Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Հայ-ռուսական «Նոր իրողությունների պարագայում հայ-ռուսական համագործակցության հեռանկարներ» խորագրով  միջտարածաշրջանային 8-րդ համաժողովի շրջանակում այսօր անցկացվել է լիագումար նիստ, որին մասնակցել են ՀՀ փոխվարչապետ Մհեր Գրիգորյանը, Տարածքային կառավարման և ենթակառուցվածքների նախարար Գնել Սանոսյանը, այլ նախարարներ, մարզպետներ, պաշտոնատար այլ անձինք։

Լիագումար նիստի մասնակիցներին ողջույնի խոսք է հղել ՀՀ վարչապետ Նիկոլ Փաշինյանը, ՌԴ նախագահ Վլադիմիր Պուտինը, ՌԴ փոխվարչապետ Ալեքսեյ Օվերչուկը, ՌԴ տնտեսական զարգացման նախարար Մաքսիմ Ռեշետնիկովը: Ֆորումի շրջանակներում ելույթով հանդես է եկել նաև ՏԿԵ նախարար Գնել Սանոսյանը։

ՀՀ վարչապետ Նիկոլ Փաշինյանն իր ողջույնի խոսքում կարևորել է միջտարածաշրջանային համաժողովների անցկացումը, դրանք համարելով  երկու երկրների միջև դաշնակցային հարաբերությունների շրջանակում համագործակցության կարևոր ինստիտուտներից մեկը: «Հայ-ռուսական միջտարածաշրջանային համագործակցությունը, որը խարսխված է շուրջ երկու տասնյակ համաձայնագրերի վրա, ունի հիրավի լայն աշխարհագրություն: Այն ներառում է Հայաստանի գրեթե բոլոր մարզերը և Ռուսաստանի Դաշնության ամենատարբեր անկյուններում գտնվող վարչական միավորներ։ Այս կապերի առկայությունը մեր երկու երկրների միջև բացառիկ հարաբերությունների վառ դրսևորումներից է»,- ասված է վարչապետի ուղերձում:

ՌԴ նախագահ Վլադիմիր Պուտինն իր ողջույնի խոսքում նշել է, որ  միջտարածաշրջանային համագործակցությունը շատ նշանակալի դեր է խաղում ռուս-հայկական կապերի զարգացման, տնտեսական, սոցիալական, ենթակառուցվածքային, հումանիտար և շատ այլ ոլորտներում փոխշահավետ նախագծերի իրականացման գործում։

Ռուսաստանն ու Հայաստանն ունեն բոլոր հնարավորությունները՝ կայուն և դինամիկ զարգացման, բազմակողմանի փոխգործակցության համար` ինչպես առևտրային, այնպես էլ տնտեսական և հումանիտար ոլորտներում, ինչպես նաև՝ լայնածավալ ենթակառուցվածքային նախագծերի իրականացման համար: Այս մասին է նշել Ռուսաստանի փոխվարչապետ Ալեքսեյ Օվերչուկն իր ուղերձում: Նրա խոսքով՝ միջտարածաշրջանային համագործակցությունը մեծ ներդրում ունի այդ գործում: «Նախապատրաստվել է միջտարածաշրջանային համագործակցության ծրագիր 2022-2027 թվականների համար: Համոզված եմ, որ Ռուսաստանի տարածաշրջանների հետ Հայաստանի հետագա համագործակցությունն օգուտ կբերի մեր եղբայրական երկրների ժողովուրդներին»,- ասել է նա:

ՌԴ տնտեսական զարգացման նախարար Մաքսիմ Ռեշետնիկովն իր խոսքում անդրադառնալով միջտարածաշրջանային համագործակցությանը` նշել է, որ Հայաստանի և Ռուսաստանի միջեւ կա համագործակցության 19 պայմանագիր, ինչը ամուր հիմք է փոխգործակցության կառուցման համար: Ըստ Ռեշետնիկովի՝ Ռուսաստանի տնտեսական զարգացման նախարարությունը և  Հայաստանի տարածքային կառավարման եւ ենթակառուցվածքների նախարարությունը պատրաստում են միջտարածաշրջանային համագործակցության ծրագիր առաջիկա երեք տարիների համար։

Լիագումար նիստին ելույթով է հանդես եկել ՀՀ տարածքային կառավարման և ենթակառուցվածքների նախարար Գնել Սանոսյանը։ ՏԿԵ նախարարը ողջունել է համաժողովի  մասնակիցներին և նշել, որ ներկա պայմաններում մեծ ձեռբերում է այսպիսի լայնածավալ համաժողովի կազմակերպումը ոչ առցանց հարթակում, ինչը նաև այստեղ ներկա մարդկանց առավել սերտ կապեր հաստատելու, նոր գործընկերներ ձեռք բերելու և միջտարածաշրջանային հորիզոնական համագործակցությունը զարգացնելու ուղղությամբ մեծ ձգտման արձանագրումն է։

«Տարածքների համաչափ զարգացումն ու ապակենտրոնացված միջտարածաշրջանային համագործակցության զարգացումն առաջնահերթ խնդիրներ են ՀՀ կառավարության համար: Միջտարածաշրջանային հորիզոնական շփումները մարզերի համար տնտեսական աճի, գիտակրթական և մշակութային կյանքի զարգացման հիանալի հնարավորություն են ստեղծում, ինչպես նաև ամրապնդում մեր երկրների բարեկամական հարաբերությունները։ Եթե կարողանանք օգտվել միջտարածաշրջանային ապակենտրոնացված համագործակցության ողջ ներուժից, ապա մեզ կհաջողվի նոր որակ հաղորդել մեր մարզերի բնակիչների կյանքին»,-նշել է նախարարը։

ՏԿԵ նախարարությունը հիշեցնում է, որ Երևանում հոկտեմբերի 18-19-ն անցկացվում է միջտարածաշրջանային 8-րդ համաժողովը «Նոր իրողությունների պարագայում հայ-ռուսական համագործակցության հեռանկարներ» խորագրով։

Տպել
376 դիտում

Պարեկներն ուժեղացված ծառայություն են իրականացրել Երևանում (տեսանյութ)

«Գառնի» պատմամշակութային արգելոց-թանգարանը կաշխատի ձմեռային ռեժիմով

Երևանի քաղաքապետարանի որոշմամբ՝ Հանրապետության հրապարակի տոնածառը կտեղադրվի

Հաշվեքննիչ պալատի անդամի թափուր տեղի համար «Քաղաքացիական պայմանագիր»-ն առաջադրել է Եղիշե Սողոմոնյանի թեկնածությունը

Սոցիալապես անապահով ընտանիքները քովիդի դեմ կշարունակեն բուժվել պետության հաշվին. նախարար

Կարմիր շուկայի դիրքերից ադրբեջանական կողմը կրակահերթեր է արձակել. Արցախի ՄԻՊ

ԱԺ-ն այս տարի բյուջե է վերադարձնելու մոտ 600 մլն դրամ, դրա մասին ո՛չ խոսում են, ո՛չ գրում. Սիմոնյանը՝ BMW-ի գնման մասին

Բաքվում հացադուլ հայտարարած ռուս քաղբանտարկյալի աջակցության ակցիայի մասնակիցներին ձերբակալել են նախքան ցույցի սկսելը

Երևանում մարդատար «Գազելի» վարորդը հարվածել է շանը, ապա՝ բախվել կայանված «Սպրինտեր»-ին. կան վիրավորներ

Յունիբանկն առաջարկում է 4.8% արժեկտրոնային եկամտաբերությամբ դոլարային պարտատոմսեր

Կինը կալանավորի համար տարած սառնարանում 15 բջջային հեռախոս է թաքցրել

Համայնքային սեփականություն հանդիսացող հողամասեր են ազատվել Կենտրոն և Նոր-Նորք վարչական շրջաններում

Երևանի Ավետիսյան փողոցում մայթ է կառուցվում. այն կկահավորվի արդիական լուսավորությամբ, կձևավորվի կանաչ գոտի

Ստեղծվել է 2021 թ. ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով

Արցախում գրանցվել է կորոնավիրուսային հիվանդության 72 նոր դեպք, մահացել է 3 քաղաքացի

Հայաստանը ԵՄ-ից աջակցություն կստանա ավիացիոն անվտանգությունը բարելավելու համար

Ամասիայի ՏԻՄ ընտրություններին մասնակցում է երեք քաղաքական ուժ. ովքեր են նրանք

Ավտոմեքենաների չեզոքացման համակարգերի ապամոնտաժման նկատմամբ կսահմանվի խիստ վերահսկողություն

Հրդեհ Ստեփանակերտում. այրվել է բնակելի տուն, տանտերը մահացել է (լուսանկարներ)

Փոխվարչապետների համանախագահությամբ գործող աշխատանքային խմբի նիստը կշարունակվի մոտակա օրերին

Սեպտեմբերի 27-ը կսահմանվի Արցախի ժողովրդի դեմ ադրբեջանական ագրեսիայի զոհերի հիշատակի օր

Զոհված կամ հաշմանդամություն ձեռք բերած ևս 36 զինծառայողների ընտանիքներ հատուցում են ստացել. ԶԱՀ

Հաղթանակում պատշգամբի փլուզման և մահվան փաստով քրգործը Այրումի համայնքապետարանի ոչ պատշաճ աշխատանքի դեպքով է հարուցվել

Վարչապետը դատախազությանը հանձնարարել է պարզել, թե ինչու են քովիդով մահացածների տվյալները տարբեր

Դեռ կան շինարարներ, որոնք նոր խողովակ ասվածը հասկանում են ներկած խողովակ. Գնել Սանոսյան

ՎՏԲ-Հայաստան Բանկը մեկնարկում է արտարժութային վարկեր փոքր բիզնեսի համար

Բացահայտվել է Սպիտակի նախկին «Վերելակաշինական գործարանի» անշարժ գույքերի ձեռքբերման գործում խոշոր խարդախության դեպք. ԱԱԾ

ԱՄՆ սենատորը պատրաստակամություն է հայտնել աշխատանքներ տանել Սենատում՝ նպաստելու հայ ռազմագերիների վերադարձին

Հայաստանում «օմիկրոն» շտամը դեռևս չի հայտնաբերվել, բայց չպետք է թուլացնենք մեր զգոնությունը. Փաշինյան

Հաղորդագրություն եմ ուղարկել Սեյրան Օհանյանին՝ հորդորելով կարգի հրավիրել կնոջը. Անդրանիկ Քոչարյան

Երեկ կորոնավիրուսի հետևանքով 21 մարդ է մահացել. այժմ բուժում է ստանում ավելի քան 12.000 պացիենտ

Թել Ավիվը ճանաչվել է ապրելու համար աշխարհի ամենաթանկ քաղաքը, Դամասկոսը՝ ամենաէժանը

Մարդիկ ստիպված են եղել գիշերել անցակետում ՊՇՌ թեստի պատճառով․ համակարգային խնդիրը լուծվել է ՄԻՊ-ի աջակցությամբ

Լարսում առատ ձյան պատճառով երթևեկության սահմանափակումներ կան

Գեներալների կողմից զինվորների սպանության մասին հայտարարությունների հեղինակին ԱՀ ԱԱԾ-ն հորդորում է ներկայանալ

Լավրովը հայտնել է, որ Պուտինն ու Էրդողանը կխոսեն Թուրքիայի նախագահի առաջարկի մասին

Փարաքարում ովքեր կան ընդգրկված «Քաղաքացիական պայմանագիր» կուսակցության համամասնական ցուցակում

ՊՎԾ-ն պարզում է՝ ինչու են վիճկոմիտեն ու ԱՆ-ն կորոնավիրուսից մահվան դեպքերի տարբեր թվեր հրապարակել

Տարածաշրջանում Ադրբեջանի ստեղծած լարվածության մասին ՀՀ ԱԳ նախարարը պատմել է Շվեդիայի խորհրդարանի ղեկավարին

Պեկինում ձմեռային օլիմպիական խաղերը կկայանան. ՄՕԿ-ը հաստատում է