Ես ինձ խաբված եմ զգում, մենք 20-30 տարի անզեն զինվորի ենք ոգեւորել մեր երգերով․ Համլետ Գեւորգյան

Կորոնավիրուսի համավարակն ու Արցախում տեղի ունեցած պատերազմը բարդ իրադրություն են ստեղծել նաեւ ՀՀ վաստակավոր արտիստ Համլետ Գևորգյանի կյանքում: Կորոնավիրուսով պայմանավորված սահմանափակումների հետևանքով ամբողջապես կանգ էր առել նրա ստեղծագործական կարիերան, իսկ հետպատերազմական Հայաստանում դեռ հնարավոր չէ երգել:

«Այս իրավիճակը ոչ թե շատ դժվար է, այլ՝ դաժան»,- ասում է երգիչը, բայց միևնույն ժամանակ նշում, որ երկրից գնալու որևէ ցանկություն չունի, հակառակը, լավատեսորեն հավատում է, որ հաղթահարելու ենք այս ամենը, և ամեն բան լավ է լինելու:

Կորոնավիրուսի առաջացրած խնդիրների, պատերազմի ու հետպատերազմական Հայաստանի, առաջիկա անելիքների և այլ հարցերի շուրջ ենք զրուցել Համլետ Գևորգյանի հետ:

- Պարոն Գևորգյան, 2020 թ., մեղմ ասած, դաժան էր բոլոր առումներով՝ կորոնավիրուս, պատերազմ Արցախում: Այս ամենը նաև լրջագույնս ազդեց մշակութային կյանքի ու մշակույթի գործիչների գործունեության վրա: Ինչպե՞ս եք հաղթահարում և այժմ ինչո՞վ եք զբաղվում:

- Երկար ժամանակ չաշխատեցի, հիմա էլ դեռևս զբաղմունք չունեմ, այսպես ասեմ: Որովհետև շատ դանդաղ է բացվում ամեն ինչը, իսկ հաղթահարելը շատ բարդ կերպով եմ հաղթահարում՝ թե՛ ֆինանսական, թե՛ բոլոր առումներով, քանի որ չկա ոչ մի փոխհատուցում, ոչ մի բան: Վիրուսի հետ կապված արգելքների թեթևացումից հետո մի որոշ ժամանակ սկսեցի աշխատել, ու պատերազմը սկսվեց:

Համավարակով պայմանավորված սահմանափակումները վերջերս, կարելի է ասել, ամբողջությամբ վերացվեցին: Այժմ արդեն թույլատրվում է ցանկացած թվաքանակի մարդկանցով միջոցառումներ կազմակերպել: Չունե՞ք դեռ հրավերներ, առաջարկներ:

- Ճիշտն ասած՝ հրավերներ դեռ չունեմ, որովհետև դեռ լայն թափով չի բացվել ոլորտը, դա էլ պայմանավորված է ժողովրդի տրամադրությամբ, բայց հույս կա: Ինձ ուրախացրեց էդ փաստը, որ արգելքները հանվեցին, թե չէ, ճիշտն ասած, այս իրավիճակը ոչ թե շատ դժվար է, այլ՝ դաժան: 2021-ի ծրագրերս էլ են նորից կախված պանդեմիայից: Չեմ ուզում մանրամասնել այդ ծրագրերի մասին, բայց մինչև ճանապարհները չբացվեն, դուրս ու ներս չկարողանանք անել, դրանք չենք կարող իրականացնել, որովհետև կոնկրետ իմ դեպքում նոր ծրագրերի իրագործումը կապված է արտասահմանի հետ: Դրանց մեջ ներառված են հյուրախաղերը, նոր երգերի, տեսահոլովակների ստեղծումը:

Այս օրերին երբեմն-երբեմն որոշ մարդիկ օրակարգ են բերում խոսակցություններ, թե՝ շատերը հիմնական կլքեն երկիրը սահմանները բացվելուն պես: Արդյոք Դուք այդպիսի ցանկություն ունե՞ք, և, առհասարակ, ճի՞շտ է հայրենիքը լքել այս ծանր ժամանակահատվածում:

- Իհարկե, չի կարելի թողնել ու գնալ: Այնպես չէ, որ երկրում ամեն ինչ կանգ է առնելու: Ճիշտ է, մշակույթի գործիչները, իհարկե, ուղիղ կապված են ժողովրդի տրամադրության հետ, և ժողովուրդը հիմա տրամադրություն չունի, բայց ամեն ինչ կբացվի, ու ժողովուրդը կշարժվի առաջ: Եթե ես էսօր գնամ մեկ այլ երկիր, այնտեղ պիտի իմ գործով զբաղվեմ, բայց այլ երկրներում էլ է փակ. չէ՞ որ պանդեմիան ամեն տեղ է: Գնանք ինչ անենք: Մարդիկ կլինեն, իհարկե, որ բացվելու դեպքում կգնան կաշխատեն կգան, կարող է նաև հիմնական լքողներ էլ լինեն, դա իրենց իրավունքն է, բայց ես համաձայն չեմ դրա հետ:

Դուք այն ստեղծագործողներից եք, որի երգացանկում Հայոց բանակին ու հայ զինվորին նվիրված բազմաթիվ կատարումներ կան: Այս տարի հնարավո՞ր է՝ դրանց թիվն ավելացնեք, եթե, իհարկե, համաճարակային իրավիճակը թույլ տա:

- Այո, իմ երգացանկում կան նման շատ երգեր, բայց, ճիշտն ասած, ես էդ հարցում ինձ շատ խաբված եմ զգում, որովհետև մենք 20-30 տարի ամեն ինչ արել ենք ոգին բարձր պահելու, զինվորին ոգևորելու համար, ու էդ 20-30 տարվա ընթացքում անզեն զինվորի ենք ոգևորել... Այսքան տարիների ընթացքում ոչ մի զարգացած զենք չունենք, ոչ մի։ Ու մեր տղերքը զոհվեցին...: Շատ խաբված եմ ինձ զգում, որ ես իմ գործը արել եմ, իսկ իշխանությունները, բանակի ղեկավարությունն իր գործը չի արել: Խաբվածն էն խոսքը չէ: Սա նաև ատելություն է ծնել ինձ մոտ այն մարդկանց հանդեպ, որոնք տարիներ շարունակ այսպես են վարվել մեր բանակի հետ, մեր պետության հետ:

Չէի՞ք պատկերացնում, որ պատերազմը նման հանգուցալուծում կունենա:

- Իհարկե, չէի պատկերացնում: Ես մտածում էի, որ մեր բանակը շատ ուժեղ բանակ է: Իհարկե, զինվորը ուժեղ է, դրանում ոչ մի խոսք, բայց բանակը միայն զինվորով չէ, բանակը պետք է զինված լինի: Պատկերացրեք, մեր զինվորի ոգևորվածությունը, որ 3-4 պետության դեմ է կռվել, պատկերացրեք նրա ոգին: Եթե դրա հետ մեկտեղ մենք լավ սպառազինություն ունենայինք, հիմա բոլորովին այլ սեղանի շուրջ էինք նստելու թշնամու հետ, բոլորովին այլ պայմաններում: Եթե մենք ավտոմատով «Բայրաքթարի» դեմ 44 օր կռվել ենք, պատկերացրեք, որ լավ զինված լինեինք, ինչեր կաներ մեր զինվորը: Բայց պատասխանատու մարդիկ՝ բանակի ղեկավարներ, քաղաքական ղեկավարներ, փողերը տակները դրած, շատ հանգիստ նստած՝ իմանալով, որ մի օր հնարավոր է՝ հազարավոր զոհեր տանք, իրենց տանը վայելել են: Որ խորանում ես, գժվել կարելի է: Ու սա մեր երեխաների արյան գնով: Ես իրոք չէի պատկերացնում, որ էս կարգի թալանել են բանակը:

Այժմ նաև դժգոհություններ են հնչում, որ արվեստագետները, շոու բիզնեսի ներկայացուցիչները չեն մասնակցում հայաստանյան հետպատերազմական քաղաքական գործընթացներին, այնինչ 2018-ին ակտիվ ներգրավված էին: Ի՞նչ կասեք այս դժգոհությունների վերաբերյալ:

- Տեսեք, մշակույթի գործիչը նաև ճանաչված մարդ է, հետևաբար, երբ ինչ-որ մարդիկ տեսնում են, որ մշակույթի գործիչը իր նախընտրած ուժի կողքին չէ, դրա համար սկսում են քննադատել նրան: Տրամաբանական գործընթաց է, այսպես ասեմ: Բայց ես նաև կասեմ այն, որ երբեք, ուզում է ընդդիմություն լինի, ուզում է իշխանություն լինի, առանց ընտրությունների չի կարելի երկրի իշխանություն ընտրել: Ես դեմ եմ «վեր կաց՝ նստեմ» կարգախոսին: Հանողը ժողովուրդն է: Հակառակը զոռբայություն է: Հիմիկվա ժողովուրդն այլևս մի քանի տարի առաջվա մտածելակերպի ժողովուրդը չէ, էլ չես կարող էս ժողովրդին խաբել, վերջ: Մշակած տակտիկան՝ իշխանությունը քանդելու, ժողովուրդը հասկանում է:

Կարծես թե ընդդիմությունը չի ուզում գնալ հարցի լուծմանը սահմանադրական ճանապարհով:

- Այ հենց այստեղ կարելի է եզրակացնել, որ ընդդիմությունը աթոռակռիվ է անում: «Դու գնա, մենք ինչ կանենք, կանենք». այս սկզբունքով են փորձում գործել: Բայց «դու գնա»-ով հո չէ: Ուղարկողն էլ է ժողովուրդը, բերողն էլ է ժողովուրդը: Օրինակ՝ ինձ համար կարևորը ժողովրդի ընտրությունն է՝ թե ով կլինի, ում կընտրի նա: Ում ընտրի, եթե իմ սրտով էլ չլինի, դա իմ ղեկավարն է: Ճիշտը սա է: Ինչ է նշանակում՝ վարչապետին ասել՝ դու չպիտի լինես այստեղ: Նորից եմ ասում՝ դա ժողովուրդն է որոշում: Բայց նաև ուզում եմ ասել, որ ես ինքս չեմ կարծում, որ պետք է իշխանությունը փոխվի, բայց եթե ընդդիմության կողմից պահանջ կա, ու մենք պետք է հարգենք նրա խոսքը, խնդրեմ: Բայց պետք է ընդդիմությունն էլ անօրեն պահանջներ չդնի: Ամեն բան պետք է իրականացվի սահմանադրական ճանապարհով: Վարչապետն ինքն էլ ասաց՝ ընտրություն եք ուզում՝ անենք, փոփոխություն եք ուզում՝ անենք:

Այս օրերին նաև անհանդուրժողականության հսկայական մթնոլորտ է գեներացված սոցիալական ցանցերում: Ըստ Ձեզ՝ ո՞ւր է մեզ հասցնելու այս իրավիճակը:

- Եվ հենց այստեղ էլ նորից գալիս ենք նրան, որ «հել՝ նստեմ» կարգախոսով է գործում ընդդիմությունը: Զոռբայությամբ, քացով, ոտքով, չափալախով՝ ուզում են այդպես անել, բայց չեն կարող: Օրինակ՝ ստորություն է, ոնց կարելի է ժողովրդին բոմժ անվանել: Ընդդիմության առաջնորդն ասում է՝ 20 հոգու եմ ասել: Ինչ է նշանակում՝ 20 հոգու եմ բոմժ ասել: Դու էդ 20 հոգու վարչապետը չե՞ս լինելու, ենթադրենք, եթե ընտրվես: Սրանից երևում է նաև մարդու հոգեբանությունը, տրամադրվածությունը, թե ինչ պետք է անի իր ժողովրդի հետ, եթե վարչապետ դառնա: Հայրենիքը փրկելու ցանկություն կոնկերտ էդ թեկնածուի մոտ ես չեմ տեսնում: Չի կարող նման մարդը վարչապետի թեկնածու լինել:

Կարծում եք՝ այդ պատճառո՞վ ընդդիմությունը հաջողության չհասավ:

- Ոչ միայն այդ պատճառով։ Նաև նախկինների օրոք, որոնցից ոմանք հիմա այդ 17-ի մեջ են, ժողովուրդը չի տեսել էն բարեփոխումները, որոնք հիմա տեսավ: Այս պանդեմիան ու պատերազմը պետք է հանենք արանքից, սա չպետք է շահարկեն: Իհարկե, որոշ մարդիկ շահարկում են, որ կարողանան ժողովրդին խաբել: Նույնիսկ հնարավոր է՝ սպասում էին, որ հազարավոր զոհեր ունենանք, որ էսօրվա իշխանություններին ժողովուրդը դեմ դուրս գար, բայց դա էլ չհաջողվեց: Ժողովուրդը սառնասրտորեն հասկանում է՝ ինչ է կատարվում: Ես հիմա հասկանում եմ, չէ՞, եթե 30 տարի բանակս չեն զինել, ես զինվորի արյան մեղքն ինչպես բարդեմ այսօրվա իշխանության վրա։ Չի լինի: Դա կլինի՝ ես ինքս ինձ խաբեցի: Խաբկանք է դա:

Եվ մեր զրույցն ավարտենք նրանով, թե ինչո՞ւ այլևս չեք օգտվում սոցիալական ցանցերից:

- Կորոնավիրուսի տարածումից հետո, կարելի է ասել, սկսեցի չօգտվել: Եթե տանը անգործ նստած ես, թեմա չունես, սոցիալական ցանցերում ինչի մասին խոսես: Նախքան կորոնավիրուսը ելույթներ էինք ունենում, միջավայր էինք դուրս գալիս, ցուցադրելու բան կար, հիմա ինչի մասին խոսես: Կյանքդ եթե բուռն չէ, անելիք չունես այդտեղ: Իսկ եթե ասելիք եմ ունենում, բավարարվում եմ լրատվամիջոցների հետ զրուցելով: Համենայն դեպս կարծում եմ՝ այսպես ավելի ճիշտ է:

Տպել
9469 դիտում

Մենք եվրոպացի զինվորներ չենք ուղարկի Ուկրաինա․ Շոլց

Տարածաշրջանային ենթակառուցվածքների ապաշրջափակումը պետք է տեղի ունենա հավասարության սկզբունքների հիման վրա․ Միրզոյան

Ռուսաստանը հետևում է Հայաստանի ղեկավարության հայտարարություններին և ի գիտություն կընդունի դրանք իր քայլերում. Լավրով

Վերլուծելով անցյալը՝ մենք նայում ենք ներկային և ապագան կառուցելու հստակ հեռանկարներին. ԱԳ նախարարի ուղերձը

Ալյասկայի ափերի մոտ երկրաշարժ է տեղի ունեցել

Հայաստանը պատրաստ է Թուրքիայի հետ հարաբերությունների լիակատար կարգավորմանը և սահմանի բացմանը. Ռուբեն Ռուբինյան

Նիկոլ Փաշինյանի մասնակցությամբ տեղի է ունեցել Ժողովրդավարության դպրոցի բացումը

Ռուսաստանը պատասխանի է սպասում, ժամանակն է, որ Հայաստանը որոշի իր կարգավիճակը ՀԱՊԿ-ում. Սերգեյ Լավրով

Հայաստանը պատրաստ է խաղաղության, սա քաղաքական կամքի և առաջնորդության հարց է. Վահան Կոստանյան

Մենք պատրաստ ենք համագործակցության. Շիրակի մարզպետը հյուրընկալել է Իրանի դեսպանին

Կապանի օդանավակայանի մոտակայքում մեքենաներ են բախվել. կա տուժած

Երևանը չի հաստատել ՌԴ հատուկ հանձնարարություններով դեսպան Իգոր Խովաևի այցի հնարավորությունը Հայաստան. Լավրով

Ինքնաձիգ, գնդացիր, նռնականետեր. առգրավվել և կամավոր հանձնվել է ապօրինի պահվող 218 միավոր զենք (տեսանյութ)

Խաղաղության ճանապարհին պետք է հարգվեն միջազգային իրավունքի հանրահայտ սկզբունքները. Միրզոյանը՝ Մոզամբիկի գործընկերոջը

Երևանը Մոսկվայի հետ հարաբերությունների վատթարացման քաղաքականություն վարելու գիտակցված որոշում է կայացրել. Լավրով

Չեմ կարող հաստատել, որ Երևանի օդանավակայանում ռուս սահմանապահների ներկայության մասին քննարկումներ կան. Լավրով

Հանդիպումը կլինի, Թուրքիան և Հայաստանը որոշում են կայացրել. Սերդար Քըլըչ

Երևանի կենտրոնում կառուցվող էլիտար շենքի շինհրապարակի հսկայական պատը փլուզվել, թափվել է տարածքի բնակչի ավտոմեքենայի վրա

Թող դիտումներ ավելացնեն և իրենց հավատն էլ չգա, որ այդքան ազատ են ժողովրդավար Հայաստանում. Սիմոնյանը՝ «ԱրմՔոմեդի»-ին

Միկի և Մինի Մաուսները հայկական տարազներով Վարդավառ են նշել. Disney-ը մուլտֆիլմ է ցուցադրել, որում նաև հայերենով դրվագ կա

Օդի ջերմաստիճանը կբարձրանա. առանձին շրջաններում սպասվում է քամու ուժգնացում

Զինված 2 անձինք մտել են բենզալցակայանի հանգստի սենյակ, զենքի բռնակով հարվածել աշխատակցին. մանրամասներ

Հուսամ՝ կլինի այն փաստաթուղթը, որով կամրագրենք ուղղությունները, որտեղ Հայաստանն աշխարհին ասելիք կունենա. Հայրապետյան

Հույս ունեմ, որ առաջիկա տարիներին ձևավորված առողջապահական լավ ավանդույթները կօգտագործենք. Անահիտ Ավանեսյանն ԱՄՆ-ում է

Ինչպես կհայտնաբերվեն երթևեկելիս ամրագոտի չկապողները. վարչարարությունը խստացվելու է

Հայաստանի պատրաստակամությունը ցույց տալու համար մենք հանդես եկանք «Խաղաղության խաչմերուկ» նախաձեռնությամբ. Միրզոյան

Դեսպան Մակունցը Լոս Անջելեսի քաղաքապետին և փոխոստիկանապետին նամակներ է փոխանցել

Որդին հրել, գցել է մորը, ինչի հետևանքով վերջինս գլուխը հարվածել է սեղանին և մահացել. 57-ամյա տղամարդը կալանավորվել է

Արշակունյաց պողոտայի բենզալցակայանի հարձակման դեպքով քրեական վարույթ է նախաձեռնվել

Արարատ Միրզոյանն Անթալիայի դիվանագիտական ֆորումի շրջանակներում պանելային քննարկման է մասնակցում

Սգո սրահի մոտ փորձել են վրեժխնդիր լինել, կրակել, պայթուցիչ են նետել. վարույթից անջատված մասի նախաքննությունն ավարտվել է

Թուրքիայում շարունակվում են Պուտինի այցի նախապատրաստական ​​աշխատանքները

102 տարեկանում մահացել է նորաձևության լեգենդ Այրիս Ափֆելը` Նյու Յորքի աստղը

32 տարի առաջ այս օրը նորանկախ Հայաստանի դրոշը ծածանվեց Նյու Յորքում՝ ՄԱԿ-ի կենտրոնակայանում. նշվում է ՀՀ դիվանագետի օրը

Դավիթ Խուդաթյանն այցելել է իրանական կապիտալով աշխատող Քարակերտի քարաձուլման գործարան, ծանոթացել առկա ներուժին

Դիմակավորված ու զինված ավազակային հարձակում Երևանում․ հնչել է կրակոց, կան վիրավորներ

Սևան-Գետափ ճանապարհին մեքենաներ են բախվել․ տուժածներից մեկի վիճակը ծանր է

Վազգեն Սարգսյանի 65-ամյակին նվիրված ֆուտբոլի համաբանակային մրցաշար կանցկացվի

Առեղծվածային դեպք Երևանում․ բնակարանում հայտնաբերվել են մոր և դստեր դիերը

ՌԴ-ն փաստեր թող ներկայացնի՝ քննարկենք. Գրիգորյանը՝ ԵՄ դիտորդների հասցեին հնչած պնդումների և նրանց թվի ավելացման մասին