Յուրաքանչյուրն իրավունք ունի ՄԻՊ-ի գործունեության մասին կարծիք հայտնել, այդ թվում՝ քաղաքական գործիչները. Ստյոպա Սաֆարյան

Օրեր առաջ ՀՀ անվտանգության խորհրդի քարտուղար Արմեն Գրիգորյանը rusarm.info-ի հետ հարցազրույցում անդրադարձել էր ՀՀ մարդու իրավունքների պաշտպան Արման Թաթոյանին՝ ասելով, որ «երբևէ չի տեսել նրանից անաչառ հայտարարություն»։

«Մարդու իրավունքների պաշտպանը քաղաքական հայտարարություններ է անում, որոնք հետո հերքվում են պաշտպանության կամ այլ նախարարություններից։ Նա ակնհայտորեն ընդդիմադիր դաշտում հայտ է ներկայացրել և դիվիդենտներ է վաստակում»,- մասնավորապես ասել էր Գրիգորյանը՝ հավելելով, որ ՄԻՊ-ի պաշտոնավարմանը մնացել է մի քանի ամիս, և «Քաղաքացիական պայմանագիր»-ն այդ ժամանակ կներկայացնի ՄԻՊ գրասենյակի ղեկավարի իր թեկնածուին:

Ի պատասխան Գրիգորյանի հայտարարությունների՝ Արման Թաթոյանը երեկ մամուլի ասուլիսի ժամանակ նշել էր, որ այդ պաշտոնատար անձը՝ նկատի ունենալով Անվտանգության խորհրդի քարտուղար Արմեն Գրիգորյանին, գերազանցել է իր լիազորությունները։ Ո՞վ է նրան իրավունք տվել Մարդու իրավունքների պաշտպանի փոփոխության հարց քննարկել։

Հանրային խորհրդի ղեկավար, քաղաքագետ Ստյոպա Սաֆարյանը, «Հայկական ժամանակի» հետ զրույցում անդրադառնալով Գրիգորյան-Թաթոյան հեռակա բանավեճին, նկատեց՝ ընդդիմությունը շատ լավ կարողանում է Թաթոյանի խոսքերին, թեկուզ նրա կամքից անկախ, քաղաքական երանգ հաղորդել:

«Ընդդիմությունը Թաթոյանի խոսքերը դարձրել է իշխանության դեմ գործիք, մանավանդ սահմանային խնդիրների հետ կապված հարցերով, և Թաթոյանը հրաշալի տեսնում է այդ ամենը: ՄԻՊ-ը, եթե ցանկանում է, որ իր խոսքերը չքաղաքականացվեն, կարծում եմ՝ պետք է կոչ անի նաև ընդդիմությանը այդպիսի քաղաքականություն չվարել: Թե ինչո՞ւ դա չի անում, ավելի լավ ինքը կպատասխանի»,- նկատեց Սաֆարյանը:

Սաֆարյանի խոսքով՝ ակնհայտ է, որ ՄԻՊ-ի մի շարք հայտարարություններ իշխանության դեմ քաղաքական պայքարի մի մաս են դարձել. «Եթե նույնիսկ մի տեղ ընդունեմ այն հանգամանքը, որ պետք չէր այդպես միարժեք ընդունել Արման Թաթոյանի բոլոր հայտարարությունները, քանի որ չեմ կարծում, որ նրա բոլոր հայտարարությունները քաղաքական են, բայց մյուս կողմից էլ չեմ տեսնում որևէ խնդիր Արմեն Գրիգորյանի հայտարարության մեջ: Չեմ կարծում, որ Թաթոյանի կողմից այդպիսի բուռն արձագանքի կարիք կար»:

Քաղաքագետն ասաց՝ քաղաքական յուրաքանչյուր պաշտոն ունեցող մարդ իրավունք ունի իր կարծիքը հայտնել ՄԻՊ-ի գործունեության մասին. «Անթույլատրելի կլիներ, եթե ՄԻՊ-ը ենթարկվեր հետապնդման, փորձ արվեր նրան լռեցնելու, բայց ես Արմեն Գրիգորյանի հայտարարության մեջ այդպիսի արարքներ չեմ տեսնում: Միայն տեսնում եմ գնահատական, որի հետ կարելի է լինել համաձայն կամ ոչ»:

Անդրադառնալով Արման Թաթոյանի այն հայտարարությանը, որ Գրիգորյանը պետք է պատասխանատվության ենթարկվի իր խոսքերի համար՝ Սաֆարյանը նշեց. «Իր հայտնած գնահատականի համար չի կարող Գրիգորյանը որևէ պատասխանատվության ենթարկվել: Այստեղ չկա էթիկայի խախտում: Ի՞նչ է նշանակում՝ որևէ պաշտոնյայի զրկել մեկ այլ պաշտոնյայի վերաբերյալ գնահատական տալուց: Եթե այդպես է, եկեք ընդհանրապես արգելենք Արմեն Գրիգորյանին խոսել»:

Ստյոպա Սաֆարյանը, խոսելով նաև Արման Թաթոյանի կատարած աշխատանքի մասին, ասաց՝ գնահատում է վերջինիս աշխատանքը մի շարք ոլորտներում, սակայն որոշ անդրադարձներ էլ համարում է ընտրողական:

«Որոշ դեպքերի արձագանքում է, որոշներին՝ ոչ: Ինչո՞ւ է միանման մի դեպքում արձագանքում, մի դեպքում՝ ոչ: Դա կանվանենք քաղաքակա՞ն, թե՞ այլ բան, դա էլ մյուս կողմն է հարցի: Բայց էլի եմ կրկնում՝ որքան Արման Թաթոյանը իրավունք ունի կարծիք արտահայտելու, նույն իրավունքն էլ ունի Արմեն Գրիգորյանը: Չպետք է այս ամենը վերածվի մեկը մյուսին լռեցնելու փորձերի»,- ընդգծեց Ստյոպա Սաֆարյանը:

Սաֆարյանը նաև հիշեցրեց, որ որոշ ժամանակ առաջ էլ Թաթոյանն անդրադարձել էր իր գործունեությանը, երբ ինքը ֆեյսբուքյան էջում տարածել էր փաստաբան Ռուբեն Մելիքյանի և Քրեական վերաքննիչ դատարանի դատավոր Արսեն Նիկողոսյանի լուսանկարը և գրառում կատարել, ինչը Թաթոյանը համարել էր մերժելի երևույթ, քանի որ լուսանկարում պատկերված էր նաև փաստաբանի մանկահասակ երեխան:

«Ինքն էլ իմ գործունեությանն էր գնահատական տվել, բայց ես դրան չեմ արձագանքել, չեմ փորձել իրեն լռեցնել կամ պատասխանատվության ենթարկել: Եթե ես դա չեմ արել, թող ինքն էլ ոչ ոքի չփորձի լռեցնել»,- եզրափակեց Սաֆարյանը:

Անյուտա Աթանեսյան

Տպել
1861 դիտում

Այս մարդիկ խաբեցին ոչ միայն իրենց ընտրողներին, այլ ողջ հասարակությանը. Նորիկյանը՝ խորհրդարանական ընդդիմության մասին

ՀՀ ԶՈՒ զինծառայողին հակառակորդի կողմից հրազենային վնասվածք պատճառելու դեպքի առթիվ նախաձեռնվել է քրեական վարույթ

Հայ դատի հանձնախումբը ԱՄՆ Կոնգրեսին կոչ է արել Արցախին 50 մլն դոլարի օգնություն հատկացնել

Նիդերլանդների դեսպանը մեկնել է Ջերմուկ՝ ծանոթանալու ադրբեջանական ագրեսիայից հետո այնտեղ տիրող իրավիճակին (լուսանկարներ)

Սահմանադրական բարեփոխումների խորհուրդը որոշել է, որ ՀՀ պետական կառավարումը մնալու է խորհրդարանական. Իոաննիսյան

Դեկտեմբերի 1-ին փակ կլինի Կիևյան կամուրջը

Երեկ վիրավորում ստացած զինծառայողի կյանքին վտանգ չի սպառնում. ՊՆ

Բռնագանձման գումարը վճարելիս Հարկադիր ծառայության ապաարգելադրումը կկատարվի մեկ օրում. ծրագրին միացել է ևս 4 բանկ

Արուսյակ Մանավազյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Լոռիում բեռնատարը մոտ 40 մետր բարձրությունից ընկել է ձորակը. վարորդը տեղում մահացել է

Բոլոր մարզերում մեկնարկել է խոշոր եղջերավոր կենդանիների համարակալումն ու հաշվառումը

Տեղի է ունեցել «Հայաստան-Հնդկաստան. հազարամյա հարաբերությունների նոր խթաններ» խորագրով առաջին միջազգային գիտաժողով

Փոխգնդապետ աղջիկը մի քանի տարի չի աշխատել ու աշխատավարձ է ստացել. քրեական հետապնդում՝ նախկին ոստիկանապետի դստեր նկատմամբ

«Սուրմալու» առևտրի կենտրոնի պայթյունի հետևանքով զոհերի ընտանիքների աջակցության համար դիմելու վերջնաժամկետն այսօր է

Ադրբեջանի ԶՈՒ-ն խախտել է հրադադարը նաև Արցախի ուղղությամբ ու կեղծ մեղադրանք ներկայացրել հայկական կողմին. ԱՀ ՊՆ

Արարատ Միրզոյանը կմասնակցի ԵԱՀԿ նախարարական 29-րդ համաժողովին

Հայաստանի մի շարք հատվածներում ձյուն է տեղում, Տավուշի ավտոճանապարհներին մառախուղ է

Ուրախությամբ պիտի նշեմ, որ Արցախն ունի ձևավորված ոստիկանական համակարգ և բարեխիղճ ծառայողներ. ԱՀ ՆԳ նախարար

Ադրբեջանի ՊՆ-ն պնդում է՝ ՌԴ զորախումբը կանխակալ վերաբերմունք ունի և պահանջում է չկիրառել Լեռնային Ղարաբաղ անունը

Էրդողանի խոսնակը ՀՀ-ի հետ սահմանների մասնակի բացումը կրկին կապել է հայ-ադրբեջանական գործընթացի հետ

Ադրբեջանի ԶՈՒ-ն գիշերը կրկին կրակ է բացել հայկական դիրքերի ուղղությամբ՝ կիրառելով նաև ականանետ. ՊՆ

Գլխավոր դատախազի տեղակալը ԵԽ գործընկերների հետ քննարկել է համագործակցության զարգացման հեռանկարները

ՀՀ ԱԽ քարտուղարն ու գերմանացի պաշտոնյաները քննարկել են տարածաշրջանում առկա անվտանգային մարտահրավերները

ՀՀ տարածքում կան փակ ճանապարհներ, Սյունիքի մարզում ձյուն է տեղում

Նոր Խարբերդի տներից մեկում պայթյունի հետևանքով տուժած քաղաքացին տարբեր աստիճանի այրվածքներ է ստացել (լուսանկարներ)

««Եվրատեսիլի» 8 հազար դրամ արժողությամբ տոմսը վերավաճառում են 30-50 հազար դրամով». քաղաքացիներն ահազանգում են

ԱԱ-2022. A խմբի հանդիպումներն ավարտվեցին

Տեղի է ունեցել «Քաղաքացիական պայմանագիր» կուսակցության վարչության նիստը․ հաստատվել է հաստիքացուցակը

Շքեղ համերգ, լեփ-լեցուն դահլիճ, պայթող ծափեր, անվերջանալի «բրավոներ». աշխարհահռչակ դիրիժոր Վլադիմիր Սպիվակովը Գյումրիում

Ոսկեհասկ գյուղի սկզբնամասում ավտոմեքենա է այրվել

ՀՀ-ում այլազգիները սպասարկման ոլորտում շփվում են իրենց լեզվով, տեղի բնակչությունը դժգոհում է. ինչ է ասում «Լեզվի» օրենքը

2021-22թթ. 1 մլրդ 300 մլն դրամ է հատկացվել 44-օրյա պատերազմում վիրավորված զինծառայողների վերականգնողական բուժման համար

Ռոման Ամոյանը նշանակվել է Երևանի թենիսի և բադմինթոնի մանկապատանեկան մարզադպրոցի տնօրեն

ՀՀ վարչապետը նոր օգնական ունի․ Նիկոլ Փաշինյանը որոշում է ստորագրել

90-ականներին կար մեծ սպասում. դեկտեմբերին ամանորյա ինչ ներկայացումներ կլինեն Երևանի թատրոններում

Տիգրան Արզաքանցյանը սով է կանխատեսում. նա կոչ է անում հատուկ ուշադրություն դարձնել գյուղատնտեսությանը

«Նուբարաշեն» ՔԿՀ այցելած քաղաքացու մոտ հայտնաբերել են թմրամիջոցին նմանվող զանգվածներ

Պայթյուն Նոր Խարբերդի տներից մեկում․ կա տուժած

Աննա Հակոբյանն այցելել է Դվինի հնավայր, Ֆրանկոֆոնիայի այգի և Նոր Կյանքի լորաբուծարան (լուսանկարներ)

Երբ դաշինքները ստեղծվում են հատուկ ընտրությունների համար, նման վերջաբան են ունենում. Թարվերդյանը՝ ԱԺ ընդդիմության մասին