաքննության ավարտ

Հայ-վրացական հարաբերությունները գտնվում են բարձր մակարդակի վրա. վարչապետն ընդունել է Վրաստանի պաշտպանության նախարարին

Վճռականորեն աջակցում ենք Երևանի և Բաքվի միջև հարաբերությունների կարգավորմանը. Խավիեր Կոլոմինա

Ռոստովի մարզում ԱԹՍ-ի հարվածից նավթի պահեստ է բռնկվել

Արդեն իսկ նկատում եմ փոփոխություններ. Անահիտ Ավանեսյանն այցելել է Մեղրու բժշկական կենտրոն

Ինչ իրավիճակ է Լարսի ճանապարհին

Ինչ փոփոխություններ է արձանագրել տարադրամի շուկան հուլիսի 13-ին

«Ինֆինիտի»-ն բախվել է հողաթմբին, անցել առուն, կողաշրջված հայտնվել հողամասում․ կա 1 զոհ և վիրավոր

ՀՀ տարածքում կան փակ ավտոճանապարհներ. Վանաձոր-Ալավերդի-Այրում-Բագրատաշենը երթևեկելի է միայն մարդատարների համար

ՆԳ նախարարը Սյունիքում հանդիպում է ունեցել քաղաքացիների հետ. կոնկրետ հանցագործությունների վերաբերյալ հարցեր են հնչել

Աննա Հակոբյանը ՀՀ-ում հավատարմագրված դիվանագետներին է ներկայացել «Իմ քայլը» բարեգործական հիմնադրամի գործունեությունը

«Վստրեչի» խաչմերուկում մեքենաներ են բախվել. հիվանդանոց տեղափոխվածների մեջ երեխա կա

Բեռնատարը դուրս է եկել ճանապարհի երթևեկելի հատվածից և կողաշրջվել

Հրդեհ է բռնկվել Երևանի սրճարաններից մեկում

Արագածոտնում վարչապետը ծանոթացել է 2023-ին իրականացված աշխատանքներին և ընթացող ծրագրերին. ինչ խնդիրներ են բարձրաձայնվել

Էս դրախտային տեղում նաև պետք է հարուստ ապրեք. վարչապետն այցելել է Մեծաձոր (տեսանյութ)