Պետք է Մաքսային ծառայության վերափոխման ռազմավարական նոր էջ բացենք. վարչապետը՝ մաքսային ծառայության 30-ամյակի միջոցառմանը

Նիկոլ Փաշինյանը Գյումրիում մասնակցել է Հայաստանի մաքսային ծառայության 30-ամյակին նվիրված միջոցառմանը:

Վարչապետը հանդես է եկել ելույթով, որում մասնավորապես նշել է.

«Հարգելի պարոն Բադասյան,

Կառավարության հարգելի անդամներ,

հարգելի տիկին մարզպետ,

Մաքսային ծառայության հարգելի աշխատողներ,


652.jpg (731 KB)

Շնորհավորում եմ ձեզ և բոլորիս Մաքսային ծառայության 30-ամյակի կապակցությամբ: Սա շատ լավ առիթ է, որպեսզի ամփոփենք 30-ամյա գործունեությունը և Մաքսային ծառայության վերափոխման ռազմավարական նոր էջ բացենք: Իհարկե, մեր պետության կայացման ճանապարհին պետական ինստիտուտները, նաև հարկային ֆիսկալ մարմինների դերը շատ էական է, որովհետև Մաքսային ծառայությունը պետության կարևորագույն ատրիբուտներից մեկն է: Եվ այս ընթացքում, իհարկե, զարգացման բավականին երկար և բարդ ճանապարհ է անցել:

Ես, սակայն, կուզեի, որ շարունակենք վերջին տարիներին սկսած՝ պետական ծառայողի ընդհանրապես, և մասնավորապես, մաքսային ծառայողի, հարկային ծառայողի և մարմինների կերպարի փոփոխության գործընթացը: Եվ հանրային առումով էլ այս կոմունիկացիան պետք է ճիշտ մատուցվի, որովհետև մաքսային ծառայողն այն մարդը չէ, ով, ենթադրենք, մի քանի տոպրակ ապրանք բերող խեղճ քաղաքացուց փորձում է դրամ վերցնել, այլ մաքսային ծառայողն այն մարդն է, ով պետական գործառույթ է իրականացնում: Մաքսային ծառայության իմիջի փոփոխության և ընդհանրապես, ընկալման փոփոխության մասին խոսելիս՝ մենք պետք է խոսենք նաև քաղաքացիների ընկալման փոփոխության մասին, որովհետև շատ դեպքերում այդ ընկալումը չկա, որ այն ամենն, ինչ մեզ շրջապատում է և այն իրականությունը, որ մենք այսօր ունենք, ի վերջո սկսվում է քաղաքացու՝ պետության նկատմամբ ունեցած պարտավորությունների կատարումից: Այսինքն՝ ինչո՞ւ են քաղաքացիները հարկեր, մաքսավճարներ, տուրքեր վճարում, որովհետև մենք բոլորս պայմանավորվել ենք, որ պետք է ունենանք պետություն, այդ պետությունը պետք է գործի հետևյալ կանոններով և այդ կանոնների շրջանակներում մենք պետք է կատարենք վճարումներ, որով պետք է լուծենք և բավարարենք այն կարիքները, որ ունենք:

653.jpg (783 KB)

Ընդհանուր առմամբ, հույս ունեմ, որ նաև տարածաշրջանային փոփոխությունների և զարգացումների բերումով Հայաստանի Հանրապետությունը տարանցիկ շատ ավելի մեծ նոր պոտենցիալ ձեռք կբերի, և այս առումով էլ Մաքսային ծառայության ընթացակարգերի գործառույթների բարելավումը շատ էական է, որպեսզի Հայաստանի Հանրապետությունը տարանցիկ գրավիչ երկիր լինի: Եվ սրա համար ոչ միայն ճանապարհները, կոմունիկացիաներն են կարևոր, այլև այն ծառայությունները, որ մատուցվում են, մասնավորապես՝ Մաքսային ծառայության կողմից:

Հարգելի ներկաներ, կրկին անգամ ուզում եմ շնորհավորել բոլորիս Մաքսային ծառայության այս նշանակալի հոբելյանի առիթով: Ցանկանում եմ բոլոր ծառայողներին շնորհակալություն հայտնել Մաքսային ծառայության կայացման գործում ներդրման համար և հաջողություններ մաղթել բոլորիս՝ պետական ինստիտուտների հետագա կայացման գործում հաջողակ լինելու իմաստով, այդ թվում՝ Մաքսային ծառայության վերափոխման իմաստով, որ Մաքսային ծառայության իմիջը գնալով ավելի ու ավելի լավը դառնա: Ի վերջո, թեկուզ և չհասնենք, այնուամենայնիվ, մենք պետք է ձգտենք կատարելության»:

654.jpg (718 KB)

Այնուհետև տեղի է ունեցել Մաքսային ծառայության աշխատակիցների պարգևատրման արարողությունը: ՀՀ մաքսային համակարգի ստեղծման 30-ամյակի կապակցությամբ մաքսային համակարգի զարգացման գործում ներդրված ավանդի համար ՀՀ վարչապետի հուշամեդալով են պարգևատրվել ՊԵԿ մաքսային հսկողության վարչության, մաքսային վարչարարության և մաքսային գործի զարգացման բաժնի պետ Լիլիթ Ավետիսյանը, ՊԵԿ տեղեկատվական տեխնոլոգիաների վարչության պետի տեղակալ Ռաֆայել Գրիգորյանը, «Մասշտաբ» ՍՊԸ-ի գլխավոր փորձագետ Միքայել Փաշայանը: ՀՀ մաքսային համակարգի ստեղծման 30-ամյակի կապակցությամբ, երկարամյա բարեխիղճ և արդյունավետ աշխատանքի համար ՀՀ վարչապետի շնորհակալագրով են խրախուսվել ՊԵԿ հետբացթողումային հսկողության վարչության պետ Գոհար Սահակյանը, ՊԵԿ ներքին անվտանգության վարչության պետի տեղակալ Գուրգեն Դավթյանը, ՊԵԿ տեղեկատվական տեխնոլոգիաների վարչության տեղեկատվության փոխանակման և կառավարման բաժնի պետ Արսեն Ղարիբյանը:

Միջոցառման ընթացքում վարչապետին ներկայացվել է Հայաստանի մաքսային համակարգի ստեղծման, կայացման և զարգացման գործընթացը: Նշվել է, որ արդիականացվել են Բագրատաշեն, Գոգավան և Բավրա անցման կետերը:

655.jpg (824 KB)

Գյումրի քաղաքում կառուցվել է Հյուսիսային արտաքին տնտեսական գործունեության սպասարկման կենտրոն: Կենտրոնում իրականացվում է մարդատար ավտոմեքենաների մաքսային ձևակերպումների գործընթացը՝ ամբողջովին արդիականացված հնարավորություններով ու նոր աշխատաոճով: Գործընթացն իրականացվել է ՀՀ վարչապետի՝ ավտոմեքենաների մաքսային ձևակերպման գործառույթը Գյումրի տեղափոխելու վերաբերյալ հանձնարարության հիման վրա։ Արդիականացման իր հերթին է սպասում նաև երկրի հարավային սահմանը՝ Մեղրիի սահմանային անցակետը։

Մանրամասն անդրադարձ է կատարվել նաև Մաքսային ծառայության տեսլականին, որի հիմքում տնտեսվարողներին նորարարական տեխնոլոգիաների կիրառմամբ նոր որակի ծառայությունների մատուցումն է:

Տպել
1297 դիտում

Թրամփն արձագանքել է նախագահական ընտրարշավից դուրս գալու Բայդենի որոշմանը

Ջո Բայդենը լքում է նախագահական ընտրապայքարը

Անգամ երկրաշարժը Գյումրու տիկնիկայինի վարագույրը փակել չկարողացավ. տիկին Քնարիկը 40 տարի է՝ շունչ է տալիս տիկնիկներին

Ադրբեջանը Հայաստանին հրավիրել է COP29 գագաթնաժողովին. Հաջիևը հայտնել է պաշտոնական նամակ ուղարկելու մասին

Թարմացվել է աշխարհի ամենաթանկ ֆուտբոլիստների վարկանիշային աղյուսակը. Յամալը լավագույն տասնյակում է

Մեքենան ընկել է ջրափոսը, բախվել արգելապատնեշներին և շրջվել. հիվանդանոց տեղափոխված ընտանիքի անդամների թվում երեխա կա

Վերսկսվել է Չինաստան-Իրան և հետադարձ ուղղությամբ բեռնարկղային գնացքների երթևեկությունը

Շոգի պատճառով Անապայում մոտ 1,5 հազար մարդ մնացել է առանց էլեկտրականության

Հայաստանի բասկետբոլի հավաքականը հաղթել է Ադրբեջանի ընտրանուն

ԱՄՆ Եվրոպական հրամանատարությունն անդրադարձել է «Արծիվ գործընկեր-2024» հայ-ամերիկյան համատեղ զորավարժություններին

1 տարվա հավերժությունը. Մատենադարանի նոր ցուցադրության բացումը նշանավորվել է երկու նոր ձեռագրերի մուտքով (լուսանկարներ)

Հյուսիսային պողոտայի շենքերից մեկի վտանգավոր դարձած պատուհանն ապամոնտաժվել է

«Ջրվեժ» անտառպարկում շարունակվում են ճանապարհների լուսավորման աշխատանքները

«Նիվա»-ն բախվել էլեկտրասյանը, բաժանարար գոտում տեղադրված երկաթե ճաղավանդակներին և կողաշրջվել

Ռուսաստանի պետական սահմանի խախտումը կանխվել է. ինչ է հայտնել ՌԴ պաշտպանության նախարարությունը

Հայաստանին միջոցների հատկացումը և վիզաների ազատականացման երկխոսությունը ԵՄ ԱԳ նախարարների խորհրդի նիստի օրակարգում են

Ռուսաստանում մեկ օրում 40 մարդ է ջրահեղձ եղել. Դոն գետում 15-ամյա դեռահասի որոնումները շարունակվում են

Դեսպան Տիգրան Մկրտչյանը մասնակցել է Կիպրոսի հյուսիսային մասի օկուպացիայի 50-ամյա տարելիցի պատարագին

Անչափահաս աղջիկների մոտ ատրճանակներ են հայտնաբերվել

Մահացել է «Երիտասարդի ձայնը» նախաձեռնության հիմնադիր Հովհաննես Հարությունյանը

8 ժամով կդադարեցվի Վայքի բազմաթիվ հասցեների ջրամատակարարումը

Վարչապետ Նիկոլ Փաշինյանը տիկնոջ և դստեր հետ վերադարձել է հանգստից

Մենք բարձր ենք գնահատում Հայաստանի և Բելգիայի միջև վստահելի գործընկերությունը. ԱԳՆ-ն շնորհավորական ուղերձ է հղել

Օդի ջերմաստիճանը կբարձրանա 5-7 աստիճանով. կարճատև անձրև կտեղա

Ադրբեջանը Հայաստանին հրավիրել է համաձայնեցնել խաղաղության հպայմանագրի հիմնարար սկզբունքները. Հաջիև

Անչափահասները վիճաբանել, գործի են դրել դանակներ, մեկի մոտ հայտնաբերվել է ատրճանակ. կան վիրավորներ

Հանքարդյունաբերությունը շարունակում է մնալ Հայաստանի տնտեսության ռազմավարական նշանակության ճյուղերից մեկը. Գնել Սանոսյան

Ճապոնիայի ափերի մոտ երկրաշարժ է տեղի ունեցել

Ինչ փոփոխություններ է արձանագրել տարադրամի շուկան հուլիսի 21-ին

Փարիզի Օլիմպիական խաղերի ավելի քան 8.8 միլիոն տոմս է վաճառվել

ՀՀ ԶՈՒ ստորաբաժանումները կրակ չեն բացել, Ադրբեջանը ապատեղեկատվություն է տարածել. ՊՆ

Կորած ամառը վերադառնում է Հայաստան. Գագիկ Սուրենյանը հայտնել է՝ երբ

ՀՀ տարածքում փակ ավտոճանապարհ չկա. ինչ իրավիճակ է Լարսում

Երևանի և 4 մարզի բազմաթիվ հասցեներում մի քանի ժամ լույս չի լինի

Կայացել է «Քաղաքացիական պայմանագիր» կուսակցության Մարտունու տարածքային կառույցի նախաձեռնող խմբի նիստ

Կրակոցներ՝ Երևանում, վիրավորը ծանրամարտի Հայաստանի չեմպիոն է

Կապանի հրաձգարանի հարակից տարածքում պայթյուն է եղել. կա զոհ

Պայթյունը տեղի է ունեցել հրաձգարանի հարևան տարածքում․ ՊՆ

Խաղաղության պայմանագրի տեքստը 80-90 տոոսով համաձայնեցված է. Ալիևը հայտնել է բաց մնացող 2 կետի մասին

Ինչու են ամռանն ակտիվանում առնետները. ինչով են նրանք վտանգավոր, ինչ հիվանդություններ են տարածում և ինչպես պայքարել