Բելառուսում բազմահազարանոց ցույցերը շարունակվում են. Լուկաշենկոն կտրականապես դեմ է նոր ընտրություններին

Բելառուսի մայրաքաղաք Մինսկում եւ երկրի այլ քաղաքներում հանգստյան օրերին, ինչպես նաեւ այսօր շարունակվել են բազմահազարանոց բողոքի ցույցերը՝ նախագահական ընտրությունների արդյունքների բողոքարկման եւ ցուցարարների նկատմամբ ոստիկանական բռնությունների դեմ: Մայրաքաղաքի փողոցներ է դուրս բերվել զրահատեխնիկա, հատուկ ջոկատայինները մի քանի հարյուր ցուցարարի են բերման ենթարկել:

Մինսկում կազմակերպված քայլերթին մի քանի հազար մարդ է մասնակցել: Նրանց են միացել ընդդիմության համակարգող խորհրդի անդամներ  Մարիա Կոլեսնիկովան, Մաքսիմ Զնակը եւ Լիլիա Վլասովան:  Ուժայինները զրահատեխնիկայի օգնությամբ արգելափակել են ցուցարարների շարժը Մինսկի Անկախության հրապարակի տարբեր ուղղություններով: Այնուհետ, մի քանի հազարանոց ցուցարարների խումբը շարժվել է դեպի Անկախության պալատ, որտեղ գտնվում է Լուկաշենկոյի նստավայրը: Այնտեղ հատուկ ջոկատայինները փակել են ցուցարարների ճանապարհը, նրանց օգնության են հասել զրահափոխադրիչ մեքենաները:

Մարդիկ պալատի ցանկապատների մոտ, ասֆալտին դրել են խաղալիք մեքենաներ եւ  ուղղաթիռներ, հողաթափեր, փուչիկներ ՝ տարատեսակ մակագրություններով, պաստառներ, ծաղիկներ, ծաղիկներով պատված սեւ դագաղ եւ  մեծ ստվարաթղթե խավարասեր: Ակցիայի մասնակիցները մոմեր են վառել եւ վանկարկել  «Սաշա, փչի՛ր»:

Ընդդիմության Համակարգող խորհրդի անդամները, ովքեր եկել էին Անկախության պալատի շրջափակման մոտ, իշխանությունների ներկայացուցչին խնդրել են գալ իրենց հետ բանակցությունների, բայց ի պատասխան, անվտանգության աշխատակիցները պահանջել են, որ մարդիկ արագ հեռանան տարածքից, թեպետ ցուցարարները ցանկապատից մոտ 2 մետր հեռավորությամբ են կանգնած եղել:

Ավելի ուշ ցուցարարների հետ հանդիպման է դուրս եկել ընդհանուր հարցերով Լուկաշենկոյի օգնական Նիկոլայ Լատիշենկոն, որը հայտարարել է, որ իշխանություններն ընդդիմության հետ բանակցություններ չեն ունենա:

Լուկաշենկոյի մամուլի քարտուղար Նատալյա Էյսմոնտը, լրատվամիջոցների հարցին, թե որտեղ է այսօր եղել նախագահը, որպես պատասխան ուղարկել է Բելառուսի նախագահի լուսանկարը՝ արված Անկախության պալատի մոտ, կրկին ավտոմատը ձեռքին:

Բելառուսի ներքին գործերի նախարարությունը հաղորդել է, որ Մինսկում ընդդիմության կազմակերպած չարտոնված հանրահավաքում 140 մարդ է բերման ենթարկվել, իսկ «Весна» իրավապաշտպան կենտրոնը հայտարարել է, որ տեղեկություններ ունի  մայրաքաղաքում եւ մարզերում ձերբակալված 100 մարդու մասին:

Վաղ առավոտից Մինսկի կենտրոնում  են անվտանգության ծառայությունների աշխատակիցներ, որոնք բարիկադներ են տեղակայել: Անկախության հրապարակում կանգնած են ջրցաններ, ոստիկանական եւ շտապ օգնության տասնյակ մեքենաներ: Մինսկի մետրոյի 4 կենտրոնական կայարաններ փակ են մուտքի եւ ելքի կողմերից: Հեռախոսի ինտերնետը գործել է չափազանց թույլ, մեծ ընդհատումներով: Հեռախոսային եւ ինտերնետ հաղորդակցությունն ապահովող А1 ցանցից հայտնել են, որ իշխանությունների լիազոր ներկայացուցիչների պահանջով  օգոստոսի 30-ին Մինսկի տարածքում իջեցվել է հեռախոսային ինտերնետի արագությունը: Ավելի ուշ A1-ի կայքում հայտնվել է իրազեկում այն մասին, որ ինտերնետ ծառայությունները վերականգնվում են ամբողջությամբ:

Կիրակի կեսօրին մոտ, երբ ցուցարարները քայլերթով շարժվել են դեպի Անկախության հրապարակ, հանդիպելով հատուկ ծառայությունների արգելափակմանը, սկսել են վանկարկումներ անել, նրանց ձայնային ազդանշաններով  միացել են վարորդները, իսկ կանայք, ի նշան բողոքի, պառկել են գետնին: Հենց այդ ժամանակ է որոշում կայացվել Անկախության փողոցի փոխարեն շարժվել դեպի Պետական դրոշի հրապարակ՝ նախագահական նստավայր:

Կիրակի օրն ավելի քան 350 բելառուս  մարզիկներ  հանդես են եկել օգոստոսի 9-ին  կայացած ընտրություններն առ ոչինչ համարելու եւ նոր ընտրություններ կազմակերպելու հրապարակային պահանջով:

Նշենք, որ կիրակի օրը Բելառուսի նախագահ Ալեքսանդր Լուկաշենկոյի ծննդյան տարեդարձն է եղել, նրան շնորհավորել է ՌԴ նախագահ Վլադիմիր Պուտինը՝ շնորհավորանքի խոսքում նշելով, որ անհամբերությամբ սպասում է իրենց հանդիպմանը, որը կայանալու է մոտակա ժամանակահատվածում: ՌԴ նախագահի խոսնակ Դմիտրի Պոսկովն ասվածի կապակցությամբ հայտնել է, որ նախատեսվում է Լուկաշենկոյի այցը Մոսկվա:

Ի դեպ, շաբաթ օրը պարզ է դարձել, որ Բելառուսի ԱԳ նախարարությունը լրագրողների մի մեծ խմբի զրկել է հավատարմագրումից եւ հետեւաբար, իրադարձությունները լուսաբանելու հնարավորությունից: Այդ լրագրողների թվում են միջազգային  հեղինակավոր լրատվամիջոցների մի քանի տասնյակ ներկայացուցիչներ: 

Բելառուսում զանգվածային ցույցերը չեն դադարում օգոստոսի 9-ից, երբ երկրում ընթացած նախագահական ընտրություններում, պաշտոնական տվյալներով, ճնշող ձայներով հաղթանակ տարավ երկրի 26 տարվա անփոփոխ նախագահ Ալեքսանդր Լուկաշենկոն:  Ընդդիմությունը պնդում է, որ քվեարկությունը կեղծված է եւ պահանջում են  կրկնակի ընտրություններ: Բազմաթիվ արեւմտյան երկրներ հայտարարել են, որ չեն ճանաչում ընտրությունների արդյունքները: Անկախ փորձագետները հայտարարում են բազմաթիվ խախտումների մասին: Երկրի կենտրոնական ընտրական հանձնաժողովը մինչեւ հիմա չի հրապարակել  ընտրությունների քվեարկության արդյունքները՝ ըստ ընտրատեղամասերի:  Քվեաթերթիկների լուսանկարներից պարզ է դառնում, որ տարատեսակ քաղաքներում գրանցվել են միանման արդյունքներ, ինչը խիստ կասկածելի է:

Որոշ կազմակերպություններ հայտարարում են, որ նախագահական ընտրությունների ընթացքում ընդհանուր առմամբ ավելի քան 6800 խախտում է արձանագրվել: Նաեւ նշվում է, որ կանխատեսվող արդյունքներից գրեթե 1,5 անգամ շատ մասնակցության մասին է պաշտոնապես հայտարարվել, ինչը խիստ կասկածելի է: Ինքը Լուկաշենկոն քանիցս հայտարարել է, որ միանշանակ չեն կազմակերպվելու նոր ընտրություններ եւ լսել անգամ չի ուզում նախագահի պաշտոնը թողնելու մասին:

Տպել
1428 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը