«Յանդեքսի» որոշ վարորդներ ակցիա են իրականացրել, որոշել՝ կաթվածահար անել ոլորտը. ընկերությունը թանկացրել է միջնորդավճարը

«Յանդեքս» տաքսի ծառայության մի շարք վարորդներ այսօր բողոքի ակցիա են իրականացրել ու հայտարարել, որ պատրաստվում են կաթվածահար անել տվյալ սպասարկման ոլորտը:

Բանն այն է, որ, ըստ նրանց, «Յանդեքս» ընկերությունը վարորդների համար բարձրացրել է միջնորդավճարի արժեքը: Ակցիայի մասնակից վարորդներից Արթուր Զոհրաբյանը «Հայկական ժամանակի» հետ զրույցում հայտնեց, որ նախկին 16 տոկոս միջնորդավճարի փոխարեն՝ այժմ պետք է վճարեն 18.5 տոկոս:

«20 հազար դրամի քշում ենք, դրա 3680 դրամն իրենց պետք է տանք: Ստացվում է՝ 300-400 կիլոմետր քշում ենք, ընդամենը աշխատում ենք 4000 դրամ: Նստում եք տաքսի՝ միանգամից 1000-1500 դրամ գումար է բերում, չէ՞: Հարց է՝ այդ փողերն ո՞ւր են գնում, բնականաբար, մեզ չեն հասնում: Ժողովուրդը գիտի՝ այդ սակագնի թանկացումը մեզ է օգուտ, բայց հաշվում ես, տակը մեզ ոչ մի կոպեկ չի մնում»,- դժգոհեց Արթուրը:

Հարցին՝ փորձե՞լ են հարցը ընկերության ղեկավարության հետ քննարկել, գուցե ընդհանուր հայտարարի գան, վարորդներն ասացին. «Մեզ ասում են՝ ինչ ուզում եք արեք, ձեր իրավունքն է, միջնորդավճարն այդքան է մնալու, եւ վերջ: Խոսակցություններ կան, որ էլի են տոկոսները բարձրանալու»:

Վարորդները որոշել են գործադուլ անել այնքան ժամանակ՝ մինչեւ իրենց ուզածին հասնեն: Ասում են՝ սա ընկերության խորամանկ մարքեթինգային քայլն է. մի որոշակի ժամանակահատված բարձրացնելով սակագինը՝ իբր մոտիվացնում էին իրենց, ապա միջնորդավճարը որոշեցին թանկացնել, ստացվում է՝ օգտվողի համար՝ թանկ փոխադրամիջոց, վարորդի համար՝ էժան աշխատանք:

«Յանդեքս» տաքսի ծառայության տարածաշրջանային ղեկավար Ավետիս Գասպարյանն էլ «Հայկական ժամանակի» հետ զրույցում նշեց, որ ընկերությունում տեղյակ են խնդրից, ավելին՝ երեկ զրուցել են բողոքող մի խումբ վարորդների հետ, սակայն կարծես թե հանդիպումն ու զրույցներն արդյունք չեն տվել:

«Հայաստանում մեր ներկայացուցիչն իրենց բացատրեց, թե ինչի համար է արվում միջնորդավճարի բարձրացումը: Համեմատության համար պետք է նշեմ, որ Հայաստանն այն քիչ երկրների թվում է (որտեղ գործում է «Յանդեքս» ծառայությունը), որտեղ միջնորդավճարն այսքան ցածր է, այլ երկրներում 30 տոկոսի է հասնում: Հաշվի առնելով Հայաստանում տիրող իրավիճակը՝ միշտ փորձել ենք վարորդների համար ավելի ցածր շեմ սահմանել: Նաեւ մեզ մոտ բարձրացումն արվում է ոչ այնքան պարբերաբար, որքան այլ երկրներում»,- շեշտեց նա:

Գասպարյանի վստահեցմամբ՝ միջնորդավճարի բարձրացումը միտված է ծառայության մատուցման որակի բարձրացմանն ու հավելվածի անխափան աշխատանքի բարելավմանը: Նրա խոսքով՝ առաջիկայում առաքման եւ այլ նոր ծառայությունների ավելացում եւս կլինի, ինչպես նաեւ հնարավոր է սպասելաժամանակի կրճատում:

«Վարորդի եկամուտը սահմանափակված չէ միայն վարելու համար ստացած գումարով, համատեղ բոնուսային քաղաքականություն ենք վարում, որը եւս միտված է առաջարկի շուկայի ավելացմանը: Միայն հաճախորդի վճարած գումարը բացարձակ թիվ չէ, այստեղ նաեւ պետք է հաշվել հավելավճարները, բոնուսները, որոնք ստանում են վարորդները: Վարորդի ռեյտինգը, գնահատականը նպաստում է նրա՝ ավելի հաճախ պատվերներ ստանալուն, հետեւաբար ինչքան ավելի հաճախ է պատվերներ ստանում նա, այնքան ավելի շատ եկամուտ է ունենում: Օրինակ, եթե ծառայության երկու մեքենա են կանգնած կողք կողքի, եւ պատվեր է լինում, առաջնահերթությունը տրվում է այն մեքենայի վարորդին, որն ավելի շատ բարձր գնահատականներ ունի»,- բացատրեց ընկերության տարածաշրջանային ղեկավարը:

Վերջինս նկատեց՝ այսօր տասնյակ հազարավոր վարորդներ են օգտվում ծառայությունից: Ավետիս Գասպարյանի վստահեցմամբ՝ վերջին շրջանում աճել է պատվերների քանակը, ըստ այդմ՝ նաեւ եկամուտները: «Միջնորդավճարը պետք է բարձրանա, որ կարողանանք ապահովել ծառայության անխափան աշխատանքը: Ելնելով պատվերներից՝ արվում է, չի կարելի քիչ պատվերի դեպքում ավելի շատ միջնորդավճար գանձել»,- ասաց նա:

Անդրադառնալով այն դիտարկմանը, որ վերջին շրջանում բազմաթիվ են բողոքները «Յանդեքս»-ի նվազագույն սակագանի շեշտակի բարձրացման վերաբերյալ՝ Գասպարյանն ասաց. «Տեսեք, երբ որ լինում է պահանջարկի եւ առաջարկի խախտում, այդ ժամանակ էլ տեղի է ունենում մինիմալի բարձրացում»:

Վերջինիս խոսքով՝ խախտում է լինում, օրինակ, երբ եղանակի կտրուկ փոփոխություն է (ձյուն, անձրեւ կամ էլ անտանելի շոգ եւ այլն), խախտում կարող է լինել նաեւ, եթե ճանապարհաշինարարական աշխատանքներ են, եւ քաղաքի որոշ հատվածներ անանցանելի են, կամ էլ ՃՏՊ է, որը բլոկավորել է մի քանի խաչմերուկներ եւ այլն:

Գասպարյանի պարզաբանմամբ՝ աշխատանքը կաթվածահար չանելու նպատակով սակագինը բարձրացնում են, ինչը, ըստ նրա, վարորդներին մոտիվացնելու համար է արվում. «Գնի բարձրացումը միտում ունի, որ վարորդները շահագրգռվեն, դուրս գան գիծ եւ պահանջարկի այդ մակարդակը սպասարկեն: Եթե այդպես չանենք, ու պատվերները շատ լինեն, այդ դեպքում էլ շատ վարորդներ գիծ դուրս չեն գա, եւ պատվեր անելիս ուղեւորը կսպասի ոչ թե ներկայիս 3-4 րոպե, այլ 30-40:

Անդրադառնալով նաեւ ՀՀ-ում տաքսու մշակույթին, մարդկանց որոշակի դժգոհություններին՝ Գասպարյանը մանրամասներ նշեց.

«Կոնկրետ «Յանդեքս» տաքսի ծառայությունն այնպիսի որակային չափանիշներ ունի, որոնցով որակային նշաձողեր են սահմանվում յուրաքանչյուր տարիֆի, պատվիրատուների խմբի դեպքում: Ընդհանուր առմամբ, կխոսեմ մեր ծառայության որակից, այլ ոչ թե ընդհանուր շուկայից, որպեսզի կարծիքս սուբյեկտիվ չլինի: Մեզ մոտ կոմֆորտ, կոմֆորտ պլյուս կլասի վարորդները պարտադիր անցնում են թրեյնինգներ, անհատական հարցազրույցներ տաքսի վարորդների սպասարկման մենեջերի հետ: Վարորդը պարտավորվում է մնալ այն ստանդարտների շրջանակում, որը նախատեսված է տվյալ տարիֆի համար. հագուկապ, մեքենայի կարգին վիճակ, երաժշտություն, եւ, առհասարակ, վարորդի վարքը: Կա հստակ նշաձող նաեւ, օրինակ, բիզնեսի դեպքում, դա 4.9 է, սա նշանակում է, որ բավական է մեկ պատվիրատուն վատ գնահատի, եւ վարորդը կկորցնի հասանելիությունը ու այլեւս չի կարող վարել այդ դասի պատվեր. մեկ աստիճանով իջնում է»:

Գասպարյանը նաեւ խնդրեց քաղաքացիներին ծառայությունից օգտվելիս գնահատեն յուրաքանչյուր ուղեւորություն. «Դա մեզ համար ուղենիշ կդառնա՝ ճիշտ հետեւություններ անելու: Ընդհանրապես, Հայաստանում շատ հաճախ ելնելով ինչ-ինչ պատճառներից, եթե անգամ դժգոհ են մնում, վատ գնահատական չեն նշանակում»:

Տպել
4351 դիտում

Մենք եվրոպացի զինվորներ չենք ուղարկի Ուկրաինա․ Շոլց

Տարածաշրջանային ենթակառուցվածքների ապաշրջափակումը պետք է տեղի ունենա հավասարության սկզբունքների հիման վրա․ Միրզոյան

Ռուսաստանը հետևում է Հայաստանի ղեկավարության հայտարարություններին և ի գիտություն կընդունի դրանք իր քայլերում. Լավրով

Վերլուծելով անցյալը՝ մենք նայում ենք ներկային և ապագան կառուցելու հստակ հեռանկարներին. ԱԳ նախարարի ուղերձը

Ալյասկայի ափերի մոտ երկրաշարժ է տեղի ունեցել

Հայաստանը պատրաստ է Թուրքիայի հետ հարաբերությունների լիակատար կարգավորմանը և սահմանի բացմանը. Ռուբեն Ռուբինյան

Նիկոլ Փաշինյանի մասնակցությամբ տեղի է ունեցել Ժողովրդավարության դպրոցի բացումը

Ռուսաստանը պատասխանի է սպասում, ժամանակն է, որ Հայաստանը որոշի իր կարգավիճակը ՀԱՊԿ-ում. Սերգեյ Լավրով

Հայաստանը պատրաստ է խաղաղության, սա քաղաքական կամքի և առաջնորդության հարց է. Վահան Կոստանյան

Մենք պատրաստ ենք համագործակցության. Շիրակի մարզպետը հյուրընկալել է Իրանի դեսպանին

Կապանի օդանավակայանի մոտակայքում մեքենաներ են բախվել. կա տուժած

Երևանը չի հաստատել ՌԴ հատուկ հանձնարարություններով դեսպան Իգոր Խովաևի այցի հնարավորությունը Հայաստան. Լավրով

Ինքնաձիգ, գնդացիր, նռնականետեր. առգրավվել և կամավոր հանձնվել է ապօրինի պահվող 218 միավոր զենք (տեսանյութ)

Խաղաղության ճանապարհին պետք է հարգվեն միջազգային իրավունքի հանրահայտ սկզբունքները. Միրզոյանը՝ Մոզամբիկի գործընկերոջը

Երևանը Մոսկվայի հետ հարաբերությունների վատթարացման քաղաքականություն վարելու գիտակցված որոշում է կայացրել. Լավրով

Չեմ կարող հաստատել, որ Երևանի օդանավակայանում ռուս սահմանապահների ներկայության մասին քննարկումներ կան. Լավրով

Հանդիպումը կլինի, Թուրքիան և Հայաստանը որոշում են կայացրել. Սերդար Քըլըչ

Երևանի կենտրոնում կառուցվող էլիտար շենքի շինհրապարակի հսկայական պատը փլուզվել, թափվել է տարածքի բնակչի ավտոմեքենայի վրա

Թող դիտումներ ավելացնեն և իրենց հավատն էլ չգա, որ այդքան ազատ են ժողովրդավար Հայաստանում. Սիմոնյանը՝ «ԱրմՔոմեդի»-ին

Միկի և Մինի Մաուսները հայկական տարազներով Վարդավառ են նշել. Disney-ը մուլտֆիլմ է ցուցադրել, որում նաև հայերենով դրվագ կա

Օդի ջերմաստիճանը կբարձրանա. առանձին շրջաններում սպասվում է քամու ուժգնացում

Զինված 2 անձինք մտել են բենզալցակայանի հանգստի սենյակ, զենքի բռնակով հարվածել աշխատակցին. մանրամասներ

Հուսամ՝ կլինի այն փաստաթուղթը, որով կամրագրենք ուղղությունները, որտեղ Հայաստանն աշխարհին ասելիք կունենա. Հայրապետյան

Հույս ունեմ, որ առաջիկա տարիներին ձևավորված առողջապահական լավ ավանդույթները կօգտագործենք. Անահիտ Ավանեսյանն ԱՄՆ-ում է

Ինչպես կհայտնաբերվեն երթևեկելիս ամրագոտի չկապողները. վարչարարությունը խստացվելու է

Հայաստանի պատրաստակամությունը ցույց տալու համար մենք հանդես եկանք «Խաղաղության խաչմերուկ» նախաձեռնությամբ. Միրզոյան

Դեսպան Մակունցը Լոս Անջելեսի քաղաքապետին և փոխոստիկանապետին նամակներ է փոխանցել

Որդին հրել, գցել է մորը, ինչի հետևանքով վերջինս գլուխը հարվածել է սեղանին և մահացել. 57-ամյա տղամարդը կալանավորվել է

Արշակունյաց պողոտայի բենզալցակայանի հարձակման դեպքով քրեական վարույթ է նախաձեռնվել

Արարատ Միրզոյանն Անթալիայի դիվանագիտական ֆորումի շրջանակներում պանելային քննարկման է մասնակցում

Սգո սրահի մոտ փորձել են վրեժխնդիր լինել, կրակել, պայթուցիչ են նետել. վարույթից անջատված մասի նախաքննությունն ավարտվել է

Թուրքիայում շարունակվում են Պուտինի այցի նախապատրաստական ​​աշխատանքները

102 տարեկանում մահացել է նորաձևության լեգենդ Այրիս Ափֆելը` Նյու Յորքի աստղը

32 տարի առաջ այս օրը նորանկախ Հայաստանի դրոշը ծածանվեց Նյու Յորքում՝ ՄԱԿ-ի կենտրոնակայանում. նշվում է ՀՀ դիվանագետի օրը

Դավիթ Խուդաթյանն այցելել է իրանական կապիտալով աշխատող Քարակերտի քարաձուլման գործարան, ծանոթացել առկա ներուժին

Դիմակավորված ու զինված ավազակային հարձակում Երևանում․ հնչել է կրակոց, կան վիրավորներ

Սևան-Գետափ ճանապարհին մեքենաներ են բախվել․ տուժածներից մեկի վիճակը ծանր է

Վազգեն Սարգսյանի 65-ամյակին նվիրված ֆուտբոլի համաբանակային մրցաշար կանցկացվի

Առեղծվածային դեպք Երևանում․ բնակարանում հայտնաբերվել են մոր և դստեր դիերը

ՌԴ-ն փաստեր թող ներկայացնի՝ քննարկենք. Գրիգորյանը՝ ԵՄ դիտորդների հասցեին հնչած պնդումների և նրանց թվի ավելացման մասին