«Իրաքը հավերժ կմնա իմ սրտում». Հռոմի Ֆրանցիսկոս պապն ավարել է պատմական այցը Իրաք

Հռոմի Ֆրանցիսկոս պապն ավարտել է դեպի Իրաք իր պատմական ուղևորությունը: Երկրում նա անցկացրել է 4 գերհագեցած օր, շրջագայել Իրաքով մեկ, կատարել ժամերգություն բացօթյա տարածքում՝ հազարավոր մարդկանց համար:

Բաղդադից նա մեկնել է՝ համբերատարության ու խաղաղության ուղերձ հղելով: Չնայած բոլոր վտանգներին ու մտավախություններին, կորոնավիրուսային համաճարակի պոռթկումներին, այցն ընթացել է առանց միջադեպերի:

Պապը եղել է «Իսլամական պետություն» ահաբեկչական խմբավորման կողմից ավերված Մոսուլում, շիաների համար սրբավայր համարվող Նաջաֆ քաղաքում հանդիպել ու զրուցել է մեծ այաթոլլահ Ալի ալ-Սիստանիի հետ, Ղարաքոշ քաղաքի եկեղեցում պատարագ մատուցել քրիստոնյաների համար:

Հռոմի պապի այցը ոչ միայն բարոյական աջակցություն է Իրաքի քրիստոնյաների համար, այլև Վատիկանի ղեկավարի քաղաքական հայտարարություն, որը կոչ է անում ցանկացած փոքրամասնությունների հասարակության լիիրավ անդամ համարել, ոչ թե դիտարկել որպես հյուրեր, որոնք պատահաբար հայտնվում են որոշակի տարածքում:

Ֆրանցիսկոսի այցը կարող է ազդեցություն ունենալ այլ պետությունների ղեկավարների վրա և ավելի նյութական աջակցություն ցուցաբերել Մոսուլում, Բաղդադում և Իրաքի այլ քաղաքներում ԻՊ-ի կողմից ավերված եկեղեցիների և տաճարների վերականգնմանը:

«Որքան դաժան է, որ այս երկիրը ՝ մեր պատմության այս օրրանը, պետք է այսպիսի բարբարոսական հարվածի ենթարկվեր», - ասել է Հռոմի կաթոլիկ առաջնորդը՝ ելույթ ունենալով կիրակի օրը Մոսուլի տաճարում:

Ժամանակակից Իրաքը՝  ներառյալ Մոսուլը, գտնվում է Միջագետքի տարածքում, որտեղից սկիզբ է առել մարդկության պատմության մեջ ամենահին քաղաքակրթություններից մեկը:

«Բայց մենք պետք է իմանանք, որ եղբայրությունն ավելի ուժեղ է, քան եղբայրասպանությունը, հույսն ավելի ուժեղ է, քան ատելությունը, խաղաղությունն ավելի ուժեղ է, քան պատերազմը», - ասել է Հռոմի պապը:

Քրիստոնեական համայնքը դարձել է ԻՊ հարձակման հիմնական թիրախներից մեկը: Տասնյակ հազարավոր քրիստոնյաներ ստիպված են եղել լքել իրենց տները, պղծվել ու ավերվել են հնամենի եկեղեցիները:

Ժամանակակից Իրաքի տարածքում գտնվող մարդիկ քրիստոնեությունն ընդունել են մ.թ. 1-ին դարում, ինչը քրիստոնյաներին դարձրել է երկրի ամենահին կրոնական համայնքներից մեկը: Ընդհանուր առմամբ, վերջին երկու տասնամյակների ընթացքում, շարունակական հարձակումների հետևանքով քրիստոնյա համայնքի թիցն Իրաքում 1.4 միլիոնից իջել է շուրջ 250 հազար մարդու, ինչը երկրի բնակչության 1% -ից պակաս է:

Քրիստոնյաների հետ միասին, հետապնդվում են նաև սուննի մահմեդականները, որոնք բախվել են կրթության ոլորտում տեղաշարժի ազատության և խտրականության սահմանափակումների: Այս մասին նշվել է ԱՄՆ Պետդեպարտամենտի 2019 թ. զեկույցում:

Հռոմի Ֆրանցիսկոս պապը Իրաք կատարած այցի առաջին օրը կոչ է արել դադարեցնել բռնությունը և ծայրահեղականությունը և հայտարարել, որ Իրաքի քրիստոնեական համայնքը պետք է դիտարկվի իշխանությունների և այլ կրոնների ներկայացուցիչների կողմից ՝ որպես նույն երկրի նույն իրավունքներով, ազատություններով և պարտականություններով բնակիչների:

Նա այս խոսքերը կրկնել է շաբաթ օրը այաթոլլա Ալի ալ-Սիստանիի հետ Նաջաֆ քաղաքում կայացած հանդիպման ժամանակ:

«Քրիստոնյաները պետք է կարողանան խաղաղ ու ապահով ապրել ինչպես բոլոր իրաքցիները»,-ասել է Հռոմի պապը:

Այժմ Իրաքում կրոնական և աղանդավորական բախումներ են ոչ միայն մուսուլմանների և քրիստոնյաների, այլև շիաների ու սուննիների միջև:

Երկուշաբթի օրը, մեկնելիս, լրագրողների հետ ինքնաթիռում Հռոմի Պապը կիսվել է իր տպավորություններով և շիաների հոգևոր առաջնորդի հետ հանդիպման մանրամասներով:

«Հանդիպման քննադատները կարծում էին, որ դա ոչ թե քաջություն է, այլ անխոհեմություն, և որ իմ գործողությունները հեռու չեն հերետիկոսությունից: Միշտ ռիսկեր կան, բայց աղոթքն ու զրույցը ամեն ինչի պատասխանն են տալիս»,-ասել է Հռոմի պապը:

Նա ալ-Սիստանիին անվանել է «մեծ իմաստուն» և «Աստծո մարդ» ՝ ավելացնելով, որ հանդիպումը լավ է հոգու համար:

Հռոմի պապի այցի նշանակությունը Իրաքում քրիստոնյաների համար դժվար է գերագնահատել:

«Ես չեմ կարող նկարագրել իմ երջանկությունը, սա պատմական իրադարձություն է: Դա հաստատ չի կրկնվի իմ կյանքում», - ասել է 33-ամյա Յոսրա Մուբարաքը:

Նա երեք ամսվա հղիություն է ունեցել, երբ յոթ տարի առաջ ամուսնու և որդու հետ փախել է տանից ` ահաբեկչական խմբավորումների բռնությունից խուսափելու համար:

«Մենք միայն հագուստ ունեինք, և երբ վերադարձանք, մեր տնից ոչինչ չէր մնացել: Բայց միևնույն է, ահա մեր տունը, և հիմա հայրիկը եկել է տուն»,-ասել է կինը:

Հռոմի  Ֆրանցիսկոս պապի համար էլ այս այցը պակաս կարևոր չէ: 1999 թվականին նրա նախորդ Հռոմի պապ Հովհաննես Պողոս Երկրորդը չեղյալ էր հայտարարել դեպի Բաղդադ ուղևորությունը՝ այն ժամանակ նախագահ Սադդամ Հուսեյնի կառավարության հետ բանակցությունների ձախողումից հետո:

2021 թ.-ին Հռոմի Ֆրանցիսկոս պապը հայտարարեց, որ իրաքցի քրիստոնյաներին երկրորդ անգամ պետք չէ հուսախաբ անել, և մեկնեց Բաղդադ ՝ չնայած իր անվտանգությանը սպառնացող հնարավոր վտանգին: Իրաքում Հռոմի պապին հսկում էին 10-ը հազար հետախուզական սպաներ:

Հռոմի պապի այցը Իրաք ավարտվել է Էրբիլի մարզադաշտում 10-հազարանոց հավատավորների առաջ պատարագով: Իրաքի քրիստոնյաները եկել էին պապին լսելու ՝ չնայած երկրում կորոնավիրուսային վարակի մեծ բռնկմանը (Իրաքում արձանագրվել է կորոնավիրուսից ավելի քան 13,5 հազար մահ և ավելի քան 700 հազար վարակված): Մեծ մասը երիտասարդներ են եղել, շատերը՝ առանց դիմակի:

Հռոմի Պապը ողջունել է  իր հոտին «պապոմոբլից»: Սա Իրաք կատարած այցի ամբողջ ընթացքում առաջին դեպքն է եղել, երբ pապն օգտվել է «պապոմոբլից»:

«Հիմա, ձեր մեջ լինելով, ափսոսանքի և կորստի ձայներ եմ լսում, բայց նրանց մեջ կան նաև հույսի և մխիթարության ձայներ», - ասել է նա մարզադաշտում իրեն դիմավորող մարդկանց ՝ ծածանելով Իրաքի, Քրդստանի և Վատիկանի դրոշները:

Հռոմի պապի Իրաք կատարած առաջին այցն արդեն համարվում է բարոյական աջակցություն ոչ միայն երկրի քրիստոնեական համայնքին, այլ նաև այլ կրոնական փոքրամասնություններին:

Բայց այս այցը ոչ միայն կրոնական, այլ նաև քաղաքական ասպեկտ ունի: Հռոմի Պապը՝ որպես Վատիկան պետության ղեկավար, կարող է օրինակ ծառայել այլ պետությունների ղեկավարների համար ՝ խրախուսելով նրանց մասնակցել Իրաքի վերականգնմանը:

Այցից հետո Իրաքի վարչապետն հայտարարել է, որ երկիրն իրական հնարավորություն ունի վերականգնելու իր պատմական դերը տարածաշրջանում և աշխարհում ՝ չնայած բոլոր խոչընդոտներին և մարտահրավերներին:

«Այսօր մենք ամբողջ երկրին կոչ ենք անում գնալ ազգային երկխոսության ՝ ընդհանուր ճանապարհ գտնելու համար, որը երկրի բոլոր բնակիչները կարող են միասին անցնել», - ասել է  Մուստաֆա ալ-Կազիմին:

ԱՄՆ նախագահ Ջո Բայդենը Հռոմի Պապի այցը համարել է չափազանց կարևոր ողերձ աշխարհին: «Հռոմի Ֆրանցիսկոս պապը, որը խոսում է շիաների առաջնորդի հետ և աղոթում է Մոսուլի խարխուլ իսլամական վայրում, հույսի խորհրդանիշ է ամբողջ աշխարհի համար», - ասել է Բայդենը:

Մի քանի տարի առաջ Հռոմի պապի այցը Իրաք իսկապես դժվար էր պատկերացնել, որ Իրաքի համար այն կարող էր շրջադարձային դառնալ, ինչպես արդեն անվանում են այդ երկրի իշխանությունները:

Այնուամենայնիվ, Մոսուլում և այլ քաղաքներում եկեղեցիները ավերվել են տարիներ շարունակ, աղքատների թիվը կազմում է բնակչության 40 տոկոսը, և միայն 2019-ին կոռուպցիայի և գործազրկության դեմ բողոքի ցույցերի ընթացքում 600 մարդ է սպանվել:

Տպել
468 դիտում

Վայոց Ձորում վարչապետի հաջորդ կանգառը Խնձորուտն է (լուսանկարներ)

«Զվարթնոց» օդանավակայանի ոստիկանները հետախուզվողի են հայտնաբերել

Նիկոլ Փաշինյանը մասնակցում է Զառիթափ-Նոր Ազնաբերդ հիմնանորոգված ճանապարհի բացմանը (լուսանկարներ)

Գողացել են ՊՆ զորամասերից մեկի պղնձե մալուխները. բերման է ենթարկվել 3 տղամարդ

Դիլիջանի թունելը հոսանքազրկվելու է

Թբիլիսի-Գյումրի-Մոսկվա ուղղությամբ տարանցիկ չվերթներ կիրականացվեն

Ամենայն Հայոց Կաթողիկոսը և Արցախի նախագահը քննարկել են արցախահայության առջև ծառացած մարտահրավերները

ՀՀ վարչապետ Նիկոլ Փաշինյանը Զառիթափ համայնքում է (լուսանկարներ)

Արցախում հաստատվել է կորոնավիրուսի 8 նոր դեպք. ստացիոնար բուժում է ստանում 39 մարդ

Ստեփանծմինդա-Լարս ավտոճանապարհը բաց է

Բաքվում մահ տոնելը ցույց է տալիս հակահայկական ատելությունը և ցեղասպան մտադրությունը. ՄԱԿ-ում ՀՀ մշտական ներկայացուցիչ

ՀՀ տարածքում կան փակ ավտոճանապարհներ

Կանադայի Ալբերտա նահանգը ճանաչել է Հայոց Ցեղասպանությունը

Հաստատվել է կորոնավիրուսային հիվանդության 870 նոր դեպք. առողջացել է 1056, մահացել՝ 24 մարդ

Հայաստանն ի վերջո պետք է դառնա ոչ թե փակուղի, այլ՝ խաչմերուկ. Արմեն Սարգսյանն ամփոփել է պաշտոնական այցը Վրաստան

ՀՀ ՄԻՊ-ը դիմել է իրավապահ մարմիններին

ՀՀ վարչապետը շնորհավորական ուղերձ է հղել Սիրիայի նախագահին

Որոտանում զինծառայողների աճյունների որոնումներն ավարտվել են անարդյունք

Բազմաթիվ մարտահրավերներ հաղթահարելով՝ Վարդան Գրեգորյանը հասել էր մեծ նվաճումների՝ ոգեշնչելով սերունդներին. փոխվարչապետ

Թբիլիսյան խճուղում մեքենաներ են բախվել. կա տուժած

Վարչապետ Նիկոլ Փաշինյանն այցելել է Վայոց ձորի մարզ (լուսանկարներ)

Հրդեհ է բռնկվել Բագրատունյաց պողոտայում գտնվող արագ սննդի կետում

Ռուսաստան մուտքը արգելվում է ԱՄՆ գլխավոր դատախազին, ՀԴԲ ղեկավարին, այլ պաշտոնյաների. ՌԴ-ն պատասխանում է ԱՄՆ-ին

ՊԵԿ-ը չգրանցված աշխատողների ռիսկեր է հայտնաբերել․ ծանուցման արդյունքում 183 անհատ ձեռնարկատեր գրանցել է 200 աշխատողի

Արսեն Թորոսյանը սուտ և հորինվածք է որակել իր և անհետ կորած զինվորների հարազատների մասնակցությամբ միջադեպի մասին լուրը

Քննարկվել է «իԳործ» ծրագրի արդյունավետությունը

Եվրոպական խորհրդարանների պատգամավորների շախմատի առաջնությունում Հայաստանը թիմային մրցաշարում նվաճել չեմպիոնական տիտղոսը

«Տնտեսական գործունեության դեմ ուղղված հանցագործությունների քննության առանձնահատկությունները» թեմայով սեմինար է անցկացվել

Ամերիկյան The National Interest ամսագիրը Իլհամ Ալիևին համեմատել է Սադամ Հուսեյնի հետ. «Արմենպրես»

Քանդել էին ցանկապատը և փորձել գողություն անել

Արմեն Սարգսյանը ցավակցել է Վարդան Գրեգորյանի մահվան կապակցությամբ

Լոռու Աքորի համայնքում հարեւանի տարածքում անասուններին արածեցրած գյուղացին կտուգանվի

ԶՈՒ գլխավոր շտաբի պետ Արտակ Դավթյանն ընդունել է ՌԴ դեսպանին

Այսօր հղին COVID-19-ի պատճառո՞վ է մահացել. նախարարությունը հատկապես հղիներին հորդորում է չզբաղվել ինքնաբուժությամբ

10 մլն դրամ, 20 հազար դոլար, «Lexus» ավտոմեքենա. ԱԱԾ նորանշանակ փոխտնօրենի ունեցվածքը

Հայ-ադրբեջանական շփման գծում միջադեպեր չեն արձանագրվել

ՍԴ նախագահը ու Ֆրանսիայի դեսպան Ժոնաթան Լաքոտը կարևորել են եկկողմ բարեկամական կապերի հետագա զարգացումը և ամրապնդումը

ՀՀ տարածքում կան փակ ավտոճանապարհներ. Լարսը բաց է

ԱԻՆ-ում անցկացվել է շարային ստուգատես (տեսանյութ)

Արաբական Միացյալ Էմիրությունները մարդասիրական օգնություն է տրամադրել Արագածոտնի մարզի կարիքավոր ընտանիքներին