Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Երեւանի կենդանաբանական այգին առաջիկայում ձեռք կբերի մեկ վագր, հայկական մուֆլոններ եւ Կարմիր գրքում գրանցված թռչուններ: Տեղեկությունը «Հայկական ժամանակի» հետ զրույցում հայտնեց Երեւանի կենդանաբանական այգու գիտական գծով փոխտնօրեն Աշոտ Ասլանյանը:

«Մենք արդեն ունենք պայմանավորվածություն մեկ զույգ պսակակիր կռունկների, ֆլամինգոյի: Դրանք բոլորը կարող են մեկ ազատավանդակի մեջ տեղավորվել: Իսկ Կարմիր գրքում գրանցվածները վայրի թռչուններ են, որոնք բազմացման եւ հետ վերադարձի պայմանով են բերվելու: Առաջիկայում՝ հենց այգու ջրի հարցը կարգավորվի, բերելու ենք»,-ասաց նա:

Նշենք, որ Աշոտ Ասլանյանը երկու ամիս է, ինչ նշանակվել է Կենդանաբանական այգու փոխտնօրենի պաշտոնում: Վերջինս Երեւանի պետական համալսարանի կենսաբանության ֆակուլտետի դոցենտ է, միաժամանակ՝ Երեւանի քաղաքապետարանին կից Կենդանաբանական այգու կառավարման խորհրդի անդամ: «Ես խորհրդում ներկայացնում եմ ԵՊՀ-ն»,- նկատեց Ասլանյանը:

Վերջինս հայտնեց, որ արդեն բավականին լավ հաջողվում է Կառավարման խորհրդի հետ համագործակցությունը: Յուրաքանչյուր որոշում կայացվում է համատեղ քննարկումից հետո, կլինի՝ կենդանի ձեռքբերմա՞ն, էֆթանազիայի՞, թե՞ դիահերձման եւ այլ հարց, բոլոր դեպքերում խորհուրդն ունենում է իր որոշիչ դերն ու մասնակցությունը:

«Երեւանի ավագանու «Իմ քայլը» խմբակցության անդամ Արման Անտոնյանի համառ ջանքերի ու էնտուզիազմի շնորհիվ ձեւավորվեց կառավարման խորհուրդը, որը իրականում շատ անհրաժեշտ է: Այժմ այգու տնօրենը չի մնում միայնակ իր բոլոր խնդիրների հետ: Ի վերջո, նա չի կարող լինել համակողմանի մասնագետ, իսկ խորհուրդը բոլոր հարցերով աջակցում է»,- հավելեց նա:

Կենդանաբանական այգու փոխտնօրենն անդրադարձավ նաեւ այս պահին այգում առաջնահերթ լուծում պահանջող խնդիրներին: Նրա խոսքով՝ ունեն ջրի եւ հոսանքի մատակարարման խնդիր: Հոսանքը մատակարարվում է մեկ աղբյուրից, իսկ վթարների դեպքում այգու աշխատակիցները կանգնում են լուրջ խնդրի առաջ: Ի դեպ, մեր այցելության պահին էլ այգին ժամանակավոր հոսանքազրկված էր: Փոխտնօրենի խոսքով՝ իրենց հարկավոր է հոսանքի՝ առնվազն երկու-երեք աղբյուրներից սնուցում:

Ըստ Ասլանյանի՝ կան խնդիրներ, որոնք այգու հիմնադրման ժամանակներից են թերի եղել ու ճիշտ չեն նախագծվել, կան նաեւ այնպիսիք, որ ընթացքում չեն արվել. «Ունենք ազատավանդակներ, որոնք հիմնադրվել են 50-60 տարի առաջ եւ չեն փոփոխվել: Այգին չունի կենտրոնացված ջրահեռացման համակարգ, ընդհանուր կոյուղագծեր: Այս պահին մեր ունեցած ջուրը չի բավարարում ոռոգման, կանաչապատման ու մաքրության ապահովման համար: Այգին այժմ ակտիվ գործում է, եւ զուգահեռ իրականացնել այդ աշխատանքները շատ դժվար է»:

Անդրադառնալով ժամանակ առ ժամանակ բռնկվող՝ կենդանասերների եւ այգու նախկին աշխատակիցների բողոքի ակցիաներին՝ փոխտնօրենը նկատեց՝ բարեբախտաբար, այդ ամենն արդեն անցյալում է, առայժմ ամեն ինչ հանգիստ է:

«Բազմաթիվ անցանկալի դեպքեր են տեղի ունեցել, կենդանիների մեծաթիվ անկումներ, որին հաջորդել է կենդանասերների ու տարբեր անձանց կրքերի բորբոքումները եւ այլն: Երբ ես դեռ փոխտնօրենի պաշտոնում չէի, սակայն որպես կառավարման խորհրդի անդամ գտնվում էի իրադարձությունների կենտրոնում, բողոքները հիմնականում կապված էին այգու կառավարման որակի հետ: Ժամանակին նաեւ անհամաձայնություններ են եղել այգու տնօրինության եւ աշխատակիցների միջեւ, խնդիրներ են եղել կենդանիների կերի մատակարարումների հետ կապված, որը իր հետ բերել է մեծաթիվ անկումներ: Իսկ այդ անկումները անասնաբուժական պատշաճ փորձաքննություն չեն անցել, չեն բացահայտվել իրական պատճառները, ինչն էլ հանգեցրել է այդ իրավիճակին»,- հայտնեց Ասլանյանը:

Փոխտնօրենի դիտարկմամբ՝ այգում կենդանիների անկման դեպքերը, բնականաբար, 100 տոկոսով բացառել հնարավոր չէ, քանի որ տարիքով ու որոշակի առողջական խնդիրներով պայմանավորված՝ դա հաճախ անխուսափելի է, սակայն հարկավոր է այդ դեպքերը պատշաճ քննել, պարզել իրական պատճառներն ու թափանցիկ կերպով ներկայացնել հանրությանը, որպեսզի տարակարծության ու կասկածների տեղիք չլինի: «Կա հստակ կանխատեսելի չափ, եւ, բարեբախտաբար, պետք է նշեմ, որ այս պահի դրությամբ ունենք նորմայից ցածր անկում: Ունեինք կենդանիներ, որոնք արդեն շատ ծեր էին, նրանց վերաբերյալ կազմվել է համապատասխան ակտ ու կատարվել էֆթանազիա»,- տեղեկացրեց նա:

Խոտակեր կենդանիների բաժնի ղեկավար Աննա Ասատուրյանն էլ նշեց, որ բերվող վագրի համար ազատավանդակ կա արդեն, որը համապատասխանում է բոլոր չափանիշներին: «Առայժմ մենք ունենք մեկ էգ վագր, եւ բերվողը ցանկալի է՝ արու լինի, որ զույգ լինեն»,- ասաց նա:

Ասատուրյանը նաեւ անդրադարձավ կենդանիների՝ վերջին ամիսների համալրումներին. «Ունենք ծիներ՝ սմբակավոր կենդանիների եւ կաթնասունների շրջանում: Թռչունների մի քանի տեսակներից եւս ունենք ծիներ: Ծնվել է 2 բեզոարյան այծ, 2 մուֆլոն, շատերին արդեն հայտնի առյուծ Աֆֆինան, 9 եվրոպական եղնիկ, 2 պտավոր եղջերու»:

Կենդանիների բաժնի ղեկավարի խոսքով՝ այս պահի դրությամբ այգում գտնվում են կլինիկապես առողջ կենդանիներ: Ըստ նրա՝ եթե կենդանին կարգին սնվում է, քայլում ու նորմալ պահվածք ցուցաբերում, ապա անզեն աչքով դա խոսում է նրա կլինիկապես առողջ լինելու մասին:

Դիտարկմանը՝ փոխտնօրենը մատնանշում է ժամանակին սննդի վատ որակի ու դրա հետեւանքով անկումների մասին, Ասատուրյանն ասաց՝ խնդիրը վերացվել է. «Այսօրվա դրությամբ այդ խնդիրը չկա: Իդեալական սնունդ է մտնում այգի: Տարվա կտրվածքով է կերը տրվում, հաշվի առնելով կենդանիների քանակն ու տեսակները՝ ներկայացվում է կերերի պահանջ: Մրցույթ է հայտարարվում, եւ այն կազմակերպությունները, որոնք շահում են, պարտավորվում են մեկ տարվա ընթացքում ապահովել կերերը»,- ասաց նա՝ հավելելով՝ այժմ այգին ունի 9 մատակարար:

Կենդանաբանական այգին օրվա ընթացքում մոտ 1500-2000 այգելու է ունենում: Աննա Ասատուրյանի խոսքով՝ այցելուների թիվը փաստում է, որ այգին բավականին հետաքրքիր է: Վերջինիս փոխանցմամբ՝ նորություն է նաեւ կենդանիների ցուցադրական կերակրումը. «Այցելուներ կան, որ կոնկրետ գալիս են՝ ցուցադրական կերակրումը նայելու»:

Տպել
10290 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ