Կասկած չկա, մեր գերեվարված եղբայրները շուտով վերադառնալու են․ Փաշինյանը 4 կետ ներկայացրեց՝ ապագայի տեսլականի վերաբերյալ

ՀՀ վարչապետի պաշտոնակատար, Քաղաքացիական պայմանագիր կուսակցության վարչապետի թեկնածու Նիկոլ Փաշինյանը Հանրապետության հրապարակում իր ելույթում այսօր ներկայացրեց ապագայի վերաբերյալ իր գլխավորած ուժի պատկերացումները։ Ասաց, որ այդ պատկերացումները հիմնված են 4 հենասյուների վրա․ 1 անվտանգություն, 2 տնտեսություն, 3․ իրավունք եւ արդարություն, 4․ մարդկային կապիտալի զարգացում։

Փաշինյանն ընդգծեց, սակայն, որ այս հենասյուների թվագրումը զուտ պայմանական է, որովհետեւ իրենց համոզմամբ դրանք հաղորդակից անոթներ են, պետական օրգանիզմի կենսական գործառույթներ, եւ դրանցից մեկի աշխատանքի խաթարումը հանգեցնում է ամբողջ օրգանիզմի ցնցմանը, եւ հետեւաբար դրանք կարեւոր են հավասարապես։

Խոսելով այդ կապի մասին, Փաշինյանն ասաց․ «Տնտեսական զարգացումը բերում է նոր բյուջետային եկամուտներ, որ հնարավորություն է տալիս ավելի շատ ներդրում անել անվտանգության ոլորտում։ Անվտանգության ապահովումը հնարավորություն է տալիս ավելի շատ կենտրոնանալ մարդկային կապիտալի զարգացման հիմնահարցի վրա։ Մարդկային կապիտալի զարգացումը հնարավորություն է տալիս ունենալ արդարության եւ իրավունքի ավելի բարձր մակարդակ եւ ստանդարտներ, արդարության եւ իրավունքի ավելի բարձր ստանդարտները հնարավորություն են ստեղծում տնտեսության զարգացման համար»։ Ուստի, ըստ Փաշինյանի, այս ուղղություններից որեւէ մեկը չեն դիտարկում մյուսից մեկուսացած, ինչպես չի կարող մարդկային որեւէ կենսական օրգան մեկուսացած լինել մյուսներից։

«Տնտեսության մասին մեր ռազմավարական պատկերացումը հետեւյալն է․ այն պետք է լինի գիտելիքահենք, սկսած գյուղատնտեսությունից, շարունակած արտահանմամբ եւ առեւտրով պետք է հենվի մինչ այժմ գոյություն ունեցած եւ նոր ի հայտ եկած ու եկող գիտելիքի, հմտության, իմացության վրա, որի կուլմինացիան պետք է դառնան արդյունավետությունը եւ աշխատանքի արտադրողականության բարձրացումը»,- հայտարարեց վարչապետի թեկնածուն՝ հավելելով, կարեւորում են «հարստացիր եւ հարստացրու» տրամաբանության զարգացումը։

Փաշինյանն ասաց նաեւ, որ առաջիկա 5 տարիներին պլանավորում են կառուցել 2600 կմ ճանապարհ, սկսել կամ ավարտել են 15 նոր ջրամբարների կառուցում, ապահովել Հայաստանի երկաթուղային հաղորդակցությունը ՌԴ-ի, Իրանի, այսպիսով ամբողջ աշխարհի հետ։ «Ընդ որում, կրկին ու կրկին ուզում եմ ընդգծել, որ այս համատեքստում մեր կառավարությունը չի քննարկել, չի քննարկում, չի քննարկելու միջանցքային որեւէ տրամաբանություն։ Այսինքն կոմունիկացիաների բացման համատեքստում ՀՀ որեւէ սուվերեն տարածքի փոփոխությոյւնը բացառում ենք կատարելապես։ Ադրբեջանի եւ Թուրքիայի կողմից հնչող հայտարարությունները՝ ՀՀ տարածքով միջանցք ստանալու մասին այլ բան, քան աբսուրդ դժվար է անվանել»,- ասաց վարչապետի թեկնածուն։

Նա շեշտեց, որ Հայաստանը տրամադրված է հետեւողականորեն առաջ շարժվել Մոսկվայում 2021 թ․ հունվարի 11-ին ստորագրված հայտարարության դրույթները կյանքի կոչելու։ Եվ սա, ըստ նրա, ռազմավարական նվաճում կլինի ոչ միայն Հայաստանի, այլեւ ողջ տարածաշրջանի համար՝ լայն դռներ բացելով խաղաղության, կայունության եւ երկարատեւ զարգացման համար։

«Այսօր այս հեռանկարին խանգարում են Ադրբեջանի կողմից հնչող ագրեսիվ հայտարարությունները, նրա ապակառուցողական դիրքորոշումը, մասնավորապես այն փաստը, որ Ադրբեջանը շարունակական նկրտումներ է ցուցաբերում ՀՀ տարածքային ամբողջականության նկատմամբ, եւ չի կատարում միջազգայնորեն ստանձնած պարտավորությունները, մասնավորապես մեր գերեվարված եղբայրներին վերադարձնելու մասով։ 15 գերիների վերադարձը, որ տեղի ունեցավ մի քանի օր առաջ, հույս է ներշնչում, որ առաջիկայում մենք կունենանք տարածաշրջանային մթնոլորտի էական փոփոխություն։ Որեւէ կասկած չկա, որ մեր գերեվարված բոլոր եղբայրները շատ շուտով վերադառնալու են հայրենիք, բայց կարեւոր է, որ հումանիտար հարցերում դրանք տեղի ունենան հնարավորինս արագ, օր առաջ, առանց հակահումանիստական սակարկությունների եւ Հայաստանը հայտնում է իր պատրաստակամությունը  նման քայլերով առաջ գնալու եւ մեր այդ դիրքորոշումը մեր բոլոր միջազգային գործընկերները տեսել են»,- ընդգծեց Փաշինյանը։

Խոսելով անվտանգային հարցերի մասին, ՀՀ վարչապետի պաշտոնակատարն ասաց, որ անվտանգային ոլորտում հրատապ մյուս հարցը հայ-ադրբեջանական սահմանի Սոթք-Խոզնավար հատվածում իրավիճակն է։ Այս կապակցությամբ նա հերթական անգամ շեշտեց, որ իրենց կարծիքով իրադրությունը պետք է լուծվի խաղաղ ճանապարհով, քանի որ կա դրա իրական հնարավորությունը։ Խաղաղ ճանապարհն, ըստ նրա, հետեւյալն է․ ադրբեջանական ԶՈՒ-երը պետք է դուրս գան ՀՀ տարածքից։

Փաշինյանը այսօրվա հանրահավաքում կրկին անդրադարձավ ՀՀ սահմանների դեմարկացիային ու դելիմտացիային՝ շեշտելով, որ այս պրոցեսը չեն փոխկապակցում Ղարաբաղի հարցի հետ։

«Ղարաբաղի հարցի լուծման առումով մենք լիարժեք կերպով ընդունում ենք այն տրամաբանությունը, որ իրենց հայտարարություններում առաջ են տանում ԵԱՀԿ մինսկի խմբի համանախագահները։ Այն է՝ ԼՂ հարցը կարգավորված չէ եւ այն սպասում է համապարփակ եւ ամբողջական լուծման։ Հարցի կարգավորման մեր պատկերացումը շարունակում է մնալ նույնը եւ մեր համոզմամբ 44-օրյա պատերազմը Ղարաբաղի հայության ինքնորոշման համատեքստը ավելի է ուժեղացրել՝ անջատում հանուն փրկության տրամաբանության ներքո։ Որովհետեւ ակնհայտ է, որ հայատյացությունը Ադրբեջանում ոչ միայն մնում է պետական քաղաքականություն, այլ ընդգծվում է այնպիսի օրինակներով, ինչպիսին Բաքվում բացված ավարի խայտառակ պուրակն է։ Միջազգային հանրության ուշադրությունը պետք է բեւեռենք այսօրինակ փաստերի վրա՝ ընդգծելով, որ անջատում հանուն փրկությանը հարցի օբյեկտիվ եւ իրական կարգավորման  միակ օբյեկտիվ լուծումն է»,- ասաց Նիկոլ Փաշինյանը։

Միջազգային հարաբերությունների մասով իշխող ուժի պատկերացումները ներկայացնելով Փաշինյանն ասաց, որ անվտանգության առանցքը իհարկե հայ-ռուսական դաշնակցային հարաբերություններն են լինելու, որոնց զարգացումը իրենց առաջնահերթությունների թվում է։ Սակայն, ըստ նրա, տարածաշրջանի անվտանգության առումով կարեւորում է Իրանի հետ համագործակցության խորացման անհարժեշտությունը եւ ռազմավարական երկխոսության մեկնարկը։

Այս թեման եզրափակելով Փաշինյանը վստահեցրեց, որ մեր երկրի անվտանգության ապահովման ամենակարւոր գործոնը մեր զինված ուժերի բարեփոխումն է։ Շեշտեց, որ անցումը պրոֆեսիոնալ բանակին այլընտրանք չունի, մենք պետք է ունենանք պրոֆեսիոնալ, ժամանակակից սպառազինությամբ զինված, պաշտպանության հայեցակարգի վրա հիմնված, բարձր որակի կադրերով համալրված, շարժունակ եւ մարտունակ բանակ։

Եզրափակելով իր տեսլականների ներկայացումը, իշխող ուժի ներկայացուցիչն ասաց, որ տարեկան 7 տոկոս տնտեսական աճ է անհրաժեշտ եւ իրենք դա կարող են ապահովել։

Արդեն արվածների մասով նշեց, որ հունվարից գիտաշխատողների աշխատավարձի ֆոնդը կավելանա 90 տոկոսով։ Ընդգծեց, որ պատրաստվում են 500 մանկապարտեզ եւ 300 դպրոց կառուցել, հասանելի դարձնել որակյալ կրթությունը բոլոր բնակավայրերի բոլոր երեխաների համար։

«Էական եմ համարում մեր քաղաքացիների եւ երեխաների համար իրավունքի եւ արդարության միջավայրի ձեւավորումը, որտեղ բոլորի հավասարությունը օրենքի առաջ երաշխավորված է եւ որտեղ օրենքի խախտումը բերում է անխուսափելի պատժի եւ այս հարաբերությունները պահպանվում են պրոֆեսիոնալ դատարան կողմից։ Այսօր հենց սա է պահանջում ՀՀ քաղաքացին։ ՀՀ քաղաքացիները պահանջում են իրավունքի եւ օրենքի դիկտատուրա, պահանջում են, որ պետական ինստիտուտները կայանան,  գործեն համարժեք եւ անվրեպ։ Եվ սա պետք է դառնա մեր առաջիկա անելիքների հենակետը»,- հայտարարեց Փաշինյանը։

Ըստ նրա, վերջին տարիների մեր բոլոր ձախողումների պատճառը եղել է հենց իրավունքի եւ օրենքի գործողության բացակայությունը։ «Պետական կառավարման համակարգի բարեփոխումները, կոռուպցիայի դեմ պայքարը, եւ ապօրինի գույքի բռնագանձման համակարգի գործարկումը պիտի դառնա այս գործընթացի կարեւոր ուղեկից։ Անցյալի եւ ներկայի հակապետական հանցագործությունների բացահայտումը, 44-օրյա պատերազմի բոլոր հանգամանքերի ամբողջական եւ օբյեկտիվ ուսումնասիրությունը պիտի դառնան ճշմարտության եւ իրավունքի վերահասատատման կարեւոր հանգրվան։ Եվ մենք այս ճանապարհով գնալու ենք հետեւողական եւ աննահանջ՝ Ժողովրդի տված պողպատե մանդատով Հայաստանում հաստատելով անառարկելի իրավուքների եւ պարտականությունների կուռ համակարգ»։

Տպել
1420 դիտում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ