Լավատես եմ, փորձում եմ միտում չորոնել. ցավոք բախվում ենք խոչընդոտների. Վարդանյանը՝ նախագահի կողմից ՍԴ դիմելու մասին

Հանրապետության նախագահ Արմեն Սարգսյանը հերթական անգամ Սահմանադրական դատարան է դիմել՝ դատական իշխանությանը վերաբերող «Իմ քայլը» խմբակցության հեղինակած օրինագիծը հակասահմանադրական ճանաչելու հարցով:

Այս անգամ խոսքը «Հայաստանի Հանրապետության դատական օրենսգիրք» սահմանադրական օրենքում լրացումներ եւ փոփոխություններ կատարելու մասին» օրենքի եւ հարակից օրենքների նախագծի մասին է, որը Ազգային ժողովում նախորդ ամիս 2 ընթերցմամբ ընդունվեց:

«Օրենքով առաջարկվող կարգավորումներն իրավիճակային են եւ առերեւույթ խնդրահարույց իրավական որոշակիության, համաչափության, իշխանությունների տարանջատման, ինչպես նաեւ դատական իշխանության անկախության սահմանադրական սկզբունքներին եւ պահանջներին համապատասխանելու տեսանկյունից», - ասվում է նախագահի աշխատակազմի տարածած պարզաբանման մեջ:

Հիշեցնենք, որ ըստ այդ օրինագծի՝ առաջարկվում էր քաղաքացուն հնարավորություն ընձեռնել՝ դիմել Բարձրագույն դատական խորհուրդ՝ բողոքելով իր գործը քննող դատավորից։ Առաջարկվում էր նաեւ սահմանափակումներ դնել կողմերի միջնորդություններ ներկայացնելու, բացարկներ հայտնելու իրավունքի վրա։

Օրինագծի համահեղինակ, ԱԺ պետաիրավական հարցերի հանձնաժողովի նախագահ Վլադիմիր Վարդանյանն ասում է՝ ընդամենը կարող է ափսոսանք եւ ցավ արտահայտել, որ իրենց կողմից առաջարկվող կարգվորումները ուժի մեջ չեն, չեն կիրառվում, որովհետեւ իր համոզմամբ՝ դրանք կարող էին էական փոփոխություններ մտցնել արդարադատության համակարգի մեջ:

- Պարոն Վարդանյան, նախագահը ՍԴ է դիմել՝ պատճառաբանելով, որ դատական օրենսգրքում ձեր առաջարկած փոփոխությունները հակասում են Սահմանադրությանը: Ի՞նչ կարծիք ունեք այս գնահատականի մասին:

- Եթե ես խնդիր տեսնեի՝ առնվազն չէի ներկայացնի դա Ազգային ժողովի քննարկմանը:

- Օրենքով առաջարկվող լուծումներն ըստ նախագահի, իրավիճակային են: Ընդունելի՞ է ձեզ համար նման բնորոշումը:

- Ընդհանրապես, օրենսդրությունը զարգանում է՝ ելնելով այն խնդիրներից, որի հետ բախվում ենք իրական կյանքում: Մենք, ըստ էության, վեր էինք լուծել այն իրավիճակը, որ առկա է այսօր դատական իշխանությունում ու առաջարկում էինք նման լուծումներ:  Տվյալ պարագայում, եթե առաջնորդվում ենք այդ սկզբունքով, ցանկացած երեւույթ, այդ թվում, օրինակ սահամանդրական փոփոխությունները, հանրաքվեն, ընտրությունները, հարկային բեռի թեթեւացումը կամ ծանրացումը իրավիճակային լուծումներ ենթադրող փաստաթղթեր են: Եթե մենք առաջնորդվում ենք դրանով, ուրեմն ամբողջ օրեսդրությունը իրավիճակային է:

- Իսկ համամիտ չե՞ք, որ օրենքի կիրառությունը իշխանությունների տարանջատման հետ կապված խնդիր էր առաջացնելու:

- Այ դա ես չգիտեմ, ոնց է նախագահը պատկերացնում, որովհետեւ այդ նախագծի շրջանակներում բացարձակապես ընդլայնվում էին դատական իշխանության, մասնավորապես Բարձրագույն դատական խորհրդի լիազորությունները եւ հնարավորություն էր ընձեռնվում քաղաքացուն, օգտվելով արդարադատության նախարարության կամ դատավորների ընդհանուր ժողովի էթիկայի եւ կարգապահական հարցերի հանձնաժողովի միջնորդություններից՝ անմիջականորեն, նույն հիմքերի առկայության դեպքում, դիմել բարձրագույն դատական խորհուրդ:

- Բայց դա մեկնաբանվում էր որպես դատարանների վրա ազդելու յուրօրինակ ձեւ:

- Այսինքն երբ որ արդարադատության նախարարությունը դիմում է՝ չի ազդում, երբ որ քաղաքացին է դիմում՝ ազդո՞ւմ է:

- Վստահաբար տեղյակ եք, որ նույնիսկ ԲԴԽ նախագահն էր քննադատում այս օրինագիծը:

- Տեղյակ եմ եւ ինձ իրավունք կվերապահեմ չհամաձայնել ԲԴԽ նախագահի հետ:

- Ինչո՞ւ:

- Այն պարզ պատճառով, որ ի՞նչ տարբերություն ԲԴԽ-ի համար, թե ով է նախաձեռնում վարույթը՝ դատավորների ընդհանուր ժողովի համապատասխան հանձնաժողո՞վը, արդարադատության նախարարությու՞նը, թե՞ քաղաքացին: Եվ ի վերջո, այս լուծումները վերցված են ՍԴ անհատական դիմումներ ներկայացնելու ինստիտուտից. ԲԴԽ-ն ՀՀ սահմանադրությամբ նախատեսված միակ մարմինն է, որտեղ քաղաքացին անմիջականորեն դիմելու հնարավորություն չուներ եւ չի ունենա, եթե ՍԴ-ն հակասահմանադրական ճանաչի այդ ընթացակարգը:

- Դրանից կտուժի՞ արդարադատությունը Հայաստանում:

- Իմ կարծիքով՝ այո, որովհետեւ նախատեսվում էր նաեւ ԲԴԽ դատավոր անդամների՝ որպես դատավոր լիազորությունների կասեցում, որպեսզի վերջիններս ամբողջությամբ լծվեին ԲԴԽ անդամի լիազորությունների իրականացմանը. այդ առումով՝ կտուժի, առնվազն այդ առումով, եւ մնացած առումներով եւս:

- Քննարկում չէ՞ք ունեցել նախագահի հետ. մինչ ընդունումը կարծիք չէ՞ր հայտնել, թեկուզ փորձագետների միջոցով:

- Օրենսդրական նախաձեռնության շրջանակներում հանդիպումներ չեն եղել, բայց ընդուվելուց հետո ՀՀ նախագահի հետ ես անձամբ հանդիպում եմ ունեցել եւ ներկայացրել եմ իմ մոտեցումները, ներկայացրել եմ դատական իշխանությունում առկա իրավիճակը, խնդիրները, հնարավոր լուծումները, եւ երեւի թե իմ փաստարկները այնքան էլ համոզիչ չեն եղել Հանրապետության նախագահի համար: Ես չեմ մեկնաբանում սահմանադրական մարմինների սահմանադրական լիազորությունը. Ազգային ժղովն իրավասու է ընդունել օրենքներ, Հանրապետության նախագահն իրավասու է կամ ստորագրել օրենքները կամ դիմել Սահմանադրական դատարան: ՍԴ-ն իրավասու է համապատասխան որոշում կայացնել դրանց սահմանադրականության հարցով:

- Կարո՞ղ ենք ասել՝ որպես համահեղինակ՝ արդարացի չեք համարում նախագահի այս քայլը:

- Գիտեք, եւս մեկ նախագիծ կար, որ դատական օրենսգրքի փոփոխություններին էր վերաբերում, որը եւս ՍԴ ուղարկվեց նախագահի կողմից: Չեմ կարող գնահատել արդարացի կամ ոչ արդարացի լինելը, բայց ես նախագահին էլ եմ փոխանցել, պարզապես պետք է ափսոսանք եւ ցավ արտահայտեմ, որ այդ կարգավորումները առ այսօր ուժի մեջ չեն, չեն կիրառվում, որովհետեւ դրանք կարող էին էական փոփոխություններ մտցնել արդարադատության համակարգի արդյունավետ գործունեության մեջ: Խոսքը վերաբերում է այն փոփոխություններին, երբ սահմանվում էր, որ մինչդատական վարույթի նկատմամբ հսկողություն պետք է իրականացնեն այլ դատավորներ, իսկ գործերը քննեն այլ դատավորներ: Մեխանիզմ, որը տարիներ շարունակ կիրառվել է տարբեր երկրներում եւ տվել իր արդյունքը, մեխանիզմ, որն ըստ էության սատարում էին եւ դատական իշխանության ներկայացուցիչները եւ իրավապահ մարմինների ներկայացուցիչները:

- Ինչ-որ միտում տեսնո՞ւմ եք այդ առումով նախագահի գործողություններում:

- Ես միշտ լավատես եմ, փորձում եմ միտումներ չորոնել եւ պարզապես պետք է ասեմ, որ դատական բարեփոխումների գործընթացի շրջանակներում մենք, ցավոք, բախվում ենք եւ նախկինում բախվել ենք խոչընդոտների, ինչը լավ չէ:

Օրենքը, որի սահամանադրականության հարցով ՍԴ է դիմել նախագահը, եւ դրական եւ վիճահարույց կետեր ուներ. սա էլ ԲԴԽ անդամ Գրիգոր Բեքմեզյանի կարծիքն է՝ վիճարկվող նախագծի մասին:

Բեքմեզյանի համոզմամբ՝ օրինագիծը դրական էր այնքանով, որ ավելի հեշտացնում եւ արագացնում էր քաղաքացիների ԲԴԽ դիմելու հնարավորությունը եւ արդարադատության հետ կապված խնդիրները լուծելու հնարավորությունը: «Բայց նաեւ արդարության համար ասեմ, որ ուներ վիճահարույց հարցեր, մասնավորապես կապված որոշման կիրառման տարբերակների հետ, որովհետեւ շատ դեպքերում դատավորների վրա դա լրացուցիչ ճնշում էր լինելու»,- ասաց Բեքմեզյանը:

Նա ձեռնպահ մնաց սահմանադրականության վերաբերյալ կարծիք հայտնելուց՝ մինչ ՍԴ կողմից որոշման կայացումը: «Ես կսպասեմ ՍԴ որոշմանը եւ կգործենք ըստ այդ որոշման»,- ընդգծեց ԲԴԽ անդամը:

Սահամանդրական դատարանի մամուլի խոսնակ Եվա Թովմասյանը տեղեկացրեց, որ նախագահի դիմումը մուտքագրվել է, նախնական ուսումնասիրման համար սահմանված է 20-օրյա ժամկետ։

Տպել
3752 դիտում

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից