«Ասել էր, որ երբեք գերի չի ընկնի՝ նռնակ ունի». Գոռ Այվազյանը պայթեցրել է իրեն՝ իր հետ միասին հակառակորդի զինվորներին

Այս տարվա օգոստոսի 7-ին կամավորական Գոռ Այվազյանը կդառնար 30 տարեկան, ընկերներով պայմանավորվել էին մեծ խնջույք անել, սակայն չհասցրեց: Մեկ տարի առաջ այս օրը պատուհասած 44-օրյա պատերազմը խլեց հազարավոր հայորդիների կյանքեր, որոնց թվում էր 29-ամյա Գոռ Մառլենի Այվազյանը:

Գոռը ծնվել է Կոտայքի մարզի Հրազդան քաղաքում: Վանատուրի համար 6 միջնակարգ դպրոցում 8-ամյա կրթություն ստանալուց հետո մեկնել էր Լեհաստան, ապա՝ 2009 թվականին վերադարձել Հայաստան, որպեսզի ժամկետային ծառայությունն անցնի Հայոց բանակում: Ծառայել է Ջրականում (Ջաբրայիլ):

«Եկավ հայրենիք, որ ծառայի, տարիներ հետո հայրենիքում էլ ընկավ: Ժամկետային ծառայությունն անցել էր Ջրականում, 10 տարի անց այնտեղ մղվող մարտերի ժամանակ էլ զոհվեց»,- «Հայկական ժամանակի» հետ զրույցում պատմեց Գոռի մերձավոր եւ ամենամտերիմ ընկերներից Տաթեւ Ղազարյանը:

2020 թվականի սեպտեմբերի 27-ին սկիզբ առած պատերազմի երկրորդ օրը Գոռն արդեն ռազմաճակատում է եղել: Տաթեւի խոսքով՝ երիտասարդը շատ պատահական է մեկնել, անգամ նորմալ հրաժեշտ տալ չեն հասցրել:

«Խանութում էի, մեր մյուս ընկերներից մեկը եկավ, ասաց՝ գնաց Գոռը: Ճիշտ է, այդ ժամանակ չէի պատկերացնում՝ մեզ ինչ է սպասվում. այդ չարաբաստիկ օրերի մասին չէի էլ կարող երեւակել, բայց տարօրինակ տխրության զգացում ունեի»,- պատմեց Տաթեւը:

Մեկնումից հետո Գոռի հետ կապի դուրս գալ շատ հազվադեպ է հաջողվել, ընկերները մեկը մյուսի միջոցով են կամավորականից լուր ստացել: Վերջին անգամ խոսել են հոկտեմբերի 3-ին, բայց այդ օրն արդեն Գոռը վիրավոր է եղել, մի քանի ժամ սողալով՝ փորձել է հասնել ապահով վայր։

«Ես ու մեր ընկերներից մի աղջիկ զանգեցինք, պատասխանեց հեռախոսազանգին: Շատ էինք ուրախացել, որ վերջապես կարողացանք ձայնը լսել: Ասաց, որ լավ է, ուղղակի քունն է տանում, չի կարող խոսել և կախեց հեռախոսը: Այդ օրը մի քանի ժամ հետո իմացանք, որ այդ ժամանակ վիրավոր է եղել, հատուկ է այդպես ասել, որ չանհանգստանանք: Մեր ընկերներից Լեւոնի հետ է խոսել: Ասել է, որ երբեք գերի չի ընկնի... նռնակ ունի»,- ասաց նա:

243155053_198300562406557_5357797136610757031_n.jpg (566 KB)

Ի հիշատակ Գոռ Այվազյանի՝ Հրազդան

Ըստ հարազատների եւ ընկերների պատմածի՝ Գոռը վիրավոր է եղել ոտքից: Այդ ընթացքում կապ է հաստատել հրամանատարության հետ, օգնություն խնդրել, սակայն օգնությունն ուշացել է: Այդ օրվանից հետո այլեւս Գոռի հետ խոսել չի հաջողվել:

Տաթեւի խոսքով՝ երկար ժամանակ փնտրել են նրան. «Լեւոնի պատմելուց հետո երկու օր համբերեցինք, մտածում էինք՝ գուցե օգնության հասած կլինեն, ու որեւէ լուր կիմանանք, բայց երբ ոչ մի տեղեկություն չեղավ, թաքուն սկսեցինք փնտրել նախ բոլոր հիվանդանոցներում, ապա մեր ընտանիքներից թաքուն՝ նաեւ դիահերձարաններում: Սոսկալի օրեր էին... այդքան երիտասարդներ, այդքան ցավ: Զոհվածներից մի երիտասարդ տղա, որի դեմքը չէր երեւում, մարմնով Գոռին շատ էր նման, դաջվածքն էլ համընկնում էր: Արդեն գրեթե վստահ էինք, որ Գոռն է, բայց ավելի ուշ պարզվեց, որ ուրիշ երիտասարդ է: Երբ էլ փնտրելու տեղ չմնաց, այլ տարբերակ չունեինք, մեզ ոչինչ չէր մնում անել, քան սպասելը... օրեր, ամիսներ անորոշ սպասել»:

Հոկտեմբերի 3-ից անհետ կորելուց 4 ամիս անց՝ փետրվարի 17-ին, գտնվել են Գոռի մարմնի մասունքները: Հետաքննությամբ պարզվել է, որ Գոռն ինքն իրեն է պայթեցրել՝ իր հետ նաև թշնամու զինվորներին: Նրա աջ ձեռքը եւ գլուխը չեն եղել, մեջքն ու ոտքերը՝ բազմաթիվ բեկորային վիրավորումներով: Դին հարազատները ճանաչել են հագուստից եւ այդ ժամանակ մոտը եղած իրերից:

«Հետո Լեւոնը մեզ պատմեց, որ Գոռն իրեն ասել է՝ կներեք, դուք ուշացաք, իրենք (թշնամու զորքերը) արդեն շատ մոտ են, հասնում են: Գոռի վերջին բառերը եղել են, որ բոլորիս շատ է սիրում, առավել շատ՝ ընկերներին, հանուն որոնց ամեն ինչի պատրաստ է: Նախքան դա, բավականին երկար հեռախոսազրույց է ունեցել Լեւոնի հետ, Լեւոնն ասել է՝ վերքդ պինդ կապիր, սողալով գնա: Գոռը պատասխանել է՝ չեմ պատկերացնում, թե որ ուղղությամբ պիտի գնամ»,- չկարողանալով զսպել հուզմունքը՝ հիշեց Տաթեւ Ղազարյանը:

Գոռ Այվազյանը հանգչում է Վանատուրի եղբայրական գերեզմանատանը:

Տպել
2646 դիտում

Անկախության հռչակումից 10 տարի անց, Ստրասբուրգում՝ ԵԽ նստավայրի դիմաց, ծածանվեց Հայաստանի պետական դրոշը. ԱԳՆ (տեսանյութ)

Չենք պատրաստվում անցկացնել բաժանարար գծեր, հակված ենք ստեղծել եզակի համագործակցության հարթակ. «Բալասանյան դաշինք»

Երկրաշարժ Ադրբեջան-Վրաստան սահմանային գոտում. ցնցումները զգացվել են Տավուշի և Լոռու մարզերում

Եթե ուզում ենք տնտեսության մեջ գիտական բաղադրիչը լինի էական, ապա գիտության մեջ ներդրումը պիտի սկսվի այսօրվանից. Քերոբյան

Ամենադժվարը անհետ կորածների հարազատների դեպքում է. հոգեբանական աջակցության ծրագիրը ՀՀ-ում կգործի մինչև դեկտեմբերի վերջ

Օդի ջերմաստիճանը կնվազի 6-8 աստիճանով

Ոստիկանները թարմ հետքերով բացահայտել են Դալար գյուղում կատարված սպանությունը (տեսանյութ)

Լավրովը ԼՂ-ում տիրող իրավիճակի ու տարածաշրջանային հարցերի շուրջ խոսել է ԿԽՄԿ ղեկավարի հետ

ԱԺ նախագահը կարևորել է ԵԱՀԿ ՄԽ համանախագահության շրջանակներում Արցախի կարգավիճակի ճանաչումը. հանդիպում դեսպանի հետ

Հայաստանը ձեռք է բերել «Սինոֆարմ» պատվաստանյութի հերթական խմբաքանակը

«Հայրաքաղաք» դաշինքը հարգում է քաղաքացիների կամքը եւ ընդունում իր պարտությունը. հայտարարություն

Ընթացք է տրվել ՏԻՄ ընտրությունների ժամանակ հանցավոր ընտրախախտումների մասին ընդհանուր 32 ահազանգի

Քանի մարդ է մինչ այժմ պատվաստվել Երևանում. քաղաքապետարանը հրապարակել է ընդհանուր թիվը

Նախնական արդյունքներով՝ ՔՊ կուսակցությունը Գյումրու ավագանիում կունենա 11 մանդատ. Սարուխանյան

Իսպանիան դիվանագիտական ներկայացուցչություն կբացի Երևանում. Իսպանիայի ԱԳ նախարար

Արցախում կորոնավիրուսով վարակված 11 հիվանդի վիճակը ծայրահեղ ծանր է, 30-ինը՝ ծանր

Վազաշեն գյուղի հարակից հատվածում հայտնաբերվել է տղամարդու դի՝ ծեծված վիճակում, վնասվածքներով. ՔԿ

Մեր երկրների միջև կա արդյունավետ համագործակցություն. Պուտինն ուղերձ է հղել հայ-ռուսական ֆորումի բացման առթիվ

Վահրամ Դումանյանի հրամանով՝ ԿԳՄՍՆ ՊՈԱԿ-ի տնօրենի պարտականությունները կկատարի Արմեն Հովհաննիսյանը

Սաքսոֆոնահար Ֆեդերիկո Մոնդելչին գալիս է Հայաստան՝ Ազնավուրին և Թարիվերդիևին նվիրված նախագծով

Նիկոլ Փաշինյանի որոշմամբ՝ ՌԴ կգործուղվեն Ռուստամ Բադասյանը, Աշոտ Մուրադյանը և Շուշանիկ Ներսիսյանը

Ատոմակայանը միացվել է Հայաստանի էներգահամակարգին

ՔՏՀԱ-ն պարզաբանել է՝ ինչու են այսօր 55 համարի միկրոավտոբուսից ուղևորներն իջեցվել, իսկ մեքենան՝ տեղափոխվել ոստիկանություն

ԱՆ-ն հրապարակել է Հայաստանում կորոնավիրուսի դեմ պատվաստվածների ընդհանուր թիվը՝ հոկտեմբերի 17-ի դրությամբ

Սյունիքում կայացած ՏԻՄ ընտրությունների վերաբերյալ ստացվել է հանցագործության 10 ահազանգ, հարուցվել է 1 քրգործ

Ռոբերտ Քոչարյանի գործով դատավոր Նարինե Հովակիմյանը բացարկ չհայտնեց

Հայտնի են Շամիրամ և Ֆիոլետովո համայնքների ղեկավարների անունները

Դժբախտ պատահար Վանաձորում. բեռնիչի կողաշրջման հետևանքով վարորդը մահացել է

ԿԳՄՍ նախարարի հրամանով հաստատվել է դպրոցական արձակուրդների ժամանակացույցը

Վլադիմիր Հովհաննիսյանն ազատվել է ՀՔԾ պետի տեղակալի պաշտոնից

Հաստատվել է կորոնավիրուսային հիվանդության 1192 նոր դեպք, գրանցվել է 27 մահ

Քորթնի Քարդաշյանը նշանադրվել է (լուսանկարներ)

ԿԸՀ-ն հրապարակել է բոլոր 6 համայնքներում կայացած ՏԻՄ ընտրությունների նախնական արդյունքները

ՎՏԲ-Հայաստան բանկը հայտարարում է հիփոթեքային վարկավորման արտոնյալ պայմանների մասին

Գյումրիի ՏԻՄ ընտրություններում առերևույթ ընտրախախտումների վերաբերյալ 20 հաղորդումներից 4-ով նյութեր են նախապատրաստվում

Երկար ժամանակով լույս չի լինելու Երեւանի և 6 մարզերի մի շարք հասցեներում

Գեղարքունիքի մարզ ներխուժած ադրբեջանական զինված ուժերը կառուցել են մեծ ապաստարաններ, բետոնապատել ճանապարհը. ՄԻՊ

Հայտնի են Գորիսում կայացած ՏԻՄ ընտրությունների նախնական արդյունքները

Հայտնի են Գյումրիի ՏԻՄ ընտրություններում անցողիկ շեմը հաղթահարած 5 քաղաքական ուժերը

«Քաղաքացիական պայմանագիրը» հայտնում է երեք համայնքում գրանցած հաղթանակի մասին