ՊՎԾ-ն Երեւանի քաղաքապետարանում շինթույլտվությունների վերաբերյալ տարաբնույթ խախտումներ է հայտնաբերել

Ամիսներ առաջ հայտնի դարձավ, որ Հայաստանի պետական վերահսկողական ծառայությունը (ՊՎԾ) ստուգումներ է իրականացնում Երեւանի քաղաքապետարանում:

«Հայկական ժամանակ»-ը ՊՎԾ-ից հետաքրքրվել է՝ ավարտվե՞լ են արդյոք ստուգումները, արդյունքում ի՞նչ խախտումներ են հայտնաբերվել: Ստորեւ ներկայացնում ենք ՊՎԾ լրատվական վարչությունից մեզ տրամադրված պատասխանները.

- Խնդրում ենք նշել՝ ի՞նչ ստուգումներ են իրականացվել Երեւանի քաղաքապետարանում:

- Երեւանի քաղաքապետարանում իրականացված մշտադիտարկումն սկսվել էր դեռեւս 2020 թվականի երրորդ եռամսյակում շինարարության թույլտվություններին առնչվող հարցերի կապակցությամբ։ Մշտապես կառուցապատողները բողոքել են շինարարության թույլտվության տրամադրման ուշացումներից եւ ժամկետների հետ կապված թերացումներից, ինչպես նաեւ չհիմնավորված մերժումներից։ Մշտադիտարկումն իրականացվել է Երեւանի քաղաքապետարանում, քանի որ այն շինարարության թույլտվություններ տրամադրող ամենամեծ համայնքային կառույցն է։ Մշտադիտարկումը նպատակաուղղված էր ոչ թե հենց Երեւանի քաղաքապետարանում առկա անհամապատասխանությունների բացահայտմանը, այլ խնդիրը շինարարության թույլտվություններին առնչվող հարցերի բացահայտումն էր։

Արդյունքում ի՞նչ թերացումներ կամ խախտումներ են արձանագրվել։

- Մշտադիտարկման ընթացքում հայտնաբերվել են տարաբնույթ խախտումներ՝ շինարարության թույլտվությունների վերաբերյալ քաղաքացիների դիմումներին պատասխան է տրվել նախատեսված ժամկետից կրկնակի, եռակի ուշ, քաղաքացիների դիմումների մերժման պատասխանների մեջ տրված չէ իրավական ակտի հղում, սա նշանակում է, որ խախտվել են վարչարարության մի շարք սկզբունքներ, ներառյալ՝ օրինականության եւ կամայականության արգելքի սկզբունքները, ինչի հետևանքով անձանց մերժել են ու չեն հայտնել, թե ինչ իրավական հիմքով են մերժում։

Շատ դեպքերում ավարտական ակտերը կազմվել են շինարարության թույլտվությամբ նախատեսված ժամկետներից ուշ, սակայն քաղաքապետարանի կողմից չեն կիրառվել օրենքով սահմանված պատասխանատվության միջոցները։ Շինարարության թույլտվություն է տրվել որոշակի մակերեսի շինության կառուցապատման համար, մինչդեռ փաստացի կառուցվել է ավելի մեծ մակերսով շինություն, եւ տեղական տուրքը գանձվել է ոչ թե շինարարության ավարտական ակտերում նշված մակերեսի չափին համապատասխան, այլ սկզբում նախանշված մակերեսի հաշվարկով, այսինքն՝ ավելի քիչ։ Բազմաթիվ ինքնակամ կառույցներ օրինականացվել են առանց նախատեսված վարչական տույժի կիրառման։

- Պատասխանատվության ենթարկվող անձինք կլինե՞ն, այդ ուղղությամբ դիմե՞լ եք համապատասխան մարմիններին։

- ՀՀ պետական վերահսկողական ծառայությունը պատասխանատվության միջոցներ կիրառելու սեփական լիազորություններ չունի, այնուամենայնիվ, կարգապահական կամ այլ տեսակի պատասխանատվության ենթարկելու գործընթացի կիրառման անհրաժեշտությունն առկա է, եւ մշտադիտարկման արդյունքների ամբողջական ամփոփման ժամանակ սահմանված կարգով կներկայացվի համապատասխան մարմիններին։

Մենք տեսնում ենք, որ որոշակի պաշտոնատար անձինք ուշացումներով կամ այլ թերացումներով են իրենց աշխատանքը կատարել կամ, առհասարակ, չեն կատարել, սակայն նրանց նկատմամբ չեն կիրառվել պատասխանատվության միջոցներ: Պետք է նկատել, որ այս խնդիրն առկա է ոչ միայն Երեւանի քաղաքապետարանում, այլ համակարգային բնույթ է կրում։ Մեր առաջարկներում ներառվելու է պահանջ առ այն, որ հետագայում պաշտոնեական լիազորությունների պատշաճ կատարման նկատմամբ սահմանվի առավել խիստ հսկողություն, եւ սեփական լիազորություններն իրականացնելիս թերացող պաշտոնատար անձինք անվերապահորեն ենթարկվեն պատասխանատվության։ Բյուջետային միջոցներից վարձատրվող պաշտոնատար անձինք պետք է գիտակցեն, որ իրենց ոչ իրավաչափ գործողությունների եւ անգործության համար, այնուամենայնիվ, կիրառվելու են պատասխանատվության միջոցներ։

Կոնկրետ խախտումների մասին միայն մենք չէ, որ պետք է բարձրաձայնենք: Առաջին հերթին այդ մասին են խոսում կառուցապատողները՝ դիմումների ընդունման պահից մինչեւ որոշումների կայացման համար սահմանված վերջնաժամկետները: Դրանք մի քանի անգամ գերազանցում են սահմանված ժամկետները, ինչը հաստատվել է նաեւ մեր վերահսկողության արդյունքում։ Իհարկե, հնարավոր է, որ այդ ուշացումներն ունենան ինչպես օբյեկտիվ, այնպես էլ սուբյեկտիվ պատճառներ։ Բայց մեր ծառայությանն առաջին հերթին հետաքրքրում են դրանց օբյեկտիվ պատճառները, այսինքն՝ այն, թե օրենսդրական ինչ բացեր կան, ինչ մեխանիզմներ են հարկավոր կիրառել, որպեսզի դրանք հետագայում բացառվեն։ Սուբյեկտիվ պատճառներն արդեն քաղաքապետարանի եւ իրավապահ մարմինների լիազորությունների ոլորտում են, եւ ՀՀ պետական վերահսկողական ծառայությունն ընդամենը կարող է այդ կառույցներին տրամադրել իր կողմից բացահայտված տեղեկատվությունը։

Տպել
3986 դիտում

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել