Երևան
18 °C
Հանդիսատեսին դահլիճ հրավիրող զանգը տրված է: Լեփ-լեցուն դահլիճում չեն ցնծում: Գիտեն. եկել են ծանր ապրումներով ֆիլմի պրեմիերայի:
Մինչ ֆիլմի ցուցադրումը մեկ րոպե լռությամբ հանդիսատեսը հարգանքի իր տուրքը մատուցեց նահատակներին: Հետո ֆիլմը յուրաքանչյուրին տարավ միայն իրեն հայտնի հիշողության կածաններով:
«Հարսանիք թիկունքում». ներկայացման էկրանավորման ավարտն ու այն հանդիսատեսի դատին ահնձնելը համընկավ դժվարին ժամանակահատվածի հետ: Ի սկզբանե այս ֆիլմն իր մեջ ամփոփում էր ապրիլյան պատերազմն ու էկրանավորման աշխատանքները սկսվել էին դեռևս 2020 թվականի հունվարին:
Այսօր, սակայն, այն դիտվեց ու ընկալվեց այլ հույզերով: Ֆիլմում ներկայացման նույն դերասանական կազմն է: Ասում են մեծ ռիսկ էին համարում հատկապես հիմա ֆիլմի ցուցադրությունը, քանի որ Արցախյան երկրորդ պատերազմը դեռ չի ավարտվել, այն շարունակվում է յուրաքանչյուրի ընտանիքում, յուրաքանչյուրի հոգում ու մտքում: Վերքը բաց է, կսկիծը՝ անընդհատ մորմոքվող:
Էկրանավորման ռեժիսոր Արշալույս Հարությունյանն անկեղծանում է. եթե հիմա էկրանավորման քայլեր ձեռնարկվեին, չէր կարողանալու այդ աշխատանքը ոչ սկսել, ոչ ավարտել: «Հոգեպես ու ֆիզիկապես պատրաստ չէի լինի, վստահաբար: Իսկ նկարահանման ընթացքի մասին մի բան կասեմ. եղել են դրվագներ, որոնք 11 դուբլ է արվել, ու ամեն դուբլրի ժամանակ ես նույն հուզմունքն եմ ապրել:
Ի սկզբանե նպատակը, գաղափարախոսության ասելիքը և հուզականության դաշտը նախատեսված էր բոլորովին այլ դեպքերի և իրադարձությունների համար: Ցավոք էն աղետը, որ տեղի ունեցավ այս վերջին էտապում, բոլորիս ներաշխարհը փոխեց, բոլորիս հուզվելու ընկալման հատկությունն էլ է հիմա փոխվել, էդ իմաստով ֆիլմը լրիվ ուրիշ ազդեցություն է ունենում հիմա»,- «Հայկական ժամանակ»-ի հետ զրույցում նշում է Արշալույսը:
Նույն ապրումներն ու նույն կարծիքն ունեն նաև դերասանները: Մանե Մխոյանն, օրինակ, պատերազմի մասին ֆիլմի ցուցադրումը սկզբում վտանգավոր է համարել: «Որովհետև վերքը թարմ է դեռ: Միևնույն ժամանակ հանդիսատեսի այդ էմոցիան մեզ ստեղծագործելու ուժ է տալիս: Մենք մշտապես նաև մշակույթով ենք կռվել:
Էս 44 օրերի ընթացքում էնքան էինք տեսել ու ապրել էդ օրերը, որ ինձ թվում էր այլևս ոչ մի բան մեզ չի զարմացնելու, ոչ մի էմոցիա չենք ունենալու: Միևնույն ժամանակ հասկանում ենք, որ էն ասելիքը որ ուներ ներկայացումը՝ այն է շարունակելու ենք ապրել, հիմա առավել քան երբևէ արդիական է, մենք պիտի շարունակենք ապրել, որովհետև պիտի շարունակենք գլուխներս բարձր քայլել առաջ: Ապրել հանուն նրանց, որոնք իրենց կյանքը զոհել են մեզ համար»,-ասում է դերասանուհին:
Զինվորի հավաքական կերպարը մարմնավորող Տարոնն իր կերպարի ընկալումն այսօր պատասխանատու պահ էր համարում: Այն միշտ է այդպիսին եղել, բայց ուրիշ էր այսօրվա հրամայականը: Այսօր ներկաներից յուրաքանչյուրն էկրանի զինվորի մեջ իր եղբորը, ամուսնուն, հարազատին ու բարեկամին տեսավ, տեսավ այն զինվորին, որին ճանապարհ դրեց, բայց չդիմավորեց այլևս, զինվորին, որին ուղարկեց պայքարի, ու այսօր ինքն է պայքարում նրա կորստի ցավը հաղթահարելու համար: Շատերը նաև տեսան այն զինվորներին, որոնք մաքառեցին ու հրաշքով տուն դարձան, ու տեսան այն զինվորներին, որոնք անհետ կորան հայրենի եզերքում:
«Ես ֆիլմի վերջում վերադառնում եմ պատերազմից, բայց եթե նույնիսկ չվերադառնայի, միտքը մեկն է. պետք է շարունակել ապրել, ուժեղ լինել, սիրել ու գնահատել՝ չմոռանալով զոհվածներին: Զինվորները չեն մահանում, նրանք անմահ են»,-վստահ է Տարոնը:
Ֆիլմում որդուն պատերազմ ուղարկող մայրն ու տատիկը հուզվում են նաև հարցազրույցի պահին, չեն կարողանում վերադառնալ իրականություն: Գուցե այն պատճառով, որ այսօրվա իրականությունն այնքան էլ տարբեր չէ ֆիլմի պատումից: Որդուն վերադարձին սպասող, վայրկյանները հաշվող մայր, թոռի ճամփեն պահող տատիկ: Ներկա էին և բեմում, և դահլիճում: Ֆիլմը նաև նրանց է նվիրվում: Ռեժիսորն ու դերասանները վստահ են, զինվորների ծնողները գերբնական ուժի և անսահման համբերատարության մարմնավորում են, հույսի ու հավատի կենդանի վկաներ:
«Հարսանիք թիկունքում» ֆիլմը պրեմիերայից հետո Գյումրիում կցուցադրվի «Հոկտեմբեր» կինոթատրոնում:
Հիշեցնենք, Գյումրու դրամատիկականի բեմում «Հարսանիք թիկունքում» ներկայացման պրեմիերան կայացել էր 2018 թվականի հունիսի 8-ին, որին ներկա էր գտնվել նաև վարչապետի տիկին Աննա Հակոբյանը:
Ներկայացման էկրանավորման գաղափարը Տիգրան Վիրաբյանինն էր: 10.000-ից ավելի հանդիսատես ունեցած ներկայացումն էկրանավորված տարբերակով ներկայացավ նույն դերասանական կազմով: Աշխատանքներն իրականացրել է «Միտոյան» պրոդաքշընը՝ Արման Միտոյանի ղեկավարությամբ, օպերատորը Սուրեն Թադեւոսյանն է, էկրանավարման ռեժիսորը՝ Արշալույս Հարությունյանը:
Ստեղծագործական թիմում են նաեւ Հայկոն, նկարիչ Գարիկ Եվանգուլյանը, Լուսինե Խաչատրյանն ու Գյումրու դրամատիկականի ամբողջ ստեղծագործական խումբը: Բոլոր աշխատանքները սկսվել եւ ավարտվել են հենց Գյումրիում՝ Աճեմյանի անվան դրամատիկական թատրոնում: Կինոարտադրողների և թատերաշխարհի համար ներկայացման էկրանավորումը համարվում է հետաքրքրիր ու հաջողված էքսպերիմենտ:
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
«Դինամո»-ում «Թաեքվոնդոյի» մարզիչը հայհոյել է ֆեդերացիայի նախագահին, ապա՝ ծեծի ենթարկել
Հայաստանն ու Չինաստանը համագործակցում են միջազգային հարթակներում. Հակոբ Արշակյան
© 2024 Հայկական ժամանակ