Ինչ գնահատականներ էին հնչեցնում նախկին իշխանությունները, մասնավորապես Սերժ Սարգսյանը ՀԱՊԿ-ի վերաբերյալ

ՀԱՊԿ-ի նկատմամբ դժգոհությունը, որը հայ-ադրբեջանական վերջին ագրեսիայի հետեւանքով կրկին դրսեւորվում է սոցցանցերում ու բողոքի ակցիաների տեսքով, նոր չէ, որ ի հայտ է եկել։ Այդ կառույցի գործունեության եւ ցուցաբերած վարքի մասին ժամանակ առ ժամանակ գանգատներ էին հնչում նաեւ ՀՀ նախկին իշխանության օրոք, ընդ որում՝ ամենաբարձր մակարդակով, մասնավորապես՝ Սերժ Սարգսյանի շուրթերից։

2013 թվականին աշխատանքային այցով Սոչիում գտնվող Սարգսյանը ՀԱՊԿ Հավաքական անվտանգության խորհրդի նստաշրջանի նեղ կազմով հանդիպման ժամանակ ունեցած ելույթում քննադատել էր ՀԱՊԿ անդամ որոշ երկրների՝ ղարաբաղյան հակամարտության վերաբերյալ հնչեցրած հայտարարությունների համար։ Նա, մասնավորապես, նշել էր, որ վերջին տարիներին փաստաթղթեր են ընդունվել, այդ թվում՝ նախագահական մակարդակով, որոնցում, ադրբեջանական կողմի մատուցմամբ, ընտրողաբար, ի վնաս մյուս սկզբունքների, առանձնանում է տարածքային ամբողջականության սկզբունքը։

«Բնականաբար, շատ երկրներ Ադրբեջանի հետ կապված իրենց շահերն ունեն: Բայց մենք ոչ մի կերպ չենք կարող համաձայնել, երբ այդ հարաբերությունները բերում են այնպիսի փաստաթղթերի ընդունմանը, որոնք ուղղված են ՀԱՊԿ անդամ պետությունների շահերի եւ, ընդհանուր առմամբ, Կազմակերպության հեղինակության դեմ: Այս թեման հատկապես արդիական է Ադրբեջանի նախագահի հայատյաց հռետորաբանության, ԼՂ-ի խաղաղ բնակչության դեմ ուժի կիրառման մշտապես հնչեցվող սպառնալիքների ֆոնին»,- ասել էր Սերժ Սարգսյանը։

Վերջինիս՝ ՀԱՊԿ-ին ուղղված քննադատություններն այսքանով չեն սահմանափակվում։ Հաջորդ «սեանսը» 2014-ին էր՝ կազմակերպության գլխավոր քարտուղար Ն․ Բորդյուժայի հետ տեղի ունեցած հանդիպման ժամանակ։ 

«Իլհամ Ալիեւի ռազմատենչ եւ հայատյաց հայտարարությունները համապատասխան արձագանքի չեն արժանանում ՀԱՊԿ գծով գործընկերների կողմից, ինչը կարող էր զսպել ադրբեջանական ղեկավարության արկածախնդիր նկրտումները: Որպես արդյունք՝ Ադրբեջանը շարունակում է հրահրել իրավիճակի լարումը եւ ձեռնարկում սադրիչ գործողություններ»,- նշել էր Սարգսյանը:

Ի պատասխան՝ Բորդյուժան ընդամենը «կարծիք» էր հայտնել, որ «ՀԱՊԿ խորհրդի առաջիկա նիստում անհրաժեշտ է զեկուցել եւ քննարկել բոլոր այն խնդիրները, որոնք կարող են լրջորեն ազդել կազմակերպության անդամ պետությունների անվտանգության վրա»: Ենթադրաբար նախորդ մեկ տարում միջազգային հարթակներում ՀԱՊԿ-ի անդամ երկրները շարունակել են գործել Հայաստանի շահերի դեմ, այլապես Սերժ Սարգսյանը կրկին հանդես չէր գա հրապարակային նման սուր քննադատությամբ։ 

Մինչեւ Ապրիլյան պատերազմը՝ դեռեւս 2015թ. դեկտեմբերի 21-ին, Մոսկվայում կայացած ՀԱՊԿ Հավաքական անվտանգության խորհրդի նստաշրջանում էլ Սարգսյանն իր ելույթում, մասնավորապես, նշել էր․ «Իհարկե, ցանկացած երկիր ունի իր շահերը, իր առաջնայնությունները, բայց դրանք չպետք է հակադրվեն մեր ընդհանուր շահերին եւ փոխադարձ պարտավորություններին։ Ամեն անգամ, երբ Ադրբեջանի զինված ուժերը ՀՀ-ի դեմ կիրառում են ավտոմատներ, ականանետեր եւ հրետանային սարքավորումներ, նրանք կրակում են Աստանայի, Դուշամբեի եւ Բիշկեկի, Մոսկվայի եւ Մինսկի ուղղությամբ։ Հիշեցնեմ, որ մենք Կանոնադրության մեջ ունենք համապատասխան հոդված։ Եվ եթե մենք ոչ միայն չենք կիրառում այդ հոդվածը, չենք քննարկում ստեղծված իրավիճակը, հարկ չենք համարում վերցնել լսափողը եւ հետաքրքրվել՝ ինչ է կատարվում դաշնակից Հայաստանում եւ դրա հետ մեկտեղ նաեւ քվեարկում ենք միմյանց շահերի դեմ միջազգային կազմակերպություններում, երրորդ երկրների հետ ընդունում ենք երկկողմ հայտարարություններ, որոնց տեքստն ուղղված է ՀԱՊԿ դաշնակիցների դեմ, ապա մենք պարզապես այդ կրակոցների տակ ենք դնում մեր ամբողջ Կազմակերպությունը, նրա հեղինակությունը, նրա կարեւորությունը»:

Հիշատակված ելույթում Սերժ Սարգսյանը, խոսելով Սիրիայում Թուրքիայի զինուժի կողմից ռուսական ինքնաթիռի խոցմանը հաջորդած զարգացումների մասին, ընդհուպ անուղղակի ամոթանք էր տվել ու կոչ արել օրինակ վերցնել ՆԱՏՕ-ից:

«Խոցված ռուսական ինքնաթիռի հետ կապված իրավիճակի զարգացման մեջ մենք բոլորս ականատես եղանք, թե ինչպես է տեղի ունենում գործուն ռազմաքաղաքական դաշինքների ձեւավորումը: ՆԱՏՕ-ի երկրների, ներառյալ, օրինակ, Հունաստանի անվերապահ աջակցությունը Թուրքիային ակնհայտորեն ցույց է տալիս, որ «մեկը բոլորի եւ բոլորը մեկի համար» սկզբունքը նման կառույցների արդյունավետության պարտադիր պայմանն է: Նույնիսկ այն դեպքում, երբ Թուրքիայի գործողությունները հակասում էին բարեկամության եւ բարիդրացիության բոլոր նորմերին ու սկզբունքներին, նույնիսկ այն դեպքում, երբ այն խոցել էր ահաբեկչության դեմ պայքարող միջազգային հանրության համար կարեւորագույն մարտական հանձնարարություն իրականացնող ինքնաթիռ, ՆԱՏՕ-ի ոչ մի երկիր կասկածի տակ չդրեց թուրքական կողմի գործողությունը: Մենք պետք է դրանից դասեր քաղենք»,- ասել էր նա:

Ապրիլյան պատերազմից հետո էլ՝ 2017 թվականին, պաշտոնական այցով ՌԴ-ում գտնվող Սարգսյանը Մոսկվայի միջազգային հարաբերությունների պետական ինստիտուտում իր ելույթի ժամանակ անդրադարձել էր նաեւ ՀԱՊԿ թեմային: Նա նշել էր, որ ՀԱՊԿ-ի շրջանակում դեռեւս 2000 թվականին ընդունվել է հայտարարություն, որտեղ հստակ արձանագրված է. «Պայմանագրի անդամ երկրների միջեւ ռազմաքաղաքական հարաբերությունները կրում են առաջնային բնույթ՝ Կոլեկտիվ անվտանգության պայմանագրի անդամ չհանդիսացող երրորդ երկրների հետ ռազմական կապերի եւ շփումների համեմատ: Այսինքն՝ այստեղ ամեն ինչ հստակ ուրվագծված է, ընդգրկված է հարցերի ողջ շրջանակը՝ քաղաքական հայտարարություններից մինչեւ ռազմական համագործակցություն: «Շարունակելով այս թեման՝ չեմ կարող չնշել, որ վերոհիշյալ սկզբունքի խախտումը չի նպաստում Կազմակերպության հեղինակության բարձրացմանը: Պայմանագրերը պետք է լիարժեքորեն պահպանվեն եւ կատարվեն, այլ ոչ թե ընտրողաբար՝ կախված իրավիճակից»,- շեշտել էր Սարգսյանը:

Նշենք, որ ՀԱՊԿ-ի վերաբերյալ այս տարվա փետրվարին արտահայտվել էր նաեւ Ռոբերտ Քոչարյանը՝ իր հերթին եւս կասկած հայտնելով այդ կառույցի գործունակության վերաբերյալ․ «Բացառվում է, որ ՀԱՊԿ-ը կարող է արձագանքել Հայաստանի վրա հարձակմանը։ Եվ խոսքը նրա մասին չի, որ ՀԱՊԿ-ը մեռած կառույց է, չի աշխատում։ Լավ էլ աշխատում է այնտեղ, որտեղ բոլորի շահերը համընկնում են։ Եվ աշխատեց Ղազախստանի պարագայում։ Սա փաստ է, եւ մենք ուղղակի այս փաստի հետ պետք է հաշվի նստենք»։ Քոչարյանը, սակայն, կողմ էր արտահայտվել ՀՀ-ի՝ ՀԱՊԿ-ում մնալը շարունակելուն։  

Հ․Գ․ Նախկին իշխանությունը 44-օրյա պատերազմից հետո Նիկոլ Փաշինյանին, ի թիվս բազում անհեթեթ մեղադրանքների, մեղադրում էր «ՀԱՊԿ-ի հետ հարաբերությունները վերջնականապես ու հիմնավոր փչացնելու» եւ այդ կառույցին ՀՀ-ի դեմ տրամադրելու համար եւ, որպես ապացույց, վկայակոչում ՀԱՊԿ՝ այն ժամանակվա գլխավոր քարտուղար Յուրի Խաչատուրովին Մարտի 1-ի գործով կալանավորելու որոշումը։ 

«Արդյունքում Խաչատուրովն այդպես էլ չկալանավորվեց, իսկ Հայաստանը ՀԱՊԿ-ում անհուսալի գործընկերոջ համբավ ձեռք բերեց»,- իր՝ «Ինչու պետք է հեռանա Նիկոլը» վերնագրված ֆեյսբուքյան «մեմուարներում» գրել էր Սերժ Սարգսյանի փեսան՝ Միքայել Մինասյանը:

Փաստորեն, իր աներոջ այդօրինակ մեղադրանքները, այդ կառույցի հեղինակությունը քանիցս հարցականի տակ դնելը (նկատենք՝ արդարացիորեն) ՀՀ-ին «անհուսալի գործընկեր» չդարձրին, իսկ ՀԱՊԿ-ի կողմից համարժեք գնահատականի չարժանացած Ապրիլյան պատերազմի ժամանակ ԳՇ պետ աշխատած պաշտոնյային մեղադրանք առաջադրելը գազազեցրեց ու ստիպեց գործել «հուսալի գործընկեր» երկրի շահերի դեմ։ Ահա այսպիսի պատճառահետեւանքային կապ։   

Հեղինե Մանուկյան

Տպել
2052 դիտում

Էդմոն Մարուքյանն արձագանքել է Ադրբեջանի արտաքին գործերի նախարարության հայտարարությանը

Ծխելու դեմ պայքարը՝ ավելի քիչ ռիսկային ճանապարհով

ԶՊՄԿ-ն հերքում է պոչամբարում վթարի մասին մամուլի հրապարակումները

Հերքում

Լեոնիդ Ազգալդյանի հուշարձանը վնասելու դեպքի նախաքննությունն ավարտվել է, գործը մտնում է դատական փուլ

Հայաստանում ռուսաստանցիների ժամանակավոր գրանցումների թիվը քառապատկվել է

ՀՀ մի շարք հատվածներում ձյան տեղումներ են, Սյունիքում՝ մառախուղ, կան փակ ճանապարհներ

Փոխվել են Հայոց ցեղասպանության թանգարանի աշխատանքային ժամերը

ԱՄՆ-ը խորապես ներգրավված է հայ-ադրբեջանական և հայ-թուրքական հարաբերությունների կարգավորման գործընթացում. Քարփենթեր

Հայաստանը Հնդկաստանից «Konkurs-M» հակատանկային կառավարվող հրթիռներ կգնի. հնդկական մամուլ

Շարունակում ենք առողջապահությունը հասանելի դարձնել մարզերում. Անահիտ Ավանեսյանը Գյումրի է այցելել

Տեսագրությունում պատկերված անձը որոնվում է քրեական վարույթի շրջանակներում (տեսանյութ)

Հարգանքով եմ վերաբերվում ցանկացած պատգամավորի որոշմանը. Վարդանյանը՝ ընդդիմադիրների՝ մանդատներից հրաժարվելու մասին

Քանյեն Քիմին 200 հազար ԱՄՆ դոլար կփոխանցի յուրաքանչյուր ամիս՝ որպես ալիմենտ

AmeriaPhonePOS. Նոր հավելված` սմարթֆոնով անկանխիկ վճարումներ ստանալու համար

Այս մարդիկ խաբեցին ոչ միայն իրենց ընտրողներին, այլ ողջ հասարակությանը. Նորիկյանը՝ խորհրդարանական ընդդիմության մասին

ՀՀ ԶՈՒ զինծառայողին հակառակորդի կողմից հրազենային վնասվածք պատճառելու դեպքի առթիվ նախաձեռնվել է քրեական վարույթ

Հայ դատի հանձնախումբը ԱՄՆ Կոնգրեսին կոչ է արել Արցախին 50 մլն դոլարի օգնություն հատկացնել

Նիդերլանդների դեսպանը մեկնել է Ջերմուկ՝ ծանոթանալու ադրբեջանական ագրեսիայից հետո այնտեղ տիրող իրավիճակին (լուսանկարներ)

Սահմանադրական բարեփոխումների խորհուրդը որոշել է, որ ՀՀ պետական կառավարումը մնալու է խորհրդարանական. Իոաննիսյան

Դեկտեմբերի 1-ին փակ կլինի Կիևյան կամուրջը

Երեկ վիրավորում ստացած զինծառայողի կյանքին վտանգ չի սպառնում. ՊՆ

Բռնագանձման գումարը վճարելիս Հարկադիր ծառայության ապաարգելադրումը կկատարվի մեկ օրում. ծրագրին միացել է ևս 4 բանկ

Արուսյակ Մանավազյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Լոռիում բեռնատարը մոտ 40 մետր բարձրությունից ընկել է ձորակը. վարորդը տեղում մահացել է

Բոլոր մարզերում մեկնարկել է խոշոր եղջերավոր կենդանիների համարակալումն ու հաշվառումը

Տեղի է ունեցել «Հայաստան-Հնդկաստան. հազարամյա հարաբերությունների նոր խթաններ» խորագրով առաջին միջազգային գիտաժողով

Փոխգնդապետ աղջիկը մի քանի տարի չի աշխատել ու աշխատավարձ է ստացել. քրեական հետապնդում՝ նախկին ոստիկանապետի դստեր նկատմամբ

«Սուրմալու» առևտրի կենտրոնի պայթյունի հետևանքով զոհերի ընտանիքների աջակցության համար դիմելու վերջնաժամկետն այսօր է

Ադրբեջանի ԶՈՒ-ն խախտել է հրադադարը նաև Արցախի ուղղությամբ ու կեղծ մեղադրանք ներկայացրել հայկական կողմին. ԱՀ ՊՆ

Արարատ Միրզոյանը կմասնակցի ԵԱՀԿ նախարարական 29-րդ համաժողովին

Հայաստանի մի շարք հատվածներում ձյուն է տեղում, Տավուշի ավտոճանապարհներին մառախուղ է

Ուրախությամբ պիտի նշեմ, որ Արցախն ունի ձևավորված ոստիկանական համակարգ և բարեխիղճ ծառայողներ. ԱՀ ՆԳ նախարար

Ադրբեջանի ՊՆ-ն պնդում է՝ ՌԴ զորախումբը կանխակալ վերաբերմունք ունի և պահանջում է չկիրառել Լեռնային Ղարաբաղ անունը

Էրդողանի խոսնակը ՀՀ-ի հետ սահմանների մասնակի բացումը կրկին կապել է հայ-ադրբեջանական գործընթացի հետ

Ադրբեջանի ԶՈՒ-ն գիշերը կրկին կրակ է բացել հայկական դիրքերի ուղղությամբ՝ կիրառելով նաև ականանետ. ՊՆ

Գլխավոր դատախազի տեղակալը ԵԽ գործընկերների հետ քննարկել է համագործակցության զարգացման հեռանկարները

ՀՀ ԱԽ քարտուղարն ու գերմանացի պաշտոնյաները քննարկել են տարածաշրջանում առկա անվտանգային մարտահրավերները

ՀՀ տարածքում կան փակ ճանապարհներ, Սյունիքի մարզում ձյուն է տեղում

Նոր Խարբերդի տներից մեկում պայթյունի հետևանքով տուժած քաղաքացին տարբեր աստիճանի այրվածքներ է ստացել (լուսանկարներ)