ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

Շուրջ 3 շաբաթ տեւած քննարկումներից հետո այսօր հայտարարվեց՝ վարչապետ Նիկոլ Փաշինյանի հրաժարականը պահանջող 17 ուժերի վարչապետի միասնական թեկնածուն ԱԺՄ նախագահ, նախկին վարչապետ Վազգեն Մանուկյանն է:

17 ուժերը, որոնք որոշել են հանդես գալ որպես Հայրենիքի փրկության շարժում, ՀՅԴ գրասենյակում տեղի ունեցած փակ նիստից հետո հայտարարություն տարածեցին՝ ընդգծելով, որ Վազգեն Մանուկյանը վարչապետ դառնալուն պես կասեցնելու է իր կուսակցական գործունեությունը, պարտավորվելու է 1 տարի հետո անցկացնել արտահերթ խորհրդարանական ընտրություններ, սակայն դրանց անձամբ չմասնակցել, չհավակնել վարչապետի պաշտոնին:

Ինչո՞ւ Վազգեն Մանուկյանը. թեկնածուի մասին հայտարարելուց հետո 17 ուժերից Հայ հեղափոխական դաշնակցության ներկայացուցիչ Իշխան Սաղաթելյանը պարզաբանեց՝ Վազգեն Մանուկյանն այն մարդն է, ով երկրին կբերի հանդարտություն, կայունություն, կկարողանա կազմակերպել առաջիկայում արտահերթ արդար, թափանցիկ ընտրություններ:

Հիշեցնելով Մանուկյանի վերաբերյալ հակասական կարծիքները եւ հավանաբար ակնարկելով նրա մասնակցությամբ նախկին ընտրությունների արդարության շուրջ մեղմ ասած կասկածները՝ լրագրողներից մեկը «Հայրենիք» կուսակցության նախագահ Արթուր Վանեցյանից հետաքրքրվեց, թե դա խնդիր չի՞ դառնա. «Անթերի մարդ աշխարհում չկա... Վազգեն Մանուկյանն ի՞նչ է՝ կոռուպցիոնե՞ր է, թալանչի՞ է, հայրենասեր չէ՞, անգրագե՞տ է, ի՞նչ է: Վազգեն Մանուկյանը մի մարդ է, որ եղել է Հայաստանի երրորդ Հանրապետության առաջին վարչապետը, մի մարդ է, որը եղել է Ղարաբաղ կոմիտեի ղեկավարը, մի մարդ է, որը բանակաշինության մեջ ունեցել է ամենամեծ լուման»,- պատասխանեց նա:

Ընդգծելով, որ որեւէ պարագայում չեն հայտարարել, որ չեղարկելու են Ղարաբաղի հարցով նոյեմբերի 10-ին ստորագրված եռակողմ փաստաթուղթը՝ Վանեցյանը նշեց, որ Վազգեն Մանուկյանն իր անցած ճանապարհով եւ ունեցած փորձով կարող է նստել բանակցային սեղանի շուրջ եւ լուծել Հայաստանի առջեւ ծառացած դժվարագույն խնդիրները:

Ինչ վերաբերում է ընտրվելու պարագայում սպասվող քայլերին՝ Վանեցյանն ասաց, որ այդ մասին Վազգեն Մանուկյանը կխոսի դեկտեմբերի 5-ին ժամը 15:00-ին Ազատության հրապարակում հրավիրված հանրահավաքում: «Եղավ առաջին քայլը: Բոլորին հետաքրքրում էր՝ եթե ոչ Նիկոլ Փաշինյանը, ապա ո՞վ, մենք հիմա ասացինք՝ մենք առաջադրում ենք Վազգեն Մանուկյանի թեկնածությունը: Ամսի 5-ի հանրահավաքին Վազգեն Մանուկյանը ելույթ կունենա եւ կներկայացնի առաջիկա անելիքների մասին հստակ ծրագիր»,- վստահեցրեց նա:

Իսկ առայժմ՝ գլխավոր հարցը շարունակում է մնալ այն, թե ինչպե՞ս է ընտրվելու Վազգեն Մանուկյանը: Խորհրդարանական երկրում վարչապետի հրաժարականը հնարավոր է՝ ԱԺ անվստահության դեպքում:

Վանեցյանը վստահ է. «Հանրության մեջ կա գրեթե 100 տոկոսանոց կոնսենսուս, որ Նիկոլ Փաշինյանը իրավունք չունի զբաղեցնել ՀՀ վարչապետի պաշտոնը: Այս մոտեցումը կա, ես համոզված եմ եւ նաեւ գիտեմ՝ խորհրդարանում: Միանաշանակ առաջնային մանդատ ունեցող մարմինը, այն է՝ Ազգային ժողովը, պետք է ի վերջո նոր վարչապետի ընտրության հարցը լուծի: Այսօր իրականում կա այդ պահանջը, որ նոր վարչապետ պետք է լինի: Ուղղակի պետք է շարունակենք մեծացնել հանրային ճնշման մեխանիզմները, եւ շատ կարճ ժականակում պատգամավորները դուրս կգան իրենց ներքին վախերից եւ կքվեարկեն ժողովրդի թեկնածուի օգտին»,- շեշտեց ԱԱԾ նախկին տնօրենը:

Հարցին, թե ինչպե՞ս է համոզվել, որ կա ժողովրդի 100 տոկոսանոց կոնսենսուս այդ հարցում, եթե մարդիկ փողոց դուրս չեն գալիս, Վանեցյանը նախ պատասխանեց, որ ժողովրդի քանակը չի որոշում՝ քաղաքական ճգնաժամ կա, թե ոչ, հետո նաեւ վստահեցրեց, որ շաբաթ օրը ժողովուրդը դուրս կգա փողոց: 

Ինչ վերաբերում է Ազգային ժողովի կողմից վարչապետին անվստահություն հայտնելուն, ապա ռազմական դրության պայմաններում դա անհնար է: Ռազմական դրության վերացումից հետո անհրաժեշտ է 44 պատգամավորի ստորագրություն՝ այդպիսի հարց նախաձեռնելու համար:

Ընդդիմադիր «Լուսավոր Հայաստանն» ու «Բարգավաճ Հայաստանը» միասին ունեն 41 ձայն: Բացի այն, որ նման նախաձեռնության համար նրանց անհրաժեշտ է եւս 3 պատգամավորի միացում, դեռեւս նույնիսկ այս երկու խմբակցությունները միասնական չեն:

Մինչեւ 17 ուժերի թվում վարչապետի հրաժարականը պահանջող ԲՀԿ-ն հանդես է գալիս Վազգեն Մանուկյանի թեկնածությունը սատարելու օգտին՝ ԼՀԿ-ն այսօր հայտարարեց՝ ունի վարչապետի սեփական թեկնածուն:

Տեղեկացնելով, որ «Լուսավոր Հայաստան» կուսակցության նախագահ Էդմոն Մարուքյանի հետ հանդիպել են ՀՅԴ ներկայացուցիչ Իշխան Սաղաթելյանին եւ տեղեկացել, որ իրենք որոշում են կայացրել, որ 17 կուսակցությունների վարչապետի թեկնածուն Վազգեն Մանուկյանն է։

Ըստ Գորգիսյանի, թեեւ երկուստեք արձանագրվել են իրենց դիրքորոշումներն առ այն, որ Փաշինյանը պետք է հրաժարական տա, սակայն Իշխան Սաղաթելյանին տեղեկացրել են, որ այս իրավիճակում անցումային վարչապետ կարող է ընտրվել մի մարդ, ով կամուրջները չի այրել կողմերից եւ ոչ մեկի հետ եւ նաեւ նա, ով ունի կոնկրետ քաղաքական թիմ, որն իր վարչապետի համար ունակ է կրել պատասխանատվություն։

«Ըստ այդմ՝ «Լուսավոր Հայաստան» կուսակցության վարչապետի թեկնածուն Էդմոն Մարուքյանն է. այս պահին եղած որոշման համաձայն՝ վարչապետի պաշտոնը թափուր մնալու դեպքում խմբակցությունն առաջադրելու է Էդմոն Մարուքյանին»,- ասվում է Գորգիսյանի հայտարարության մեջ։

Փաշինյանը, ինչպես հայտնի է՝ հայտարարել է, որ իր օրակարգում այս պահին հրաժարականի հարց չկա: Իսկ իշխող «Իմ քայլը»  խմբակցությունը չի կիսում 17 ուժերի ներկայացուցիչների վստահությունը, որ կա 100 տոկոսանոց կոնսենսուս վարչապետի հրաժարականի շուրջ եւ ճնշման ներքո ի վերջո խորհրդարանը կհասնի Փաշինյանի հրաժարականին:

Խմբակցության պատգամավոր Վիկտոր Ենգիբարյանն այդ կապակցությամբ մեզ հետ զրույցում ասաց.

- Հայաստանում կա մեկ հանրային ճնշում եւ դա այն ամենի դեմ է, ինչ կատարվում է այդ 17 ուժերի կողմից: Մեր քաղաքացիները այսօր ամուր կանգնած են մեր կողքին: Իհարկե մեծ դժբախտություն է տեղի ունեցել մեր երկրում, բայց բոլորը հասկանում են, որ այդ դժբախտությունը չի եղել եւ չէր կարող լինել կախված մեկ հոգու գործողությունների հետ: Ես նկատի ունեմ՝ եղել է բանակ, եղել է դիվանագիտական ապարատ, եղել են տարբեր պետական ինստիտուտներ, ու այդ ամենը կապել մեկ հոգու հետ շատ սխալ է: Այնպես որ հանրությունը այդ ամենը շատ լավ հասկանում է ու գիտակցում, եւ վարչապետի հրաժարականի հանրային պահանջ գոյություն չունի:

- Իսկ ի՞նչ կարծիք ունեք 16 ուժերի թեկնածուի մասին: Վստա՞հ եք, որ Վազգեն Մանուկյանին չի հաջողվի իր շուրջ կոնսոլիդացնել այնպիսի մեծ զանգված, որը կարողանա հասնել Փաշինյանի հրաժարականին:

- Ինչ վերաբվերում է Վազգեն Մանուկյանի անձին՝ ես այդ մասով որեւէ բան չեմ ասի, մեր քաղաքացիները ունեն լավ հիշողություն եւ Վազգեն Մանուկյանին շատ լավ ճանաչում են: Այո՛, ես վստահ եմ, որ ունեն իրենց աջաակիցների որոշակի քանակ, ես չեմ կարող ասել, թե էդ քանակը ինչքան կլինի, բայց դրան վերաբերվել որպես հանրային ճնշում՝ չենք կարող: Շատ ավելի մեծ աջակցություն ունի իշխող քաղաքական ուժը, եւ բնականաբար, որպես իշխող ուժ մենք հանրահավաքներ չենք անցկացնում: Եթե անցկացնենք՝ մարդկանց համար դա ակնհայտ կդառնա:

- Չե՞ք տեսնում վտանգ, որ «Իմ քայլի» ներկայացուցիչները կարող են լքել խմբակցությունը, կողմ լինել վարչապտի հրաժարականին:

- Ո՛չ, չեմ տեսնում: Ես բացառում եմ: Հաշվի առնելով այն մեծ ցնցումը, որ տեղի է ունեցել մեր երկրում, մի քանի հոգու մանդատ դնելը համարում եմ նորմալ, հատկապես որ մի մասը շատ ավելի վաղ էին այդպիսի որոշում կայացրել, քան պատերազմը կավարտվեր:

- Այսինքն շատ մեծ արտահոսք չեք սպասում:

- Ո՛չ, բացառում եմ:

Նշենք, որ Մանուկյանի առաջադրման առիթով այսօր շատերը հիշում էին 74-ամյա գործչի կենսագրության հետ առնչվող տարբեր դրվագներ՝ սկսած Սերժ Սարգսյանի կողմից նրան տրված բնորոշումից մինչեւ ահաբեկչություն:

Հիշեցնենք, որ 2007թ. փետրվարին Սերժ Սարգսյանն իր հարցազրույցում անդրադառնալով Վազգեն Մանուկյանի՝ իշխանություններին ուղղված «իդիոտ» որակավորմանը` ասել էր. «Իդիոտը ինքն է, որ չի կարողանում այս կյանքում իր տեղը գտնել եւ ամեն անգամ ավանտյուրաներով փորձում է հասնել նրան, որ իր մասին չմոռանան»:

Իսկ այսօր Սերժ Սարգսյանն իր ֆեյսբուքյան էջում տեղադրել էր Մանուկյանի հետ իր լուսանկարը: 

ԱԺ պատգամավոր Արման Բաբաջանյանն էլ, օրինակ, Մանուկյանի առաջադրման առիթով ֆեյսբուքյան իր էջում անդրադարձել էր Հոկտեմբերի 27-ի ոճրագործությանը եւ նախորդ տարի այդ ոճրագործության պարագլուխ Նաիրի Հունանյանի հետ իր հանդիպումը ԱԱԾ մեկուսարանում. «Վազգեն Մանուկյանը ահաբեկիչների այս խմբի առաջնորդի՝ Նաիրի Հունանյանի հետ ինտենսիվ շփումների մեջ է եղել մինչեւ ոճրագործության իրականացումը:

Զրույցի ընթացքում Վազգեն Մանուկյանի անվան մի քանի անգամ հիշատակումը, նրա հանդիպումներից ոգեւորված փաստի արձանագրումը Նաիրի Հունանյանի կողմից, ուղղակի ինձ համար համոզիչ է դարձնում, որ Վազգեն Մանուկյանը կարեւոր դերակատարություն է ունեցել Նաիրի Հունանյանի տրամադրությունների ձեւավորման գործում:

Ենթադրում եմ, որ այդ շրջանում, անձնական դրդապատճառներով, Վազգեն Մանուկյանը քաղաքական վենդետա էր պլանավորել եւ իր գլխավոր հակառակորդը համարել է Վազգեն Սարգսյանին:

«Ընդդիմության» վարչապետի թեկնածուն մի անձ է, ով երկրորդական դեր չի խաղացել Նաիրի Հունանյանի նպատակադրման իրագործման գործում: Ես չեմ կարող ասել՝ Վազգեն Մանուկյանը Նաիրի Հունանյանին ուղղորդել է նման հանցագործության, բայց վստահ եմ, որ նրա [Նաիրիի] ցանկություններն ինչ-որ իմաստով հասունացրել է նաեւ Վազգեն Մանուկյանը, որն էլ ի վերջո հանգեցրել է այդ ոճրագործության իրականացմանը»:

Ոմանք էլ հիշել էին, որ արդար ընտրությունների պահանջով թեկնածու են առաջադրում ուժեր, որոնք տարիներ շարունակ կեղծել են ընտրությունները: Այդ իմաստով առավել հայտնի օրինակ է այն, որ 17 ուժերի թվում է ԲՀԿ-ն, որի առաջնորդը մեղադրվում է 2017-ի խորհրդարանական ընտրությունների ժամանակ ընտրակաշառք տալը կազմակերպելու մեջ:

Այս ամենից զատ՝ հետաքրքրական է նաեւ այն, որ ինքը՝ Վազգեն Մանուկյանը, վերջին անգամ ընտրություններին մասնակցել է 2008 թվականին եւ ստացել 1 տոկոս ձայն: 2009-ից նա Հանրային խորհրդի նախագահն էր եւ այդ պաշտոնից ազատվեց հեղափոխությունից հետո: Հանրային խորհրդի այն ժամանակվա անդամ Ստյոպա Սաֆարյանը ՀԺ-ին տված հարցազրույցում հայտարարել էր, որ վարչապետը առաջարկել էր, որ Հանրային խորհուրդն իր լիազորությունների դաշտում պարզի արցախյան խնդրով հանրության շրջանում առկա կոնսենսուսը, հասկանա, թե ի՞նչ է ուզում հանրությունը, սակայն Մանուկյանը հայտարարել էր, որ չի անելու դա:

Տպել
8127 դիտում

Արմեն Սարգսյանը Մոսկվայում հարգանքի տուրք է մատուցել լեգենդար հետախույզներ Գևորգ և Գոհար Վարդանյանների հիշատակին

Մայիսյան եռատոնը պետք է մնա եռատոն, թեկուզև ժամանակավորապես խեղված խորհրդով. Արտակ Բեգլարյան

Խաշոկջիի սպանությունից ի վեր Թուրքիայից առաջին անգամ պաշտոնյա կմեկնի Սաուդյան Արաբիա

3800-4200 մարդ է մասնակցում Քոչարյանի «հեռահավաքին» 16:25-ի դրությամբ. Civic

Այս գիշեր ցուրտ ցիկլոն է ներթափանցելու Հայաստան. սպասվում է ինտենսիվ անձրև, կարկուտ, ձյուն, ուժգին քամի

Երևանում երթուղայինի հրդեհումից այրվել է նաև մոտակա կանգառի գովազդային վահանակը (լուսանկարներ)

Նիկոլ Փաշինյանը պետական պարգևներ է հանձնել մի շարք զինծառայողների (լուսանկարներ, տեսանյութ)

Հարգանքով ենք հիշում մեր ընդհանուր հերոսներին. ՀՀ նախագաhին շնորհավորել է Տաջիկստանի նախագահը

Մաղթանքս մեկն է՝ խաղաղ երկինք. Գյումրիում անցկացվեց ՀՀ և ՌԴ զինված ուժերի զինծառայողների համատեղ շքերթ (լուսանկրաներ)

Նիկոլ Փաշինյանը չնախատեսված կանգառներ է ունեցել Վարդենիս եւ Ծովակ համայնքներում

Քոչարյանն ու դաշինքը մարդկանց հավաքել են Ազատության հրապարակում, իրենք ելույթ են ունենում «Գրանդ հոթել Երևան»-ից. Civic

Իսպանիայում ՀՀ դեսպանը Մադրիդում ներկա է գտնվել Մեծ հայրենականի տարելիցի միջոցառումներին

Հայրենական պատերազմում հաղթանակի տարեդարձի առթիվ Ա. Սարգսյանին շնորհավորական ուղերձներ են հղել Ղազախստանի նախագահները

Հաղթանակի ու խաղաղության տոնին Սուրբ պատարագ է մատուցվել Գայանե վանքում

Հրդեհ Գյումրի քաղաքում. այրվել է տան տանիք

Նիկոլ Փաշինյանը ԶՈւ ԳՇ պետ Արտակ Դավթյանի ուղեկցությամբ այցելել է Գեղարքունիքի մարզի N զորամաս

Երևանում թիվ 31 երթուղին սպասարկող ГАЗель-ում հրդեհ է բռնկվել. վարորդը էվակուացրել է ուղևորներին

Արմավիրում 28-ամյա վարորդը ոչ սթափ վիճակում Toyota Camry-ով մխրճվել է հոտի մեջ. 31 գառ տեղում սատկել է, 7-ը՝ վիրավորվել

Երևանում կանխվել է ինքնասպանության փորձը Հաղթանակի կամրջից

Արայիկ Հարությունյանն ու Գագիկ Ծառուկյանը քննարկել են Արցախում սոցիալ-տնտեսական և հումանիտար ծրագրերի իրականացումը

Կյանքից հեռացել է Հասմիկ Կիրակոսյանը

Արցախի նախագահը Մայիսյան եռատոնի առթիվ այցելել է Ստեփանակերտի հուշահամալիր

Վլադիմիր Պուտինը Հայրենական մեծ պատերազմում հաղթանակի 76-ամյակի առթիվ ուղերձ է հղել Արմեն Սարգսյանին

Համոզված եմ, որ մենք կվերակենդանանանք և, անկասկած, կկերտենք մեր հաղթական ապագան. Արթուր Թովմասյան

Արցախում Մայիսի 9-ի միջոցառումները մեկնարկել են խաչերթով

Արմեն Սարգսյանի անունից ծաղկեպսակ է դրվել Անհայտ զինվորի հուշակոթողի մոտ

Հաղթանակի և խաղաղության տոնի առթիվ Նիկոլ Փաշինյանն այցելել է «Հաղթանակ» զբոսայգի (լուսանկարներ)

Նիկոլ Փաշինյանը Մայիսի 9-ի առթիվ շնորհավորական ուղերձներ է հղել Վլադիմիր Պուտինին և Միխայիլ Միշուստինին

Նիկոլ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերածների հիշատակին (լուսանկարներ)

Մենք պարտք ունենք մեր նահատակների ու նոր սերնդի առջև. Ամենայն հայոց կաթողիկոս

Շորժա գյուղում բնակելի տունէ հրդեհվել

Հաստատվել է կորոնավիրուսային հիվանդության 178 նոր դեպք. առողջացածների թիվը գրեթե եռակի է

Դավաճանած կլինենք նրանց հիշատակը, եթե չկառուցենք ամուր պետություն, որը կապահովի Արցախի վերածնունդը. Նիկոլ Փաշինյան

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան