Այսօր ռեկորդային բարձր է թե կորոնավիրուսի նոր դեպքերի թիվը, թե տոկոսն՝ ըստ արված թեստերի քանակի և թե մահերի թիվը

Այսօր մեր երկրում կորոնավիրուսային երեք հակառեկորդ է գրանցվել՝ մեկ օրում գրանցված դեպքերի թիվը, հաստատված դեպքերի տոկոսային հարաբերությունը կատարված թեստերի թվին և մահերի թիվը:

Եթե չհաշվենք վերջին շաբաթվա հետզհետե բարձրացող թվերը (1200-1600 դեպք օրական), ապա կորոնավիրուսի հաստատված դեպքերի ամենաբարձր թվերը մեր երկրում գրանցվել էին հուլիսին՝ 700-800 դեպք օրում: Արդեն հոկտեմբերի 21-ի ժամը 11-ի դրությամբ հաստատվել է կորոնավիրուսային հիվանդության 1836 նոր դեպք՝ կատարված 4340 թեստավորումից։ Այսպիսով, դրական է եղել թեստերի 42.3 տոկոսը: Հաստատված դեպքերի տոկոսային հարաբերակցության բարձրակետը՝ 37 տոկոս, գրանցվել էր հուլիսին:

Նախորդ օրվա ընթացքում մահացել է 20 վարակակիր։ Կորոնավիրուսից մահվան ցուցանիշների երկու բարձրակետերը եղել էին հունիսին և հուլիսին՝ 18-ական դեպք մեկ օրում:

Առաջին անգամ մահացողների մեջ է եղել երեխա՝ 16 տարեկան, սակայն նշենք, որ նա ունեցել է ուղեկցող բավական ծանր հիվանդություն՝ ուղեղի չարորակ նորագոյացություն, որի մասնակի հեռացումից հետո չի կարողացել քայլել, խոսել:

Արձանագրվել է, որ առողջացած է 485 մարդ: Այժմ բուժվում է մոտ 18 հազար վարակակիր:

Կորոնավարակակիրների թվի աճն այս պահին մտահոգիչ է հատկապես այն պատճառով, որ առողջապահական ռեսուրսներն անհրաժեշտ է, որ տրամադրվեն առաջին հերթին պատերազմի դաշտից բերվող վիրավոր զինվորներին, հրետակոծվող ու ռմբակոծվող քաղաքներից ու գյուղներից բերվող քաղաքացիական անձանց բուժսպասարկմանը: Պատերազմի պայմաններում կորոնավիրուսի տարածումը կանխարգելելուն ուղղված որոշումները՝ փակել որոշ բնակավայրեր, չվերագործարկել աշխատանքները որոշակի ոլորտներում և այլն, որոնցով վարակի տարածումն են կանխարգելել մինչ այս, հիմա կարող են հավելել դժվարությունները առաջնագծին պատշաճ սպասարկում ապահովելու առումով:

Ի՞նչ է հնարավոր անել այս մահաբեր պարույրը կտրելու համար, ի՞նչն է դրա հիմնական պատճառը, և ի՞նչ կանխատեսումներ է հնարավոր անել՝ հիմնվելով հաշվարկների վրա. «Հայկական ժամանակ»-ի հարցերին է պատասխանել Առողջապահության նախարարության հասարակայնության հետ կապերի բաժնի պետ Լիլիթ Բաբախանյանը:

Նրա խոսքով՝ բարձր թվերի պատճառը բնակչության շարժունության բարձրացումն է և հակահամաճարակային կանոններին չհետևելը. իսկ հաստատված դեպքերի մեծ թվից հետևում է, որ առավել շատ հիվանդներ են հայտնվում ծանր վիճակում, և մահանում է, որպես կանոն նրանց որոշ տոկոսը, ինչը մեծ թվերի պարագայում,  ցավոք, առավել մեծ թիվ է: «Իրավիճակն այնպիսին է, որ մենք անդադար կոչեր ենք անում, անդադար խնդրում ենք, հորդորում ենք պահպանել կանոնները՝ դիմակ կրել, սոցիալական հեռավորություն պահել, ձեռքները պարբերաբար ախտահանել, որպեսզի մեղմվի այս պատկերը, որպեսզի կարողանանք մեր ողջ ներուժն ուղղել վիրավորներին»,- ասաց նա:

Հարցին, թե ըստ հաշվարկների՝ ինչպիսի դրություն է սպասվում առաջիկա շաբաթներին, Բաբախանյանը պատասխանեց. «Կանխատեսումները լիովին կախված են բնակչության՝ մեր բոլորիս վարքագծից. այս պահին դեռ դեղ չկա, պատվաստում չկա, հնարավոր է միայն կանխարգելել, որի արդյունավետությունը մենք ամռանը տեսել ենք:  Ուրեմն պիտի այդ ամենը հաշվի առնենք: Հիմա մենք իրավունք չունենք թուլանալու»:

Մեր խմբագրությունը բողոք է ստացել, որ հիվանդի վիճակը վատթարացել է ժամանակին հետազոտություններ չանելու և չհոսպիտալացնելու պատճառով։ Այս տեղեկությանն արձագանքելով՝ Լիլիթ Բաբախանյանը չբացառեց թերացման հնարավորությունը, սակայն ընդգծեց. «Բողոքներին կարող ենք արձագանքել, եթե լինի որոշակի հիվանդանոցի կամ որոշակի բժշկի հետ կապված ահազանգ: Բողոքը կարող է լինել առանց անուն-ազգանունի: Եթե կա փաստ, ապա այդ մասին պետք է հաղորդել, որին նոր միայն կարող ենք արձագանքել, հարցը քննել»:

Ենթադրությունը, թե հնարավոր է, որ վիրավորներով ծանրաբեռնված լինելու պատճառով հիմա առողջապահական համակարգը որոշել է հոսպիտալացնել հիվանդներին միայն ծայրահեղ անհրաժեշտության դեպքում՝ Լիլիթ Բաբախանյանը հերքեց. «Հիմա մեզ մոտ հստակ է՝ ո՛ր հիվանդանոցներն են զբաղվում կորոնավիրուսով հիվանդներով, որո՛նք են ընդունում վիրավորներին: Կարող եմ հստակ ասել, որ այն հիվանդանոցները, որ պիտի բուժեն կորոնավիրուսով հիվաններին, շարունակում են իրենց աշխատանքը, ընդունում հիվանդներին՝ ըստ բժշկական ցուցումների. նույնկերպ և իրենց աշխատանքն են շարունակում պոլիկլինիկաները, որ մայիսի 28-ից սկսել են հետևել տանը բուժվող կորոնավիրուսով հիվանդներին: Իհարկե, կարող են լինել նաև բացթողումներ, բայց դրանց մասին պետք է հաղորդեն հասցեական, որ դրանք քննվեն»:

Նշենք, որ աշխարհում կորոնավիրուսով վարակվածների՝ պաշտոնապես հաստատված թիվը մոտենում է 41 միլիոնի, բուժվել է մոտ 28 մլն-ը, մահացել 1.12 մլն-ը: Ժամանակ առ ժամանակ նկատվում է ընդհանուր առմամբ մեկ օրում վարակվածների թվի անկում, սակայն այն հետևողականորեն աճում է. հիմա արդեն մեկ օրում արձանագրվում է շուրջ 350 հազար նոր վարակակիր:

Մեր երկրի դեմ ագրեսիա սանձազերծած Ադրբեջանում այսօր հաստատվել է 331 վարակման նոր դեպք, և կորոնավիրուսից 4 մահվան դեպք: Եվ թեպետ 8 մլն-անոց բնակչությամբ երկրի համար այս թիվը մեծ չէ, սակայն հոկտեմբերի 19-ից փակ են Բաքվի մետրոն, դպրոցները, բուհերը։ Իշխանությունները պահանջել են առանց հատուկ անհրաժեշտության փողոց դուրս չգալ:

Իհարկե, հիշում ենք, որ կորոնավիրուսի թվերը ոչ միայն առողջապահական ցուցիչներ են աշխարհում, այլև՝ քաղաքական, տնտեսական ու հասարակական գործոններ. տարբեր երկրների իշխանությունները կորոնայով են պայմանավորել բողոքի ակցիաների արգելքները, զբոսաշրջիկներին ընդունելը կամ երկրի սահմանները փակելը, երկրի որոշ հատվածներ փակելը կամ կարանտինային ռեժիմ սահմանելը և այլն: Հասարակական գործիչները բազմիցս դժգոհել են, փաստարկներ են ներկայացրել նմանատիպ որոշումների՝ քաղաքական հիմք ունենալու մասին, իսկ ոստիկանները ցրել են հավաքները, տուգանել մասնակիցներին: Եվ ահա Ադրբեջանում այսօր կորոնավիրուսը, ըստ թալիշ և լեզգի վերլուծաբանների, բնիկ ժողովուրդներին ենթարկեցնելու գործիքներից մեկն է դարձել մարտադաշտում հազարավոր սպանվածների համար բողոքի ցույցերից խուսափելու համար:

Ինչպես երկու օր առաջ նշել էր լեզգի քաղաքական-հասարակական գործիչը «Վոլնա Կասպիա» ալիքով հեռարձակված իր կոչում, Ադրբեջանում արդեն իսկ սկսվել է լեզգիների ցեղասպանություն: Վերլուծաբանները նշում են, որ բնիկ ժողովուրդներին իրավազուրկ պահելը, իսկ պատերազմի ժամանակ առաջնագիծ ուղարկելու մասին բարձրաձայնողներին լռեցնելը Ադրբեջանում այս հանրույթներին փակուղային վիճակում դնելու հստակ քաղաքականություն է: Թալիշ քաղաքական վերլուծաբանն էլ կանխատեսել է, որ կփակվեն իրենց բնակավայրերը, և նույնիսկ պատերազմի ավարտից հետո տևական ժամանակ իրենք հնարավորություն չեն ունենա գնալ Բաքու և բողոքել. նրա տեղեկություններով՝ անանուն եղբայրական գերեզմանոցներում դիերը «կորցնելը» ավանդույթ է դեռ 90-ականների պատերազմից, և թերևս հենց այդ նպատակով են արդեն իսկ փակվել Բաքվի շրջակա բնակավայրերը, ուր թույլ են տալիս մտնել միայն շտապ օգնության աշխատակիցներին և տեխնիկա տանող մեքենաների վարորդներին:

Հիշեցնենք. Հայաստանում պատերազմի 24-րդ օրն է: Հակառակորդը կորոնավարակն օգտագործում է՝ ըստ իր շահերի: Մեր երկրում առողջապահության համակարգը պայքարում է երկու ճակատով՝ բնակչությանը պարբերաբար ներկայացնելով իրավիճակը թե այս և թե այն տիրույթում. և երկու ճակատում էլ առողջապահական վիճակն օր օրի ծանրանում է: Եվ թիկունքը պարտավոր է օգնել սահմանին ու բժիշկներին՝ գոնե խուսափելով առավել ծանրաբեռնել նրանց: Հարկ է ձգտել չհիվանդանալ ու չվարակել այլոց բոլոր հնարավոր միջոցներով. վստահաբար դա ավելի դժվար չէ, քան մեր առաջնագծի մարտիկների գործը՝ վայրենաբարո թշնամու դեմ օրուգիշեր մարտնչելը:

Տպել
2334 դիտում

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում