ՔՊ-ի դրամահավաքի ելույթիցս հետո գրել էին՝ նախկին իշխանությունից բնակարան ստացող արվեստագետը, ծիծաղս եկավ. Վ. Հայրապետյան

ՀՀ վաստակավոր արտիստ, ջազային երաժիշտ, դաշնակահար Վահագն Հայրապետյանի կարծիքով՝ Հայաստանում ապագա կա՛, սակայն այդ ապագան պետք է ինքներս կերտենք՝ վերագտնելով մեզ: Նա այն համոզմանն է, որ հետ նայելով՝ հնարավոր չէ առաջ գնալ: Պետք է պատմությունից դասեր քաղելով՝ նայել առաջ:

Վահագն Հայրապետյանի հետ մեր զրույցը՝ ստորև.

- Պարոն Հայրապետյան, խորհրդարանական արտահերթ ընտրությունների քարոզարշավի պաշտոնական մեկնարկից մեկ օր առաջ տեղի ունեցավ «Քաղաքացիական պայմանագիր» կուսակցության դրամահավաքը, որին հրավիրված էիք նաև դուք և ելույթ ունեցաք: Ձեր խոսքում վստահորեն պնդեցիք, որ Հայաստանում կա ապագա: Ինչպե՞ս եք պատկերացնում Հայաստանի ապագան հունիսի 21-ին:

- Նախ ասեմ, որ դրամահավաքին ինձ ընկերներս էին հրավիրել, ես բազում ընկերներ ունեմ այնտեղ, իսկ ելույթս շատ հանպատրաստից եղավ: Ասել, որ հենց հունիսի 21-ին է լինելու դա, սխալ կլինի: Լինելու է այն ժամանակ, երբ մենք մեր մեջ վերագտնենք մեզ: Ես բոլոր բեմերից եմ դա պնդել, ոչ միայն հիմա և պնդելու եմ միշտ: Որովհետև ես վստահ եմ, որ մեր ժողովուրդն այն ստեղծագործ ժողովուրդն է, որ ի վիճակի է ստեղծել իր ապագան: Բայց դրա համար, ինչպես քիչ առաջ և ելույթիս ժամանակ էլ ասացի, մենք ինքներս պետք է փոխվենք: Ինքներս մեզ հետ համերաշխ պիտի լինենք, որ մեր միտքը բացվի ու սկսենք արարել, ինչ-որ բան ստեղծել, աշխարհին ներկայանալ: Մենք հեղափոխության ժամանակ մարմնով քայլը արեցինք, բայց մտքով դեռ չենք արել: Ամենատարրական բաներից պետք է սկսենք, օրինակ՝ մենք պետք է սովորենք հարգել օտարերկրացուն, չպետք է ծիծաղենք նրա հագուստի վրա պարզապես այն պատճառով, որ ոչ թե ինքը մեզ պես սև է հագել, այլ մի փոքր այլ ձևի գլխարկ է դրել կամ շոր հագել: Այդ ժամանակ դու ինքդ ես ծիծաղելի դառնում:

Ելույթիս կարևոր մեսիջներից մեկն էլ այն էր, որ հետ նայելով՝ մենք չենք կարող առաջ գնալ: Փորձեք քայլելու ժամանակ հետ նայել, տեսեք՝ ինչքա՞ն կարող եք առաջ գնալ: Չե՛ք կարող: Անցյալով պետք է հպարտանալ, մենք հիանալի պատմություն ենք ունեցել, բայց պետք է առաջ նայել: Ցավոք սրտի, մենք պատմությունը սովորում ենք, բայց պատմությունից չենք սովորում:

- Արցախյան վերջին պատերազմից կքաղե՞նք դասեր:

- Հուսով եմ: Մենք պետք է նախորդ պատերազմներից էլ դասեր քաղեինք, բայց, ցավոք սրտի, չէինք քաղել: Եթե քաղած լինեինք, ինձ թվում է՝ պատրաստ կլինեինք այս պատերազմին: Մեր թշնամի երկիրը միլիարդներով սպառազինություն էր գնում, պարզ է՝ մի օր մեր դեմ օգտագործելու համար, մեզ վրա կրակելու համար: Պետք է մենք էլ պատրաստվեինք: Գոնե հիմա վերջապես սովորենք և պատմությունից դասեր քաղենք: Ափսոս ենք, մենք ստեղծագործ ժողովուրդ ենք: Աշխարհի վրա էլ պետք չէ մատ թափ տալ, ասել՝ դուք ուր էիք, երբ ես այնտեղ էի: Դա լավ բան չէ և ճիշտ բան չէ:

Շա՞տ քննադատությունների ենթարկվեցիք դրամահավաքին մասնակցելու համար:

- Այո՛, քարկոծեցին ինձ, անունս սկսեցին շահարկել: Ես խնդիր չունեմ, ամեն մարդ իր միտքն է արտահայտում: Սա նաև լյուստրացիայի պես մի բան է, որ բացահայտում ես մարդկանց, ովքեր երեսիդ ժպտում են, բայց իրականում քեզ այդքան էլ չեն սիրում: Շատերը անգամ ելույթը չեն էլ լսել, բայց քննադատում են: Մի անեկդոտ կա, ասում է՝ երբ փոքր էի, հայրս շատ խելացի բաներ էր ասում, չլսեցի, ասում է՝ ինչ էր ասում, ասում է՝ չլսեցի: Հիմա սա է: Չեն էլ լսում՝ ինչ ես ասում, բայց քննադատում են: Իրականում հիմա մենք մեզ հայելու մեջ ենք նայում, ասեմ, որ դա շատ հաճելի բան չէ, երբ իրականության աչքերի մեջ ուղիղ նայում ես: Լավ է, բայց վախենալու է: Շատերի համար դու ես հայելի դառնում, դրա համար սկսում են քեզ չսիրել:

Ասում են՝ մշակույթն այն ուժն է, որ անգամ կարող է հանդարտեցնել միմյանց դեմ կատաղի կռվող բանակներին: Մշակույթի միջոցով հնարավո՞ր է արդյոք վերացնել այն ատելության մթնոլորտը, որ տիրում է այսօր մեր երկրում:

- Համամիտ եմ, բայց նայած, թե ինչի անունն ենք մենք դնում մշակույթ, որովհետև մենք հիմա շոու բիզնեսը խառնել ենք մշակույթի հետ: Միգուցե հնարավոր է, հիմա շատ բարդ է այդ հարցին հստակ պատասխանելը, որովհետև մենք մեր մշակույթն էլ չենք հարգում, ասում ենք՝ Արամ Խաչատրյան, Կոմիտաս, բայց դա էլ չենք հարգում: Մենք դրան անդրադառնում ենք այն ժամանակ, երբ պետք է ինչ-որ բան ապացուցել: Տեսեք, Արամ Խաչատրյանը Հայաստանի հիմնը գրեց, ի՞նչ արեցինք, վերցրինք, շպրտեցինք մի կողմ: Կամ մեր այժմյան հիմնը՝ «Մեր հայրենիք թշվառ անտեր», միլիոն հատ մեռնելու մասին բառ կա հիմնի մեջ, այս հիմնով մեր հայրենիքը սկսեց թշվառանալ ու անտերանալ: Զինանշանն էլ պետք է փոխվի, չի կարող շղթայված թրով և անհասկանալի կենդանիներով շրջապատված զինանշանով երկիրը հաջողություն ունենալ: Սրանք բոլորը նշաններ են, չենք նկատում, բայց վատ նշաններ են:

- Երեկ հրապարակվեց մի հայտարարություն, որտեղ 124 մտավորականներ կոչով էին հանես եկել, որ սատարում են «Հայաստան» դաշինքին և արժանացան հանրության քննադատությանը...

Նախ ասեմ, որ ես միշտ դեմ եմ եղել կոչումներին, դրանք սովետական միությունից մնացած բաներ են, որ պետք է վերացնել: Կոչումը արվեստագետին ընդամենը տալիս է անվճար գերեզման, միակ առավելությունը դա է: Մտավորականների դերը հասարակության մեջ հենց այդ կոչումները արժեզրկեցին: Շատերը դրանք գումարով ստացան, շատերը՝ ծանոթով: Իհարկե, արժանավորներն էլ կան: Ինչ վերաբերում է առհասարակ մտավորականի դերին հասարակության մեջ, ապա ես չեմ կարծում, որ մտավորականը պետք է ինչ-որ իշխանությունից կախված լինի, ընդհակառակը, մտավորականը պե՛տք է ամենաազատը լինի: Ես իմ երկիրն եմ ներկայացնում, ոչ թե Կառավարությանը: Դրամահավաքին ունեցածս ելույթից հետո ինչ-որ լրատվամիջոցներ գրել էին՝ նախկին իշխանությունից բնակարան ստացող արվեստագետը... ծիծաղս եկավ, ես կյանքում ինչ-որ մեկից բնակարան չեմ ստացել, ես գնել եմ՝ ի տարբերություն շատ-շատերի, որոնք, այո՛, ստացել են:

- Իսկ գուցե մտավորականի դերը հասարակության մեջ արժեզրկվեց նաև այն ժամանակ, երբ մշակույթի գործիչները սկսեցին քաղաքականությա՞մբ զբաղվել:

- Գուցե դա էլ նպաստեց: Բայց կարող եք բացատրել՝ ի՞նչ գործ ունի մշակույթի գործիչը քաղաքականության մեջ: Ուրեմն նա այնքան չի կարողանում իր գործով զբաղվել, որ ստիպված մտել է այդտե՞ղ:

Պարոն Հայրապետյան, հաշված օրեր հետո Հայաստանում տեղի կունենան խորհրդարանական ընտրություններ: Հետընտրական ոչ ցանկալի զարգացումների վտանգ զգո՞ւմ եք:

- Ըստ իս՝ մենք մեր մեջ կգտնենք բավարար գիտակցություն ու խոհեմություն, որպեսզի չտրվենք բազմապիսի սադրանքների և չգնանք քայլերի, որոնք անդառնալի կլինեն: Մենք այդ ժողովուրդը չենք, դա ամենավատ բանը կլինի, երբ սկսենք իրար ուտել կենդանիների նման: Ուզում եմ բոլորիս սեր և խաղաղություն մաղթել: Մենք պետք է շարունակենք ապրել և ստեղծագործել:

Գագիկ Ավետիսյան

Տպել
3984 դիտում

Թալիբները պնդում են՝ իրենք վերահսկում են Աֆղանստանի 50-80 %-ը. Տաջիկստանը պատրաստ է ընդունել 100 հազար փախստականի

Մաթեմատիկայի միջազգային օլիմպիադայում Ֆիզմաթ և Քվանտ դպրոցների սաները շահել են արծաթե և բրոնզե մեդալներ․ կա նաև խնդիր

Լոռի Բերդ համայնքում կիրականացվի հակակարկտային կայանների տեղադրում և գյուղգործիքների ձեռքբերում

Քոչարյանի շուրջ ձեւավորված փուչիկը տրաքեց հունիսի 20-ին. Ռուստամ Բաքոյանը՝ ընդդիմության հետ համագործակցության մասին

Զառիթափ համայնքում կկառուցվի արևային ֆոտովոտային կայան և կիրականացվի ջրագծերի հիմնանորոգման աշխատանքներ

Դիլիջանի ոլորաններում «Nissan X-trail»-ը ձորն է գլորվել. կա տուժած

Շրջակա միջավայրի նախարարության աշխատակիցների համար անցկացվել է «People management» թեմայով թրեյնինգ

Մալիշկայի գյուղապետարանի և մշակույթի տան տանիքներին կկառուցվեն արևային ՖՎ կայաններ և կիրականացվի մասնակի ասֆալտապատում

Քանի որ բաց տեսարաններ կան, շատ ծնողներ կարող են վատ արձագանքել. նոր ձևաչափով ներկայացումն ու դերասանների անկեղծ զրույցը

Գրքերի շնորհանդես Մայր Աթոռ Սուրբ Էջմիածնում

Զորամիավորումներում շարունակվում են նորակոչիկ զինծառայողների մարտական պատրաստության պարապմունքները

Ադրբեջանական ԶՈւ-ն կրակոցներ է արձակում Գեղարքունիքի մարզի Կութ, Սոթք և Ազատ գյուղերի հարևանությամբ. ՄԻՊ

Ապօրինի շինարարությունից տուժած բնակիչները սպասում են դատարանի որոշմանը

Արմեն Սարգսյանն այցելել է ճապոնացի հայտնի գործարար և բարերար, հայ ժողովրդի բարեկամ Շիբուսավա Էիչի հուշահամալիր-հիմնադրամ

АК-74, AKM, անօդաչու թռչող սարք, կացին. 5 տարի անց դատարանում կրկին հետազոտվեց զինված խմբից առգրավված զենք-զինամթերքը

Քարվաճառում ադրբեջանցի զինծառայողին դաժանաբար ծեծել է իր իսկ ծառայակիցը. «Արմենպրես» (տեսանյութ)

Արմեն Սարգսյանը ներկա է գտնվել Տոկիոյի ամառային օլիմպիական խաղերի բացման պաշտոնական արարողությանը

Դատարան է ուղարկվել կրկնակի քվեարկության փորձի վերաբերյալ ևս մեկ քրեական գործ

Ադրբեջանի նախագահը ընդունեց, որ ադրբեջանական զորքերը գտնվում են ՀՀ տարածքում. ԱԳՆ-ի արձագանքն Ալիևի հայտարարություններին

Տեղի ունեցավ Օլիմպիական խաղերի հանդիսավոր բացումը. հայ մարզիկների ելույթների ժամանակացույցը

Տեղի է ունեցել ժամանակակից սարքավորումներով հագեցած վերականգնման նոր լաբորատորիայի բացման հանդիսավոր արարողությունը

Արմեն Սարգսյանը շնորհավորական ուղերձ է հղել Եգիպտոսի նախագահին ազգային տոնի՝ Հեղափոխության օրվա կապակցությամբ

«Օրենքով գող» Օշականցի Գեւորիկը 50 միլիոն դրամ գրավի դիմաց ազատ կարձակվի

Զոհված զինծառայողի տատիկից թոռան գերեզմանի ծախսերը հոգալու պատրվակով երիտասարդը հափշտակել է ավելի քան 1,6 միլիոն դրամ

Վարչապետի որոշմամբ՝ Գայանե Գաբրիելյանը նշանակվել է շրջակա միջավայրի նախարարի տեղակալ

ՎՏԲ-Հայաստան Բանկն ամփոփեց #cashbackմարաթոն ակցիայի արդյունքները

Գեղարքունիքի հատվածում փոխհրաձգություն է եղել. ՀՀ ԶՈՒ 3 զինծառայող թեթեւ վիրավոր է, Ադրբեջանն ունի 1 զոհ

Նիկոլ Փաշինյանի գլխավորությամբ քննարկվել է գյուղատնտեսության ոլորտի զարգացմանն ուղղված ծրագրերի ընթացքը (տեսանյութ)

«Հանրային կառավարման բարեփոխումների՝ մինչև 2030թ. ռազմավարության» նախագիծը հրապարակվել է

Ավարտվել է «Պատիվ ունեմ» դաշինքի կողմից ընտրողներին կաշառք տալու և ստանալու փաստով քննված ևս մեկ քրգործի նախաքննություն

Հարկային բեռը պետք է ավելի շատ կրի խոշոր բիզնեսը. պատգամավորը դրական է գնահատում 1000 խոշոր հարկ վճարողների ցուցանիշը

Արմեն Սարգսյանը ծննդյան տարեդարձի առթիվ շնորհավորական ուղերձ է հղել Իտալիայի նախագահ Սերջիո Մատարելլային

Մեկնարկել է եկամտային հարկից ուսման վարձի փոխհատուցման գործընթացը

Արմավիրում «սուր էնտերոկոլիտ» ախտորոշմամբ հոսպիտալացված քաղաքացիները դուրս են գրվել

Վարանդայի շրջանում այսօր հայտնաբերել է անհետ կորած համարվող ևս 4 զինծառայողի աճյուն

ԱԱԾ-ն որևէ մասնակցություն չի ունեցել Երևանում իրականացված «ուժեղացված ծառայության» հետ․ ԱԱԾ-ի պարզաբանումը

Ռուբեն Վարդազարյանը դատի է տվել Բարձրագույն դատական խորհրդին

Արման Դիլանյանը հանդիպել է Մարտինա Շմիդտի եւ Թամարա Բարբակաձեի հետ

Անօթևան մնացած ընտանիքի համար հիմքից տուն կկառուցվի (լուսանկարներ)

Տոկիոյում մեկնարկել են 32-րդ օլիմպիական խաղերը