«Սա ոչ թե քրեական գործ է, այլ դրա քողի տակ քաղաքական հետապնդում»․ Քոչարյանի գործով նիստը այսօր հետաձգվեց

Երեւանի ընդհանուր իրավասության դատարանի Շենգավիթի նստավայրում այսօր նշանակված էր Մարտի 1-ի գործով դատական նիստը, որը, սակայն, հետաձգվեց Արմեն Գեւորգյանի պաշտպան Էրիկ Ալեքսանյանի բացակայության հիմքով։  Հաջորդ դատական նիստը նշանակվեց դեկտեմբերի 8-ին՝ ժամը 13։00-ին։

Նախքան նիստի հետաձգվելը լրագրողների հետ զրուցեց Ռոբերտ Քոչարյանի պաշտպան Հայկ Ալումյանը։ Նա անդրադարձավ ՀՀ վարչապետ Նիկոլ Փաշինյանի այն հայտարարությանը, ըստ որի՝ ինքը խնդրել է մեղադրող դատախազներին չառարկել Քոչարյանի անձնագիրը վերադարձնելու դեմ, եւ ասաց, որ դա եւս մեկ ապացույց է, որ առկա է քաղաքական հետապնդում, եւ որ Դատախազությունը այս գործով հնազանդ կերպով կատարում է Նիկոլ Փաշինյանի քմահաճույքները․ «Մենք դեռեւս 2019 թվականից հայտարարում ենք, որ սա ոչ թե քրեական գործ է, այլ դրա քողի տակ քաղաքական հետապնդում, եւ ընթացքում բազմաթիվ ապացույցներ կարողացանք վկայակոչել՝ սկսած հայտնի գաղտնալսումից, դատարանները արգելափակելուց»։

Հարցին՝ քննարկե՞լ է վարչապետի այդ հայտարարության հիմքով մեղադրող դատախազներին բացարկի միջնորդություն ներկայացնելու հարցը, Ալումյանը պատասխանեց, որ դեռեւս չեն քննարկել, բայց իր կարծիքն այն է, որ դա անօգուտ կլինի․ «Իհարկե, դատախազները ակնհայտորեն բացարկման ենթակա են, ուղղակի հաշվի առնելով, որ այս ամենը կատարվում է գլխավոր դատախազի գիտությամբ եւ ցուցումով՝ դժվար է պատկերացնել, եթե այս դատախազները հեռացվեն, նորերը գան, ի՞նչ կարող է փոխվել»։

Անդրադառնալով վարչապետի եւ դատական իշխանության ներկայացուցիչների հետ երեկվա հանդիպմանը՝ Հայկ Ալումյանն ասաց․ «Սկսենք նրանից, որ վարչապետը ոչ թե հանդիպեց դատավորների հետ, այլ կանչեց դատավորներին, եւ նրանք շտապեցին ներկայանալ, ինչը շատ ցավալի է․ եթե մենք հավակնում ենք մաս կազմել քաղաքակիրթ աշխարհի, ապա իշխանության գործադիր ճյուղը չպետք է կարողանա դատավորներին սուլոցով կանչել իր նստավայր կամ հրահանգել, որ գան, իսկ դատավորներն էլ իրենց հերթին պիտի ունենան մասնագիտական՝ բավարար չափով արժանապատվություն, որ եթե որեւիցե վարչապետ հանդգնի կանչել, ապա չգնան»։

Ալումյանը նշեց, որ մի շարք քրեական գործերով դատարանները մերժել են կալանավորման միջնորդությունները, եւ իր ընկալմամբ՝ այդ գործերը վարչապետի ուշադրության ներքո են եւ քաղաքականապես զգայուն գործեր են․ «Մի ուրիշ հարց էլ կա․ Վարչական դատարանը, գիտեք, որոշում է կայացրել, որով կասեցրել է հավաքների արգելքը, եւ հետաքրքիր է, որ վարչապետը կանչել էր այն ատյանների ղեկավարներին, որոնք այս երկու հարցերի համար «պատասախանատու» են, այսինքն՝ ակնհայտորեն նպատակ ունի ճնշում գործադրել դատարանների վրա դատարանների նախագահների միջոցով»։ Ալումյանը նշեց, որ դատարանների ուժի մեջ մտած որոշումները քննարկման առարկա դարձնելը նոնսենս է։ Հարցին՝ դա կարո՞ղ է իրավական հետեւանք ունենալ, փաստաբանը պատասխանեց, որ առնվազն Եվրոպական դատարանում կարող է․ «Մենք ՄԻԵԴ-ում ունենք բազմաթիվ գանգատներ եւ մեր գլխավոր շեշտերից մեկն այն է, որ ՀՀ-ում անկախ եւ անկողմնակալ դատարան այս կարգի գործերով չկա, մենք բազմաթիվ փաստեր ենք ներկայացրել, հիմա կներկայացնենք նաեւ այս փաստը, վարչապետը իր գործողություններով մեզ բավականին օգնում է ՄԻԵԴ-ում մեր գործերով հիմնավորել այն, ինչ ուզում ենք, կես կատակ-կես լուրջ ես նույնիսկ ասում եմ՝ երբ շահենք գործը, մեր վարձատրության մի մասով երեւի կիսվենք վարչապետի հետ»։

Անդրադառնալով ԲԴԽ նախագահ Ռուբեն Վարդազարյանի՝ օրերս տարածած հայտարարությանը՝ Ալումայնն ասաց, որ «վնգստացող դատավորների թեման նոր չպիտի բարձրացված լիներ, այլ 2018 թվականից սկսած, եւ այդ ժամանակ ճիշտ ձեւով բարձրաձայնելու դեպքում հիմա չէին ունենա շատ ու շատ պրոբլեմներ։

Լրագրողները հետաքրքրվեցին նաեւ՝ արդյո՞ք պաշտպանները պատրաստվում են քայլեր ձեռնարկել Ռոբերտ Քոչարյանի կորոնավիրուսի թեստի պատասխանը քննության առարկա դարձնելու ուղղությամբ, Հայկ Ալումյանը պատասխանեց․ «Այս հարցը դեռ պատրաստ չենք հրապարակայնորեն ներկայացնել, մեր մեջ, իհարկե, քննարկելու ենք, որոշ քայլեր լինելու են, բայց դեռ պատրաստ չենք հրապարակայնացնել»։

Խոսելով Ռոբերտ Քոչարյանի վերաբերյալ վճռաբեկ բողոքներից՝ Հայկ Ալումյանն ասաց, որ տուժողների եւ դատախազների բողոքները վարույթ են ընդունվել խախտումներով․ «Տուժողները իրավունք չունեն բողոքարկել կալանավորման հետ կապված որոշումները»։ Նա հիշեցրեց, որ դեռ 2018 թվականին, երբ Վերաքննիչ դատարանի դատավոր Ալեքսանդր Ազարյանի որոշմամբ Ռոբերտ Քոչարյանն ազատ էր արձակվել, տուժողները դարձյալ վճռաբեկ բողոք էին ներկայացրել, բայց այն վարույթ չէր ընդունվել հենց նույն հիմնավորմամբ․ «Այսինքն՝ Վճռաբեկ դատարանը նույն գործով ավելի վաղ կայացրած իր որոշումներին չի հետեւում, բա ո՞նց է պատկերացնում մյուս դատական ատյանների հեղինակությունը»,- ասաց նա։

Տպել
1631 դիտում

Աղվան Հովսեփյանը 100 մլն դրամ գրավի դիմաց ազատ կարձակվի

Հորս առևանգման փաստով քիչ առաջ ձերբակալվեց ՀՅԴ ԳՄ անդամ, ԱԺ նախկին պատգամավոր Սուրեն Մանուկյանը. Խաչատուր Քոքոբելյան

Հայաստանի շախմատի հավաքականները ժամանել են հայրենիք

«Արվեստանոց» նախագիծը՝ ժամանակակից արվեստագետներին ներկայացնելու հարթակ

Թևոսյան փողոցում գտնվող ավտոբուսների հիմնական հավաքակայանն առաջիկայում կվերանորոգվի և այնտեղ կտեղակայվի նոր ավտոբուսներ

Գյումրեցի ծանրորդուհին նվաճել է 3 ոսկե մեդալ

Քննարկվել են Հենրիկ Սիրավյանի «Պատմություն և ներկա» որմնանկարի պահպանության հարցերը

2 մլրդ 734 մլն դրամ՝ 3 ճանապարհատվածում շինարարարական աշխատանքներ իրականացնելու համար

Հայաստանի և Թուրքիայի միջև բանակցությունները կարող են տեղի ունենալ սեպտեմբերին

Կառավարությունը հաստատեց անձնական օգնականի ծառայություն տրամադրելու կարգը և պայմանները

Մարդիկ պետք է հասկանան, որ գիտությամբ զբաղվելով նույնպես հնարավոր է բարեկեցիկ կյանք ունենալ. Մխիթար Հայրապետյան

Անբավարար տեխնիկական վիճակով բնակֆոնդի հիմնախնդրի կանոնակարգման քննարկումներն ընթացքի մեջ են

Օհան Դուրյանի արձանի պատրաստման և տեղադրման համար կտրամադրվի 20 մլն դրամ

Լարսում արագ փչացող ապրանքներով բեռնատարներն անցնում են առանց հերթի

Հայաստանի ֆուտբոլի Մ-17 հավաքականը մարզական հավաք կանցկացնի

Վանաձորի որոշ հասցեներում գազամատակարարումը ժամանակավորապես կդադարեցվի

Արդեն որերորդ անգամ ու որերորդ տեղից լսում եմ, թե ինչ գարշելի ստեր են տարածվում ՔՊ-ի և մասնավորապես իմ մասին. Ալեքսանյան

Արցախում հերթական հանցագործության դեպքն է բացահայտվել համակարգչային տեխնիկայի կիրառմամբ

Օդի ջերմաստիճանը կհասնի +40․․․+42 աստիճանի. ինչ եղանակ է սպասվում առաջիկայում

Կադաստրի կոմիտեի ղեկավար Սուրեն Թովմասյանն արձակուրդ կմեկնի

Տաթև-Աղվանի ճանապարհահատվածում 500 մետրից ավելի քիչ հատված է մնացել և օգոստոսի 12-ից փոսերը կվերացվեն. Գնել Սանոսյան

Բարձր տեխնոլոգիական արդյունաբերության նախարարությունը 5 ուղղությամբ սկսում է կրթական ծրագրերի հերթական փուլը (տեսանյութ)

Ժամանակավորապես կդադարեցվի հետևյալ հասցեների էլեկտրամատակարարումը

Սուրբ Աստվածածնի Վերափոխման տոնը կնշվի օգոստոսի 14-ին

Ծովինարի երկու բնակչի՝ միմյանց նկատմամբ ֆիզիկական ներգործություն կատարելու դեպքի առթիվ նախաձեռնվել է քրեական վարույթ

Նորոգվում է Գյումրի-Կապս-Ամասիա հանրապետական նշանակության ճանապարհը

Օգոստոսի 10-ից մեկնարկել է թարմ մսի վաճառքի ուժեղացված վերահսկողությունը (տեսանյութ)

Օգոստոսի 12-25-ը մայրաքաղաքում կանցկացվի «Սիմֆոնիկ Երևան» միջազգային երաժշտական փառատոնը (տեսանյութ)

Սուրեն Պապիկյանն այցելել է ՊՆ պաշտպանական ազգային հետազոտական համալսարան

Շիրակի մարզի Անի խոշորացված համայնքում «Քաղաքացիական պայմանագիր» կուսակցության թեկնածուն Արման Սարիբեկյանն է

ՀՀ-ն ունի դաշնակից ՌԴ-ի քայլերը քննելու իրավունք, որովհետև դաշնակից լինել, նշանակում է շահերի համադրում. Բաբաջանյան

Զինծառայողը կրծքավանդակին հրազենային վիրավորում ստացել է իրեն ամրակցված ինքնաձիգից․ նախաձեռնվել է քրեական վարույթ

ՄԻՊ աշխատակազմի ներկայացուցիչները տեսակցել են ադրբեջանական ԶՈւ կրակոցներից վիրավորում ստացած զինծառայողներին

ՀՀ վարչապետն Իրանի նախագահին մանրամասներ է ներկայացրել ՀՀ-ի և Ադրբեջանի միջև սահմանային վերջին միջադեպերի վերաբերյալ

Օպերատիվ իրադրությունը շփման գծում հարաբերականորեն կայուն է եղել. Արցախի ՊՆ

Զորամասի կրակային դիրքում հայտնաբերվել է ժամկետային զինծառայողի դի

Երևան-Իրան միջպետական ճանապարհահատվածի երթևեկությունը վերականգնվել է

Սեփական դաշտում առաջին խաղը հաղթանակ բերեց «Սյունիքին» (լուսանկարներ)

Մեկ օրում հանրապետությունում արձանագրվել է 15 ՃՏՊ, կան 4 զոհ, 18 վիրավոր

Կորոնավիրուսով վարակման դեպքերը կրկին շատանում են. ստացիոնար բուժում ստացողների 80 տոկոսը չպատվաստվածներն են (տեսանյութ)