Երևան
27 °C
ՀՀ աշխատանքի եւ սոցիալական հարցերի նախարարության «Տնային պայմաններում միայնակ տարեցների եւ հաշմանդամների սոցիալական սպասարկման կենտրոն»-ում ապրող տարեցները դիմել են «Հայկական ժամանակ»-ի խմբագրություն եւ հայտնել, որ բուժկետը, որից իրենք 30 տարի օգտվել են, հունվարից չի գործելու:
Նշենք, որ խոսքն այս կենտրոնում ապրող «Վետերան» օթեւանի տարեցների մասին է:
«Մեզ հրավիրեցին հայտնեցին, որ բուժկետը փակվում է: Այս բուժկետում աշխատող 4 քույրերը մեր շտապ օգնությունն են, մեր փրկիչները՝ ճնշում են չափում, շաքար, անվճար դեղեր են տալիս, ներարկում: Մեր շարքերում մարդիկ կան, որ տեղաշարժման խնդիր ունեն, անտրտունջ ցանկացած ժամի բուժքույրերը բարձրանում են նրանց մոտ, օգնում: Հիմա մոլորվել ենք, թե այսքան մարդն ի՞նչ է անելու առանց իրենց»,- ասաց 73-ամյա Գոհար Խաչատրյանը, որն ինքն էլ միայնակ եւ հաշմանդամություն ունեցող կին է:
«Վետերան» օթեւանում 50 տարեց է ապրում, հիմնականում՝ միայնակ անձինք եւ հաշմանդամություն ունեցողներ: Տարեցները ստորագրահավաք են արել, մեկ շաբաթ առաջ եղել են նաեւ Կառավարությունում, ներկայացրել իրենց դիմում-խնդրանքը:
Արդեն 4 տարի «Վետերան» օթեւանում բնակվող լրագրող, հրապարակախոս Լուսինե Թոփուզյանը եւս միացել է ստորագրահավաքին:
85-ամյա Օֆելյա Եղիազարյանն էլ ասաց. «Բուժքույրերը չլինեն՝ մենք կորած ենք»:
82-ամյա Սոնյա Չախալյանն էլ հայտնեց, որ եղել է անգամ՝ կեսգիշերին է կանչել բուժքրոջը: «Ընդամենը 4 բուժքույր են, մի՞թե այդքան մեծ բյուջեի մասին է խոսքը, որ ուզում են մեզ զրկել դրանից: Եթե նոր բան են մտածել, գոնե դա ասեն, որովհետեւ առանց բուժքույրերի այս ժողովրդի կեսը կկործանվի»,- ասաց նա:
«Վետերան» օթեւանում մենք այցելեցինք նաեւ անկողնային հիվանդ տարեցների. «Ես չգիտեմ՝ ինչ պիտի լինի մեր վերջը: Սլացի, ընկա, արդեն ամիսներով չեմ կարողանում քայլել: Բժշկուհին գալիս, նայում է, դեղ է տալիս, խնամում, չնայած դեղերից էլ օգուտ չկա, բայց ինչ արած»,- ասաց 91-ամյա Վեհանուշ Պատուրյանը:
Մեր այցելության ժամին կենտրոնի տնօրեն Սիրանույշ Արզումանյանը տեղում չէր:
Խնդրի մասին «Հայկական ժամանակ»-ը մեկնաբանություն խնդրեց ՀՀ աշխատանքի եւ սոցիալական հարցերի նախարարությունից: ՀՀ ԱՍՀՆ-ի «Տարեցների հիմնահարցեր»-ի բաժնի պետ Հայկ Հարությունյանը, հաստատելով բուժկետի փակման մասին լուրերը, ասաց.
«2021 թվականի փետրվարից սկսած՝ մենք բյուջեով հայտ ենք ներկայացրել, որ բուժքույրերը մնան: Սակայն ամռանը ֆինանսների նախարարությունից Կառավարությանն առաջարկ է արվել ֆինանսների սուղ լինելու պատճառով կրճատել ծախսերը: Կառավարությունն արդեն Ազգային ժողով է ներկայացրել նոր կրճատված թվերը»,- ասաց բաժնի պետը:
Հարությունյանը նաեւ հայտնեց, որ 2022 թվականին նախարարությանը հատկացվելիք գումարից կրճատվել է 74 միլիարդ դրամ: Հարությունյանի փոխանցմամբ՝ ԱՍՀՆ-ին տարեկան հատկացվող ամբողջ ֆինանսը 530 միլիարդի չափով էր, այսինքն՝ ավելի քան 1.15-րդ մասով կրճատվել է: Տարեցների բաժնից կրճատում է արվել 300 միլիոն դրամի չափով գումար, որի մեջ մտնում են տարբեր ծառայություններ՝ տնային խնամք, ցերեկային կենտրոններ, այդ թվում՝ «Վետերան» օթեւանի բուժքույրերին հատկացվող ծախսերը:
«3,8 հաստիք է հաշվվում 4 բուժքույրերինը, որը ֆինանսավորվում է 6 միլիոն 718 հազար դրամով»,- ասաց բաժնի պետը՝ հավելելով՝ կրճատումներ են արվել նաեւ երեխաների, հաշմանդամության եւ այլ բաժինների ծախսերի դեպքում:
Ըստ բաժնի պետի՝ «Վետերան» օթեւանի բնակիչները որպես այլընտրանք կարող են օգտվել մոտիկ գտնվող պոլիկլինիկայից, որը, իհարկե, պարզապես առաջարկ է:
«Վետերան» օթեւանի բնակիչները շատ հանգիստ ցանկացած ժամանակ կարող են ներկայանալ «Տնային պայմաններում սպասարկման» ՊՈԱԿ եւ այնտեղից ստանալ իրենց անհրաժեշտ բուժօգնությունը: Եթե կան անկողնուն գամված անձինք, կսպասարկվեն որպես «ա» խումբ: Սա ենթադրում է, որ տարեցներին բուժքույրը կայցելի շաբաթական առնվազն 2-3 անգամ եւ, ըստ անհրաժեշտության, գուցե նաեւ շատ:
Մեր ճշգրտող հարցին՝ տարեկան բյուջեից որքա՞ն գումար է հատկացվում 4 բուժքույրերի համար, բաժնի պետն ասաց. «3,8 հաստիք է իրենցը, որը ֆինանսավորվում է 6 միլիոն 718 հազար դրամով: Իսկ «Տնային պայմաններում սպասարկման» ՊՈԱԿ-ի ֆինանսավորումը 38 միլիոն 533 հազար դրամ է»:
Նա նաեւ հայտնեց, որ այդ ամենի հետ մեկտեղ կան ի սկզբանե որոշված ծախսեր, որոնք չեն կրճատվել, հաստատված են. քննարկման է դրվելու սոցբնակֆոնդի կացարաններում սոցիալական աջակցության շրջանակներում միայնակ տարեցների կոմունալների վարձավճարների տրամադրումը:
«Միայնակ տարեցը հիմնականում ամսական ծախսում է 7-8 հազար դրամ, սակայն, ըստ այս աջակցության, նրանց տրվելու է 12 հազար դրամ գումար: Այսինքն՝ իրենք հանգիստ կարող են օգտվել կոմունալներից»,- հայտնեց բաժնի պետը:
Տեսանյութ՝
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում
Օդի ջերմաստիճանը չի փոխվի․ առանձին շրջաններում կարճատև անձրև կտեղա
Հայաստանում անհետ կորել է Ջաթին Շարման
Ռուբեն Վարդանյանը Բաքվում հացադուլ է հայտարարել. նա պահանջում է բոլոր հայ բանտարկյալների անհապաղ արձակումը
Գոռ Աբրահամյանը մեկնաբանել է Շենգավիթի քննչական բաժնում անձի խոշտանգման մասին տեղեկությունները
Բլոգեր Յուլիա Ֆինեսը անմեղսունակ է, կարիք ունի հարկադիր բուժման. ՔԿ-ն մանրամասներ է հայտնել խուլիգանության գործից
Հայաստանն ինքը դեռ չի գծել սահմաններն Ադրբեջանի հետ. Լավրովը վիրավորված խոսել է ՀԱՊԿ-ին ներկայացված պահանջների մասին
Հայաստանին ուզում են արագացված տեմպերով պոկել Ռուսաստանից, ԱՄՆ-ն ուզում է փակել ՀՀ ատոմակայանը. Լավրով
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը բեռնատարների համար փակվել է
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
© 2024 Հայկական ժամանակ