Շուռնուխի եւ Որոտանի բնակիչները հաստատակամ են եւ որեւէ կերպ չեն լքելու իրենց բնակավայրերը․ Խաչատրյան

Սյունիքի մարզի Որոտան եւ Շուռնուխ բնակավայրերի հետ կապված սահմանային հարցերը կարող են բերել որոշակի ցավոտ իրավիճակների։ ՀՀ Կառավարության երեկվա նիստում հայտարարեց վարչապետ Նիկոլ Փաշինյանը։ Գործադիրի ղեկավարը հավաստիացրեց, որ Սյունիքի եւ ընդհանրապես ՀՀ-ի միջազգայնորեն ընդունված, ճանաչված տարածքից ոչ մի միլիմետր զիջման մասին խոսք չի եղել եւ չի կարող լինել։

Այս փուլում տեղի են ունենում սահմանային որոշակի կետերի տեղորոշում՝ անվտանգության ապահովման նպատակով. «Մենք ավելացնում ենք Սյունիքի անվտանգության երաշխիքները ու Հայաստանի անվտանգության երաշխիքների նոր համակարգ ենք ձեւավորում: Որոտան եւ Շուռնուխ բնակավայրերի հետ կապված կան որոշակի սահմանային հարցեր։ Այդ հարցերը կարող են որոշակի ցավոտ իրավիճակների բերել»,- ասաց վարչապետը: Նրա խոսքով՝ քաղաքացիների հնարավոր գույքային վնասները Կառավարությունն ամբողջությամբ կփոխհատուցի:

Սյունիքում տեղի ունեցող գործընթացների վերաբերյալ «Հայկական ժամանակը» զրուցել է «Իմ քայլը» դաշինքի Սյունիքի մարզից ընտրված պատգամավոր Արմեն Խաչատրյանի հետ։

- Պարոն Խաչատրյան, վարչապետը հայտարարեց, որ Որոտանի եւ Շուռնուխի հետ կապված հարցերը կարող են ցավոտ իրավիճակների բերել։ Շուռնուխի վարչական ղեկավարն էլ նշել է, թե բնակավայրի 12 տուն անցնում է Ադրբեջանի վերահսկողության տակ։ Կմանրամասնե՞ք, թե իրականում ինչ է կատարվում է, եւ որն է այդ ցավոտ իրավիճակը։

- Սահմանազատման այս աշխատանքներում ամենացավոտ տարածքները Որոտանի եւ Շուռնուխի հատվածում են, որտեղ դեռեւս ԽՍՀՄ սահմանազատման քարտեզների համաձայն՝ ճանապարհահատվածներ եւ բնակավայրի որոշակի հատվածներ անցնում են Ադրբեջանի տարածքով։ Այս սահմանազատման աշխատանքներին ակտիվ մասնակցում են ԱԱԾ բարձրաստիճան ծառայողները, Սահմանապահ զորքերի ղեկավար կազմի ծառայողները, ներգրավված են համայնքի ղեկավարները։ Ուսումնասիրվում են բոլոր քարտեզները, որոնք գոյություն ունեն՝ ե՛ւ էլեկտրոնային, ե՛ւ փաստաթղթային, որպեսզի այդ ամենը հնարավորինս ճշգրիտ լինի։ Սակայն իրականում, այո՛, Շուռնուխի հատվածում ձեր նշած 1 տասնյակ տունը ադրբեջանական տարածքի մեջ է հայտնվում։ Որոտանում էլ է նույն խնդիրը։ Ներկայումս որեւէ այնպիսի խնդիր չի առաջացել, որ այդ բնակիչները պետք է լքեն իրենց տները։ Նրանք պետք է բնակվեն այդտեղ՝ մինչեւ իրավաբանորեն այդ սահմանները կֆիքսվեն, ու վերջնական ֆիքսումները կարձանագրվեն որոշակի բանակցություններից հետո։

Առայժմ այս սահմանազատման պրոցեսը նախնական է եւ իրավական փաստաթուղթ կդառնա որոշակի բանակցություններից հետո։ Կան մեծ ծավալի աշխատանքներ, որոնք դեռ պետք է արվեն, այդ թվում՝ Շուռնուխում եւ Որոտանում։ Շուռնուխը դարձել է կարեւոր անվտանգային գոտի, Շուռնուխում պետք է զարգացնել ենթակառուցվածքները՝ սկսած ճանապարհների սպասարկման ենթակառուցվածքներ ունենալուց։ Որովհետեւ ձմեռային պայմաններում Շուռնուխին հարող նեղ հատվածում անընդհատ խնդիրներ են առաջանալու առատ ձյան հետ կապված։ Ես խոսել եմ Շուռնուխի բնակիչների հետ, իրենք մեծ ցանկություն ունեն պայմանագրային հիմունքներով անցնել ծառայության Սահմանապահ զորքերում, ստանալ բարձր աշխատավարձ եւ հաճույքով հսկել իրենց գյուղի անվտանգությունը։ Շուռնուխում պետք է լինի նաեւ համապատասխան բժշկական ծառայություն պատշաճ որակի։ Նաեւ կան ցանկացողներ բարեգործական հիմունքներով այդ համայնքներին օգնելու։ Իհարկե, Կառավարությունն էլ իր հերթին բավականին լուրջ ծրագրեր է մշակում այդ ուղղությամբ, որը պետք է անհապաղ իրականացնել։ Այդ համայնքների բնակիչները հաստատակամ են եւ որեւէ կերպ չեն լքելու իրենց բնակավայրերը։

- Ճանապարհների անվտանգության տեսանկյունից ի՞նչ խնդիրներ կան այս պահին։

- Այս պահին ճանապարհի անվտանգության հետ կապված որեւէ խնդիր չկա։ Պաշտոնապես հայտարարում եմ՝ Գորիս-Կապան ճանապարհը պատշաճ կերպով վերահսկվում է ՀՀ ԱԱԾ սահմանապահ զորքերի կողմից։ Առիթից օգտվելով՝ պետք է ասեմ, որ երբ սահմանապահ զորքերի ծառայողները հեռախոսահամարներ են տրամադրում, դա նպատակ է հետապնդում, որ եթե ճանապարհի որոշակի հատվածում լինեն ինչ-որ խնդիրներ, ընդհուպ՝ տրանսպորտային միջոցների անսարքության հետ կապված եւ այլն, մարդիկ խուճապի չմատնվեն, զանգեն, եւ սահմանապահ զորքերի ներկայացուցիչներն անմիջապես օգնություն կցուցաբերեն. դա կլինի տեխնիկական, կենցաղային եւ այլն։

- Վարչապետը նաեւ ասաց, որ նախնական այդ հատվածների բնակիչների հետ կոմունիկացիա պետք է արվեր։ Նրանք տեղեկացված եղե՞լ են տեղի ունեցող գործողությունների մասին։

- Բնակիչների համար որոշակի անսպասելի իրավիճակներ եղել են, երբ ադրբեջանական սահմանապահ ստորաբաժանումները հայտնել են, որ այդ տարածքները պատկանում է իրենց, եւ այդ բնակիչները կոնտակտի մեջ են մտել նրանց հետ։ Բայց այս պահին սահմանապահ ստորաբաժանումները հրահանգավորել եւ հորդորել են բնակիչներին որեւէ կոնտակտի մեջ չմտնել որեւէ մեկի հետ ու նման խնդիրներ կամ մտավախություններ առաջանալու դեպքում կապ հաստատել իրենց հետ, որ խնդիրները լուծվեն նրանց միջնորդությամբ։

- Սյունիքում ի՞նչ վիճակ է տիրում, միայն Շուռնուխի եւ Որոտանի հե՞տ են կապված խնդիրները, թե՞ այլ խնդիրներ եւս կան, ինչպես մարզի որոշ համայնքապետեր ներկայացնում են։

- Իհարկե, խնդիր կա Կապանի հատվածում։ Սահմանները բավականին մոտ են ադրբեջանական սահմաններին։ Ամենամեծ խնդիրը, որ տեսնում եմ, անորոշ, տագնապալի իրավիճակն է։ Մարդիկ վախենում են իրենց անվտանգությունից, հատկապես՝ Կապանի բնակիչները։ Վախենում են երբեմն օգտվել Գորիս-Կապան ճանապարհից, որն անցնում է Որոտանով, այլ ճանապարհներից են փորձում օգտվել։ Սակայն պետք է այդ մտավախությունը վերացնել, քանի որ անվտանգային այս միջոցառումներն իրականացվում են։ Կարծում եմ՝ պետք է նաեւ Կապանի եւ, ընդհանրապես, սահմանամերձ բնակավայրերին արտոնություններ տալ, որ նրանք իրավունք ունենան որսորդական նշանակության ակոսավոր զենք կրել։ Սա որոշակի առումով կնվազեցնի իրենց մտավախությունները։

- Սահմանազատումների թեմայի մասին շատ է խոսվում, Սյունիքի համայնքապետերն էլ իշխանության հրաժարականն են պահանջում: Ի վերջո, ո՞րն է տեղի բնակիչների պահանջը, որպես սյունեցի պատգամավոր՝ ի՞նչ եք նկատել այս առումով։

- Շատ բացասական եմ գնահատում, որ պատերազմից անմիջապես հետո, երբ իրականացվում է շատ կարեւորագույն պրոցես՝ սահմանազատման, սահմանագծման եւ սահմանանշման աշխատանքներ, այս ամենն օգտագործվում է քաղաքական նպատակներով։ Սա ուղղակիորեն խոչընդոտում է այդ աշխատանքների արդյունավետ իրականացմանը։

Տպել
4942 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում