Այս գագաթնաժողովը ապագայի մասին է. ՀՀ նախագահը՝ Մտքերի հայկական երրորդ գագաթնաժողովին (տեսանյութ)

Դիլիջանում այսօր աշխատանքներն է սկսել «Մտքերի հայկական գագաթնաժողով»-ը։ Հայաստանի Հանրապետության նախագահ Արմեն Սարգսյանի բարձր հովանու ներքո անցկացվող գագաթնաժողովն այս տարի կրում է «Գլոբալ փոփոխությունները նոր քվանտային աշխարհում» խորագիրը:

Աշխարհի տարբեր երկրներից գագաթնաժողովին մասնակցող քաղաքական և տնտեսական, գիտական և տեխնոլոգիական շրջանակների, փորձագիտական և վերլուծական հանրույթի հայտնի ներկայացուցիչները երկու օր կքննարկեն գագաթնաժողովի հիմնական երկու թեմաները՝ աշխարհում և հարավկովկասյան տարածաշրջանում աշխարհաքաղաքական փոփոխություններն ու տեխնոլոգիական զարգացումները:

«Մտքերի գագաթնաժողով»-ի գործընկեր, «The Monthly Barometer» հեղինակավոր վերլուծական հանդեսի հիմնադիր Թիերի Մալըրեն, ողջունելով ներկաներին «Մտքերի հայկական գագաթնաժողով»-ում, իր բացման խոսքում մասնավորապես ասել է. «Մենք հպարտ և ուրախ ենք այստեղ գտնվելու համար։ Մեծապես երախտապարտ ենք նախագահ Սարգսյանին՝ մեզ հյուրընկալելու համար։ «Մտքերի գագաթնաժողովը» մշտապես միավորում է երեք հիմնական բաղադրիչ՝ հիանալի բովանդակություն, հիանալի մարդկանց և հիանալի քննարկումներ։ Դիլիջանը, «Մտքերի գագաթնաժողով»-ն այստեղ՝ Հայաստանում այդ բոլոր երեք բաղադրիչներն ապահովում է»:

Իր խոսքում Հանրապետության նախագահ Արմեն Սարգսյանը նշել է, որ հաշվի առնելով իրավիճակն աշխարհում, գործընկերների հետ որոշել են գագաթնաժողովը անցկացնել հիբրիդային ձևով։ «Սա երրորդ գագաթնաժողովն է և առաջին անգամ է անցկացվում հիբրիդային տարբերակով,- ասել է նախագահը, -սակայն համոզված եմ, որ ապագայում շատ համաժողովներ կանցկացվեն հիբրիդային ձևով, քանի որ դա է պահանջում նոր աշխարհը։

Այս գագաթնաժողովի խորագիրը նոր աշխարհի կամ, ինչպես ես եմ անվանում, քվանտային աշխարհի մասին է։ Գագաթնաժողովը ներառում է երկու թեմա։Առաջինը նվիրված կլինի աշխարհաքաղաքականությանը, որը փոխվում է ամեն օր։ Աշխարհը միաբևեռ կամ բազմաբևեռ չէ, այն շատ ավելի բարդ է, և մենք փորձում ենք հասկանալ՝ ինչպես ապրել այս նոր գլոբալ, քվանտային աշխարհում։ Խորագրի այս հատվածը նվիրված է նաև տարածաշրջանային քաղաքականությանը, քանի որ վերջին շրջանում այստեղ՝ Հայաստանում, Հարավային Կովկասում, Կենտրոնական Ասիայում տեղի ունեցած պատերազմը, իրադարձությունները վերաձևելու են տարածաշրջանային աշխարհաքաղաքականությունը։

Մեր քննարկումների երկրորդ մասը լինելու է ապագայի մասին, թե ինչպես են արհեստական բանականությունը, նոր տեխնոլոգիաները, կենսատեխնոլոգիաները փոխելու կամ արդեն իսկ փոխում աշխարհը։ Արդյոք մենք նկատում ենք, որ աշխարհը փոխվել է»:

Նախագահը նշել է, որ հաջորդ տարի նախատեսվող՝ չորրորդ գագաթնաժողովը միավորվելու է Հայաստանում սպասվող մեկ այլ կարևոր իրադարձության՝ STARMUS-ի հետ, որը գիտությանը, երաժշտությանը և տեխնոլոգիաներին նվիրված համաժողով է: «STARMUS-ը ևս նվիրված է լինելու ապագային»,-ասել է նախագահը՝ նշելով, որ Հայաստանի կառավարությունն ամբողջությամբ աջակցում է և «Մտքերի հայկական գագաթնաժողովին», և STARMUS-ին:

Նշելով, որ անցյալ տարվա երկրորդ և այս տարվա երրորդ հայկական գագաթնաժողովների միջակայքում աշխարհը համավարակի հետևանքով կտրուկ փոխվել է՝ նախագահն ասել է, որ երբ ամբողջ աշխարհում COVID էր, որն իր հետ բերեց համաշխարհային ողբերգություն, մեր հարևանները պատերազմ հրահրեցին. «Մեզ մոտ կրկնակի ողբերգություն էր, մենք մեր հայրենակիցներին կորցրեցինք ոչ միայն համավարակի պատճառով, այլ նաև պատերազմում, կորցրեցինք, հիմնականում երիտասարդ կյանքեր»:

Հանրապետության նախագահի առաջարկությամբ մասնակիցները հարգել են համավարակի և պատերազմի զոհերի հիշատակը։

Ամփոփելով խոսքը՝ նախագահ Սարգսյանը նշել է, որ «Մտքերի հայկական գագաթնաժողով»-ը ապագայի, աշխարհի ապագայի, տարածաշրջանի ապագայի մասին է։

Գագաթնաժողովին ներկա վարչապետ Նիկոլ Փաշինյանը կարևորել է նման հանդիպումները և քննարկումները: Նրա խոսքով՝ ժամանակակից աշխարհը մոդելների և մոդելավորման աշխարհ է, որտեղ ամեն ինչ կամ գրեթե ամեն ինչ մոդելավորված է և աշխատում է այդ տրամաբանությամբ։ «Երբ մենք մոդելավորում ենք աշխարհը, սկսում ենք ավելի լավ ճանաչել այն, սկսում ենք ավելի մեծ մասնակցություն ունենալ գործընթացների կառավարմանը և ավելի կանխատեսելի դարձնել գործընթացները մեզ համար,- ասել է վարչապետը: -Չմոդելավորված աշխարհում մարդիկ չէին հասկանում, թե ինչն ինչի համար է և ինչի պատճառով է տեղի ունենում։ Մոդելավորված աշխարհում այդ ամենն արդեն դառնում է կանխատեսելի։ Այդ առումով կարծում եմ, որ այսօր, հենց ամենահրատապ հարցը, որ պետք է քննարկվի «Մտքերի գագաթնաժողովի» ընթացքում, աշխարհաքաղաքականության մոդելավորումն է, ինչպես և ինչու են տեղի ունենում գործընթացները։ Հատկապես առաջիկա և ընթացիկ ժամանակաշրջանում կան հարցեր, որոնք առանցքային նշանակություն ունեն մեր երկրի անցյալի, ներկայի և ապագայի համար, և որոնց պատասխանը շատ կարևոր է հենց առանձնահատուկ ապագայի տեսանկյունից։ Եվ այդ ապագան կառավարելի և կանխատեսելի կլինի այնքանով, որքանով մենք կկարողանանք մոդելավորել այն աշխարհաքաղաքականությունը, որ տեղի է ունենում մեր տարածաշրջանում ավելի նեղ, ավելի լայն և ընդհանրապես գլոբալ առումով։

Պարոն նախագահ, ևս մեկ անգամ ցանկանում եմ ողջունել այս կարևոր նախաձեռնությունը, որն արդեն պարբերական է։ Հույս ունեմ, որ այս հանդիպումը, իրադարձությունը մեզ համար կդառնա մեր տնտեսության, քաղաքականության, աշխարհաքաղաքականության մոդելավորման որոշակի հարթակ, որպեսզի մեզ հետ և մեր շուրջ տեղի ունեցող գործընթացները մեզ համար ավելի հասկանալի և հետևաբար, ավելի կառավարելի լինեն»:

Գագաթնաժողովը հյուրընկալող՝ ՀՀ Կենտրոնական բանկի նախագահ Մարտին Գալստյանը նշել է, որ Կենտրոնական բանկի Դիլիջանի ուսումնահետազոտական կենտրոնում ՀՀ նախագահի բարձր հովանու ներքո անցկացվող  «Մտքերի հայկական գագաթնաժողով»-ում ամեն անգամ  նոր արժեքավոր մտքեր են հնչում. «Թերևս սա է պատճառը, որ ամեն տարի մեծ ոգևորությամբ են սպասում այս իրադարձությանը»: Մարտին Գալստյանն անդրադարձել է գագաթնաժողովի այս տարվա թեմաներին՝ կարևորելով դրանց շուրջ մասնագիտական և խորքային քննարկումների ծավալումը։

Տպել
261 դիտում

Հաշմանդամություն ունեցող բազկամարտիկները 2 ոսկե և 2 բրոնզե մեդալ են նվաճել աշխարհի առաջնությունում

Անթիլիասի Մայրավանքում Արամ Առաջինի նախագահությամբ տեղի է ունեցել վանաբնակ միաբան հայրերի հավաք

Հանրային քննարկման է դրվել դասագրքերին ներկայացվող պահանջների վերաբերյալ կարգի նախագիծը

ՀԱՊՀ Երևանի ավագ դպրոցի թիմը «Ալ Ֆերգանի» միջազգային օլիմպիադայում արժանացել է 5 մեդալի

Լոնդոնում նշվել են Ալեքսանդր Սպենդիարյանի և Առնո Բաբաջանյանի հոբելյանները

Հունաստանում 60 և ավելի տարիքի մարդկանց համար պարտադիր կդառնա Քովիդ-19-ի դեմ պատվաստումը

Ընտրվելու շանսը բարձր եմ գնահատում՝ հաշվի առնելով մեր թիմի պատրաստակամությունը և կարողությունները. Խոյում ՔՊ թեկնածու

Վահան Քերոբյանը դեկտեմբերի 2-3-ը կգործուղվի Մոսկվա, իսկ դեկտեմբերի 3-5-ը՝ Դուբայ

Մադրիդում ընթանում է ՄԱԿ զբոսաշրջության համաշխարհային կազմակերպության Գլխավոր ասամբլեայի նիստը

Արագածոտնի մարզում կատարվել է կորոնավիրուսային համավարակի դեմ 43829 պատվաստում

Վահրամ Դումանյանն ընդունել է հայազգի անվանի արվեստագետ Ստաս Նամինին

40 դիտարկում, 5 արձանագրություն. վարորդներն ու ուղևորները դիմակներ չեն կրել

ՌԱԿ-ը զորավիգ է և իր աջակցությունն է վերահաստատում Հայաստանի կառավարությանը․ վարչապետն ընդունել է Միքայել Խարապյանին

Աշտարակ քաղաքում մառախուղ է․ ՀՀ տարածքում կան փակ ավտոճանապարհներ

Արդեն այնքան պատվաստված կա, որ հանրային սննդի օբյեկտները լուրջ վնասներ չեն կրի. նախարարը՝ հունվարից գործող կարգի մասին

Հայաստանում ավելի հաճախ տղամարդիկ են գործում ինքնասպանություն. որոնք են կյանքին վերջ տալու հիմնական պատճառները

Հայաստանը շարունակելու է տեղական ժողովրդավարության ուղղված իր քաղաքականությունը. Վաչե Տերտերյան

Քիմ Քարդաշյանը չի պատրաստվում վերականգնել Քանյե Ուեսթի հետ ամուսնությունը

Հայ-հունական բարեկամությունը թեև ամուր է, բայց զարգացնելու ներուժ կա․ Թունյանն ընդունել է Հունաստանի պատվիրակությանը

Կարեն Գիլոյանը Տաշքենդում կմասնակցի ծանրամարտի միջազգային մրցաշարին

«Արփի լիճ» և «Դիլիջան» ազգային պարկերը հատուկ տեխնիկա են ստացել

Հիվանդասենյակում կնոջ հետ է եղել. «Աստղիկ» ԲԿ-ից նետված տղամարդը վիրահատվել էր, 2 օրից դուրս էր գրվելու

Դավիթ Բեկ բնակավայրում հիմնվել է ժամանակակից տեխնիկայով և գույքով հագեցած զարգացման կենտրոն

Երևանում տարբեր անձանց թմրամիջոցներ իրացրած տղամարդը հայտնաբերվել և ձերբակալվել է (տեսանյութ)

Դրամն արժեզրկվել է․ Կենտրոնական բանկը սահմանել է նոր փոխարժեքներ

Աղվան Հովսեփյանը կմնա կալանքի տակ. դատարանը մերժել է բողոքը

«Ամբերդ»-ը դեկտեմբերի 1-ից փակ կլինի այցելուների համար

Հրետանային ստորաբաժանումները դաշտային վարժվածության մակարդակը բարձրացնելու նպատակով վարժանքներ են անցկացրել

Ըստ տարբեր սոցհարցումների՝ Փարաքարում հաղթելու է «Քաղաքացիական պայմանագիր»-ը. Լյուդվիգ Գյուլնազարյան (տեսանյութ)

Լոռու մարզում անչափահասների կողմից կատարվող հանցագործությունները նվազել են. դատախազություն

Գնել Սանոսյանը բարձր է գնահատել ռուսական կողմի հետ տրանսպորտի ոլորտում առկա համագործակցությունը

2022 թվականին պետական պաշտոն և պետական ծառայության պաշտոն զբաղեցնող անձանց բազային աշխատավարձի չափը չի բարձրանա

«Դիատոմիտ» գիտաարտադրական ընկերության ապօրինի ջրառը կասեցվել է. նշանակվել է վարչական տուգանք

Արթիկի ՏԻՄ ընտրություններին մասնակցում է 6 քաղաքական ուժ. ովքեր են գլխավորում համամասնական ցուցակները

Օդի ջերմաստիճանը հյուսիսային շրջաններում կնվազի 10-12 աստիճանով, Երևանում հնարավոր է ամպրոպ

Մահացել է հայ գեղարվեստական լուսանկարչության հիմնադիր Գագիկ Հարությունյանը

2022 թվականի հունվարի 1-ից խմելու ջրի նոր սակագին կգործի

Վարչապետը Տոյվո Կլաարի հետ քննարկել է Բրյուսելում կայանալիք Արևելյան գործընկերության գագաթաժողովի օրակարգային հարցերը

Հրապարակվել են Ադրբեջանում կործանված ուղղաթիռի զոհերի անունները. բոլորը զինվորականներ են, սպաներ

Մադրիդում կայացել է Միջխորհրդարանական միության մշտական հանձնաժողովների բյուրոների անդամների թափուր տեղերի ընտրությունը