Ազգային ժողովի ինքնալուծարման ճանապարհ ստեղծելու հարցում «Իմ քայլին» եւս 5 ձայն է պետք. Բաբաջանյանը կաջակցի, եթե ...

Երեկ տեղեկացրել էինք, որ «Իմ քայլը» խմբակցության ներսում Սահմանադրության փոփոխությունների նախագիծ է շրջանառվում, որն ընդունվելու պարագայում Ազգային ժողովն ինքնալուծարման հնարավորություն է ստանալու:

«Իմ քայլը» խմբակցության պատգամավոր Վահագն Հովակիմյանը, որ մշակել եւ գործընկերների քննարկմանն է ներկայացրել Սահմանադրության փոփոխության նախագիծը, լրագրողների հետ զրույցում հաստատեց ԱԺ-ին ինքնալուծարման հնարավորություն տալու գաղափարի առկայությունը՝ ընդգծելով, սակայն, որ այլ մանրամասներ չի կարող ներկայացնել, մինչեւ խմբակցությունը չքննարկի եւ որոշում չկայացնի՝ գնո՞ւմ է այդ փոփոխությանը, թե՞ ոչ:

Գործող Սահմանադրությամբ խորհրդարանական արտահերթ ընտրություն նշանակվում է միայն այն դեպքում, երբ վարչապետի հրաժարականից հետո 2 անգամ 7-օրյա ժամկետում Ազգային ժողովը պատգամավորների ընդհանուր թվի ձայների մեծամասնությամբ չի ընտրում նոր վարչապետ: Եվ քանի որ, ընդդիմադիր խմբակցությունները եւ պահանջում են վարչապետի հրաժարականը, եւ միեւնույն ժամանակ չեն համաձայնում Փաշինյանի հրաժարականի պարագայում նոր թեկնածու չառաջադրել, որպեսզի արտահերթ ընտրություն նշանակվի, ապա թերեւս հենց այս պատճառով իշխանությունները որոշել են ստեղծել նաեւ ԱԺ ինքնալուծարման միջոցով ընտրություններ նշանակելու ճանապարհ: Այդ պարագայում ընտրությունը կազմակերպում է վարչապետը, մինչեւ ձեւավորվի նոր ԱԺ եւ նոր վարչապետ ընտրվի:

Ազգային ժողովում հրավիրված փակ նիստում խմբակցությունը քննարկեց այս նախագիծը: Նիստին մասնակցում էին իշխող ուժի ոչ բոլոր պատգամավորները, ընդամենը շուրջ 3 տասնյակ մարդ, հետեւաբար որոշում չկայացվեց:

Նիստից հետո խմբակցության պատգամավոր Համազասպ Դանիելյանն ասաց, որ հարցը քննարկվել է, սակայն «Ընտրական օրենսգրքում» բարեփոխումների եւ Սահմանադրությունում այլ փոփոխությունների համատեքստում: Դանիելյանը տեղեկացրեց, որ փետրվարին նախ հանրային քննարկման, հետո՝ շրջանառության մեջ են դնելու «Ընտրական օրենսգրքում» փոփոխությունների նախագիծը. «Երբ մենք դեռ 1,5 տարի առաջ ծրագրում էինք «Ընտրական օրենսգրքում» բարեփոխումները, գաղափար կար, որ հիմնական փոփոխություններին կանդրադառնանք սահմանադրական փոփոխություններից հետո, որովհետեւ ընտրակարգում կան դրույթներ, որոնք թելադրված են Սահմանադրությամբ: Հաշվի առնելով այն հանգամանքը, որ սահմանադրական փոփոխություններ տեղի չեն ունեցել, բայց ԸՕ փաթեթը մեծ հաշվով պատրաստ է, դա էինք քննարկում, թե արդյոք ԱԺ-ում մենք սահմանադրական որոշակի հոդվածների մասով, որը ԱԺ-ի լիազորություններում է, փոփոխություններ կարող ենք իրականացնել: Մի քանի տարբերակներ ենք քննարկել: Դեռ քննարկումները շարունակվելու են»,- վստահեցրեց պատգամավորը:

Հարցին՝ ԱԺ-ն լուծարելու տարբերակը քննարկե՞լ են՝ Դանիելյանը պատասխանեց, որ տարբեր գաղափարներ են եղել. «Ընտրությունների ժամկետների հետ կապված հարցն է քննարկվել, որը նույնպես Սահմանադրության հարց է, ժամկետները կարճ են: Երբ արտահերթ ընտրություն են իրականացնում, քարոզարշավի համար նախատեսված ժամանակահատվածը բավական կարճ է՝ հատկապես փոքր եւ նոր ուժերին իրենց տեսակետները հանրությանը ներկայացնելու համար: Արդյոք այդ փոփոխությունը կարող ենք անել ԱԺ-ում, դա միայն «Իմ քայլի» որոշելիքը չի: Նման փոփոխությունը պահանջում է առնվազն 88 ձայն, հետեւաբար նաեւ ընդդիմությունը պետք է իր տեսակետը հայտնի: Մենք շատ վաղ փուլում ենք, որպեսզի ես կարողանամ հստակ տեսակետ հայտնել»,- ասաց Դանիելյանը:

Հիշեցնենք, որ «Իմ քայլը» խմբակցությունում այս պահին 83 պատգամավոր է, մինչդեռ Սահմանադրական փոփոխություն ընդունելու համար անհրաժեշտ է 88 պատգամավորի կողմ ձայն: Համազասպ Դանիելյանը չբացառեց, որ ընդդիմադիր գոնե մեկ խմբակցության հետ գան համաձայնության՝ այդ հարցը ընդունելու համար:

Մեր հարցին՝ եթե ընդդիմությունը չհամաձայնի, չե՞ք գնալու այդ փոփոխությանը՝ Դանիելյանը պատասխանեց. «Ես չգիտեմ, թե մենք ինչ քայլեր կանենք, բայց բնական է, որ այդ փոփոխությունները, սահմանադրական փոփոխությունները ընդհանրապես, ԱԺ-ում իրականացնելու համար պետք է լինելու ավելի շատ ձայն, քան այսօր «Իմ քայլը» խմբակցությունն ունի: Ի դեպ, կարող է նաեւ անկախ պատգամավորներն էլ տեսականորեն մեզ միանան եւ դա տեղի ունենա»:

Կհամաձայնե՞ն ընդդիմադիրները միանալ իշխող խմբակցության նախագծին՝ այս պահին դժվար է ասել: ԲՀԿ-ից Արման Աբովյանն ասաց, որ դա չէ այն առաջնահերթ հարցը, որ պատրաստվում են քննարկել. «Այսօր բոլոր խնդիրները թողած ինչ-որ պրոցեսներ են գնում, որոնք, ըստ իս, միտված են իրենց վերարտադրությանը։ Զավեշտալի իրավիճակ է ստացվում։ Հարցերի առաջնահերթությունը, որն այսօր պետք է քննարկվի Նիկոլ Փաշինյանի հրաժարականն է, եւ բոլոր պրոցեսները նոր պետք է մենք հասկանանք՝ ինչ է գեներացվում»,- ասաց նա։

«Լուսավոր Հայաստանից» Տարոն Սիմոնյանն էլ մեր զրույցում ասաց, որ մամուլից են տեղեկացել այդ գաղափարի մասին, եւ քանի դեռ նախագիծը չեն տեսել, չգիտեն Սահմանադրությունում ինչ են ուզում փոխել իմ քայլականները՝ չեն կարող կարծիք հայտնել:

Ինչ վերաբերում է անկախ պատգամավորներին՝ այս պահին մեր խորհրդարանում նրանց թիվը 8 է: Որեւէ խմբակցությունում չընդգրկված պատգամավորներն են՝ Վարդան Աթաբեկյանը, Արման Բաբաջանյանը, Սերգեյ Բագրատյանը, Գոռ Գեւորգյանը, Աննա Գրիգորյանը, Թագուհի Թովմասյանը, Սոֆիա Հովսեփյանը, Տիգրան Ուրիխանյանը:

Արման Բաբաջանյանը մեր զրույցում ասաց, որ կմիանա «Իմ քայլի» նախաձեռնությանը, եթե միայն մինչ արտահերթ ընտրությունների նշանակումը անցկացվեն մի շարք բարեփոխումներ, որ առաջարկել է ինքը.

- Պարոն Բաբաջանյան, իշխող խմբակցությունն առաջարկում է ԱԺ-ի ինքնալուծարման հնարավորություն ստեղծել: Ի՞նչ կարծիքի եք գաղափարի մասին:

- Քննարկումներին ամբողջությամբ չեմ հետեւել, գիտեմ, որ այսօր խմբակցության նիստ է եղել, եւ կարծես քննարկված հարցերից մեկը հենց դա է եղել: Պիտի ասեմ, որ վարչապետի հետ արտախորհրդարանական ուժերի ղեկավարների հետ հանդիպման շրջանակներում ես խոսել եմ նաեւ այս հեռանկարի մասին՝ որպես ստեղծված իրավիճակից դուրս գալու ելքերից մեկը: Մեր հանդիպումը հաջորդել էր վարչապետի հանդիպմանը խորհրդարանական խմբակցությունների հետ, եւ մենք այնտեղ փաստորեն ամփոփելու հնարավորություն ունեցանք, քննարկեցինք տարբերակ, թե ինչ է լինելու, եթե վարչապետի հրաժարականից հետո քաղաքական ուժերը որոշեն առաջադրել վարչապետի թեկնածու եւ ըստ էության տորպեդահարեն արտահերթ ընտրության գնալու գործընթացը: Մի քիչ պարադոքսալ իրավիճակում ենք, որովհետեւ վարչապետի հրաժարականի պահանջը ընդդիմությանն է, եւ ընդդիմությունն էլ պետք է արտահերթ ընտրությունների գնալու տարբերակներ փնտրեր, բայց քանի որ այս հարցում իշխանությունը ավելի նախանձախնդիր է գտնվել՝ ինքն էլ փաստորեն ձեռնարկում է միջոցառումների շարք, որոնք երկիրը կտանեն արտահերթ ընտրությունների եւ լեգիտիմության խնդիրը գոնե կհաղթահարվի: Ուրեմն ճանապարհ չի մնում, քան գնալ Սահմանադրական փոփոխությունների ճանապարհով, օրինակ այս տարվա աշնանը անցկացնել արտահերթ ընտրություններ:

- Իշխող խմբակցությունը Սահմանադրությունում փոփոխություն անելու հարցում հնարավոր է ունենա անկախ պատգամավորների ձայների կարիքը: Դուք կաջակցե՞ք այդ հարցում:

- Ես կարող եմ կողմ լինել այս տեսակ փոփոխություններին, բայց ավելի հիմնարար հարցեր կան մինչեւ այս հարցին հասնելը: Ես վարչապետին գործողությունների պլան եմ տվել, որոնք ներառում են դատաիրավական բարեփոխումներ, հակակոռուպցիոն մարմնի, ԿԸՀ-ի եւ Կոռուպցիայի կանխարգելման հանձնաժողովի հետ կապված բարեփոխումներ: Դրանք ընդունվել են վարչապետի կողմից: Այս փոփոխությունները երկիրը պատրաստ կդարձնեն ընտրությունների համար: Եթե իշխանությունների հետ մենք կգանք համաձայնության, որ իմ առաջադրած ճանապարհային քարտեզի մի հիմնարար մասը կիրագործվի, ես իհարկե աջակցելու եմ նրանց առաջարկած փոփոխությանը: Դուք հասկանում եք, որ այն ահռելի մեդիապատերազմը, որ կա, այն ահռելի լրատվական հոսքերը, որոնք սթրեսի եւ նյարդային վիճակի մեջ են պահում պետությունը եւ քաղաքացուն, պետք է զսպել: Իշխանությունները նույնիսկ ունեցած գործիքները բավարար չափով չեն կարողանում գործադրել: էս պայմաններում սխալ է գնալ արտահերթ ընտրությունների: Իշխանությունը պիտի ամեն ինչ ձեռնարկի, որ կարողանանք պաշտպանել ժողովրդի կամարտահայտությունը: Եթե դրան հասնելու համար անհրաժեշտ են սահմանադրական փոփոխություններ, այո, մենք պետք է այդպիսի նախաձեռնությամբ հանդես գանք եւ ես կաջակցեմ այդպիսի նախաձեռնությունը միայն այդպիսի որակական բարեփոխումներից հետո:

-17 ուժերի աջակիցներից մեկը հայտարարել է, որ ԱԺ-ի ինքնալուծարման հնարավորություն ստեղծելով իշխանությունները գնում են հերթական հանցագործության եւ ինքնասպանության: Ի՞նչ հիմք կարող է ունենալ նման եզրակացությունը:

- Անկեղծորեն չգիտեմ ով է այդ հայտարարությունը արել, բայց ասեմ, որ եթե մենք նորմալ իրավապահ մարմիններ, դատաիրավական համակարգ ունենայինք, այդ 17 ուժերի գործունեությունը գնահատվեր իրավապահների կողմից, հանցագործների մի ամբողջ խումբ, որոնք մաս են կազմում այդ խմբակին, վաղուց կլինեին ազատազրկման վայրերում եւ այսօր դուք ինձ այդ հարցը չէիք տա, որովհետեւ վստահաբար ձեր նշած հայտարարության հեղինակը եւս այս պահին առնվազն ժամանակավորապես նախանական կալանքի տակ կգտնվեր, եւ ոչ թե հարցազրույց կտար: 

Տպել
1929 դիտում

Արմավիրում 28-ամյա վարորդը ոչ սթափ վիճակում Toyota Camry-ով մխրճվել է հոտի մեջ. 31 գառ տեղում սատկել է, 7-ը՝ վիրավորվել

Երևանում կանխվել է ինքնասպանության փորձը Հաղթանակի կամրջից

Արայիկ Հարությունյանն ու Գագիկ Ծառուկյանը քննարկել են Արցախում սոցիալ-տնտեսական և հումանիտար ծրագրերի իրականացումը

Կյանքից հեռացել է Հասմիկ Կիրակոսյանը

Արցախի նախագահը Մայիսյան եռատոնի առթիվ այցելել է Ստեփանակերտի հուշահամալիր

Վլադիմիր Պուտինը Հայրենական մեծ պատերազմում հաղթանակի 76-ամյակի առթիվ ուղերձ է հղել Արմեն Սարգսյանին

Համոզված եմ, որ մենք կվերակենդանանանք և, անկասկած, կկերտենք մեր հաղթական ապագան. Արթուր Թովմասյան

Արցախում Մայիսի 9-ի միջոցառումները մեկնարկել են խաչերթով

Արմեն Սարգսյանի անունից ծաղկեպսակ է դրվել Անհայտ զինվորի հուշակոթողի մոտ

Հաղթանակի և խաղաղության տոնի առթիվ Նիկոլ Փաշինյանն այցելել է «Հաղթանակ» զբոսայգի (լուսանկարներ)

Նիկոլ Փաշինյանը Մայիսի 9-ի առթիվ շնորհավորական ուղերձներ է հղել Վլադիմիր Պուտինին և Միխայիլ Միշուստինին

Նիկոլ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերածների հիշատակին (լուսանկարներ)

Մենք պարտք ունենք մեր նահատակների ու նոր սերնդի առջև. Ամենայն հայոց կաթողիկոս

Շորժա գյուղում բնակելի տունէ հրդեհվել

Հաստատվել է կորոնավիրուսային հիվանդության 178 նոր դեպք. առողջացածների թիվը գրեթե եռակի է

Դավաճանած կլինենք նրանց հիշատակը, եթե չկառուցենք ամուր պետություն, որը կապահովի Արցախի վերածնունդը. Նիկոլ Փաշինյան

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը