IDBank -ում համավարակի ընթացքում աշխատանքն ընթանում է ամբողջ թափով

05/08/2020 schedule15:18

Համավարակը տարբեր կազմակերպություններում աշխատանքների, պարտականությունների և ռեսուրսների վերադասավորման պատճառ դարձավ։ IDBank-ի մարդկային ռեսուրսների կառավարման վարչության ղեկավար Սոնա Մանուչարյանը պատմում է նոր իրականությունում աշխատանքների կազմակերպման մասին։

Արդեն 5 ամիս է՝ մեր երկրի կազմակերպությունները մեծ մասամբ աշխատում են հեռավար։ Ի՞նչ դժվարություններ է ստեղծում հեռավար աշխատանքն ու որո՞նք են դրա առավելությունները։

Արտակարգ դրության հայտարարումից ի վեր IDBank-ն իրականացրեց աշխատանքների վերակազմակերպում․ ընդամենը մի քանի օրում մեր աշխատակիցների 50%-ից ավելին ապահովվեց հեռավար աշխատանքի համար անհրաժեշտ տեխնիկական աջակցությամբ, և պետք է ասեմ, որ անցումն այնքան սահուն կատարվեց, որ որևէ բարդություն չառաջացավ։ Արդեն շուրջ 5 ամիս է՝ աշխատում ենք հեռավար, և ուրախությամբ կփաստեմ, որ աշխատանքային որևէ գործընթաց կանգ չի առել, Բանկի համար ռազմավարական բազմաթիվ նախագծեր են մեկնարկել, ավելին՝ անհրաժեշտության դեպքում մենք լիարժեք ապահովել ենք կորոնավիրուսով վարակված կամ ինքնամեկուսացած աշխատակիցների փոխարինելիությունը։

Բանկից աշխատող աշխատակիցներն ապահովվել են բոլոր անհրաժեշտ պարագաներով՝ հնարավորինս պաշտպանված լինելու համար։

Ցավոք, ինչպես ամենուրեք, մեզ մոտ նույնպես եղել են վարակման դեպքեր, սակայն հիվանդության դեպքում աշխատակիցները վճարվել են այնպես, ինչպես կվճարվեին աշխատանքի ներկայանալու պարագայում, ինքնամեկուսացման դեպքում ևս աշխատակիցները ֆինանսապես չեն տուժել։ Ավելին, ինչպես գիտեք՝ հուլիսի 1-ից փոփոխվել է Կուտակային կենսաթոշակների մասին ՀՀ օրենքով սահմանված սոցիալական վճարների հաշվարկման կարգը, և Բանկը որոշեց փոխհատուցել աշխատակիցներին սոց․ վճարների գումարները․ այսինքն՝ նրանց փոխարեն կուտակային կենսաթոշակային հատկացումների նոր դրույքաչափերով սահմանված գումարները կվճարի Բանկը, և մեր աշխատակիցներն այս դեպքում ևս ֆինանսապես չեն տուժի։

Որևէ աշխատակից չի մատնվել  պարապուրդի։ Բանկում կրճատումներ նույնպես չենք ունեցել, իսկ հոսունությունը պահպանվել է 3%-ի շրջանակում։ Սա հրաշալի ցուցանիշ է և վկայում է այն մասին, որ աշխատակիցներն իրենց զգում են իրենց ափսեի մեջ, իսկ գործատուն նրանց հոգեբանական, ֆինանսական վստահություն է տալիս։ 

 

Այնուամենայնիվ, հեռավար աշխատանքը կարող է նաև դժվարություններ առաջացնել․ IDBank-ում ինչպե՞ս են լուծվում նմանատիպ խնդիրները, եթե այդպիսիք կան։

Ինչպես արդեն նշեցի, արդեն շուրջ 5 ամիս է՝ հեռավար ենք աշխատում․ գիտեք, եթե դա լիներ 1-2 շաբաթ կամ թեկուզ ամիս, ապա գնահատել հեռավար աշխատանքի անցկացումը թե՛ աշխատակցի, թե՛ գործատուի տեսանկյունից բավականին բարդ կլիներ։ Բայց 5 ամիսն արդեն բավարար ժամանակահատված է՝ ընկալելու մեր նոր աշխատանքային պայմաններն ու գնահատելու դրա արդյունավետությունը։  Քանի որ Մարդկային ռեսուրսների կառավարման վարչությունը պատասխանատու է նաև կազմակերպության հոգեբանական կլիմայի համար, վերջերս հարցում իրականացրեցինք աշխատակիցների շրջանում և պարզեցինք, որ  նրանց հիմնական մտահոգությունը հեռավար աշխատանքից կապված է շփման պակասի հետ․ շատերը նշում էին, որ հաշվի առնելով մեր թիմում «առկա» աշխատանքի դրական կողմերը, ջերմ մթնոլորտն ու ակտիվ աշխատանքային կյանքը՝ իսկապես կարոտել են գործընկերներին։ Այնպես որ՝ այս պահին մենք աշխատում ենք այնպիսի մեխանիզմների ներդրման վրա, որոնք հնարավորություն կտան կազմակերպել աշխատակիցների միջև հեռավար հանդիպումներ, միջոցառումներ՝ գոնե մասամբ շփման պակասը լրացնելու համար, մինչև կրկին հնարավորություն կունենանք մեծ թիմային միջոցառումներ կազմակերպելու համար։ Չնայած՝ պետք է նշեմ նաև, որ մենք անգամ հեռավար աշխատանքի ընթացքում չենք մոռանում նշել մեր աշխատակիցների ծննդյան տարեդարձները, մեր աշխատակիցների հաջողություններն ու առաջխաղացումները, իսկ  հունիսի 1-ին մեր աշխատակիցների երեխաներին, ինչպես միշտ, ուրախացրինք նվերներով ու անակնկալներով, այսինքն՝ որպես գործատու անում ենք ամեն ինչ՝ աշխատանքային բոլոր «ուրախությունները» պահպանելու համար։

Միևնույն ժամանակ՝ ի պատիվ մեր աշխատակիցների պետք է նշեմ, որ աշխատանքային շփումներում որևէ թերացում չենք ունեցել․ բոլոր հանդիպումներն ու աշխատանքային քննարկումներն իրականացվում են  առցանց, շարունակում ենք կյանքի կոչել ծրագրված  նախագծերը, և կարծիք կա, որ հեռավար աշխատանքը նույնիսկ հնարավորություն տվեց ի կատար ածել ավելի շատ ծրագրեր՝ հաշվի առնելով ճկուն աշխատանքային ժամերը։

Խոսենք նախագծերի մասին․ ի՞նչ նորություններ ունեք այս պահին։

Արդեն բազմիցս նշել ենք, որ Բանկը կրթական նախաձեռնություններով է հանդես գալիս, իսկ բարձր կուրսերի ուսանողներն անընդհատ հարցնում են, թե երբ է մեկնարկելու «Կառուցիր կարիերադ IDBank-ի հետ» ծրագրի նոր փուլը, քանի որ արդեն ունեն շատ ընկերներ, ովքեր հենց այդ ծրագրով այսօր արդեն հանդիսանում են IDBank-ի թիմի անդամ։ Ուրախությամբ պետք է նշեմ, որ անկախ արտակարգ դրությունից, մենք արդեն իսկ մեկնարկել ենք հերթական փուլը։ Պահպանելով հակահամաճարակային բոլոր կանոնները, սահմանելով հերթափոխ և ուսուցման համար նպաստավոր պայմաններ, այս պահին «Կառուցիր կարիերադ IDBank-ի հետ» ծրագրի շրջանակում 11 ուսանող անցնում է գործնական փուլը Բանկի տարբեր մասնաճյուղերում և շուտով կսկսի նաև տեսական դասընթացների փուլը կրկին հեռավար կերպով: Ուսուցումն ավարտելուց հետո լավ արդյունքների դեպքում փաստացի աշխատանքային փորձ չունեցող ուսանողները կմիանան մեր մեծ թիմին, որը ի դեպ, համավարակի ամիսների ընթացքում համալրվել է 40-ից ավելի աշխատակցով, քանի որ մենք շարունակում ենք ընդլայնման, թվայնացման, ավտոմատացման գործընթացները։ Մեր մշակույթում ավելացավ նաև հեռավար կերպով աշխատակիցների ներգրավումը, փաստացի ունենք աշխատակիցներ, որ մեզ հետ աշխատանքը սկսել են հեռավար։

 

IDBank-ը գնալով ընդլայնում է թվային ծառայությունների ցանկն․ իսկ ի՞նչ փուլում են ներքին թվայնացման գործընթացները։  

Այո, IDBank-ը հայտնի է որպես նորարար, թվային բանկ, և մենք համոզված ենք, որ թվայնացում պետք է իրականացնել ոչ միայն հաճախորդների, այլ նաև աշխատակիցների համար։ Այդ գործընթացը ենթադրում է ավարտին հասցնել միջազգային ստանդարտներին համապատասխանող աշխատանքային պորտալի ստեղծման աշխատանքները։ Աշխատանքային պորտալը հնարավորություն կտա մեր աշխատակիցներին տեղեկանալ բոլոր նորություններին, Բանկում կատարվող իրադարձություններին, այստեղ մատչելի կերպով ներկայացված կլինեն նաև բանկային պրոդուկտները և բոլոր այն իրավական ակտերը, որոնք հարկավոր են աշխատանքի ընթացքում։ Մեր աշխատակիցների համար կգործեն բլոգեր, վլոգեր և շատ այլ հետաքրքրիր ենթաբաժիններ, որոնք կլրացնեն նրանց առօրյան։ Սա մեծ հաշվով, նաև կլուծի աշխատակիցների կողմից հարցման մեջ նշված սոցիալական շփման բացը, քանի որ հիասքանչ հնարավորություն կտա կիսվել տարբեր աշխատանքային և անձնական թեմաների շուրջ իրենց մտորումներով մեկ հարթակում։

Կարևորելով աշխատակիցների զարգացումն ու վերապատրաստումը՝ աշխատանքներ են տարվում Բանկի ուսումնական կենտրոնի ստեղծման ուղղությամբ, որը նաև ունենալու է առցանց տարբերակ։ Առցանց պորտալի շնորհիվ աշխատակիցները հնարավորություն կունենան վերապատրաստվել ոչ միայն բանկում, այլ նաև առցանց հարթակի միջոցով։ Սա, կարծում եմ, տվյալ ժամանակաշրջանում հիանալի գործիք կլինի աշխատակիցների մշտական զարգացման համար՝ հնարավորություն տալով պարտադիր և մասնագիտական աճին ու զարգացմանն ուղղված դասընթացները գտնել մեկ հարկի տակ և ուսումնական պրոցեսն անցնել իրենց հարմար ժամի։

Թվայնացվում են նաև մարդկային ռեսուրսների կառավարման վարչության այլ գործիքակազմեր՝ ներառյալ ներգրավման և գործավարության մի շարք բաղադրիչներ, որոնք էապես կազդեն աշխատանքի  արդյունավետության վրա և կխնայեն ժամանակ և ռեսուրսներ։                                                                                                                                                                                                       

Վերադառնանք համավարակին, ավելի ճիշտ՝ դրա թելադրած պայմաններին։ Որպես ՄՌԿ վարչության ղեկավար ի՞նչ կարևոր հատկանիշներ կառանձնացնեք․ ի՞նչ պահանջների պետք է բավարարի աշխատակիցը՝ հեռավար աշխատանք կատարելու համար։ Ի՞նչ սկզբունքներով եք ընտրում Ձեր նոր աշխատակիցներին, արդյո՞ք փոխվել են HR մոտեցումները։            

Համավարակի մեկնարկի ժամանակ մեր կայքում նյութ տեղադրեցինք, որով 10 խորհուրդ էինք տալիս մեր թեկնածուներին հեռավար հարցազրույցին պատրաստվելու համար։ Պոտենցիալ գործատուի հետ հանդիպման առաջին տպավորությունն ամենակարևորն է, հատկապես հեռավարի դեպքում ավելի է պարտավորեցնում, քանի որ դեռևս մեր հասարակության համար այն շարունակում է մնալ առավել նորարար մոտեցում։ Խորհուրդների շարքին էր դասվում ամենակարևոր նախապայմանը՝ պատրաստվել հարցազրույցին՝ իմանալ գործատուի մասին, հստակ հասկանալ հաստիքից ակնկալվող մասնագիտական որակները և կարողանալ լավ ներկայացնել ձեռքբերումներն ու փորձը։ Իհարկե, հեռավար հարցազրույցի դեպքում պետք է նաև վստահ լինել տեխնիկական կողմի հագեցվածության վրա, որպեսզի հանդիպումը սահուն լինի։

Հեռավար աշխատանքն այսքան տարածում չուներ մեր երկրում նախկինում, և որպես գործատու մենք քաջ գիտակցում ենք, որ այս մոդելին վարժվելու համար ժամանակ և նոր հմտություններ են պետք և՛ աշխատակիցներին, և՛ ղեկավարներին։ Կարևոր է ունենալ աշխատանքային ռեժիմ, որպեսզի աշխատակիցը, նույնիսկ տանից աշխատելու դեպքում, հստակ կարողանա տարանջատել և կազմել աշխատանք և ընտանիք/անձնական կյանք բալանսը։

Կարևոր նախապայման է աշխատանքի հանդեպ ցուցաբերել  նույն մոտեցումը , ճիշտ կերպով գործընկերների հետ կապեր ստեղծել և պահպանել անձնական և աշխատանքային հարաբերությունները, պատրաստ լինել ճկունության և ամենակարևորը՝ կենտրոնանալ աշխատանքի արդյունքների և հաջողությունների վրա։

 

Տպել
6833 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ