Միգուցե շատերի համար ես բնավ էլ համարձակ կին չեմ, որովհետեւ իրենց մտքի թռիչքն այլ բան է ուզում. Լուիզա Ներսիսյան

Դերասանուհի, հաղորդավարուհի Լուիզա Ներսիսյանի կարծիքով՝ որպեսզի արտիստը լինի մշտապես պահանջված և հետաքրքիր, պիտի քրտնաջան աշխատի և ինքնակրթվի:

«Հայկական ժամանակ»-ը Լուիզայի հետ զրուցել է իր և ամուսնու՝ Հրանտ Թոխատյանի հետ ունեցած հարաբերությունների, համարձակ կերպարներում հանդես գալու, առաջիկա անելիքների մասին: Դերասանուհին անդրադարձել է նաև «Վումնս Քլաբ» հեռուստանախագծի վերաբերյալ հաճախ հնչող քննադատություններին:

Լուիզա, հայ կինոյի եւ թատերարվեստի ամենաքննարկվող կերպարներից մեկն եք համարվում. ինչպե՞ս է Ձեզ հաջողվում ժամանակին համընթաց քայլել՝ չկորցնելով հետաքրքրությունն ու պահանջված լինելը:

- Նախ, սկսենք այնտեղից, որ յուրաքանչյուր աշխատանք սկսելիս ամենակարեւոր կոմպոնենտներից մեկը դա սիրով անելն է: Քանի որ ես սիրում եմ իմ մասնագիտությունը, եւ ոչ ոք ինձ չի պարտադրել այն ընտրել, ուստի անընդհատ ձգտում եմ գրանցել աճ, որպեսզի իմ աշխատանքն ինձ հետաքրքիր լինի: Անընդհատ զբաղվում եմ ինքնակրթությամբ՝ չկորցնելով հետաքրքրությունս աշխատանքի հանդեպ: Միգուցե հենց դա էլ տալիս է իր պտուղները, որ հետադարձ կապն ու արձագանքն այնպիսին է լինում, ինչպիսին Դուք եք նշում: Եթե քո աշխատանքը կյանքիդ մի մասն է կազմում, ապա վստահաբար չի կարող իր հետեւանքներն ու արդյունքը չունենալ՝ լավ իմաստով, իսկ ես ապրում եմ իմ աշխատանքով: 

- Հանրության շրջանում պարբերաբար քննարկվում են Ձեր եւ Հրանտ Թոխատյանի անձնական հարաբերությունները: Համացանցում հաճախ հայտնվում են տարատեսակ լուրեր, թե իբրեւ ամուսնալուծվել եք: Ըստ Ձեզ՝ ովքե՞ր են օրակարգ բերում այս խոսակցությունները եւ ո՞րն է դրանց նպատակը:

- Կարծում եմ՝ հանրային մարդը պիտի սովոր լինի, որ քննարկման առարկա է դառնալու ոչ միայն իր մասնագիտական գործունեությունը, այլեւ անձնական կյանքը. մարդկանց միշտ էլ հետաքրքիր է պատուհանից ներս նայել և տեսնել, թե այնտեղ ինչ է կատարվում: Ես շատ առողջ եմ վերաբերում այդ ամենին: Իմ մասին տարածվող յուրաքանչյուր տեսակի քննարկում եւ բամբասանք ադեկվատ կերպով եմ ընկալում՝ բոլորովին չնյարդայնանալով դրանից: Մեր օրերում շատ հաճախ կարող ենք տեսնել սենսացիոն եւ ակնհայտ ապատեղեկատվություն պարունակող վերնագրերով հրապարակումներ, դա գալիս է նրանից, որ որոշ լրատվամիջոցներ փորձում են աչքի ընկնել ու կայանալ հայտնի եւ հանրային հետաքրքրություն վայելելող մարդկանց հաշվին: Բայց պիտի խոստովանեմ, որ դրան էլ եմ նորմալ վերաբերում: 

- Դուք նաև հաճախ քննադատությունների կենտրոնում եք հայտնվում համարձակ կերպարներում հանդես գալու համար: Ինչպե՞ս եք վերաբերում այդ քննադատություններին, եւ արդյո՞ք դրանք որեւէ կերպ սահմանափակում են Ձեզ:  

- Իսկ ո՞վ է դրել այդ «համարձակ կերպար» սահմանումը, կամ որտե՞ղ է վերջանում «անհամարձակ լինել»-ը, եւ որտե՞ղ է սկսվում համարձակությունը. երեւի թե ամեն մարդ ինքն է որոշում դա: Ամենակարեւորն իմ խղճին ու մտքին չեմ դավաճանում, ներդաշնակ եմ մնում ինքս ինձ հետ, ոչինչ չեմ անում ցուցադրության համար, շարժվում եմ իմ տեսակին համարժեք թե՛ կյանքում, թե՛ բեմում: Ոչինչ երբեք չեմ անում զուտ նրա համար, քանի որ թրենդի մեջ է, եթե դա իմ տեսակին խորթ է: Պարզապես այնպիսին եմ, ինչպիսին կամ: Իսկ թե ինչպես է ընկալվում իմ կերպարը տարբեր մարդկանց կողմից, դա արդեն գալիս է նրանց աշխարհընկալումից: Միգուցե շատ-շատերի համար ես բնավ էլ համարձակ կին չեմ, այլ շատ անհամարձակ եմ, որովհետեւ իրենց մտքի թռիչքն այլ բան է ուզում կամ շատ հեռուն է գնում:

Իսկ բաց տեսարաններում իմ դերերի քննադատությունները լսելիս մի քիչ ծիծաղում եմ: Գիտեք մի այսպիսի բան կա. պրոֆեսիոնալ մոտեցմամբ աշխատող մարդիկ յուրաքանչյուր գործ անելիս ձգտում են, որ այն մաքսիմալ իրատեսական լինի, ճշմարտությանը մոտ: Եթե մենք ներկայացնում ենք սիրո տեսարան, այնտեղ կոմպրոմիսների գնալ եւ փորձել ինչ-ինչ բաներ լղոզած կամ թերի ներկայացնել զուտ նրա համար, որ ինչ-որ մարդկանց աշխարհընկալման մեջ չի տեղավորվում, աբսուրդ է: Կան կտորներ, որտեղ պետք է վստահել ռեժիսորին, եւ կերպարը մարմնավորելիս լիարժեք տրվել այդ պահին, եթե դա էսթետիկապես տգեղ չէ, տհաճ չէ ու չի պարունակում ցուցադրման տարրեր, այսինքն՝ կոնկրետ արված աշխատանք է:

- Դուք այսօր «Վումնս Քլաբ»-ում եք ներկայանում, սակայն մեդիակոնտենտ ուսումնասիրող անձինք արդեն քանիցս բարձրաձայնում են, որ սա այն հեռուստանախագծերից մեկն է, որտեղ հաճախ են հնչում ոչ եթերային բառամթերքն ու փողոցային լեքսիկոնը: Ըստ Ձեզ՝ արդարացվա՞ծ են այս քննադատությունները, թե՞ ոչ:

- Աշխարհընկալման խնդիր է: Կան զվարճանքի համար նախատեսված հաղորդաշարեր, որոնք ի սկզբանե դատապարտված են նրան, որ պիտի լինեն մի փոքր ավելի ազատ: Սկսենք նրանից, որ մեր հեռուստաեթերն ամբողջապես ոսկերչական աշխատանք չէ, որ տարված է, որ հիմա թիրախավորենք մի հաղորդում: Հեռուստաեթերը պիտի թարմանա, ռեստարտ արվի, նոր շունչ հաղորդվի: Դա ընդհանուր պիտի սկսել մեր կենսամակարդակից: Մեր կրթվածության աստիճանը եթե մի սանդղակով բարձրանա, այդ ամենը կուղղվի: Ցավոք սրտի, դեռ մեր հեռուստադիտողը միանգամից չի կարողանում ընկալել նոր բաները: Օրինակ՝ եթե մարդ սովոր է լինում կյանքի ընթացքում մի քիչ կեղտոտ օդի, եւ իրեն տալիս ես թթվածնով հագեցած օդ, նրա գլուխն սկսում է պտտվել: Այդ օրինակը ես բերում եմ մեր լսարանի հետ համեմատական տանելով. դժվար կլինի այդ թթվածնի մեծ դոզան տալ, որ իրենց գլուխը չպտտվի:

- Այսինքն՝ այս պարագայում «Վումնս քլաբի» կոնտե՞նտը չեն կարողանում ընկալել:

-Այո՛: Կարծում եմ՝ այս ուղղությամբ դեռ շատ աշխատանք ունենք անելու, բայց պիտի խորքային ու գրագետ ձեւով մոտենանք խնդրին: Ես միշտ ցանկացել եմ բարին ու լավը տալ մարդկանց, դոզավորված եմ տալիս: Ես չեմ կարող դա միանգամից տալ, որովհետեւ անհետաքրքիր կլինի: Ցավով եմ ասում, բայց ես դա տալիս եմ մի այլ բանով փաթեթավորած, պսպղուն ինչ-որ բաներով, լույսերով պարուրած, որպեսզի կարողանամ մատուցել այն, ինչը պսպղուն չէ, բայց ավելի մնայուն ու արժեքավոր է:

- Իսկ, ըստ Ձեզ, ի՞նչ իրավիճակում է այսօր գտնվում հայկական շոու բիզնեսը: Ասում են՝ այն այսօր «մահամերձ» վիճակում է:

- Ցավոք սրտի, հիմա մեզ մոտ ամեն ինչ պտտվում է հարսանիքի մակարդակի շուրջ: Հարսանիքը դարձել է մեր ազգի ամենակարեւոր տոնը: Յուրաքանչյուր ստեղծագործող մարդ այն շրջանակներում է գործում, որպեսզի ինքը պահանջված լինի. նեղ ընտանեկան առիթը վերածել ենք ազգային տոնի: Շատ-շատ որակով երաժիշտներ ստիպված անում են այնպիսի աշխատանք, որ հասանելի լինի հասարակությանը: Հիմա այն ժամանակաշրջանը չէ, երբ արվեստը հանուն արվեստի է, հիմա արվեստը հասարակության լայն շերտերի համար է:

- Ի՞նչ զբաղվածություն ունեք առաջիկայում թատրոնում եւ կինոյում: Ձեր երկրպագուներն սպասե՞ն նոր կերպարի:

- Մենք ունենք նոր ներկայացում, որի տակ ես կարող եմ մեծ տառերով ստորագրել, քան որ իսկապես շատ մեծ աշխատանք ենք արել: Արել ենք մի բան, որ շատ սիրուն ու լավն է: Արա Երնջակյանը «Համլետ»-ն է բեմադրել: Պատրաստվում ենք պրեմիերային, դեկտեմբերի 4-ին եւ 5-ին խաղալու ենք Կամերային թատրոնում: Ապրիլին հեռուստադիտողի դատին կհանձնվի «Սեւազգեստ կանայք» ֆիլմը: Կատրինի կերպարն եմ մարմնավորում: Ֆիլմում գլխավոր դերում մի քանի կանայք են, որոնք իրար հետ խնդիր ունեն. բոլոր իրադարձությունները բացվում են աստիճանաբար: Հետաքրքիր եւ դինամիկ զարգացումներով կատագերգություն է: Ռեժիսորը Գոռ Կիրակոսյանն է, որը հատուկ այդ նպատակով Միացյալ Նահանգներից ժամանել է Հայաստան: Նոր մտքեր, նոր գաղափարներ էլ կան, բայց քանի որ դեռ հստակություն չկա, չեմ ուզում ժամանակից առաջ ընկնել:

Տպել
2986 դիտում

103 տարեկանում կյանքից հեռացել է Հայաստանի ամենատարեց ուսուցչուհին՝ Մարիամ Տոնյանը

ՀՀ տարածքում փակվել ու դժվարանցանելի են դարձել մի շարք ավտոճանապարհներ. բուք է, ձյուն ու մերկասառույց

Հայ-ամերիկյան հարաբերություններից մինչև ռազմագերիների խնդիր. Ալեն Սիմոնյանն ԱՄՆ-ում հանդիպել է Նենսի Փելոսիին

Փրկարարները մեկ օրում դուրս են բերել ձյան մեջ արգելափակված 47 ավտոմեքենա

3 բալ ուժգնությամբ երկրաշարժ է գրանցվել ՀՀ տարածքում. ցնցումները զգացվել են Վայոց ձորի մարզում

Կրթական հետազոտությունների եվրոպական ասոցիացիայի (EERA) ամենամյա համաժողովը տեղի կունենա Երևանում

Ստեփանծմինդա-Լարս ավտոճանապարհը փակ է

Արցախի ժողովրդագրությունը հօգուտ ադրբեջանցիների փոխելու քաղաքականությունն Ադրբեջանում նոր չէ. Գեղամ Ստեփանյան

Մեծերը մահ չունեն. լրացավ Հրանտ Դինքի սպանության 15 տարին, Թուրքիայում ոգեկոչել են նրա հիշատակը

Գյումրիում վաղը կգործարկվի քաղաքի շչակը

Հյուսիս-հարավ ճանապարհային միջանցքի Տրանշ-2-ի մրցույթի մասնակցության հայտ է ներկայացրել 4 կազմակերպություն

ՇՄ-ում «Կայուն դպրոցական սնունդ» ծրագրի շահառուներ են 147 դպրոցի 1-ից 4-րդ դասարանցիներն ու 66 նախակրթարանների սաները

100-ավոր որդեկորույս ծնողների եմ հանդիպել, նրանք պատրաստ չեն իրենց մյուս որդիներին էլ ծառայության ուղարկել. Սարգսյան

Բժշկական դիմակով մուտք են գործել «Գրանդ Քենդի»-ի գանձապահի աշխատասենյակ և հափշտակել մոտ 13 միլիոն դրամ (տեսանյութ)

Աբու Դաբիում Գնել Սանոսյանը շրջել է Ապագայի էներգետիկայի համաշխարհային գագաթնաժողովի ցուցադրության տաղավարներում

Վարանդայում իրականացվել է զոհված և անհետ կորած զինծառայողների ու քաղաքացիական անձանց աճյունների որոնողական աշխատանք

Սաստիկ բքի պատճառով Վարդենյաց լեռնանցքը փակ է, դժվարանցանելի է Մաստարա-Լանջիկ-Գյումրի ավտոճանապարհը

Նոր լիցք հայ-բելառուսական հարաբերություններին. ՍԴ նախագահն ընդունել է ՀՀ-ում Բելառուսի դեսպանին

«Արմավիր» քրեակատարողական հիմնարկի ծառայողի մոտ հայտնաբերել են թմրամիջոց և արգելված իրեր

Հայ-հունական հարաբերությունները հիմնված են արյունակցական կապերի վրա և վեր են բոլոր տեսակի այլ շփումներից. Մկրտչյան

Կաշառք ստանալու կասկածանքով պաշտոնատար անձինք են ձերբակալվել

Կասեցվել է Գյումրիում գործող հացաբուլկեղենի արտադրամասի գործունեությունը (լուսանկարներ)

Մոնթեն «այնքան խելացի չի գտնվել, որ ԵՊՀ պատերի տակ ծվարած, կաշառքներ հավաքելով՝ միլիոնատեր դառնա». Փաշինյանը՝ Ղազինյանին

Հայաստանում է Կիպրոսի ազգային գվարդիայի գլխավոր շտաբի պետի գլխավորած պատվիրակությունը (լուսանկարներ)

Կամո Հովհաննիսյանը՝ ղազախական «Աստանայի» ֆուտբոլիստ

Դավիթ Տոնոյանի և ևս 7 անձի գործի քննությունը հետաձգվել է. վիճարկման առարկա է գործը դատավորին մակագրելու հարցը

Զորամասերում անցկացվել են մասնագիտական պարապմունքներ

Ռուբեն Ռուբինյանին ես եմ նշանակել Հայաստանի հատուկ ներկայացուցիչ, նա հաշվետու է ինձ, ԱԽ-ին ու ժողովրդին. Փաշինյան

Հունվարի 25-26-ին կկայանա արագ շախմատի Հայաստանի առաջնությունը

Բարև Ձեզ, մենք տրամադրված ենք կարգավորման. Միրզոյանը՝ Չավուշօղլուի հետ հանդիպման մասին

Հանրապետության գետերը գտնվում են ձմեռային սակավաջուր փուլում

Կոշտ միջոցառումներ՝ ձմեռային օլիմպիական խաղերն անվտանգ անցկացնելու համար

Պարոն Քերոբյանին ես եմ արգելել հրաժարական տալ. Նիկոլ Փաշինյան

ՔԿ-ն թվեր է ներկայացրել վերջին պատերազմում զոհվածների, անհետ կորածների և Ադրբեջանից ՀՀ-ին փոխանցված անձանց վերաբերյալ

Ես հակված եմ վստահ լինել, որ անապահով խավի համար գազի սակագինը չի փոխվելու. Մհեր Գրիգորյան

ՀԾԿՀ-ն ընդունել է ուսումնասիրության գազի սակագների վերանայման վերաբերյալ «Գազպրոմ Արմենիա»-ի հայտը

ՀՀ տարածքում կան փակ և դժվարանցանելի ավտոճանապարհներ

Գնել Սանոսյանը այսօր Աբու Դաբիում հանդիպել է ԱՄԷ էներգետիկայի և ենթակառուցվածքների նախարարին (լուսանկարներ)

Անգելա Մերկելը հրաժարվել է աշխատել ՄԱԿ-ում

Շրջանների զգալի մասում սպասվում է ձյուն. առաջիկա օրերի եղանակային կանխատեսումը