Կարծես թե ավարտին է մոտենում ֆուտբոլային եւ ընդհանրապես մարզական ամենագեղեցիկ ու անզիջում հակամարտություններից մեկը՝ Լիոնել Մեսսի-Կրիշտիանու Ռոնալդու պայքարը: Վերջին օրերին ֆուտբոլային աշխարհն ալեկոծվել է Մեսսիի՝ «Բարսելոնայից» հեռանալու որոշման մասին հայտնի դառնալուց հետո: Իհարկե, նա չի ավարտում կարիերան, ինչպես եւ Ռոնալդուն չդադարեց խաղալ, երբ հեռացավ «Ռեալ Մադրիդից»: Արգենտինացին պարզապես պատրաստվում է փոխել ակումբային գրանցումը, ինչը «Բարսան» փորձում է թույլ չտալ: Ամեն դեպքում, Ռոնալդուի՝ Մադրիդից հեռանալուց հետո նրանց հակամարտությունը կորցրեց համն ու հոտը, իսկ Մեսսիի գնալուց հետո դրա դարաշրջանը, ըստ էության, կավարտվի, որքան էլ շարունակեն համեմատել նրանց:

Այս ամենը սկսվեց, երբ դեռ.... 2007 թ. «Միլանի» կազմում Չեմպիոնների լիգայում հաղթելուց հետո «Ոսկե գնդակը» ստացավ Կական՝ հետեւում թողնելով այս երկուսին: Հաջորդ տարվանից սկսած, ինչ Ռոնալդուն «Մանչեստեր Յունայթեդի» հետ Չեմպիոնների լիգայի գավաթակիր դառնալուց հետո նվաճեց իր առաջին «Ոսկե գնդակը», նրան ու Մեսսիին այլեւս կանգնեցնել հնարավոր չէր: Այդ ժամանակ սկսված համեմատությունները գուցե այլ ճակատագիր ստանային, եթե պորտուգալացին «Ռեալ» չտեղափոխվեր, բայց 2009-ին մադրիդյան գրանդն իրականացրեց տրանսֆերային իր գլխավոր նպատակը, եւ Մեսսին էլ այդ տարի նվաճեց իր առաջին «Ոսկե գնդակը», ու պայքարը «պաշտոնապես» սկսվեց:

«Ռեալի» ու «Բարսայի» տասնամյակների դիմակայությունը սրացրեց նաեւ այս ֆուտբոլիստների պայքարը: Մյուս կողմից նրանք էլ ավելի էին թեժացնում ակումբների մրցակցությունը: Ոխերիմ թշնամիների կազմերում նրանց հեռակա դիմակայությունը տեւեց մոտ մեկ տասնամյակ: Այդքան ժամանակ նրանք, մեկը մյուսին հերթ չտալով, գոլեր էին խփում, տիտղոսներ նվաճում՝ անհատական ու թիմային, ստիպում երկրպագուներին, լրագրողներին, ողջ ֆուտբոլային աշխարհին, նաեւ նրանց, ովքեր ֆուտբոլից գրեթե ոչինչ չեն հասկանում, վիճել, թե ով է իրենցից լավագույնը: Մինչեւ հիմա նրանք միասին 60-ից ավելի տիտղոս են նվաճել. 34-ը Մեսսին, 33-ը՝ Կրիշտիանուն: Աշխարհի ամենաշատ գոլեր խփած ֆուտբոլիստների թվում են: Երկուսն էլ 700-ից ավելի գոլ են խփել իրենց կարիերայում: Արգենտինացին «Բարսայի» պատմության լավագույն ռմբարկուն է, իսկ պորտուգալացին՝ «Ռեալի»: Նրանք Չեմպիոնների լիգայի լավագույն ռմբարկուներն են. առաջին տեղում Ռոնալդուն է (131 գոլ), 2-րդ տեղում՝ Մեսսին (115 գոլ): Մշտապես մրցակցության մեջ են նաեւ աշխատավարձի ու ոչ ֆուտբոլային գործունեությունից ստացած եկամուտների չափով:

Միաժամանակ նրանք իրենց ստվերի տակ էին թողնում եւ առայժմ նրանց ստվերի տակ են բոլոր ծագող աստղերը: Նույնիսկ Նեյմարը, որը ժամանակին թվում էր, թե կարող է դադարեցնել այդ զույգի հեգեմոնիան, չհաջողեց: Գուցե ՊՍԺ-ի նրա թիմակից Կիլիան Մբապեի մոտ հաջողվի, որը դեռ ընդամենը 21 տարեկան է ու բավական ժամանակ ունի՝ հաշվի առնելով, որ Մեսսին արդեն 33, իսկ Ռոնալդուն 35 տարեկան է, ու նրանց կարիերայի ավարտը մոտենում է: Բացի ստվերելուց՝ նրանք ուրիշներին նաեւ տիտղոսներ նվաճելու հնարավորությունից էին զրկում: Անկախ նրանից, թե ով ինչի է հասել իր ակումբի կամ հավաքականի կազմում, երբ խոսքը հասնում էր անհատական մրցանակներին, ընտրությունն այս երկուսի միջեւ էին կատարում: Միասին, օրինակ, 11 անգամ տիրացել են «Ոսկե գնդակին». 6 անգամ՝ Մեսսին, 5 անգամ՝ Ռոնալդուն: 2008 թվականից սկսած՝ 10 տարի կա՛մ նրանցից մեկն էր նվաճում այդ մրցանակը, կա՛մ՝ մյուսը: Այդ ընթացքում բազմաթիվ արժանի ֆուտբոլիստներ, որոնք նույնպես օգնում էին իրենց հավաքականներին ու ակումբներին հաղթել տարբեր մրցաշարերում, դառնալ աշխարհի, Եվրոպայի չեմպիոն, 2-րդ պլանում էին մնում: Որքա՜ն խոսվեց այն մասին, որ Չավին ու Անդրես Ինյեստան պետք է արժանանային «Ոսկե գնդակի»: Միայն 2018 թ., երբ Ռոնալդուն տեղափոխվեց «Յուվենտուս», իսկ Խորվաթիայի հավաքականն աշխարհի առաջնությունում արծաթեմեդալակիր դարձավ, թիմի առանցքային խաղացող Լուկա Մոդրիչը, որը նաեւ «Ռեալի» հետ էր լավ մրցաշրջան անցկացրել, «Ոսկե գնդակ» ստացավ: Չնայած մյուս տարի Մեսսին կրկին առաջինն էր այդ հարցում:

Իրենք՝ ֆուտբոլիստները, տարբեր կերպ էին ներկայացնում իրենց մրցակցությունը: Ռոնալդուն համարում էր, որ իրենք մեկը մյուսին ստիպում են կատարելագործվել: Մի առիթով նա բարձրաձայնել է այդ միտքը: «Կարծում եմ՝ մենք առաջ ենք մղում մեկս մյուսին, ահա, թե ինչու է մրցակցությունն այդքան սուր»,- ասել է նա հարցազրույցներից մեկում:

Արգենտինացին իր հերթին փորձում էր խուսափել ասելուց, որ մրցակցություն իսկապես կա: Նա դա հերքում էր: Մեղադրում էր լրատվամիջոցներին, որ նրանք են իրենց հրապարակումներով հորինել այդ հակամարտությունը: «Այդ ամենը լրատվամիջոցներն են, մամուլը: Ես երբեք չեմ մրցել Կրիշտիանուի դեմ»,- ասում էր նա: Ռոնալդուի՝ «Յուվե» գնալուց հետո, սակայն, արգենտինացին խոստովանեց, որ իրեն պակասում է Ռոնալդուի ներկայությունը. ««Ռեալի» դեմ հանդիպումները միշտ էլ յուրահատուկ են, սակայն ավելին էին, երբ կար Կրիշտիանուն»:

Արգենտինացին դեռ «Բարսայի» խաղացող է, ու ակումբի երկրպագուները դեռ հույս ունեն, որ նա կմնա: Բայց անգամ եթե այս ամառ չհեռանա, այդ պահը մոտենում է, ու երբ նա էլ գնա, դա ոչ միայն 2 ֆուտբոլիստների պայքարի վերջը կամ վերջի սկիզբը կլինի, այլ նաեւ ֆուտբոլում կարող են լուրջ վերաիմաստավորումներ սկսվել: Երկար տարիներ այդքան թեժ ու բովանդակալից հակամարտությունը, որը ֆուտբոլի գլխավոր զարդերից մեկն է(ր), իրենից հետո դատարկություն կթողնի, որը նորովի կլցվի: Ֆուտբոլն այլ տեսք կստանա, փոփոխություն կլինի տրամաբանության, պայքարի մեջ, մյուս ֆուտբոլիստներն ազատ շունչ կքաշեն ու ստիպված չեն լինի համեմատվել 2 հանճարների հետ: Ավելի ազատ կգործեն՝ առանց ճնշման: Ֆուտբոլային աշխարհի ներկայացուցիչներն էլ կգնահատեն նաեւ նրանց, այլ ոչ թե կանտեսեն, ինչպես տարիներ շարունակ արել են: Փոփոխություն կարող է լինել ընդհուպ մինչեւ խաղային սխեմաներում: Օրինակ՝ այդքան տարածված 4-3-3-ը հնարավոր է՝ կորցնի արդիականությունը:

Մեսսիի շուրջ ծավալվող իրադարձությունները դեռ զարգանում են: Կատալոնական մամուլը նշում է, որ ակումբի նախագահ Խոսեպ Բարտոմեուն, որի հետ լարված հարաբերությունները համարվում են Մեսսիի որոշման հիմնական պատճառներից մեկը, չի ցանկանում պատմության մեջ մնալ որպես այն նախագահը, որի օրոք Մեսսին հեռացավ: Այդ պատճառով նա պատրաստ է նույնիսկ թողնել պաշտոնը, սակայն 2 պայմանով, եթե Մեսսին հրապարակայնորեն հայտնի, որ իր գնալու պատճառը Բարտոմեուն չէ եւ վերջինիս հրաժարականից հետո համաձայնի մնալ: Ըստ կատալոնական ԶԼՄ-ների՝ սա քննարկելու համար նախագահն ուզում է հանդիպել Մեսսի հետ, սակայն ֆուտբոլիստը խուսափում է:

Մեսսիին ձեռք բերելու ամենաիրական թեկնածուն համարվում է «Մանչեստեր Սիթին»: Նշվում է, որ արգենտինացին խոսել է «քաղաքաբնակների» գլխավոր մարզիչ Պեպ Գուարդիոլայի հետ, ցանկություն հայտնել այնտեղ վերամիավորվել նրա հետ ու պայքարել տիտղոսների համար: Նրանով են հետաքրքրվում նաեւ «Ինտերը», «ՊՍԺ-ն, «Մանչեստեր Յունայթեդը»:

Վաղուց է՝ չենք տեսել Լա լիգա առանց Կրիշտիանուի ու Մեսսիի:

Տպել
1649 դիտում

Իրականացվելու է զորակոչիկների մասնագիտական ընտրություն

ԱԺ պատվիրակությունը Մադրիդում հանդիպել են հայ համայնքի ներկայացուցիչների հետ

Մեկնարկել է բասկետբոլի Հայաստանի կանանց առաջնությունը

Թալին-Մաստարա ճանապարհին ավտոմեքենան դուրս է եկել երթևեկելի հատվածից

Արագածոտն գյուղի փոքրիկ բնակիչները շուտով նոր ու հարմարավետ մանկապարտեզ հաճախելու հնարավորություն կունենան

Դոլարը, եվրոն ու ռուբլին թանկացել են․ Կենտրոնական բանկը սահմանել է նոր փոխարժեքներ

Քովիդ-19-ով պայմանավորված՝ ՀՀ տարածքում կարանտինը սահմանված է մինչև 2022 թ․-ի հունիսի 20-ը․ ճամփորդական սահմանափակումներ

Հայաստանի և Ադրբեջանի միջև վիճելի հարցերի լուծումների որոնումը շարունակում է մնալ Ռուսաստանի ուշադրության կենտրոնում

«Սև ուրբաթ»-ին գրքերի վաճառքը 3-4 անգամ ավելի է եղել. որոշ գրախանութներում զեղչերը դեռ գործում են

Ծաղկահովիտ խոշորացված համայնքի 10 բնակավայրերում արևային ֆոտովոլտային կայաններ կկառուցվեն

Հայաստանի մի քանի մարզերում ձյուն է տեղում, որոշ ավտոճանապարհներին բուք է, տեղ-տեղ՝ մերկասառույց

Անհրաժեշտ ենք համարում ՀԱՊԿ երկրների միջև ռազմական համագործակցության ձևավորումը. Հակոբ Արշակյան

«Internatiօnal IDEA» միջազգային հեղինակավոր կազմակերպությունն աջակցելու է արդարադատության նախարարությանը

Թումո կենտրոնը կտեղակայվի Կապանի կայարանի պատմական շենքում

Քամու հետևանքով վնասվել են տանիքներ, տանիքներում տեղադրած արևային ջրատաքացուցիչներ, ավտոմեքենաներ․ ԱԻՆ (լուսանկարներ)

Կայացել է Ազգային ժողովի կարողությունների ուժեղացմանն ուղղված Թվինինգ ծրագրի հանրային իրազեկման միջոցառումը

Կառավարության մոտեցումն ու ձեռագիրը գյուղական համայնքների զարգացումն ապահովելն է. Շիրակի մարզպետն այցելել է Կամո

Անցկացվել է վաշտային մարտավարական զորավարժություն

Հնարավոր եմ համարում ԵՄ-ում պարտադիր պատվաստումների հարցի քննարկումը. Եվրոպական հանձնաժողովի նախագահ

Աշոցքում ձյան առատ տեղումները ուղեկցվում են որոտով և կայծակով․ Գագիկ Սուրենյանը տեսանյութ է հրապարակել

Նիկոլ Փաշինյանն իր դիրքը նշմարել էր մինչ Սոչիի հանդիպումը, միջանցքի հարց հայկական կողմը չի քննարկում. քաղաքագետ

ՀՀ-ում կան փակ ավտոճանապարհներ. Ջաջուռի ոլորաններում ձնաբուք է

Զորամասերի նվագախմբերի, ԶՈՒ երգի, պարի համույթի համալրման նպատակով ՊՆ-ն հայտարարում է զորակոչիկների լսումներ և դիտումներ

ԿԳՄՍՆ-ում ստորագրվել է Էջմիածնի քաղաքապետարանի թիվ 13 մանկապարտեզի վերանորոգման համար դրամաշնորհային ծրագրիը

Հղիները «Քովիդ-19»-ի ծանր ընթացքի զարգացման և բարդությունների առաջացման ռիսկի խմբում են. առողջապահության նախարարություն

Միրզոյանը և Բայրամովը վաղը կհանդիպեն Շվեդիայում․ Եվրախորհրդարանում հայտարարել է Լյուկ Դիվինը

Կասեցվել են Կոտայքի մարզի Աղավնաձոր գյուղի վարչական ղեկավարի լիազորությունները

Կաշառք ստանալու համար մեղադրանք է առաջադրվել ՃՈ տեսուչին և նրան օժանդակած անձին․ խափանման միջոց է ընտրվել կալանավորումը

Փրկարարները Հրազդան գետից դուրս են բերել քաղաքացու դի

UNITY՝ «Շնորհավո՜ր Նոր Տարիֆ». UCOM-ը հանդես է եկել բոլոր ժամանակների իր լավագույն առաջարկով (տեսանյութեր)

Ապօրինի հատված ծառեր տեղափոխելու և իրավապահների նկատմամբ բռնություն գործադրելու կասկածով 3 անձ է ձերբակալվել. ՔԿ

«Քաղաքացիական պայմանագիր» կուսակցությունը Գյումրիում դե ֆակտո չի պարտվել. Հարությունյան

Նախագահը հյուրընկալել է արցախյան վերջին պատերազմում հերոսաբար զոհված զինծառայող, «Արցախի հերոս» Ալեն Մարգարյանի մորը

Կո՞ղմ են քաղաքացիները գլխավոր տոնածառի տեղադրմանը, թե՞ ոչ. (տեսանյութ)

Հայ Փոստը և Լատվիայի փոստը սկսում են նոր համագործակցություն

Վաղվանից չպատվաստված աշխատողները 7 օրը մեկ պետք է ներկայացնեն ՊՇՌ թեստի բացասական պատասխան

«Արարատցեմենտ»-ի արտադրամասում աշխատակիցն արգելափակվել է հումք տեղափոխող գլանակի արանքում և մահացել

Ստաֆիլակոկ հավի մսով և գազարով խճողակում. հայտնի են «Տաթև» կրթահամալիրի լաբորատոր փորձաքննության արդյունքները

Հաղորդակցության միջոցներն Արցախում գործում են խափանումներով, որոշ համայնքներում ընդհանրապես բացակայում է. ԱՀ ՄԻՊ

Մարգարա-Վանաձոր-Տաշիր-Վրաստանի սահման ավտոճանապարհի Գոգավան-Ստեփանավան հատվածը դժվարանցանելի է բեռնատարների համար