Ովքե՞ր են ցուցարարների իրական դաշնակիցները

20/09/2020 schedule19:06

Գրեթե օր չի լինում, որ կառավարության շենքի դիմաց ինչ-որ հարցով բողոքի ակցիա չլինի։ Երբեմն բողոքի ցույցեր են լինում նաեւ Երեւանից դուրս՝ մի տեղ խաղողի մթերման գներից ու ծավալներից դժգոհներն են ճանապարհ փակում, մի այլ տեղ համայնքապետարանի գործունեությունից են դժգոհ եւ այլն։ Այդ ակցիաների ժամանակ մարդիկ պահանջներ են ներկայացնում իշխանություններին, քննադատում՝ հաճախ ամենակոշտ բառերով, բայց դա անում են ոչ թե այն պատճառով, որ իշխանություններին ավելի քիչ են վստահում, քան ընդդիմությանը, այլ որովհետեւ իրենց խնդիրների լուծումն ակնկալում են իշխանություններից, եւ ոչ թե ընդդիմությունից։ Ընդդիմադիր լրատվամիջոցներն էլ, իհարկե, լայնորեն լուսաբանում են այդ ակցիաները (ու ճիշտ են անում), ընդդիմադիր գործիչները բողոքողներին սատարող ու «նրանց կողքին կանգնելու» վճռականություն արտահայտող ելույթներ են ունենում, եւ դա նույնպես հասկանալի է՝ իշխանություններից դժգոհ ցանկացած խավ ընդդիմության պոտենցիալ աջակիցն է։ Բողոքողներին էլ, ի դեպ, դուր է գալիս ընդդիմության այդ «սրտացավ» վերաբերմունքը, որովհետեւ թեեւ հասկանում են, որ ընդդիմադիր ուժերը պարզապես ձգտում են օգտագործել իրենց՝ հանուն սեփական շահերի, բայց նաեւ գիտակցում են, որ որքան իրենց բողոքն ավելի լուրջ քաղաքական գործոն դառնա՝ այնքան մեծ կլինի հավանականությունը, որ իշխանությունները կընդառաջեն իրենց պահանջներին։ Այդ պատճառով էլ տպավորություն է ստեղծվում, թե գոնե կարճաժամկետ կտրվածքով բողոքողներն ու ընդդիմությունը դաշնակիցներ են, որովհետեւ նրանց շահերը համընկնում են։

Բայց արդյո՞ք այդպես է իրականում։ Տեսեք՝ մի տեղ հագուստ ու կոշիկ ներկրողներն են բողոքում ու կարգավորումներ պահանջում, մի ուրիշ տեղ՝ խաղողագործները, Ռուսաստան մեկնել ցանկացողները, «ոստիկանական բեսպրեդելից» դժգոհները եւ այլն, ու տվյալ դեպքում կապ չունի, թե ով է ճիշտ, ով՝ սխալ։ Մի դեպքում կարող են իշխանությունները սխալ լինել, մեկ այլ դեպքում՝ ցուցարարները կամ երկուսն էլ, մի դեպքում միջանկյալ լուծում գտնելը կարող է հնարավոր լինել, մեկ այլ դեպքում՝ անհնար, բայց էականը սա չէ։ Էականն այն է, թե ովքե՞ր են այս կամ այն հարցում իշխանություններից դժգոհ քաղաքացիների իրական դաշնակիցները։ Իշխանություննե՞րը, թե՞ ընդդիմությունը։

Այս հարցի պատասխանը գտնելու համար պետք է ընդամենը արձանագրել հետեւյալը. իշխանություններին ձեռնտու է, որ բոլոր այդ խնդիրներին լուծում տրվի։ Մի դեպքում կարող են զիջել, մեկ այլ դեպքում՝ ավելի անհաշտ դիրքորոշում ցուցաբերել, բայց բոլոր դեպքերում՝ հարցերը կարգավորելու ցանկությունն ակնհայտ է։ Իսկ ահա քաղաքական ընդդիմության համար, հակառակը, բոլորովին ցանկալի չէ, որ այդ հարցերը լուծվեն։ Չէ՞ որ ցանկացած կառուցողական երկխոսության եւ դրական ելքի դեպքում իրենք զրկվում են պոտենցիալ աջակիցներից։ Այսինքն՝ ընդդիմությանը ձեռնտու է, որ բոլոր այդ բողոքի ակցիաներն արդյունք չտան ու մարդկանց խնդիրները չլուծվեն, որովհետեւ իրենց ոչ թե այդ խնդիրներն են հուզում, այլ սեփական քաղաքական շահերը։

Պատկերացրեք՝ ինչ-որ մեկն առողջական խնդիր ունի ու պիտի բժշկի դիմի։ Բժիշկներից մեկին ձեռնտու է հնարավորինս արագ բուժելը, իսկ մյուսի համար, հակառակը, ինչքան հիվանդի վիճակը վատանա՝ այնքան լավ։ Հասկանալի է, չէ՞, թե որ բժշկին կդիմի հիվանդը (եթե անգամ կասկածում է նրա մասնագիտական կարողությունների վրա)։ Սա պարզ իրողություն է, որը, ցավոք, դժվարությամբ է ընկալվում քարոզչական համընդհանուր թոհուբոհի մեջ։ Բայց փաստը մնում է փաստ՝ հասարակության նույնիսկ ամենադժգոհ խավերի դաշնակիցն ավելի շատ իշխանություններն են, քան ընդդիմությունը (հատկապես նախկինները)։ Որքան էլ այդ դաշնակցային հարաբերություններում կնճռոտ ու անգամ անհաղթահարելի խնդիրներ լինեն։

Տպել
1739 դիտում

Ադրբեջանական ագրեսիայի հետեւանքով սեպտեմբերի 28-ից մինչ օրս ՀՀ-ում սպանվել է 11, վիրավորվել՝ 8 անձ․ Ռ․ Վարդանյան

Եթե հանկարծակի կրկնվեց, սաղ խոցելու ենք, ջարդելու ենք. Դավիթ Տոնոյանի մոտ քննարկվել է իրավիճակը ՀՀ հարավային սահմանին

Ադրբեջանում այս պահին կա 17 հայ ռազմագերի․ Ռաֆայել Վարդանյան

Թուրք զինվորականները մեզ սովորեցրել են լեռներում մարտ վարել. ռազմագերի Էմին Բախշալիևի հարցաքննությունը (տեսանյութ)

Արցախից Հայաստան տեղափոխվածները կենսաթոշակի կամ թաղման նպաստի համար կարող են դիմել ՀՀ կառույցներին

Իմ այդ ժեստով ուզում էի խփածս գոլերը նվիրել իմ հայրենակիցներին. Տիգրան Բարսեղյան

Սերժանտը վիրավոր վիճակում, կրակահերթի տակ 50 այլ վիրավոր զինվորի է դուրս բերել, ցուցաբերել օգնություն. մերօրյա հերոսներ

Իսպանիան դիվանագիտական քայլեր ձեռնարկելու՞ է Թուրքիայի և Ադրբեջանի դեմ. սենատի անդամ Գարսիան դիմել է կառավարությանը

Թուրքիայից ժամանած բարձրաստիճան զինվորականները զորամասերում անձամբ են համակարգել մարտական պատրաստության դասընթացները

ՊՆ խոսնակը հրապարակել է հակառակորդի կողմից ՀՀ սահմանի թիրախավորման կադրեր

Ադրբեջանական հարձակումից սկսած մինչ օրս ՔԿ-ում 279 քրեական գործ է հարուցվել տարատեսակ հանցագործությունների դեպքերով

Զոհված Ալբերտ Հովհաննիսյանի հայրն իր անձնական մեքենան է նվիրաբերել բանակին. Արծրուն Հովհաննիսյան

Պիտի կռվենք, ձեր ցավը տանեմ. ուրիշ տարբերակ պարզապես չկա. Արարատ Միրզոյան

Օտարերկրյա քաղաքացիները ձեռք են բերել ՀՀ-ում զորահավաքի, տեխնիկայի, տրանսպորտային շարժի վերաբերյալ տեղեկություններ. ԱԱԾ

ՄԱԿ-ի Գլխավոր ասամբլեայի կոմիտեների, ինչպես նաև ԱԽ հաջորդ նիստերը ժամանակավորապես կլինեն հեռավար

Հրապարակվել են ադրբեջանական ագրեսիան հետ մղելիս զոհված եւս 35 զինծառայողների անուններ

ՀՀ սահմանապահ ուժերը դիմել են կանխարգելիչ գործողությունների՝ հակառակորդին պատճառելով կորուստներ. Շուշան Ստեփանյան

ՀԱԵ աշխարհասփյուռ թեմերի նվիրատվությունները կփոխանցվեն «Հայաստան» հիմնադրամին՝ հանուն Արցախի

Հակառակորդը շարունակել է կրակ վարել ՀՀ հարավային սահմանի ուղղությամբ. կան վիրավորներ. ՊՆ

Անվտանգության նկատառումներից ելնելով, Սոթք-Քարվաճառ ավտոճանապարհը փակ է