Միքայել Մինասյանի քողարկված ինքնախոստովանությունը

Վատիկանում ՀՀ նախկին դեսպան Միքայել Մինասյանը, որը առավել հայտնի է որպես Սերժ Սարգսյանի փեսա, ինքնաբուխ եւ սաստիկ սրտաշարժ մի ելույթ է ունեցել, որը տեսագրվել է սիրողական մակարդակով ու տարածվել իր նախընտրած լրատվամիջոցներից մեկով: Նա անդրադարձել մի շարք ներքաղաքական խնդիրների: Հիմնական ասելիքն այն է, որ Հայաստանում տեղի է ունեցել ոչ թե հեղափոխություն, այլ անբովանդակ փոփոխություն, նոր իշխանություններն էլ հնի շարունակությունն են եւ ոչինչ չեն փոխել, իսկ երկիրը գնում է դեպի անխուսափելի աղետ:

Փաստորեն ստացվում է, որ նորերը նախկինների «գիծը» չեն փոխել, եւ այդ «գիծը» աղետի է հանգեցնելու, այսինքն՝ նախկինները երկիրը տանում էին դեպի աղետ: Սա դեռ մի կողմ: Ակնհայտորեն քաղաքական հայտ ներկայացրած նախկին դեսպանը նաեւ իրողություններ է արձանագրում՝ առանց պատճառներն ու մեղավորներին նշելու: Օրինակ՝ հայտարարում է, թե «օդում կար հեղափոխության սպասում, դա տրանսֆորմացվեց հրաշքի սպասման, որն այսօր տրանսֆորմացվում է աղետի սպասման»: Եվ ոչ մի խոսք,  օրինակ, այն մասին, թե ինչո՞ւ էր երկրում հեղափոխության սպասում ձեւավորվել. գուցե պատճառն այն է, որ ընտրությունների միջոցով երկրում փոփոխություններ իրականացնելու ոչ մի շանս չկա՞ր, գուցե մարդիկ համոզվել էին, որ նախկին դեսպանի աներոջ ղեկավարած կուսակցությունն ընտրությունների ժամանակ «քանի տոկոս ուզում՝ խփո՞ւմ է», գուցե մարդկանց համբերության բաժակը լցրած վերջին կաթիլը եղել էր այն, որ Սերժ Սարգսյանը չէր բավարարվել նախագահական ժամկետներով եւ որոշել էր փոխել Սահմանադրությունն ու երկիրը ղեկավարել արդեն որպես վարչապե՞տ... Բայց Մինասյանն, իհարկե, այս մասին չի խոսի: Նախկին իշխանությունները, հասկանում եք, նորմալ ղեկավարում էին երկիրը, բայց հանկարծ, հենց այնպես, «օդից» հեղափոխության սպասում ձեւավորվեց:

Կամ՝ ինչպե՞ս պատահեց, որ հեղափոխության սպասումն ի վերջո վերածվեց «աղետի սպասման»: Գուցե պատճառն այն է, որ մի շարք քարոզչամիջոցներ (հանրությունն, ի դեպ, դրանք անվանում է «միշիկական», իսկ թե ում պատվին՝ հարգարժան նախկին դեսպանը երեւի տեղյակ է) հեղափոխությունից անմիջապես հետո ու առ այսօր զանազան աղետներ ու կատակլիզմնե՞ր են կանխատեսում Հայաստանի ու Արցախի համար: Սկզբում կանխատեսում էին տնտեսական աղետ ու դրամի փլուզում, հետո՝ անխուսափելի քաղաքացիական պատերազմ, հետո՝ նոր պատերազմ Արցախում եւ տարածքային կորուստներ, կապիտալի արտահոսք, արտագաղթ, տարերային աղետներ... Եվ այդպես՝ ամեն օր: Ու հիմա փաստորեն Միքայել Մինասյանն իր քարոզչամիջոցների «հաջողություններն» է արձանագրում՝ միաժամանակ այդ ամենը համարելով խիստ վնասակար պետության եւ հասարակության համար: Շատ ուշագրավ ինքնախոստովանություն է:

«Հայաստանի Հանրապետությունում կա մի խրամատ, եւ այն Հայաստանի ու Ադրբեջանի միջեւ է... Ես ամեն ինչ անելու եմ, որ այդ խրամատը լինի պինդ», հայտարարել է Միքայել Մինասյանը: Ճիշտ է արել, պարզապես միայն հայտարարելը քիչ է: Խրամատն ամուր պահելու համար անհրաժեշտ է, օրինակ, որ բանակը չկռվի 80-ականների զենքերով, զինվորները նորմալ սնունդ ու հագուստ ունենան, մարտական տեխնիկան վառելիքի խնդիրներ չունենա, եւ այլն: Հետաքրքիր է՝ ո՞ր գերագույն գլխավոր հրամանատարի օրոք է հայկական բանակն այսպիսի խնդիրներ ունեցել, եւ արդյո՞ք պրն Մինասյանն ընտանեկան ջերմ մթնոլորտում աներոջն այդպիսի հարցեր է տվել: Թե՞ չարժեր անհարմար հարցերով վտանգել սեփական բիզնեսը, որի եկամուտների մի մասով, ի դեպ, կարելի էր շատ ավելի «պինդ խրամատ» ունենալ:

Ամեն դեպքում մի հարցում Միքայել Մինասյանն իրավացի է՝ «հնի վերադարձ չկա»: Ու դա վերաբերում է նաեւ նրանց, ում հիմնական արժանիքը (անկախ այլ արժանիքների առկայությունից) «հնի» հետ բարեկամական կապերն են:

Տպել
3357 դիտում

ՀՀ ԱԳ նախարար Զոհրաբ Մնացականյանը կարճատև աշխատանքային այցով գտնվում է Մոսկվայում

Ինչպես Հադրութն ու Ֆիզուլին էին գրավել, այնպես էլ Զանգելանը. Արծրուն Հովհաննիսյանը հերքեց Բաքվի տարածած լուրը

Սաուդյան Արաբիան արգելել է թուրքական բոլոր տեսակի ապրանքների ներկրումն ու հետ է կանչում այնտեղ ապրող սաուդցիներին

ԱՄՆ-ի կոնգրեսական Գրեյս Նապոլիտանոն Կոնգրեսին է ներկայացրել Արցախի անկախության ճանաչման մասին բանաձեւ

Հովհաննիսյանը խնդրում է զերծ մնալ զանգեր կատարելուց, որպեսզի չտեղորոշվի, չվտանգվի զինծառայողի կամ ստորաբաժանման կյանքը

Կենտրոնական կողմում դիակահանության խնդիր չունենք. այսինքն, մենք որեւէ բնագիծ հետ չենք քաշվել, որ դիակ մնա. Հովհաննիսյան

Այս պահին մենք շատ բարենպաստ դիրքի ենք հասել, կարող ենք ջախջախել հակառակորդի թշնամու բանակի մնացուկները. Սուրեն Սահակյան

Արծրուն Հովհաննիսյանն անդրադարձել է 170 զինծառայողների փրկվելու մասին լուրին

Մենք երեք պետության դեմ ենք կռվում, բայց չեն հաղթելու. զենքն էլ ունենք, «դուխն» էլ ունենք. կամավոր

Արցախում Արսեն Սաֆարյանը զինակից ընկերների համար կարտոֆիլ է մաքրում (լուսանկար)

Կան Ադրբեջանի կողմից գրավված համարվող բնակավայրեր, բայց մինչև այսօր այդտեղ չկա իրենց վերահսկողուոթյունը. Հովհաննիսյան

Հայտնվել են կասկածելի լրատվական կայքեր, որոնք ապատեղեկատվություն են տարածում նաև բարձրաստիճան պաշտոնյաների մասին. ԱԱԾ

Բերքահավաք՝ հրետակոծությունների ու ԱԹՍ-ների պայթյունների տակ. Վարդենիսում կարտոֆիլի մի մասը դեռ հողում է (լուսանկարներ)

ՀՀ նախագահի հրամանագրով գնդապետ Ստեփան Գեւորգյանին շնորհվել է գեներալ-մայորի զինվորական կոչում

Լևոն Տեր-Պետրոսյանը հանդիպել է Արցախի նախկին նախագահներ Արկադի Ղուկասյանի և Բակո Սահակյանի հետ

«Հին օրերի երգը» ֆիլմի պես լիներ՝ ներկայացման պահին մեկն ու մեկդ բղավեիք՝ վերջացա՜վ․ Վերելք ներկայացումը էլ չի հետաձգվի

«Ֆոնսեկայի երեք տենորները». Մխիթարյանի ու թիմակիցների գերազանց խաղը՝ իտալական պարբերականի աչքերով

Ֆրանսիայի եւ Ռուսաստանի նախագահներն ընդգծել են կրակի դադարեցման պայմանավորվածությունների պահպանման կարևորությունը

Տեսնես` ինչքա՞ն «Բայրաքթար» ունեն. Շուշան Ստեփանյանը լուսանկարներ է հրապարակել

Թուրքը, որ մեզ քնած չկարողացավ սպանել, էլ վերջ, արդեն հայը վեր է կացել. արկակոծումները՝ ականատեսների աչքերով