Ոչ մի պատճառ չի կարող ազդել իմ վճռականության վրա. Արա Աբրահամյանը՝ արտահերթ ընտրություններին մասնակցելու մասին

Մոտ մեկ ամիս առաջ Ռուսաստանի հայերի միության նախագահ Արա Աբրահամյանը հայտարարեց, որ շատ ակտիվ մասնակցելու է Հայաստանում սպասվող հունիսի 20-ի արտահերթ խորհրդարանական ընտրություններին:

Արտահերթ խորհրդարանական ընտրություններին մասնակցելու, նոր ուժ ձևավորելու, Ընտրական օրենսգրքի փոփոխությունների մասին Արա Աբրահամյանի հետ մեր գրավոր զրույցը՝ ստորև. 

- Պարոն Աբրահամյան, մարտի 27-ին հայտարարել էիք, որ պատրաստվում եք մասնակցել արտահերթ խորհրդարանական ընտրություններին: Ի՞նչ ձևաչափով է լինելու ձեր մասնակցությունը ընտրություններին, ո՞ր ուժերի հետ եք ներկայանալու:

- Ես այդ հայտարարությունը կատարել եմ, որովհետև այսօր տարածաշրջանում և Հայաստանում ծավալվող իրադարձությունները թույլ չեն տալիս կողքից դիտել, թե ինչպես է մեր հայրենիքը կորցնում իր սուբյեկտայնությունը: Մենք չափազանց թանկ գին ենք վճարել անկախության համար, որպեսզի հեշտությամբ հրաժարվենք դրանից՝ առանց հաշվի նստելու կորուստների հետ, որոնցից ամենազգայունը հազարավոր մարդկային կյանքերն են:

Ես 30 տարի եղել եմ Հայաստանի հասարակական-քաղաքական դաշտում՝ ոչ մի պաշտոնական կարգավիճակ չունենալով: Այսօր ես բոլոր հնարավորություններն ունեմ ապրել աշխարհի ցանկացած կետում, զբաղվել իմ գործերով՝ հասարակական գործունեությամբ, բիզնեսով, իմ առողջությամբ, կատարել ՅՈՒՆԵՍԿՕ-ի բարի կամքի դեսպանի պարտականությունները և այլն: Բայց ես որոշել եմ մասնակցել Հայաստանի քաղաքական գործընթացներին, որպեսզի փորձեմ կանգնեցնել վտանգավոր միտումները, օգնեմ Հայաստանին՝ բռնելու զարգացման ճանապարհը: Դա իմ խղճի պահանջն է:

Իմ մասնակցության ձևաչափի մասին կհայտնեմ, երբ կհայտարարվի արտահերթ խորհրդարանական ընտրությունների մասին: Կարող եմ ասել, որ ես ունեմ թիմ, ծրագիր և պատկերացում, թե ինչպես Հայաստանը դուրս բերել ճգնաժամից, նրա քաղաքացիների կյանքը դարձնել անվտանգ և սոցիալապես ապահով, վերադարձնել մարդկանց անձնական և ազգային արժանապատվությունը:

Մեր ձևավորած քաղաքական պլատֆորմին կարող է միանալ մեր գաղափարախոսությունն ընդունող յուրաքանչյուր ոք, որի հիմքում համամարդկային քրիստոնեական արժեքները և հայրենիքի նկատմամբ սերն են:

- 2016-ի խորհրդարանական ընտրությունների ժամանակ էլ հայտարարել էիք, որ կուսակցություն եք հիմնելու և մասնակցելու Ազգային ժողովի ընտրություններին, սակայն հետո չմասնակցեցիք առողջական խնդիրների պատճառով: Հնարավո՞ր է՝ այս անգամ էլ ընտրություններին մասնակցելու որևէ խոչընդոտ լինի, կամ անձամբ չմասնակցեք, սակայն սատարեք որևէ ուժի:

- 2016 թվականին իսկապես մտադիր էի մասնակցել ընտրություններին, բայց, ցավոք սրտի, հանկարծահաս բարդ հիվանդությունը թույլ չտվեց դա անել: Մի քանի տարի ես պայքարում էի հիվանդության դեմ և, փառք Աստծո, հաղթահարեցի այն: Բայց այս անգամ Հայաստանի գոյության խնդիրն է դրված: Ոչ մի պատճառ, այդ թվում՝ առողջական (որն առավել անհանգստացնում է իմ ընտանիքի անդամներին), չի կարող ազդել իմ վճռականության վրա:

- Արտահերթ խորհրդարանական ընտրությունները, ըստ էության, կանցկացվեն համամասնական ընտրակարգով: Ինչպե՞ս եք վերաբերում Ընտրական օրենսգրքի փոփոխություններին, դուք ո՞ր ընտրակարգի կողմնակիցն եք:

- Կարելի է մեկնաբանել, դատողություններ անել, թե որ ընտրակարգն է ավելի համապատասխանում Հայաստանին և այլն: Բայց այս դեպքում բանը ոչ թե մանրուքների մեջ է, այլ այն, որ այդ որոշումն ընդունվել է մեկ մարդու և նրա քաղաքական խմբակի քմահաճույքով և շահերի համար: Անթույլատրելի են երկրի օրենքների փոփոխությունների փորձերը կոնկրետ մեկ մարդու, այլ ոչ թե ողջ հայ ժողովրդի համար: Մենք արդեն գիտենք, թե ինչ հետևանքներ ունեցավ երկրի Սահմանադրության փոփոխությունը՝ հօգուտ մեկ անձի: Նաև տեսնում ենք, որ դրա պատճառով ամբողջ Հայաստանը և 10 միլիոնանոց հայությունը այդ իրավական թակարդի պատանդն են դարձել:

- Հարցազրույցներից մեկում կոչ եք արել քաղաքացիներին կաշառք չվերցնել այս ընտրություններին, որը կլինի ամենամեծ ներդրումը Հայաստանի վերածննդի համար: Կարծում եք՝ ընտրություններին կաշառք կբաժանվի՞, և ո՞ր քաղաքական ուժերի կողմից եք սպասում նման գործելաոճ:

- Ցավոք, Հայաստանի անկախության ողջ ընթացքում ընտրությունները երբեք ազնիվ չեն եղել: Երկրի ազգաբնակչությանն այս ծանր ֆինանսական և բարոյահոգեբանական վիճակում քաղաքական ընտրություններ պարտադրելն ինքնին արկածախնդրություն և խաբեություն է: Ես կոչ եմ անում ոչ այնքան բնակչությանը, որքան քաղաքական ուժերին, որոնք կմասնակցեն ընտրություններին, զերծ մնալ անթույլատրելի և ոչ արժանապատիվ մեթոդներից, այդ թվում՝ կաշառքից, լինի դա փողով, թե դատարկ խոստումներով: Ցավոք, Հայաստանում քաղաքական գործընթացի մասնակիցների մեծամասնությանը դա խորթ չէ: Իսկ մարդիկ, ներքաշվելով դրա մեջ, մոռանում են, որ ծանր ֆինանսական դրությամբ պայմանավորված՝ այսրոպեական թուլությունը զրկելու է իրենց զավակներին և թոռներին ապագայից:

- Ի՞նչ ակնկալիք ունեք այս ընտրություններից: Ինչպիսի՞ խորհրդարան եք ակնկալում տեսնել:

- Կուզեի տեսնել հայրենասերներից, պրոֆեսոնալներից և առաքինի մարդկանցից կազմված Ազգային ժողով, որը կգործի ոչ թե առանձին խմբերի, այլ ժողովրդի շահերից: Արտահերթ ընտրություններով ձևավորված խորհրդարանը ամենայն հավանականությամբ անցումային կլինի: Այն պետք է մաքրի փաշինյանական խորհրդարանից մնացած «ավգյան ախոռները» և հիմք դնի նոր Ազգային ժողովի, որը գործնականում պետք է ներկայացնի Հայաստանի և ողջ հայ ժողովրդի շահերը, գործի հանուն դրա: Այդ խորհրդարանում անպայման պետք է ներկայացված լինի նաև սփյուռքը՝ առանձին պալատով:

Անյուտա Աթանեսյան

Տպել
7412 դիտում

ՌԴ-ն փաստեր թող ներկայացնի՝ քննարկենք. Գրիգորյանը՝ ԵՄ դիտորդների հասցեին հնչած պնդումների և նրանց թվի ավելացման մասին

«Հոկտեմբերի 27»-ը և «Մարտի 1»-ը չէին կարող կատարվել առանց դրսի օժանդակության. Անի Խաչատրյան

Արարատ Միրզոյանը Տոյվո Կլաարի հետ քննարկել է տարածաշրջանում վերջին զարգացումները

Նիկոլ Փաշինյանը հանդիպել է ԱԺ «Քաղաքացիական պայմանագիր» խմբակցության հետ

ՀՀ-ն մի քանի մլրդ դոլարի պայմանագիր է կնքել տարբեր երկրների հետ, ՌԴ-ի նախկին 96 տոկոս ծավալը 10-ից էլ ցածր է. Գրիգորյան

Երբ Հայաստանի վրա հարձակումներ եղան՝ Ռուսաստանը չմատակարարեց գնված զենքը, սկսեցինք նոր գործընկերներ փնտրել. Գրիգորյան

«Հայաքվեն» ռուսական նախագիծ է, նպատակը Հայաստանին պատերազմի մեջ ներքաշելն է. Հայկ Սուքիասյան

Առաջընթաց հնարավոր է գրանցել հանրահայտ համաձայնեցված սկզբունքներին հստակ հանձնառության պարագայում. Միրզոյանը՝ Դոքերթին

Հայաստան կժամանի Հունաստանի ազգային պաշտպանության նախարարը

Հայ-աֆրիկական կրքեր Կրասնոդարի կենտրոնում. սպանվել է գիշերային ակումբներից մեկի նախկին սեփականատերը

Երևանի քաղաքապետարանի և Կահիրեի նահանգապետարանի միջև գործակցությունը համատեղ ծրագրեր իրականացնելու հնարավորություն կտա

Քարակերտի մանկապարտեզներում սուբվենցիոն ծրագրով ջեռուցման համակարգ է կառուցվում. մարզպետը ծանոթացել է աշխատանքի ընթացքին

Ողբերգական դեպք Կոտայքում. ջրանցքում հայտնաբերված կնոջ դին դուրս է բերվել ցանցային կռունկի միջոցով

Նիկոլ Փաշինյանը խորհրդարանում փակ հանդիպում է անցկացնում «Քաղաքացիական պայմանագիր» խմբակցության հետ. «Ազատություն»

Ներքին Կարմիրաղբյուրում անասնագոմ է այրվել

ԱԺ նախագահը, «Քաղաքացիական պայմանագիր» խմբակցության պատգամավորները հարգանքի տուրք են մատուցել Մարտի 1-ի զոհերի հիշատակին

Անթալիայում հանդիպել են Հայաստանի և Թուրքիայի ԱԳ նախարարները. ինչ են վերահաստատել կողմերը (լուսանկարներ)

Թուրքիայի հիվանդանոցում զինված հարձակում է տեղի ունեցել. կան վիրավորներ

Թուրքմենստանում կանցկացվեն Հայաստանի մշակույթի օրեր. հստակեցվել են ժամկետներն ու նախնական նախագիծը

Պահեստազորում գտնվող ՌԴ քաղաքացիները կկանչվեն ռազմական պատրաստության հավաքի. Պուտինը հրամանագիր է ստորագրել

26-ամյա վարորդը «Շեվրոլետ վոլտ»-ով բախվել է եռագույն դրոշի պատվանդանին, վնասվել է ևս 4 մեքենա. կա վիրավոր

Մեկնարկել է Չեխիա - Հայաստան հանդիպման տոմսերի վաճառքը. հայտնի է արժեքը

Մարտի 1-ը իշխանության կողմից բիրտ ուժի կիրառման դրվագ չէր, այլ հետևանք քաղաքացու իրավունքների տևական ոտնահարման. նախագահ

ՀՀ ԱԳՆ-ն լուսանկարներ է հրապարակել Անթալիայի դիվանագիտական ֆորումից

ԼՂ-ից բռնի տեղահանվածներին տրվող 100 հազար դրամ միանվագ աջակցության շահառուների շրջանակն ընդլայնվել է

«Ուկրաինամետ» Ադրբեջանը չեղարկել է Զելենսկու այցը, նա Հայաստան էլ չի գա. Սաֆարյան

Երևանի քաղաքապետը նոր խորհրդական ունի

Հայաստանը Սուրբ Աթոռում նոր դեսպան ունի (լուսանկար)

Փոփոխություն է կատարվել ԼՂ-ից բռնի տեղահանված անձանց համար իրականացվող 50 + 50 հազար սոցիալական աջակցության ծրագրում

Արտակարգ դեպք Արարատում. չոր խոտն այրել են, ինչի հետևանքով նաև «Մերսեդես»-ն է հրդեհվել, վերածվել մոխրակույտի

Արթիկում ավազակությամբ շուրջ 37 մլն դրամի ոսկյա զարդեր հափշտակելու վարույթով 2 անձ կալանավորվել է. մանրամասներ

Թուրքիան կշարունակի Հայաստանի հետ հարաբերությունների կարգավորման գործընթացը՝ այն համաձայնեցնելով Ադրբեջանի հետ. Էրդողան

Բայրամովն ու Լավրովը քննարկել են եռակողմ պայմանավորվածությունների կատարման հարցը, խոսել ՀՀ-ի հետ խաղաղության գործընթացից

Ադրբեջանն ու Հայաստանը շատ մոտ են հարաբերությունների կարգավորմանը. Թուրքիայի արտգործնախարար

Անթալիայում կայացել է Բայրամով - Լավրով հանդիպումը. հայտնի է՝ ինչ հարցեր են քննարկվել

17 կամուրջ‚ 2 թունել, 5 տրանսպորտային հանգույց. Հյուսիս-հարավի հարավային ուղղությամբ մեծածավալ աշխատանք է նախատեսված

Արարատ Միրզոյանն ու Քուվեյթի արտաքին գործերի նախարարը տարածաշրջանային անվտանգության հարցեր են քննարկել

Ֆրանսիայից ուղարկված փոստային առաքանուց հայտնաբերվել են գնդակի մեջ թաքցված թմրամիջոցի պարունակությամբ դեղահաբեր. ՊԵԿ

ՄԻՊ ներկայացուցիչները չհայտարարված այցեր են իրականացրել «Վանաձոր» և «Աբովյան» ՔԿՀ-ներ. ինչ խնդիրներ են արձանագրվել

Անթալիայում, որտեղ 20 երկրի ղեկավարների մասնակցությամբ ընթանում է Դիվանագիտական ​​ֆորումը, երկրաշարժ է տեղի ունեցել